稻香超級漁港 (已結業)

嬲到我專登開Account寫食評知道馬鞍山係美食沙漠不意外但沙漠中嘅地雷都係第一次首先7點拎飛等晚市火鍋已經等咗一個鐘有多問職員先知原來要9點先開始好啦安排咁差都算 轉去食晚市小菜一坐低想落單叫餸食 但職員十問九唔應幾經辛苦先成功落單等咗半個鐘先黎咗第一碟凍嘅豉油雞完全唔好食！然後想要嘅豉油變咗喼汁 完全係笑話黎三碗白飯足足等咗一個鐘 追幾次單都未到唔講以為仲種緊稻米 四季豆又漏咗單無出現過餐飯足足食咗兩個幾鐘 剩係等都兩個鐘如果餓少少應該等到死咗…查看更多

一個麻辣鴨血鍋湯底一個鐘都未到？😠呢個湯底真係要整咁耐？！落左。。廚房唔到我地話事？！是什麼道理？！有就有！無就無！拖就叫解決問題！無想過一間大集團有這樣的態度！…查看更多

今晚入到去，未到時令見到都係四五圍打邊爐，入到去服務員第一時間送上湯底，服務算唔錯，但係越坐越唔對路，啲配料少都算，啲餸等完七八個字都唔黎，上埋啲蝦滑仲要係結住冰上，真係女頂唔順…查看更多

今日又嚟到馬鞍山做野，下午老細係稻香請食飯，講真稻香呢幾年真心垃圾左好多，員工態度又差，再係咁都幾難留住d客。不過價錢尚算不過不失，下午茶時間都好多優惠。櫻花蝦雞粒炒飯都算唔錯，櫻花蝦脆脆地配炒飯幾有咬口，不過再乾身d會好食好多。點心不過不失喇，個鼎湖腐皮卷d餡實在有點少，如果有機會都未必再揀稻香…查看更多

服務態度超差，雞腳超硬又黑，鳳爪和粉果又咸，碗碟超油好似冇洗咁，污糟邋遢，叫d侍應睇到當睇唔到，最差是個男經理，同啲食客鬧交，叫經理幫我移走啲櫈，佢話移緊囉！好唔合作同冇禮貌。…查看更多

今晚去左稻香打邊爐，原本無乜期望，大家都知大型連鎖酒樓一係不過不失，一係就差到死，無下次；但今次食又ok喎，我地六個人去圍爐，野食選擇都算多，而且幾平，黎到啲肥牛、海鮮類都算新鮮同多，之後有次落左個菜籃遲遲都未黎，我地催單阿經理都好好禮貌即刻入廚房拎返畀我地，畀個讚佢👍🏻唔知係咪之前食過其他地方稻香都覺得服務麻麻，啲小菜又hea，今次算有啲改變舊印象，埋單都係每人都係百零蚊，打邊爐真係食得過可encore…查看更多

今日同朋友一齊吃呢到既火鍋放題，個湯底足料，款式算多，但d肉就麻麻地吃左一塊，我就冇咩興趣吃落去。百幾放題算係甘，有肉有菜有丸有雪糕同野飲，d杏仁茶幾好，唔錯。本身整體都ok既，但就係落第二張單個陣等左陣仲未齊野，就去揾職員問，a職員就話唔知道，指住道門叫我地揾b，到我地等b出黎，b話左句可能冇曬之后就冇再理我地，就甘走左，完全冇入去睇下係咪真係冇。如果真係冇，落單之后又冇人通知過，呢點係我非常不滿意，今時今日甘既服務態度…查看更多

8號風球之下..好多餐廳都關門..黎到稻香食晚飯..竟然唔使等位..仲要坐唔滿.生意真係淡得有d誇張..但其實我又覺得d野食唔係差到甘姐..我地叫左兩隻乳鴿..又唔算好細隻..都夠味..唔使點調味料..雜菌豆腐煲..d豆腐都好滑..只係味道偏咸..魚兩味..一碟炒四季豆..一碟係清蒸..但味道ok呀..魚都好鮮甜..仲有一碟蒜香炒小白菜..都係咸左少少..其實總括黎講..味道係唔錯既..都算抵食..只係味道偏咸左少少..…查看更多

其實真沒有很覺得馬鞍山是美食沙漠, 因為很多朋友都住馬鞍山, 馬鐵又很方便, 我也不時入去跟朋友吃飯, 今次我們去了打邊爐朋友話有個椰子雞火鍋叫”椰椰芝麻雞鍋”, 她之前跟家人食飯時發現此鍋好香, 要組團一起吃(笑)就是這個湯底, 一打開蓋真是傳出又甜又香椰子味, 有媽媽的味道雞大大隻, 還跟上柑桔和沙薑醬放下雞件, 先讓湯滾起來, 忍不住飲了口湯, 很清甜!!!! 椰子同雞很配合!雞肉也很滑打邊爐不能少的肥牛沒有渣, 很軟滑, 有牛味芋絲有如此清甜可口的湯底,不點芋絲吸一吸就浪費了! 芋絲吸了椰子雞湯味, 我連食5件蔬菜籃為有選擇困難症的我們而設, 不用想來想去點什麼菜了! 而且很新鮮, 照片拍出來都可以當wallpaper了是我見原來湯底那麼租鮮美而後加的, 吸取湯底精華又有少少咬口, 很不錯豬肉丸看來很可口, 我猜事實也是…..為什麼要猜? 因為一下子被吃光了(哭)當然少不了枝竹很充實的一餐呢! 就此, 多謝收看(鞠躬)…查看更多

嬲到爆既分享! 嚴重blacklist 馬鞍山頌安稻香酒樓!!!!屋企人係呢間酒樓既長期客人, 基本每日中午都會黎飲茶。今日買左月餅卷亦送2張免費晚市小菜叫我地黎食! 好喇! 咁今晚就去食喇! 咁就出事喇!坐低先話只可每次用一張免費小菜(日頭話可以話用, 依家又話唔得! 好~我算! 反正免費8揀1, 得個叉燒揀得落) 同經理落單, 總共6個菜。先黎碟叉燒同白飯......就停左差唔多半個鐘!!!再同侍應催, 一碟南乳豬扒同沙嗲肥牛金菇先黎! 食清哂再隔一陣, 個雞煲仔先再黎。 中間再催個侍應2次話有2個炒菜未到, 佢就哦同好就走左去......最終食哂個雞煲都未黎!!!! 再催都係唔黎!!! 最終要自己行出去個收銀度check 單先知~ 根本冇落到單! 😡😡😡😡堅嬲左!!!!! 老實講, 你一早話我知冇落單既, 咁我會唔等或者重新落單! 但要我地食哂又要自己去問先話冇落單!!!!! 好過份😡同埋仲要係經理落單! 你會話係咪爆哂場? 唔係! 15張檯都唔知有冇!!!經理有冇理? 冇! 仲要我地出左門口先見到佢, 佢只係輕輕帶一句會了解下😡😡 我真係想講粗口!!! 咁大間連鎖酒樓, 服務差, 味道差! 如果唔係就老人家係樓下, 真係請都唔會去食!食完今次, 老人家都鬧爆!!! 真係燥爆呀！後記: 我仲要去食多碗麵先飽呀.......😒…查看更多

趁平日一至四小人同埋特價，去稻香食父親節飯。食得開心，不過食物質素認真平平，而且好多仲好以前差左好多，特別係個菠蘿咕嚕肉。以前大碟好多，而且好足料，舊舊咕嚕肉都好脆皮，咬落係啖啖肉。今次食可能廚師一次過整三碟，一個鑊起唔到三碟量就夾硬分，搞到分唔到足夠量，紅椒又冇，菠蘿又少。特價野食有波士頓龍蝦面，龍蝦冇咩特別同正常既一樣好入口，大大件肉好有口感。但係個脆面真係好差下，估係炸得太過份，或者係黎貨唔係靚料。食落係脆，但係唔好入口，即係食食下唔想擺入口。仲有，太多人落單，搞到遲遲都唔上龍蝦，等左成個鐘先黎。除左呢兩樣，當然再叫其他特價野食啦。沙薑雞味道唔錯，冇血水(以前成日要囉返入去丁)。肉質唔梅，夠晒咸味，但係沙薑醬料唔吸引，唔點好多點。呢個上菜又係衰，叫一隻黎半隻，連雞頭都唔見左，真係...叫埋兩個海中寶，好足料。有鮑魚雞腳海味，好多好豐富，非常吸引，值得叫食。乳豬叫例牌，因為一向食一大圍都唔錯。點知例牌真係份量咁鬼少(HKD 98)。我唔識野，但係真係唔夠食，咁樣就覺得好貴。脆皮，好味，沒有太多焦黑及焦味。太多肉就要食點菜，什菜煲。其實個煲整得好靚，出邊其他食店都唔會咁整齊又咁多種款菜。呢個心意分最多，但係個煲唔熱，食落堆菜好似浸過頭，太林。所以口感一般。中式酒樓，算係咁。不過整體越食越差，服務差左，叫呢個果個都唔應。價錢又貴左。…查看更多

昨天外賣燒味回家晚飯, 如常先到櫃台付款, 再到燒味部取貨.已經同收銀員講明叉燒要肥, 去燒味部再講多次要肥, 竟然他們俾全瘦我, 仲搵都唔搵就話已經最肥. 你全部貨都係瘦?! 掛成幾十條出嚟都係瘦?! 依個時候再多幾個燒味人插咀, 話係架喇, 你退錢囉!! 依啲咩態度?! 之後再有個經理出現, 佢態度就好喇, 即時叫燒味人換俾我, 但係燒咪部都唔係好聽佢講, 佢要走入去好似小朋友咁叫咗幾次佢哋先做, 佢真可嘉! 稻香燒咪部真係非常惡劣 , 一個上市公司有啲咁嘅倒米員工, 管理層應該感到羞恥 .…查看更多

住馬鞍山的 都知馬鞍山絛咩打bino 的好去處 只好去馬鞍山稻香試試幸好都不錯 :):)環境大 感覺不會很逼 冷氣夠(大家都知打bino一定好熱)加8蚊又有野飲又有甜品任攞 正!而食物方面 肥牛30-40蚊左右大大碟 只是有點肥 不夠靚:(:(丸種類多 芝士獅子狗值得推介 一口咬下去 滿是芝士 很有特色(但要小心熱呀)雜菜份量中等 但多選擇 總有一樣你喜愛的!…查看更多

三個月前去明明仲okay，e+水準冇晒:(叫咗翠玉瓜炒帶子、鮑魚仔燉湯、干燒伊麵、腐乳通菜。d餐具超骯髒，每個杯都有 水漬。通菜水汪汪，又冇味，好似烚甘。炒帶子同燉湯一樣，淡而冇味，偷工減料。伊麵等咗45分鐘，前後催咗佢地3次。以為咩伊麵要等甘耐，黎到咪一樣甘 淡。d待應嚴重不足，舉極手都冇人黎。有d扮睇5到，有d淨係不斷話等陣or轉頭再黎。d野又貴又5低食！…查看更多

7月份，各大食店也會推出各式優惠，集團式酒樓也不例外。最新推出的筷樂方程式，分單數日和雙數日享用不同特設的菜式，只需$98，超值。 今天是雙數日，筷樂方程式的菜式是清蒸虎斑仔和脆皮燒雞。  先說前者，虎斑大小適中，蒸的時間剛好，肉身滑滑，加上大最薑蔥配上鼓油，讚！ 後者，脆皮燒雞半隻，雞皮脆，雞肉滑，雞肉並沒有因燒而乾，更有雞油和雞汁流出。  這方程式美中不足，就是欠缺菜，所以需要再另加一菜式，選擇了啫啫通菜煲，此煲非常野味，通菜爽口，讚！ 甜品時間，只需加$18，就能享用到燕窩豆腐布丁，只看名堂已夠吸引，可惜淡而無味，但總算價錢合理吧！…查看更多