稻香 (藍天海岸)

營業中

休息中

每年年三十晚既團年飯，屋企人為左方便都鐘意買盤菜食，覺得佢意頭夠好，又唔洗花太多時間預備晚餐！今年就試左稻香既盤菜，整體黎講材料非常豐富，賣相亦都好吸引，特別係鮑魚、元貝等既食材都相當唔錯！唯有美中不中就係無傳統既蘿蔔同豬皮等食材，同埋醬汁方面就淡，可能要浸耐一點才入味！但整體都係值得一試！

上一次去完東涌outlet行街已經試過一次呢稻香打邊爐， 看見隔離枱吃乳豬已經好吸引， 今次我們二人去完東涌outlet行街後, 再去稻香食晚飯, 當然要試下乳豬啦！兩個人食唔哂一隻乳豬可以叫半隻$88乳豬唔太肥皮脆肉嫩 素鵝 $32燻蹄拼海蜇頭$58

呢隻火舞蒜烤雞真係唔講得笑，一上枱嘅時候已經見到燒到脆皮金黃，之後店員會幫我地拎白酒諗起上邊，跟住就到最重點嘅環節就係着火啦!!!呢邊會攞火槍輕輕一灴，成隻雞就會着火啦。超級壯觀，最衰影唔到個果一幕😭

去完東涌 outlet shopping完已經四肢乏力， 剛好差唔多八點半就去了稻香打邊爐， 走進店鋪裏面地方不大，但環境都算唔錯， 價錢每位$138， 計埋茶芥平均每人$168左右結帳， 價錢可以接受， 雖然飲食行業人手短缺， 侍應姐姐服務一流, 火鍋食材都唔差, 大家無妨一試!

呢幾晚都凍冰冰..今晚仲幾左朋友係東涌食晚，離島地區仲凍，梗係要搵個地方打邊爐暖一暖啦。不過原來我發覺東涌有得打邊爐嘅地方真係唔多，我地今晚就去左稻香喇！好耐冇去過東涌呢間稻香食飯，發現晚市好似清靜左好多，冇以前咁多人。我哋湯底選擇左馬來沙嗲鍋。其實湯底唔算特別，不過以咁嘅價錢來講...都唔會有乜嘢特別嘅要求。另外我哋重點左兩款唔同嘅肥牛。分別點左安格斯肥牛同埋美國牛小排。但係我覺得呢個安格斯肥牛一啲都唔值＄128嘅價錢。同一般普通肥牛全冇分別。至於呢個美國牛小排，就雪到硬哂..想夾都夾唔到。但肉質來講，我反而比較喜歡美國牛小排。買單大概二百幾蚊一個人，價錢其實唔算好貴，不過我覺得以呢個價錢喺當然都仲有更多更好嘅選擇！

We are not getting any hotel breakfast package and decided to walk out to somewhere nearby (about 5 minutes) to fix our stomach. It was actually recommended by one of the colleagues that had been there a number of times.  Interior was similar to any other chinese restaurant filled with round tables and chairs in a carpeted dining area. Being in Hong Kong, having Dim Sum for meal is quite common and a kind of must have. Comparing to Singapore, their Dim Sum place are always packed of elderly folk

參觀了女兒學校晚會的表演，離場已是九時，並與友好家長朋友到附近的稻香宵夜打邊爐。宵夜時段，有任食打邊爐，以人頭計算收費，唯我們一行七至八人，散叫較為化算，反正晚了，吃不了那麼多吧！我們主要吃牛肉，分別是雪花肥牛、牛肩肉和鮮牛肉，其餘都是丸類，魚皮和菜之類，湯底則是鴛鴦鍋。雪花肥牛不錯吃，肉質腍，牛味亦算是鮮；鮮牛肉味尚可，牛味稍遜亦不太鮮，幸腍，牛肩則較嚡，亦欠了牛味，並不好吃。其他食物是普通，只炸魚皮較為好吃，當真是貫徹東涌在吃方面是不好吃，還需吃。說好了是十一時半收鋪，但十時左右，店員已開始著手收工的事宜，想找個人添熱水已有點難，取牙籤取筷子的，唯有自己來吧，不久，員工現生並將隔鄰的檯子執拾，還將明早用的茗茶茶具，放到桌上，亦將所有原放在地上的座椅，亦放到桌上來，那即椅腳和餐具放在一起，我看呆了眼，椅腳原本放在非常污衊的地毯上，現在卻放到筷子與茶具旁，這樣算是衛生嗎？

見近排佢推出一個168 火鍋放題，一心去試下，8:30到達，坐底想揾位侍應都難，好不容易來了湯底，第一輪食物到齊，可惜叫脆肉鯇魚變成普通鯇魚，食到一半我追加定鱔片，脆肉鯇魚及其他，好不容易叫了一位女侍應過來，她一見我加單即面容豪不客氣説:食唔唒要罸錢的，我非常不開心，之後其他菜到哂，鱔追左兩次都唔黎，脆鯇又是再比普通鯇魚，再講飲品供應的全是韓國汽水，見侍應攞左d可口可樂入雪櫃，但竟然得十幾罐，仲要搶，最後結論，一次夠唒

我們8人到你們東涌稻香, 帶著滿心歡喜的心情, 品嚐新推出的火鍋放題, 心想稻香有一定保證, 居然留下很不愉快的用餐經驗...我們早了到達, 看見另一班人也先拿火鍋紙查看, 就問問接待處, 但職員竟然說未開始不能給你們, 看看有什麼吃也不行嗎? 其他人不是也拿著嗎? 真奇怪...入坐後, 約8時35分第一次下單, 食物和鍋很快到達, 覺得還不錯, 但是惡夢的開始, 蔬菜發現有發泡膠在內, 根本沒洗淨..枱上堆滿的碟, 碟上的蝦殼和骨頭等, 放了很久也沒人清理, 只好自己把它們放到廚餘的車子上...約9時10分第二次下單, 職員竟然說我們太快再下單, 我們有8人及第一次寫得少, 而且不是任食任飲嗎? 之後等了超過半小時食物也沒到, 鍋裡和枱上什麼食物也沒有, 小朋友快餓到暈倒了, 職員只不友善地說等一下, 但沒有到廚房查看, 最後我們親自到廚房旁詢問才把食物送到...稻香是有名的大集團, 我們也經常光顧, 但東涌稻香這間真的太差了, 比茶餐廳更差, 沒人希望有這樣的用餐經驗吧!!

「不好吃還需吃」這六個字構成的意思，什是悲哀，也許會問，那麼被迫，不好去吃便是了。的確，不吃便是，唯生活上，吃是必需，在時間地點的客觀因素影響下，總會被迫光顧一些差劣的食店。東涌稻香，食物質素水準長期保持在黎生的標準而下，如茗茶，點心的味道平平無期，如牛肉腸，皮厚兼糊口，豉油亦可淡如無味，真的算是什麼。服務態度亦惡劣，交點心紙，很困難才有服務員接收去，而點心上桌，點心總是放到桌邊來，點心籠永遠只有一疊疊上桌，往後自顧吧！茶具，就總給人不清潔的感覺，當用茶沖洗後，往往見到油漬浮面！集團式的就是這樣的嗎？ 還記得數十年前的稻香，不是這樣子的，難度只是東涌的稻香是這樣嗎？黎生不明了，走出東涌，黎生已絕小光顧稻香。

早2日聽店員講今晚有任食火鍋$138,再加一。決定試一試，唔洗等位，入座服務員梅姐提示可以自己拿飲品，醬汁，盡顯細心，$1隻鮑魚但要跟人頭叫，都算大隻，新鮮。醬汁得8款，飲品有近期大熱韓飲同汽水，湯底有6款，豬骨，牛雜...蝦大大隻又新鮮推介，餐前小食5-6款，但我覺得太大碟，份量可以減一減，午餐肉，肥牛都係靚野，推介可以試下，淮山好粉好正，芝士蝦堡好特別鍾意芝士可以試下，脆肉鯇，鱔片好新鮮，厚薄都算適中，上菜速度快，大概15分鐘上齊，可能平日食的客人較少，沒有漏單，服務人員友善親切，主動問食物到齊未?換走裝有骨的碟，西裝男服務員李池樂先生向我們了解出品有無改善地方，意見，我地都比左少少意見。

已經很久沒有去稻香飲茶，原因是他的價錢雖然便宜，但是他的品質真的沒有保證。今次因為朋友的邀約才來到東涌稻香飲早茶。坐站在私樓下的稻香，環境清幽，假日嘆茶最合適。開心的心情下，當然會多食點心啦！芸芸眾多點心中，最大驚喜竟然來自我最愛食的灌湯餃。有半隻大冬菇還有螺肉片，賣相得體之餘，味道甚佳。原隻大蝦燒賣，爽口彈牙， 讚！鯪魚球一般，沒有太多魚肉，但這不是專食魚的餐廳，所以不能要求太多。甘筍流沙包，流沙不流呢！這個要減少少分呢！碗仔翅過得去， 如果肉絲同冬菇片多一點會更好。用粉開的芝麻糊，水不夠熱吧！？還有一小夥顆的未搞均。三色腸，腸粉皮柔韌適宜，切開時，材料不會全倒下。多謝朋友仔的邀請，不然真的不會食到好食的灌湯餃。下次可以再來呀！

今天跟屋企人到稻香嘆下午茶，準時2點就到！勁多特價點心紙，但大部分都係煎炸油膩食物。叫了蝦餃，金錢肚和叉燒酥好食叉燒飯的叉燒超瘦，燒鵝飯既大部份是骨，無咩肉不過份量好多另外，點了個飽汁雞腳，好期待，點知一食好硬，完全唔'冧'唔夠入味

難得六個朋友出來吃飯，當然是打邊爐最正路，今天我們選擇了稻香，只因新出的椰椰芝麻雞煲。因為我們是星期六晚上來，所以要吃正價，假如消夜時段的話，半價優惠只需$45。椰椰芝麻雞煲 $90先將椰子水及椰肉煮滾，倒入穗香雞，煮約5分鐘就可食用。配有沙薑醬及鮮桔仔汁，不過個人感覺較為酸，不用沾太多。穗香雞聲稱是自家農場養的，雞肉不會煮得過老，很多肉，再嚐一口湯底，很香的椰子味，湯底非常清甜，果然是100%的天然椰子水。美國牛小排 $48牛小排煮一會兒就熟透，很香的牛肉味，脂肪不會太多。雪花丁方 $68就像一個牛肉粒的層層疊，一口一粒牛肉，煮的時間比肥牛耐一點，入口充滿牛肉汁，而且夠嫩。自選雙併：鮮蝦雲吞及韮菜餃 $48鮮蝦雲吞內的蝦肉夠彈牙，而韭菜餃的韭菜味不算很濃，不過皮夠薄。黑豚梅肉 $38黑豚肉的肉感很重，非常美味。墨魚滑 $58自己按分量裁切墨魚滑，煮一會兒就可吃了，墨魚滑爽口又彈牙，有墨魚的味道。清甜蘿白 $28清甜的湯底再配上清甜的蘿蔔，真是十分清甜，蘿蔔亦夠腍身。田遠菜籃 $48這個菜籃滿足了我愛吃菜的慾望，因為入面有各式各樣的菜，而且還有粟米及冬菇。稻庭烏冬 $32超滑的稻庭烏冬

一大班人入了東涌打羽毛球，之後去稻香打邊爐。又是羽毛球組的活動了，今次目的地是東涌！山長水遠入來打波，之後當然要聚一聚，吃個晚飯吧。謝謝友人代訂下兩枱打邊爐。一行二十人打完波就出發去稻香！其實體育館離稻香好近，行過去不用十分鐘。我們二十人，分了兩枱坐，兩邊都點了個信用咭優惠的海鮮餐，雖然無象拔蚌，改為鮑魚代替。海鮮用料新鮮，其他食物都好新鮮，唯一….個$48美國肥牛…到底想點呢？乜肥牛好貴咩？搞到禁既樣…..不單止過肥，仲好薄….唔知以為食緊紙呀！呢D根本唔值$48蚊，只係平時任食的肥牛來的。這個海鮮餐除了有飽魚外，還有石斑，石斑肉好鮮甜，好新鮮！十一人食這個餐唔太夠食，最終我地都係要加野先夠飽…食禁豪都係每人$210，都算抵的。