第三代肥仔小食店

營業中

休息中

當去過台灣夜巿, 就會極極極痛恨點解香港連一個有小食嘅夜市都做唔到!咩咩新年整D什麼什麼橋底小食, 被傳媒吹到上天嘅什麼什麼太安樓, 渾水摸魚難食嘅多!幫襯第三代肥仔哩種痛恨感覺又走翻出黎!上次幫襯無運, 好多選擇都已經沽清, 今次有運, 選擇有齊哂, 點咩有咩! Happy!點咗大路野墨魚, 豬脷, 雞腎, 最特別係生腸有分大細腸, 記憶中以前得細腸選擇咋.經驗話我知, 好多時食大腸墨魚口感係超韌,我只食墨魚, 大腸同細腸, 每一款都爽口唔韌, 爽口感覺強烈，質素唔差得過旺角該店！另外一讚係芥抹醬, 味道香濃有辣味但適中.佢已經成為我去厚福街必食小店, 排隊人數唔係太多, 絕對好過係旺角排餐飽!

好朋友係台灣返左黎，一於要同佢掃下街。因為晚飯地點係尖沙咀唔係旺角，所以食住肥仔頂住癮先。收工時間黎到，都有小小人龍，但都不及旺角咁多人排隊。等左唔使5分鐘就到我叫野食。一如以往叫左個黃牌，墨魚生腸雞腎，再加朋友好喜愛既豬脷。佢既豉油就必定要既，另外佢會問你係咪甜醬芥辣都要。食得港式滷水野就一定全部都要架啦! 但唔太嗜辣既朋友要留意，佢既芥辣都幾堅，如果唔太食得到就要叫佢輕手d。豬脷我第一次試，切得大小剛好。因為唔會見到係整條脷，食落會較安心。夠淋同埋切走晒脷既邊皮，所以無渣幾好

在尖沙咀跟朋友行街，經過厚福街，看見這間滷味店不是十分很多人，因此前去一試。這家小食店有很多不同部位的滷味選擇，跟旺角的那一家很相似，不知道是否是同一集團。有很多不同的套餐，但其實跟散叫的售價是一樣的。所以可以根據自己的喜好自由配搭。由於是下午茶的時間，所以人流不算太多。值得一提的是，餐廳不供應紙張。

聽講呢間係旺角肥姐的親戚開，所以個秘方係跟肥姐～今次黎到尖沙咀一於試試佢！一去到無肥姐長長的人龍，但都有不少人排隊嘅，多數人買完就會去旁邊立食。凍櫃排好哂不同食物嘅種類，款式同價錢都同肥姐差唔多都係大墨魚、火雞腎、豬心、豬耳、豬脷、豬潤、豬頭肉、紅腸、鳳爪、大生腸同小生腸。大墨魚 - $13彈牙得黎唔韌，鮮甜！非常爽口！材料好新鮮，真心推介！紅腸 - $8紅腸大大份好抵食呀！原本個滷水汁已經好入味，配埋甜醬同芥末醬夠哂惹味！雖然份量好似細過旺角肥姐，但價格都合理，而且感覺比「肥姐」衛生聽到好多人都係叫皇牌套餐，下次餓d可以試埋呢～

去光榮冰室食煲仔飯途中，見到哩間小食店，唔似旺角肥媽咁多人排隊喎，即刻幫襯吓先！首先我未食過旺角肥媽，唔知肥媽有幾好食，亦都唔值得我去肥媽食D小食排餐死！其實..... 我食過一間比肥媽更好食嘅小食，又唔洗排隊，邊間？唔講得唔得呀！唔想又爆場囉！香港政府好失敗，好似台灣整個夜市，賣哩D小食，好難咩？講翻第三代肥仔，我點咗火雞腎，墨魚，生腸同豬頭肉，好彩想食嘅都買到，佢地差不多收爐，提供小食不多.生腸出色，比豬頭肉爽口，彈牙唔韌，滿意，另外好易煮得過火過韌嘅墨魚都好彈牙，係另一款值得推介嘅小食.哩類染至橙色嘅小食，落哂甜醬介末醬係常識吧！

如果要數香港特色食物，魚蛋，燒味，雞蛋仔，鹵水等肯定少不了，但似乎唯獨一串串嘅鹵水小食是在香港先有的。其他魚蛋，燒味，雞蛋仔等早已推廣至整個大中華地區。只剩下鹵水小食還留在香港。鹵水小食呢個肥仔好似都相當出名，聲稱叫第三代，可能指佢自己嘅鹵水汁有相當時間，更加香濃，還加了點叫傳承、曆史的調味料。之所以少有被外地模仿可能因為用料，很重要一部分用料以內臟為主，可能需要以較複雜的方式處理，而小食店一般多為小本經營，以簡單加工為主，工序繁複自然無人去複製。這裡價格亦合理，我們點了34蚊的大皇牌套餐，雖然份量唔算多，但在尖沙咀，而且食落d材料都唔錯，幾可口，味道也不錯。大皇牌套餐，有魷魚，生腸，火雞腎。可能有人不清楚生腸其實就是母豬輸卵管。會加上甜醬和黃芥末醬，黃芥末使到成份野好惹味。總括嚟講，除非不食動物內臟，不用排隊，輕微有點餓或者口痕痕想食d小食嘅情況，非常推薦。如果是外地遊客嚟到香港排隊亦值得一試，因為這可能是香港獨有的味道。

朋友介紹原來尖沙嘴厚福街有間肥仔小食店，話佢哋嘅秘方係跟足旺角肥媽小食店嘅，所以今次嚟潮聖下，試吓係咪真係同樣咁好味！一去到.....係冇人排隊嘅🤡店內只見位一啲都唔肥嘅男士工作緊😆即係order兩串大墨魚同一串細生腸試下先！🦑大墨魚：彈牙！鮮甜！但比旺角肥姐既淋身，少咗個份爽脆嘅口感！但總算入味嘅！🐷細生腸：都爽脆入味既，不過份量就好似比旺角少咗啲😌總結：我發現呢種滷水食物配埋甜醬同黃戒辣真係幾無敵！雖然尖沙咀肥仔好似真係冇旺角肥姐咁好味，不過如果去開尖沙咀又口痕想食嘅話，都係一個唔錯嘅選擇！

街頭滷水串可以說是本土滋味，當中最出名的，有旺角「肥姐」，價錢係唔平，不過好食，所以即使設有最低消費，檔口經常大排長龍，我路過口痕時也會整返串。 肥姐也有後人，親戚「肥仔」帶著家傳滷水秘方，從旺角殺到尖沙咀，開業幾年，連續3年得到米芝蓮街頭美食推介。成績更勝「肥姐」，雖然有些爭議，始終都算青出於藍。 尖沙咀「肥仔」門前一樣有人龍，「肥」字一門的名號，加上米芝蓮的名氣，係吸引到不少人慕名而至。 定價算合理，約 $7 至 $12 一串。若要一次過吃盡三寶，最平是點「皇牌套餐」$26，有大墨魚 $12、生腸 $12和火雞腎 $7，牌面價$31。是綑綁式銷售策略吧？！平了 $5 已經相當八五折。 生腸、墨魚爽彈，雞腎好嚼頭，各有千秋。我一定要加甜醬和芥末，芥末的刺激感覺痺到上腦，過癮又好食。若硬要比較的話，我覺得「肥姐」的滷水較香，個人也較喜歡「肥姐」的出品。 「肥仔」的食物、陳設、舖面乾淨，值讚。乾淨是做滷水檔的一大條件，主因為食材本身是內臟，清潔無臭是相當重要啦。(可能會令你不再想吃生腸，不介意的可以接著看 . . . . . . . 其實生腸是豬的輸卵管和子宮） 肥仔

以往出開旺角掃街，總會心癢癢幫襯肥姐， 今日去尖沙咀，就去幫襯肥仔，反正都喺出自同一家族，食嘅嘢又一樣已經有一段日子無嚟肥仔度食雞腎墨魚，記得呢度排隊人龍無咁長，旁邊有張長枱比人立食，今日去發現長枱巳不見了叫完野食一個二個都企喺旁邊/街外食，掃街預咗喺咁，大家仲食得好開懷添呢度以街頭衛生程度嚟講似乎比旺角街頭好啲，至少唔會見到好多一滴二滴嘅醬汁喺地下今次無叫皇牌套餐，柯打咗兩寸火雞 同墨魚味道依舊爽口好味，甜醬今次比少咗，反而芥末醬多啲，好攻鼻呀至於服務態度，仍是相當麻麻

又一個夜晚，係尖沙咀行下街 遊蕩下等待肚餓之際，行到呢條野食街見到呢間「肥仔」：咦 唔係叫肥姐咩？就係咁樣，無意之間就認識咗呢間原來都幾出名既「肥仔」umm..都唔少人排隊架，仲見到佢既細生腸大約8點已經賣晒！心諗 唔通佢都大有來頭？去試啦！買咗佢既大皇牌套餐，其實佢啲組合都大同小異，而佢套唔套餐都係買多平多既概念，目測啲野食都幾新鮮架喎！佢既大皇牌套餐有大生腸、大墨魚、火雞腎（$34），好明顯就真係套餐係抵食啲既，吃貨都可以參考下下圖 食落口，大致上都係好爽口，好味道！生腸同墨魚都唔會太韌而覺得好難咬，反之係好爽口，再加上不能缺少既甜醬同芥末醬，直頭係人間街頭美美美食雖然小食店經營既「第三代肥仔」未能提供座位比吃貨們，但我實在係好欣賞佢唔會下下都當外賣咁做生意 唔會為快而用即棄用具，而係用自己碟，要比一個，環保！

其實之前係呢頭返工，都想食佢地既大皇牌套餐雖然我個人唔好內臟既野但好耐之前食過一次我覺得佢地既醬汁真係好好味所以再同朋友黎分享呢個大皇牌套餐~!<3望入去，其實唔會覺得有陣味仲好伍理，而且係口門附近都feel到入既既冷氣有幾凍所以唔洗驚變壞 / 有陣味好喇，講下主角先火雞腎，出奇地好味我地火雞既Concept係好鞋十十但佢個火雞腎係好爽口至於另外果兩串睇落係基本野食落口又係爽口又彈牙而且佢地既醬料一D都唔渣流tan好味~!

同D friend行開呢頭，見到肥姐小食店分店（苣仔仔開噶舖頭）「第三代肥仔小食店」。抱著既然一場來到，湊個熱鬧幫襯下支持下咁囉，現場幾多人排隊 第一次幫襯就見到肥仔本尊了 肥仔來講算幾靚仔㗎了「抱歉我有肥仔控」好興奮咁買佐兩個皇牌餐26/份帶著期待美味➕一份內心小激動 📸點知...當我將食品擺落口食佐𠵆之後..唉～瀨嘢了 瞬間覺得：都唔係嗰隻味噶無對比就真係無傷囉，肥姐完勝肥仔！叫我d 朋友幫手食緊d 苣地試佐一塊，好唔俾面但又講佐句真心話：好難食..「其實我本來一心想支持下 點知出品真的不盡人意」最後我請佐垃圾桶食💔既心痛又浪費...充滿失望感的泰莉👧🏼🖊2017.12

「肥仔」一早已經是米芝蓮推介的街頭小食，果真名不虛傳。皇牌套餐($26) – 生腸丶火雞腎丶大墨魚其實套餐是沒有比單售划算，就是三串的價錢，應該是嚴選人氣最高的三款。生腸爽脆可口，沒有絲毫異味。大墨魚亦是口感十足，煙韌彈牙，但略偏淡口。火雞腎就不過不失，一點都不會過乾過韌。鼓油意外地清鮮，與普遍帶甜油膩的口味是兩碼子的事，但質地水感，掛不上串肉，我絕對不建議加甜醬/芥末，清雅的感覺會比較突出。做到第三代是有原因的!!!!

香港貴為人所皆知的美食天堂，當然唔怕行下街會肚餓啦。在等食晚飯的期間，突然肚子餓，在尖沙咀的食街「厚福街」的街角，是人氣爆燈的第三代肥仔小食店。我男朋友點樣一串大墨魚和豬潤，大黑魚口感非凡，好爽口，加上特製的滷水汁，配上甜醬及芥辣，好有街頭風味。而豬潤烹調程度個好，又不太粉，口感十足。所以，如果去開旺角登打士街的肥姐小食店，見到長長的人龍，都會卻步的時候，你可以來到尖沙咀這一間都有肥姐咁上下水準的小食店，一試滷味的風采。

中午食飯經過厚福街，見到有個第三代肥仔小食店，係肥姐既親戚開既，加上無咩人排隊，買幾串食下先一串串滷味好整齊排列套餐和散叫係一樣價2017年米芝蓮推介過既小食叫左個大墨魚，細生腸和豬耳。墨魚雖然幾厚身，但好淋，唔夠爽口，而生腸食落口有少少異味，可能洗得唔乾淨我個人始終比較鐘意食肥姐，雖然排長龍，但好味好多