稻香 (已搬遷) 新店位置

星期日同左班fan去左呢間店到打邊爐,坐得勁迫,好唔舒服,個湯底完全唔得,平時o既稻香都冇呢個情況,但呢間破例啦,今次d野食好似唔係太新鮮,如墨魚丸,原全唔彈牙,d魷魚就腥腥地,仲有呢間店o既小二成日當睇你唔到,,成日要等好耐先落到單,以後唔會再來呢間店到食!!

今日和家人一同去稻香食Dinner(火鍋)。其實，以前已經去過兩次，這次已經是第三次啦!介紹大家試一試：盤菜系列(4人分量)!海皇盛盤─$208(鮑魚、帶子、墨魚......)海鮮盛盤─$188(蟹、蝦、青口......)而且還送一個湯底(任選約十款湯底$38-$68)抵!!!!!9:00pm後更是特價時段呢!

今日為左一紋雞, 就走去食左. 都唔錯呀~! 兩個人叫左一碟飯(瑤柱蛋白炒飯)=<< 只得一種炒飯, 如果唔係就要食白飯, 跟住叫左碟一紋雞, 都幾多人食, 唔錯, 仲叫左一煲海鮮什菜煲.

媽咪鍾意自己煮，因爲唔想我食埋太多油膩野同添加劑，所以好少同佢出街食飯因爲有事佢今晚無買送準備，就同佢食一蚊雞，純粹貪平兩個人點左一蚊雞、石鍋菇菌蝦（$40）同白飯一碗兩份食優點：~ 呢間稻香無咩人氣，星期五晚七點幾都唔需要等位~ 一蚊雞好抵食，上菜時剛好微溫又唔肥。雖然唔係特別好食，不過一蚊仲想點？~ 石鍋菇菌蝦唔錯，雜菇（冬菇、草菇同蘑菇）好入味，不過D蝦唔夠咸所以一般~ 一個鐘換兩次碟，服務周到缺點：~ 可能因爲客人唔多，D侍應過分周到，企係側邊等我落單，好大壓力~ 隻雞雖然唔大，不過兩個人食唔曬，唔知比唔比要半隻呢，無謂浪費埋單連茶芥加一$72，抵！

因工作關係經常食特價時段 , 呢個 week 就來到屋企附近呢間新開既稻香 , 約 8:25pm 去到 , 未見旺角雅蘭那股人山人海的旺 , 但亦算8成爆(當日是閒日星期四) .8:45PM 派宵夜時段籌 , 好快 9pm 就入座 , 由於少人關係, 不到10分鐘已被安排入座 , 環境是有點逼 , 但服務都算ok , 只係廚房經常漏單就有點不滿意....近期 promote 16.00 的醉雞湯底 , 真係超值 , 我在 order 時叫了唔要酒 , 16.00 包了半隻雞 , 湯底亦很夠味 .... 8蚊碟肥牛更是愛牛人士狂掃的對象.... 比起其他地點的稻香 , 淘大呢間同埋佐敦永安對面個間稻香算是最易等位了.....

13/9星期六去稻香飲茶, 德福同淘大之間二選一, 見淘大新開試吓, 點知食到一肚氣 1:05攞飛(2位), 等到1:30都無動靜, 反而其他人3-5位已經清晒, 仲可以即入 而旁邊2:00下午茶條隊慢慢人多(>20人) 我心諗, 咁等法豈不是分分鐘飲下午荼?? 走去問知客小姐, 佢答我”全場得4張2位枱, 唔搭枱係要耐d, 你若果搭枱就可以即入……” 我話”我唔想搭枱, 但係你明明有中枱, 而家又無人等, 點解唔俾我?? 你咁樣俾枱容乜易下午茶入晒去我都無得入??”但佢只係不斷重覆叫我搭枱 我嬲嬲地話”咁如果我3位又如何?” 佢話”第1張” “咁我俾3位茶law”佢先死死地氣安排張枱俾我 開好茶之後我唔忿氣, 趁去廁所巡咗一圈, 發覺全場起碼仲有4/5張中枱 頂住度氣叫侍應搵經理反映……… 幾分鐘後有位姓尹男經理出現, 我將件事原原本本同佢講一次 我話”你地咁樣即係叫啲客唔好嚟幫襯, 下次我都寧願去番德福” 誰不知佢一句道歉說話都無“咁我地會改善吓, 而家幫你改番2位茶啦” 我心諗”你咁即係敷衍我, 當我縮骨想慳番1位茶姐!!” 真係”嘥氣”, 決定以後都唔會再來 呢個舗過去

今日襯著好天,又正在放大假, 有時間來這間新開的稻香飲早茶.早上九時多到達, 心想: 平日應該不用等位吧! 怎料門口的知客姐姐卻說搭不搭枱也要等位. 幸好只等了數分鐘便有位了. 坐下來後, 先點了龍井和壽尾茶, 但那個看起來很忙的侍應應了我們後, 卻好像忘記了似的, 等了十分鐘也沒有送上茶來, 還在隔鄰枱收拾! 我們只好又叫另一個侍應來奉茶. 點心方面, 點了:山竹牛肉: 一般煎蘿蔔糕: 好多粉, 很少蘿蔔和臘味南瓜瘦肉粥: 很少南瓜, 一般蝦餃: 皮雖然透而煙韌, 但卻較厚, 蝦味ok雞飽仔: 一般义燒飽: 一般, 但較多肥肉粒蝦腸拚牛腸: 還可以感覺上侍應不多, 很忙, 招呼也不大好, 見隔鄰枱的柯打也經常錯; 而且食物質素也比不上德福的分店. 下次再幫襯都是回到德福的分店較好!

看這裡新開, 所以來試試, 看見下面的朋友都給予不太好的評語, 所以, 都抱著懷疑的心態來! 一進去, 看見那個開放式的廚房, 覺得有點怪怪的!, 望進去好想坐在廚房裡吃飯, 哈哈~ 不過沒關係喇, 最緊要東西好食, 服務好!今晚忘記了拍照, 五人叫了四人套餐, 有脆皮燒雞: 雖然少了一點, 不過個脆皮雞很香口, 正!碧綠炒蚌片: 清清地, 蚌片及藕片爽脆竹笙翅: 翅很多, 很足料清蒸斑仔: 爸爸不停叫好, 說蒸得剛剛好! 多兩分鐘都不好食! 所以很滿意!大澳煲仔通菜: 用煲仔上, 保暖好, 蝦醬炒好惹味!服務方面: 照顧周到, 侍應門都很nice! 走的時候, 問到火鍋湯底很香, 遲點一定要試!

中秋節同屋企人係稻香做節,都知道係分兩輪食我地食頭一輪6PM-8PM一坐底就有個Waiter 過黎話7:30pm就要走 我地同佢理論話之前book個時係話 6-8 架佢唔出聲就走左條魚霉既, 叫個經理成條換, (其實一坐底都見旁邊張complain條魚,不過唔知佢complain乜) 之後0的蝦頭黑色既.....又叫佢換0的荷葉飯勁乾, 成個飯餸既presentation 都同大排檔無分別...仲要$1600 半席, 身為稻香咁既quality 好失望

稻香集團這幾年的氣勢一時無倆，分店愈開愈多，可是，名牌效應之下，食物的質素又如何呢？淘大分店開業於奧運期間，侍應們都穿著有中國加油字眼的T恤，好不搶鏡，也乘機為奧運宣傳之餘，也借奧運帶出一個勢；不過，這天光顧它的下午茶，實在有點失望！五色素菜，是將車厘茄，紅蘿蔔，翠玉瓜，雲耳，乾菰等混為一體清煮，味道一般，且份量少！腸粉真的差強人意，粉皮太厚，不夠滑溜，腸粉最大的弊端是粉皮造得不好！雞包仔的包皮也沒預期的好，跟一般茶樓的分別亦不大！柚皮鴨腳算是不錯，不過柚皮太少，得三小片，味道太濃，失了真！乾蒸牛肉合格了，比起山竹牛肉沒太多豬肉，可以一吃！總括來說，以稻香二字作招徠，食物便不成正比，有待空間改善！