稻香 (已結業)

個日我同班friends 一齊去食飯聚舊，因為要等齊人先一齊去，原本我訂左七點，但七點零五分仲未行到去，佢地已經打電話問我係咪真係去架，好似驚我玩佢咁。<br>我地坐低之後，係度傾陣計先，D 侍應已經係度催我地點菜，驚死我地霸住佢張檯，唔叫野食。D 菜就普通過普通，唔可以話難食，但一D 驚喜都無，個個「翡翠醬汁骨」，細細碟，又唔好食，但收到鬼咁貴，叫左幾個白飯，結果要三催四請先送到。<br>食完飯，我地仲好開心咁閒話家常，但D 侍應已經不停明示暗示叫你埋單，態度好唔耐煩，好晦氣，結果我地都係掃興的情況下埋單。<br>我地對呢間酒家的評語係「以後請都唔黎食，免得貼錢買難受」。<br>我做搞手架，因為服務態度唔好，個個唔開心，我都唔好意思。

星期六7點半去到泥要等廿分鐘到, 服務都算ok~<br>樣樣都幾大碟, 由其係雞子,不過牛柏葉就好細碟(o岩o岩平鋪係一隻細碟), 湯底一般唔太濃.<br>鮮榨燈汁好正.<br>埋單$590/4位<br>我諗9點半后會抵食d..不過好多唔係9點半后都好抵食, 比較泥講呢度都唔係平~

主要都係想講下佢隻36蚊大閘蟹,絕不欺場!!唔會因為特價$36而取巧o左(大集團係唔同d o既),隻蟹一樣好多"糕",好好味,唔算得上好大隻(食唔食到大隻睇你好唔好彩je,冇得揀架麻~)不過即使唔大隻,為左"品承"一貫食大閘蟹o既宗旨:"要食得乾乾淨淨", 今?飯所花o既時間係平時o既2倍幾...奉勸大家如果趕時間就下次先叫大閘蟹啦~

點心唔錯, esp. 水晶飽同燒賣~夜晚打邊壚or 小菜都唔差~係service 有代改善o者~

今日放工同班同事o黎飲茶, o華! 一去到已好多人, 要等位, 好彩等o左一陣就有位! ! 我o地6 個人叫到成檯都係點心, 張檯都放唔哂, 其中一個係「金菇肥牛腸粉」, 幾好食, 其他酒樓通常只會有牛肉腸粉, 所以比較特別, 另外個「四色水晶果」, 都唔錯, 四色包括, 奶皇, 豆沙, 椰絲及蓮蓉, 我覺得最好食係奶皇, 但相反最難食係椰絲, 味道怪怪的!! 仲有個「香煎番薯餅」, 裡面d 餡係花生粒同花生蓉, 一咬入去, d 熱辣辣花生蓉「爸爸聲」咁湧出o黎, 「辣」親個咀, 真係差d 連個咀都「辣」大埋, 不過好香, 好好食!! 六個人埋單都唔駛$300 , 好抵食!!

成班大食仔, 每人百零蚊, 抵食, 記得九點半後入坐, 就會有得平。 美國肥牛.. 真係正, 又薄, 肥瘦適中o 的丸類亦好有水準, 唔係街市貨仔 仲有, 十蚊半打啤酒.. 正! 正! 正!