立哥麵家 (已結業)

今晚同家人出去左元朗食飯，因為都特登出來，所以事前都先openrice一下有乜好食先～黎到元朗咁多食肆又無理由去yoho 食連鎖架，所以就揾左立哥啦事前已經上左黎睇食評有人話豬軟骨好食所以係門口等位既時候睇menu 都集中望住「豬軟骨」既item 黎望！呢度好多人黎買外賣，相信呢間舖頭都幾有口碑等左唔洗幾耐就有位啦，咁就先講環境先呢度既地方就真係好擠逼呀！大概有三十個位，但係店舖既面積應該容納唔到咁多人，所以呢就真係坐得唔舒服架啦。不過有一點幾盞鬼，佢整左d railing 係度俾客人掛袋（因為真係太逼啦）有點值得讚既係員工服務態度好好，所以呢度地方骨子左d 都無問題，可以抵消返既！今晚落既柯打係滷水豬手米線同埋肉燥滷水豬軟骨飯豬軟骨好味！好入味好淋！果然無推介錯送飯好好味（同埋d 肉燥有d 少白飯比例多，所以都幾需要豬軟骨黎送飯）豬手都好正，唔油膩，咬落又唔會舊舊肥膏，骨膠原好重雖然d 米線既湯底同埋d 肉燥飯只係麻麻地，但係個餸真係好正！今餐又食到飽飽地離開，埋單九十九蚊晚餐黎講加錢要左兩個餐飲，正常價錢唔貴

是咁的~我又入黎元朗搵女朋友仔食立哥喇因為我同女朋友仔都係立哥嘅fans 所以今次又黎到呢到lunch之後先行街拍拖 好似十二點幾一點到呢到 竟然唔洗等位就入得（星期六黎嫁wo）原本女朋友仔就話繼續食肥牛拉麵 但睇睇下menu話想試下黑蒜拉麵wo咁我就照舊立哥嘅鰻魚飯黑蒜拉麵到喇 配料方面我地叫左五花腩 流心蛋仲唔洗特登加錢呀碗麵一到果陣其實都聞到好香嘅黑蒜麵 但陣味又未去到好嗆鼻 但淡淡嘅黑蒜香碗麵雖然係我女朋友仔 但我都食左幾啖所以都可以寫到d感想嘅 我第一啖食落 有湯連麵咁食 食落都幾香幾濃 濃過平時嘅豬骨湯底 但濃得黎又唔係咸果隻都幾好 不過黑蒜味食落又唔係話真係好出 食係食到黑蒜香但唔算特別勁囉雖然黑蒜味唔係好重但呢個麵食食下都幾膩好食係好食但愈食就愈膩lu~~如果咁多位朋友仔本身鐘意食黑蒜嘅都值得一試 六十幾蚊 兩塊大大嘅五花腩（煮得又腍又香）幾抵食 但如果大家對黑蒜唔係特別鐘意嘅 可能試過一次就算喇拿拿拿 我最愛嘅鰻魚飯出黎喇 鰻魚嘅份量依然冇減少到 兩塊又長又厚嘅鰻魚 今次仲要係尾位鰻魚嘅尾位燒得有少少燶 魚尾尖位少活動 肉質特別嫩幼 加埋鰻魚皮烤過嘅魚油香 真係好正嫁

傳說中架69蚊饅魚飯 真的不錯 不過呢度轉左個碗 好高架碟 / 好淺架碗 哈哈 不過放心 飯可任添 整體上 饅魚肥美 個汁任加 非常好的安排燒汁牛肉拌面 本人就覺得 牛肉個燒汁比較似鹵水汁多一點 加上重手左 有少少苦味牛肉比較老 下次可以食其他試下拎位時當時發生左個小插曲我打個簾之際 有個阿姐乘我打開左個簾之便大聲叫 兩位唔該。然後樓面姐姐 說。。"我地聽聲先" 喔 咩有咁架咩。。。又學左野當時真係有點嬲嬲豬 我明明都已經企左係個阿姐前。。。 本來想唔食 點知截我糊個阿姐走左。。。樓面姐姐態度都良好 咁好啦 反正等左都沒10分鐘姐。 。。。。下次可以再來 總計130 兩位

最近立哥喺一個元朗社交群組紅咗，叫麵家但係鰻魚飯卻更吸引。間店好細，好在我地黎到剛好有位，下午茶時間會突然好多人，不過我地想食嘅鰻魚唔喺下午茶餐度，都唔關我地事啦。為免出現爭食情況，我地決定叫晒兩個都鰻魚飯，推廣價$69實在好抵呢，平時食鰻魚都幾貴的。又不約而同叫左紅豆冰，紅豆煲到蓉，香甜，比例唔算少，奶味都幾香濃唔淡。我地期待嘅鰻魚飯，真係好出色，又香又濃又惹味，個大細同肥瘦度岩岩好，如果話係日本好出名賣得好貴果啲我都信呀！鰻魚有層薄薄嘅蛋，同鰻魚係好夾嘅，飯已附有鰻魚汁，香甜滋味，份量剛好，餐廳提供一支鰻魚汁比客後加，覺得本身鰻魚同飯都夠汁同味，所以無再加。個飯碗睇落好大，原來飯層好淺，本來驚唔太夠飯，但食落原來又好飽好夠喎，飯、鰻魚、蛋嘅比例係完美！總結，非常好味，好用心，又抵食，好想黎再食呀！

整個星期也是下著大雨， 但也決定去試試位於元朗的鰻魚飯。 對於不熟悉元朗的我， 下著大雨是， 是有點難找的。最後都找到， 但當時滿座了， 於門口等大約5分鐘便可以進餐廳。餐廳裡的環境有一點點迫，但可接受的。點了鰻魚飯， 和點了特飲， 百香果紅茶。餐廳還會給客人鰻魚汁自己添加，很大方！鰻魚不是薄薄的，很厚。 紫菜是脆的，蛋也很滑。 整個飯是值得推介，抵食的！飯+飲品太約7x 蚊， 可以再encore ！在餐廳看到差不多每一枱客人都會點鰻魚飯，下次再來試試其他食物！

有日無啦啦比我發現呢間立哥麵家有我老公鐘意食既鰻魚飯價錢仲要咁抵，即刻send比我老公睇呢個為食友話即晚要去試7點幾去到已經排晒隊要等七張枱不過都好快到我地入到去舖頭細細坐無虛席位與位之間都幾逼老公叫左鰻魚飯，我係沾麵迷就叫左豬軟骨櫻花蝦沾麵沾麵有得揀凍上定熱上，我就揀左熱上黎到我發覺d沾麵有一餅野既感覺，d湯都唔熱櫻花蝦味重，豬軟骨軟滑有入口溶化既感覺呢方面要讚粒蛋都做到少少糖心效果，有dd過熟但個麵就真係麻麻地啦好似煮完放左係到一段時間咁至於我老公個鰻魚飯就熱辣辣既鰻魚都幾大條，又滑又厚肉蛋都煎得好滑好好味呢個鰻魚飯69蚊絕對超值我老公都好滿意有機會會再黎試下其他

趁星期五放早 偽文青大胃D去了 #元朗 食$69 超抵食 原條蒲燒鰻魚飯 原條 原條 係原條鰻魚😎成枝鰻魚汁放係枱 俾你自己慢慢加😋勁正！#鰻魚控👻.另外，豬軟骨拉麵$68 拉麵屬於幼曲身 有少少掛到個湯 唔錯 中辣 麻辣湯底 食完個咀真係麻 辣度我覺得岩岩好 好岩我口味 有三大舊豬軟骨 脂肪同肉均衡 燜得好夠火候 好入味 淋得黎但又唔會無咬口 果然係招牌😂.呢間店絕對有下次 性價比高 好多元朗街坊推介及光顧😛.-三個90後吃貨不斷開心share美食💓💡Facebook:三個90後吃貨 3bad_foodies🚩Instagram: 3bad_foodies📍OpenRice: 3bad_foodies 歡迎在不同的平台 繼續留意我們的推介🙆🏼🙇🏼‍♀️大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies#三個90後吃貨_元朗美食推介..立哥麵家 (元朗)元朗教育路93號鴻發大樓地舖

是咁的~~近年好多人為左食碗好食嘅拉麵會捐窿捐lar 去邊俾幾錢都冇所謂 講到元朗嘅拉麵 可能冇咩人識呢間（元朗人應該識），不過經我女朋友仔介紹原來呢間拉麵真係正到呢 又抵又好味~~今晚就同我女朋友仔黎食喇~其實之前都去食過嫁次嫁喇 今次忍唔住要寫番寫評表揚下 鋪面都算細 不過夜晚佢係會擺出黎 所以大家都唔洗驚要等位等好耐 由於都幾夜 好似九點幾十點 所以都唔洗點等嘅 我女朋友食過幾次佢都係鍾情於 肥牛拉麵 我本身想上鐵板飯不過比較熱氣所以就食鰻魚丼（一直想試好耐）拿拿拿~~野食黎喇大家都睇到碗鰻魚飯有幾咁大碗 而且鰻魚嘅份量都唔細 佢係原條長條嘅鰻魚切開兩半咁上 然後再加塊煎滑蛋墊底 仲有咁大壽紫菜Tim Ar!! 重點係睇下隔離成支鰻魚燒汁另上任你加大家可以睇番自己嘅個人喜好加番相應份量嘅鰻魚汁！以前我都講過鰻魚幾靚或者燒得幾香 鰻魚汁太少或者唔靚都會影響曬成個味道 但呢到嘅鰻魚汁除左夠曬份量 就連質素都好高 個汁濃味又稠 咸度適中又有鮮甜味 一絕！！鰻魚方面 我可以同大家講四個字 喜出望外！近年除左好多人會搵隱世拉麵店之外 亦有好多人專登搵鰻魚飯 在下都試過一間喺紅磡嘅鰻魚飯小店

次次見到人地食好西就忍唔住自己要去試下！上次見到人地食菠蘿油夾住煎蛋同埋蕃茄賣相好似幾靚同特別，好想試。可惜只有下午茶時間先供應，所以一直都無機會試。今日下午茶經過，唔試就真係對唔住自己喇！今次試左菠蘿油公主，菠蘿包入面夾住左牛油，太陽蛋同埋蕃茄，個餐牌都有詳細介紹唔同包係用咩材料。另外叫左個日式燒汁牛肉飯，雖然呢個係下午茶，但係賣相都唔會hea你。擺盤都幾靚㗎！日式燒汁肥牛飯除左有肥牛之外，仲加左金菇，又有少少菜。$32飯連飲品，味道又唔錯，抵食啊。跟飯餐加$4可以要個招牌紅豆冰，紅豆冰嘅紅豆好大粒，而且好淋。紅豆又唔會太甜，唔錯wor！是日焦點係菠蘿油公主，港式包點西式煮法我都係第一次食。菠蘿波幾脆，但係偏甜，隻蛋係太陽蛋所以個包係有流心嘅感覺。另外入面加左塊蕃茄，都幾特別。如果個包熱多少少塊牛油溶多少少會更好。食嘅時候要小心食，唔係會流到周圍都係。埋單都只係$54，食得飽又有fusion野食又好食仲想點？呢間舖嘅食物種類好多，下次要試下拉麵先，話晒佢都係一間麵家！樓面嘅服務態度仲要好好，唔該前唔該後，值得一讚啊！

立哥麵家一向都是我和女友的My Favourite，因為夠平、好味及快！豬軟骨係必食之選！因為真係好淋，啲骨真係食得又入味！今日自己1個人豪少少試下豬軟骨櫻花蝦沾麵再加柸珍珠奶茶。當碗嘢一上枱，真係好吸引，因為啲蝦確係唔少。我首先梗係試啲湯及蝦先。(並唔係依住佢哋貼係筷子筒上的圖案食。)嘩！真係惹味，啖啖蝦味！之後再試麵的配搭，說真掛湯真的一般，不過豬軟骨依舊冇得輸，吃到底還有啖啖蝦食，真的已經很滿意！

立哥相信好多元朗街坊都識經同事大力推荐 放早個日即刻去試小店面積好細 坐得好逼一定要搭檯但食物唔錯固定都係果幾款食物我揀左肉燥瀂蛋豬軟骨飯另跟餐一杯紅豆冰唔好叫走冰會過甜咪睇個樣好少 飯量其實都夠肉燥個汁偏甜豬軟骨炆得非常淋又保留到肉味 值得一試半隻瀂蛋瀂得入味個蛋黃唔算好老飯用珍珠米配菜係雪菜 唔知係自家製 定買現成唔會太濃 幾好食食甘大舊肉 有少少伴菜 可以減輕肥腻感成個配搭係幾match下午2:30係下午茶時段餐牌基本上同午餐一樣但每個餐平$5知慳識儉嘅你 知點揀啦

睇openrice見呢間小店既鰻魚飯幾足料,價錢合理就走黎試試初初睇舖頭名仲以為係食潮州粉面, 入到去見到餐牌,中韓台式野都有, 心諗都應該係茶餐廳咁上下質素既港式日韓菜。既然一心諗住入黎食鰻魚飯, 我就冇試其他野點左一個鰻魚飯+一杯台式飲品鰻魚飯黎到,鰻魚十分大條,絕對超值。仲有滑蛋係下面同一片紫菜。一食個鰻魚真係不得了, 鰻魚唔單止大條而且十分肥美, 最重要既係條鰻魚係即烤既, 熱辣辣外面仲有少少焦脆,下面既滑蛋亦好高水準, 不過片紫菜就唔脆。仲有抵讚既係,鰻魚汁係分開俾你, 一來唔會整腍條鰻魚,二來可以按自己口味添加。69蚊咁既鰻魚飯真係超值, 係吉野家既又貴又細條又唔好食。質素同日本食差唔多, 而最重要既係抵食!下次會試下佢拉麵既質素如何!

為何是香港style？因為佢又唔係好日式又有點茶餐廳feel，我唔識形容，總之好好食！・叫了豬軟骨沾麵，個豬！軟！骨！超！鬆！軟！這可是他們的招牌喔～經過多小時的煮製，實在非常令人驚嘆！已立馬成為姐的豬軟骨排行榜第一位！・沾麵的湯底很熟悉，有點像擔擔麵？雖然沒有沾麵定番的魚味但仍然是覺得好味的～・店家用的麵不是粗麵，有點像港式的幼麵與粗麵之間，但很有蛋味，質地彈QQ的～

原本心思思想食立哥麵家豬軟骨沾麵或鰻魚飯，但見下午茶menu價錢相當吸引，所以都係留番下次黎試，今日食tea吧。叫左個36蚊咖哩吉列豬扒飯，望落都有板有眼，而且所用真係日式微甜咖哩黎，飯亦係珍珠米，飯香軟熟。豬扒外層粉漿適中，薄得黎又酥脆，豬扒肉質一啲都唔嚡口。紅豆冰只需加4蚊，紅豆相當甜，夠大粒，冇偷工減料。

行行下 行到黎呢頭，咁岩見到呢間有拉面食，就心郁郁入左去試！因為食前冇做research 都心大心細，唔知試咩好！最後簡左呢個豬軟骨沾面👇🏻 其實我都係第一次食沾麵🙈🙈個湯係有啲鹹，但會令人想一啖接一啖咁飲！佢有凍麵同熱麵簡，我就簡左熱麵，同埋佢麵質適中！豬軟骨方便好淋，好入味！回頭率高，可以一試