稻香 (淘大商場) (已結業)

今晚有老闆請食飯，我當然提議稻香打邊爐放題，一行6人叫咗個鴛鴦湯底，之前都食過好幾次，不過今次有點失望，轉咗點菜紙：牛肉選擇少咗，9:30都未到已經無蝦，其他野食還可以keep水準， 希望下次再來會有所改善

一直以為1蚊雞系呃人，去都又賣晒，比到你都未必好食之類但原來系真架！只要你系去食小菜，就可以一蚊買！(當然要睇優惠期啦) 打邊爐系無得玩一蚊雞架！切左隻脾。。都有咁大隻，仲要脂肪少我好怕一堆脂肪系皮下面，或者一團透明高又好黃色一Pat又好，夾返岀黎。但距呢隻真系😂 可以全隻落肚，淡淡肉。仲要嫩滑先死。一路食一路諗大廚點揼隻雞去炸 。。。先會咁嫩🤔？真系又嫩又有肉汁，皮脆。距會比把交剪你自己剪，如果要職員剪，就要額外價錢啦~ 不過我就唔介意，志在貪玩距仲比埋手套你咖，不過估品到系呢包姐😂 >>另外仲呢左賽螃蟹，同兩個白飯，老實講😒淨系茶錢同白飯仲要加一，都佔左50蚊😒呢d立雜費 ~ 賽螃蟹。。。一Pat蛋白，有少少凍，原本想放張近圖，但限圖12張(?)😂Upload唔到。呢個小菜就真系好一般。。。都系返返燒雞懷抱好啲！拆埋雞身d肉，都仲有一埋不少既肉食，整體都嫩滑，雞胸位就一定無雞脾咁滑啦，但都有80分易咬口！

男家某長輩要食一蚊雞，就約定在這邊的稻香食雞。果位長輩為了湊人數來享用更多的一蚊雞，當日下午才臨時通知出席。放工後，還要特地回家，山長水遠帶小米來到淘大的酒樓囉！！！   一蚊雞～燒雞　　　　果位男家長輩早早己入座，點了二隻雞。自己到達時，果位長輩已經享用過其中一隻燒雞，即是＜LUN骨中＞，只是留下雞肶一隻給我。　就因為雞肶早已拆下，表面的雞肉開始變乾。一口一口地品嚐，就發現這個雞肶越來越鹹。　來到另一隻完整的燒雞，肉汁全鎖在雞內，拆件時也可看到流出來雞肉精華。雞肶肉質當然無得輸，就連雞胸都依然滑滑，一蚊雞真美味！雞胸没有放入太多醃料，所以覺得雞胸肉鹹度是剛剛好。小米也手執大塊雞胸肉，有如咬雞肶，啖啖肉。幸好餐廳提供膠手套。可是來到雞全翼，就覺得特別鹹！跟2018年的一蚊雞比較，今年的一蚊雞偏鹹！雖然鹽是＜天然的調味料及防腐劑＞，但高鹽飲食對身體不健康！   花膠海味雜菜煲　　嚐過偏鹹的一蚊燒雞，要大量青菜來中和。啡色花膠，雖然又細又薄，但始終是真・魚肚。肌肉紋理很清晰，口感彈彈。而西蘭花，小唐菜，白菜，娃娃菜，有了雞油的潤澤，更美味呢！   菌皇紋伊麵　　平均每人半隻雞，已經十分飽。

好耐無飲茶啦，今日放假唔知點解好想飲茶，於是好早起身出去攞位。唔知係咪太耐無飲的關係，點心紙並不多選擇，只係叫左幾樣飲茶必食的燒賣，流心奶黃包，腸粉。點心普通，價錢有點貴，難怪都少左人來飲😖

上星期日襯放假可以同屋企人一企聚餐，一家人去到淘大果間稻香，去到冇乜人排隊，來遠知客姐姐見到已經揮手打招呼，好熱情招呼我地一家坐低。跟住落單，個部長介紹我地今期特價嘢岩唔岩食，睇落都ok，就叫左燒鵝，龍躉兩味南瓜素燴，蒜蓉炒菜心，啫啫唐生菜⋯⋯就叫左幾個餸，霖住等下唔夠食再叫，點不知，碟碟都好夠份量，而且好快就上到菜，屋企人都讚，食物魚比較新鮮，燒鵝好入味，特別讚👍唐生菜🥬好惹味，正⋯⋯😋😋😋估唔到買單都係5百零蚊落樓⋯⋯平時去開酒樓食燒鵝都去左一半價錢。有興趣朋友可以去試下⋯⋯成餐飯落來，個服務係比較值得讚賞的，起碼唔會坐低比人冷落感覺，坐低立即有侍應招呼，落單個姐姐又好認真介紹菜式，總之尼餐飯食得好滿足啦，我會再來幫襯架🤩

妹妹同 #小秘書 一樣好鍾意 #打邊爐，琴晚剪完頭髮剛好時間可以去 #稻香 #宵夜放題🤘🏻 $138+10% 就可以由8:30-11:00兩個半鐘任吃任喝，以今時今日消費水平嚟講，算非常優惠。咁當然唔係樣樣都咁好食啦，所以要識得揀🤣 每次嚟到我哋必定會叫幾轉 #海蝦、#廣島蠔... 質素唔差、幾鮮味㗎！至於嗰啲飽肚又平嘅食物，我就通常好少會叫😅 仲有呢 #稻香 啲 #水餃🥟 #雲吞 都唔差㗎，我一個人就已經K.O咗半打🤣🤣 隊埋罐 #可樂 仲唔飽哂？！

阿魚係邊爐愛好者!!!而家天氣凍左咁多，就當然要瘋狂打邊邊啦!!!!🎄🐟💬：唔知大家有冇去過稻香打邊爐，提提大家，不同稻香係不同收費架!!!!!!🎄例如:淘大、MEGABOX、德福的收費都係大不同架~~~~🎄德福會有埋魚生食架~~不過價錢就當然貴好多了.....🎄今次阿魚去左淘大呢間，因為8點半後就150蚊一個人!!!都幾抵食!!!🎄🐟💬：不過阿魚8點未夠到酒樓門口，已經大排長龍，到左8點後..更加係打晒蛇餅..... 🎄等到8點45分，終於入到去啦!!!!🎄🐟💬：野食真係有不少選擇，例如生蠔、海蝦、羊、肥牛!!!!野食都算比得齊!!!!🎅🏻不過拎醬料都要大排長龍.....如果你見到想飲咩，就要立即拎，如果唔係好多就無晒LOL本來阿魚想拎利賓納........但都無晒了....T^T🎅🏻好彩山根、響鈴就會不斷REFILL，記得菜、山根、響鈴、公仔面、烏冬等等要自己拎架...... 🎅🏻同埋，你一直要行出去比單，如果坐係位，真係永遠都無得食架XD🎅🏻但呢個價錢都絕對收貨啦~~~~~🐟📝：7.5/10

集團式酒樓，賣嘅都係基本嘢 。。。現時做緊8:30後火鍋任食，用料不錯夠新鮮，海蝦海蜆都係任食還有一碟和牛肉粒切件加單上菜都好快，而且飲品除了汽水，還有細細支嘅鴻福堂飲品多款選擇，糖水小不了，但比以前遜色了味道淡了好多，不過整體黎講，好低食，兩人埋單三百蚊

昨晚晚，我同同事去牛頭角稻香食飯，一同五個人，當時六點半比較早所以唔使等位好快就有位。我們一坐下服務員好主動上前推介，最後我們點了五個餸1.金銀蛋莧菜2.沙薑雞半隻3.清蒸龍躉仔4.上湯波士頓龍蝦伊面5.脆皮咕嚕肉每個小菜都好快就上到枱咕嚕肉個皮好脆，金銀蛋莧菜好夠鹹蛋黃味，清蒸龍躉仔好生猛好新鮮，波士頓龍蝦伊面伊面份量好足夠龍蝦好新鮮。最後我們埋單每人約$150都十分之抵食。原來淘大稻香的小炒都非常之出色。我們日後都會多啲嚟這間稻香分店值得推介大家

因小米之爺的緣故，跟那邊的家族一同午餐。訂一枱酒席，一行十多人，有老有少，就聚在這個房間了！  酒席叫龍蝦金豬宴。有龍蝦有金豬。   第一道菜，就係金豬　金豬皮脆，但凍冰冰。 酥炸黃金盒　以為是炸帶子，拆開來看，原來是蟹柳的朋友。   碧綠炒雙蚌片　　彩椒和蜜糖豆角很新鮮，比蚌更美味。 上湯波士頓龍蝦伊麵　　酒席的主角～３隻波士頓＜螫龍蝦＞。按生物學分類，波士頓龍蝦是螫龍蝦屬，並非真正龍蝦。真正龍蝦屬係没有巨型鉗呢！但波士頓螫龍蝦勝在大大隻，上菜夠體面，價格卻比真龍蝦便宜。每隻分為４份，左鉗右鉗左身右身，變為12件，整齊地排在伊麵之上。　波士頓螫龍蝦，自己比較喜歡多肉的蝦身，方便品嚐。但軟棉棉的伊麵才是最美味。 紅燒雞絲翅　大大窩，足夠十多人每人一碗。   蟲草花雙耳浸蔬菜   脆皮吊燒雞　清蒸沙巴龍躉　細細隻，但夠食。櫻花蝦炒飯　真係有櫻花蝦    壽桃包 蓮蓉包，無食到　  原本一席１２人是很足夠的，無奈，突然又有几位從未見謀面的所謂親戚出現囉！！！於是馬上加几碟小菜。蜜桃豬扒，紅燒豆腐，咕嚕肉。十六人，終於食飽飽了！盛惠2888個大洋。

其實之前劣評過稻香既宵夜火鍋。。但係諗住食點心應該無死啦。近近地食個下午茶，又再次中伏。。。價錢正正常常 但其實款式已經追唔上其他酒樓，一路填紙都無乜特別野可以揀。。。依家最普通流心奶黃包都無隻。兩個人一定要搭枱，我唔介意等耐啲 想兩個人坐 係唔得既 無奈。。。先叫左炸雲吞 不過不失 但醬料 例如豉油，甜酸醬，辣椒醬 全部要自助出去拎。。。茶水自己refill...大佬你又收加一又收茶芥，但樣樣都唔serve.....離曬譜。。。重點自助醬料又唔refill全部水尾。。。拎醬好似乞咁。。。大蝦燒賣味道正常 略有點乾但蝦肉新鮮咸水角色水真係差啲。。。大失望下午茶燒鵝瀨收我$42...清湯到呢 淡到好似用水沖出黎咁。。。。點心可以叫 但呢個真係中大伏 千祈唔好叫！全餐最好食竟然係炸鏝頭。

中式火鍋黎講 宵夜場其實無話特別平，但勝在近屋企，所以就試試佢。。。。一入座見隔離枱一次過拎幾枝野飲，心諗咁誇張。但原來真係要咁做，因為好快俾人拎晒就唔會再加，職員話呢度有就有冇就無。得番汽水 仲成晚唔會加貨 唔想飲汽水既成晚飲茶/酒吧啦。。。我哋叫咗清湯同埋沙嗲鍋，有色但完全冇味。但我覺得兩個都係完全清淡，沙嗲鍋冇沙嗲味，我哋不停加沙茶醬落去都完全冇味。最後，我哋仲要叫佢俾鹽我地自己加，都搞唔掂，已經有啲失望。牛肉不過不失最嬲係我哋一入座已經填寫某啲餸，一直都無黎，我地最後追左好多次佢先話賣晒。全餐我哋淨係食牛肉菜同埋丸。其他海鮮，除左魷魚筒，一坐低就話無！其實十分失望！我俾呢個價但係又無嘢又無食物揀 真係一肚火。 其實酒樓冇充足嘅貨量，就唔好搞宵夜放題。乜都無又要我俾呢個價真係冇下次。某啲類別例如菇類冬瓜蕃茄嗰啲佢放喺雪櫃入邊，但雪櫃冇晒又唔加。入紙叫佢拎黎，又話雪櫃有！呢啲要自己拎但係雪櫃無曬唔加最後，你諗住食糖水個陣佢已經執晒，係我哋食到一半嘅時候芝麻糊同杏仁霜嘅櫃已經開始清洗中。。。。。。想問下係咪糖水都要一早攞定，真係勁無奈。最後得返雀巢雪糕可以食估唔到稻香嘅質素每況愈下，

親友想食一蚊雞，提前在６點到酒樓搵位，先佔４人枱。　由於晚市剛開始，客人不多，不算太嘈吵。待人齊後，用盡Quota，四人共點二隻＜一蚊雞＞，再加一鍋菜一炒飯。　今次的＜一蚊雞＞係＜原隻烤農家雞＞配手套和較剪。　視覺：金黃外皮，緊緻的雞皮，雞頭朝天，頸緊貼脊骨。下方有蝦片墊底吸油。其實原隻的雞，雞油都鎖在完整的雞皮下，没有太多雞油。反而是烤雞前，所用的油比較多。細細隻的烤雞，好似未發育。心想：每人半隻，應該夠食。 手感：左手先帶上膠套，右手執剪刀。剛烤好的雞，外皮超脆，隔著手套，也能感到那熱力。捻著雞腿近爪的骨位，先撕下雞脾。完整雞脾，可以看到雞油和雞肉精華。　拆開雞脾，再把雞全翼三個部位全拆開。其實大較剪只用於解開關節位連接組織，肌肉和筋膜等位置。就好似＜疱丁解牛＞，只針對軟組織，慳力又方便，無需用剪刀跟雞骨硬碰。來到大片雞胸，就要出動大較剪，把長長的雞胸纖維剪細。　終於成功將整隻雞拆件，大家可以筷子慢慢享用。　口感＆味道：        　　一蚊雞拆件後，原本熱辣辣的雞肉溫度稍降。終於可以享用一蚊雞了。現場拆雞，最大優點，雞肉不會乾柴。雞脾肉先天無得輸，就連雞胸肉都是軟棉棉，容易咀嚼

稻香一蚊雞又重出江湖啦！！！😆😍🤗排隊的人潮無以往的濟擁，我大約7點拎籌，7:20左右就入得👍🏻一黎梗係order左一蚊雞先啦！再叫多個小菜同8頭鮑，2個人應該都夠啦🤗燒雞香噴噴，皮脆肉嫩又多汁，但略嫌有d瘦，不過$1喎！算啦！😊柚子蜜焗肉排都唔錯，d肉炆得好淋，足料，係柚子放多左，有d苦澀味🙈至於8頭鮑魚，追問之下先告知已沽清😫算啦！反正都飽哂！留個肚落樓下幫襯食糖水🍴🥞🍰🍧服務方面，應該都唔使多講啦⋯⋯稻香酒樓丫姐唔鬧人黑面就已經⭐️⭐️⭐️⭐️⭐️呢句應該無人唔同意架啦！😆

初4去飲茶, 好多人, 但估唔到無特別加2/3, 係某D點心變左賀年點心LAW。叉燒包: 足料, 不過肥肉最好少D, 熱辣辣, 包軟熟, 好味。煎腸粉: 感覺似無煎過, 亦唔熱, 得少少蔥在入面, 我以為是短的腸粉, 原來是長的。腸粉唔夠滑。煎薄撐: 薄薄的一大塊, 已切開多塊, 入面主要是蔥花, 煎得唔香口, 但又唔會油, 味道偏清淡,都OK。蝦餃: 皮可以再薄D, 蝦都足料, 但無特別。燒賣: 變左賀年點心, 上面有蝦同蟹籽, 下面是豬肉, 入面無冬菇, 爭咁D, 總之質素普通。奶皇流沙包: 係流沙餡, 但唔夠流, 一般。牛肉球: 偏乾, 但食得出唔係全部只是粉, 牛肉足料。