笑左衛門 (已結業)

吹水之友推舉之下，到了這間日式食店。店子小小，不易找，幸約了吹水一員同到。慶幸今次人多，還可以一次過多試一些呢……😄先來的有刺身和壽司，海鮮夠鮮香；壽司當中龍蝦沙律及日式芥末八爪魚壽司香滑兼備，最受歡迎。吹水之友大力推介這裡的燒物；吃好的真的需時，等的時間不短，因為都是即叫即燒的。羊架的肉質很嫩，沒有羊膻味。雞翼極香，牛舌很爽。最正的是一口蕃薯，甜甜的一口一粒，比起燒肉更受歡迎！繼刺身、壽司、燒物之後，席間有人再點了天婦羅。蝦相當大隻，蝦肉夠彈，不算太油；只是炸漿略嫌厚了一些。後來追加的鰻魚壽司則太乾身，欠了鰻魚的油潤。綜合整件事，眾人一力推舉燒物！

2小口出街前黎左呢間日本餐廳食LUNCH, 經過就經過得多,假日多數都比較多人, 今日見冇人排隊就衝左入去鰻魚丼評分: 3/5假日關係所以冇套餐, 只有單點, 價錢都屬高價, 要9X蚊鰻魚唔算大條, 汁都唔係好多, 鰻魚口感食落比較煙un, 唔似平時食開既鰻魚咁林飯都幾多不過採用既珍珠米唔算太香, 整體一般

原先想食嗰間漢堡餐廳太多人等位了，所以就嚟咗附近呢間日本餐廳。假期沒有午市套餐除咗原有一大本既散吃餐牌之外就只有呢張餐牌。壽喜燒 $72牛肉片好新鮮，食落好有牛香味湯底帶甜，入面仲有豆腐菇類同有少量嘅薯粉，加入咗雞蛋之後令到個湯多左份滑溜既感覺，但食太多會覺得湯同入面所有食材都好甜，整體而言只屬一般。鰻魚丼 $88鰻魚唔算太大條蛋但都算厚身，食落口感比平時既急凍鰻魚煙un，唔似一般既來貨。鰻魚汁唔算多，撈唔到太多飯。桃味梳打（單點）味道唔會太過甜，飲落口會飲得出淡淡的桃香味但價錢有啲偏貴。另外因為室內冷氣好弱，男友太熱所以用左上圖既對menu 當扇潑冷，入面有個女員工見狀（冇5秒）就衝過黎好冇禮貌咁講：先生，唔用個menu 我就收咗佢！ 嚇到我男朋友即刻俾返個Menu佢，我見住佢放返好個Menu仲要望一望我男朋友，真係好冇禮貌，態度使唔使咁！ 呢啲服務態度唔該真係改一改佢。。。態度太惡劣，真係唔會再有機會再幫襯！

好耐無黎幫襯，未食過佢既拉麵，就黎一個豚肉三重奏拉麵，加左個蕃茄胡麻沙律！胡麻沙律﹕蕃茄脹卜卜尚可，但係沙律菜唔係好得，有好多黃晒，唔新鮮！比面個麻醬，食晒…豚肉三重奏拉麵﹕有叉燒、肋骨、豬軟骨。蕃茄湯都算濃，就係甜左少少。叉燒夠厚身，但係無味道，肋骨乾身，豬軟骨既軟骨未蚊淋，硬硬地唔合格！拉麵好淋身，無口感……簡單講，沙律佢靠個現成醬、食材唔新鮮，拉麵好似公仔麵，靠個湯，豬肉份量夠多但無質素！佢d 燒物比較穩陣…

「笑左衛門」在土瓜灣其實都開了一段時間，今天都是第一次來食lunch，星期一至五都設有午餐套餐，有烏冬套餐、刺身壽司套餐、咖哩飯套餐或有一些照燒雞扒飯之類等等....價錢方面$48起至$70，另加$5可以有凍、熱飲、汽水或味噌湯，另加$8可以有三文魚壽司、炸餃子、免治雞肉串、野菜沙律、吉列炸蝦或雞軟骨等.....最後我選擇了鰹魚湯底豬軟骨烏冬($50)，再另加8蚊要兩件三文魚壽司，午市時不用收加一都幾抵食。另加$8點了一客三文魚壽司，三文魚刺身都好新鮮有光澤，魚身柔嫩，米飯不會太鬆散，都有不錯口感，米飯帶有粘性，不過再多點醋香更好。這一碗烏冬真是非常豐富大碗，配料有粟米、半隻半熟溫泉蛋、日本魚蛋、海苔及蔥花，先講下配料，半隻半熟溫泉蛋的蛋黃都有少少半流心的效果，香軟富蛋香，教人一試傾心。溫當中主角豬軟骨炆得夠腍入味，而且都做到骨肉分離，咬下肉質鬆化入味，烏冬都沒有煮得過腍，彈牙煙韌又香滑，配上清清地的鰹魚湯底，清甜美味又不會太濃郁。服務都好熱誠有效率，當我入座安定座位後都好快奉上了熱茶及餐牌，都好主動幫客人加茶，店鋪比較細，所以午市時段都會好快full house，所以都是早點來食lu

晚上7點半來到，店主見我地三人行就幫我們group埋另外二人枱埋一邊，所以我地唔駛等就有位。我們叫了:-1. 魚生沙律 -- 足料，用柚子醋汁，好食2. 芝麻雞亦 -- 好食, $38 兩隻又好似貴左d3. 壽司 (帶子、三文魚、油甘魚、芥辣八爪魚)-- d飯幾大舊，d魚生都新鮮4. 軟殼蟹反卷 -- 幾好食 (有6舊, 食左一舊先記得影相)5. 清酒煮蜆 -- $78 大約10隻左右, 唔算細隻, d湯幾好飲6. 串燒 (日本蕃薯、牛脷，牛肋肉) -- 日本蕃薯, 牛脷 -- okay; 牛肋肉 - 好un, 唔好食7. sake - 正常, 70幾蚊那款其實做街坊生意，野食服務正常已算合格，但笑左衛門店員服務真係幾好，食兩次都已經認得你，同你有傾有講，所以我咁耐冇寫食評咁耐都會支持下佢地，希望佢地唔好比土瓜灣越來越貴的租金趕走...

上星期日同朋友去開土瓜灣，發覺原來依區都有好多野食，有好多大大少少的餐廳，最終我地撰左食日本野。我地8：00左右去到，大约等左15分鐘到就有檯了，地方細細，不過環境都幾好幾有日本feel。我地三個人叫左少少剌身壽司，串燒同拉面，價錢十分合理，食物質素都幾好，刺身十分新鮮，串燒都燒得好香口，拉面湯低選撰多味道都好濃郁。埋單四面幾蚊，我地都感覺沒有撰錯，值得再來。

I've ordered an scramble egg with cutlet pork chop rice, the pork is tasteless thin and with a strong sense of defrosted taste, the crust is very thick. Anyway, after the food, I feel super thirsty which means they have added quite a lot of MSG but sadly even so the food has no taste for the flavor enhancer to work. So even adding MSG doesn't help the taste a bit, only leaving me a very uncomfortable throat after. My husband ordered a ramen, similarly the soup is watery and tasteless. For the se

附近新開左間日本餐廳，今日終於可以試下。間餐廳個名聽落好似蠟筆小新入面個豬個名，好搞笑。佢門面以日式布廉作裝飾，要手推燙門入去。餐廳食客半滿，剛好可以坐底。因為鍾意食魚既關係，我叫左燒青魚飯。先黎沙律前菜，食落爽口，鮮甜。初步感覺已經好好。之後係燒青魚，飯就無特別，而魚就即燒，所以都等左10分鐘。魚肉質軟，未算滑，食到腩位就覺得好苦，應該未洗乾淨。感覺即刻趺返落黎。雖然係，同事食既雞扒同豬肉都好香，都話好好味，可能係我吾好彩。

睇完戲特登走黎呢個開業冇耐gei日本食店食夜晚飯去到都差唔多11點喇個個都餓到傻左一去到就食左兩種三文魚壽司 餓得濟連相都冇影XD comment 係好味XD之後黎左碟應該係牛舌大家鬼咁快又食晒, 我淨番一粒果陣先醒起要影相~我之前幾抗拒食牛舌,但呢個又OK,幾好味肉質爽爽地~之後又黎壽司左邊係龍蝦沙律 絕對ARM小朋友口味右邊就係芥辣八爪魚兩隻都好味道個人鍾意龍蝦沙律一黎就點名話要呢個西京銀雪魚!因為朋友睇食評話呢個好正但原來佢真係超級無敵好味唔識形容 好滑好味道 點唔點醬都好好味! 我地後來都仲ENCORE左碟....另一個必食係呢個一口蕃薯甜甜地,好好味!!燒粟米!!!!粟米甜 醬又惹味正到喊呢兩個係香草燒羊架同埋應該係牛肋肉串羊架好軟身 味道又好~個肉串都好食!不過食太多肉都唔係好記得係點 哈哈哈下面兩個烏冬麻煩老闆幫我地分左4份, 所以細細碗蕃茄豬軟骨烏冬~ 一黎就聞到好香蕃茄味!湯好飲,豬軟骨夠軟 烏冬夠Q!好味啊~~~呢個係廣島風冷烏冬, 個麻醬好濃好好食 唔好成碗倒落去 一撮撮烏冬點黎食一流配菜例如腐皮啊蟹柳啊蛋啊都好好味 叉燒好味夠軟肥瘦適中!烏冬口感真係冇得彈~~~

 朋友住附近，試過好食介紹我去食，一行幾人一齊去食，呢度有:壽司，刺身，烏冬，燒物，有2個朋友唔食生冷野，岩哂佢地啦!!晚市時間去，傾住偈等，好快就有得食啦!!燒物就要等耐d, 因為即叫即燒的,但是值得一等的~~好好味~~d菜好新鮮....比較喜歡蟹子沙律~ 壽司都好新鮮，而且飯是用日本米的，特別好食。一口日本番薯串(幾特別)+鹽燒鯖魚(唔會腥) 好有羊味!食落有小小柚子味,一d都唔滯!!因為唔知一件有幾多，所以叫左3件 豬軟骨好軟，流心旦好食，烏冬亦好滑 最最愛的銀雪魚，超正，好滑!!叉燒唔un,但我比較喜歡豬軟骨個湯底~

今日約左個客係土瓜灣食午餐，路過呢間笑左衛門見佢地門口寫住試業，即官試下先~入到去裝修都幾骨子，午餐約有十多款可以選擇，有3款湯底烏冬（味噌湯，蕃茄湯，辛辣湯)，有刺身寿司，有燒魚，而我就點了北海道味噌豬軟骨烏冬加配餃子，原來午餐係跟埋沙律同飲品感覺都幾豐富，等左十分鐘左右終於有得食了，先試一口味噌湯~真係幾好味係日本食既味噌湯大多都比較濃同多油，而呢度既濃度同油份都做得適中~豬軟骨幾入味配菜有糖心旦露筍栗米等等~外加8蚊2隻餃子既肉質口感都唔錯，抵食凍檸檬茶茶味不夠可能多冰關係，整體感覺都ok，有機會會試埋佢晚市

未試過咁差日本野首先入去時得兩枱人，叫左野食等到滿座，人地野食都到埋，我個餐都可以仲未黎我點左個叉燒烏冬，叉燒好硬淨，咬死人個隻，蕃茄湯底，見到有蕃茄碎粒，但個湯可以冇蕃茄味，仲有兩隻煎餃子，好似就咁一舊肉塞入去算數咁，肉冇味到埋單喇，呢下最快，但錯漏百出，冇叫既單上面有一樣半樣我都ok,但竟然可以有幾樣冇叫又冇黎既野出現係單上面埋單142，兩個人食，咁既質素真係太貴

食物質數好好，價格一啲都唔貴一家四口，咀尖既爸爸都大讚不絕。我最中意佢既刺身同壽司當日我地叫左三文魚腩同油甘魚刺身食完再番食。火炙左口魚邊壽司又係一流。串燒真係即點即燒，一啲唔馬呼，所以要小小時間等，但係值得等既。我自己就幾種串燒都大愛， 但最愛一口番薯，香甜好味，燒木魚絲茄子 好正 味道清楚清地，冇多餘既調味粉燒魚燒羊都好正 魚油又香，好夠味羊又冧又唔蘇