稻香超級漁港 (已結業)

台灣朋友跨年期間來屋企住，一早選擇就是飲茶稻香，在屋苑旁，行來不晒3分鐘好方便！！👏👏👏阿姐一直提醒我們快點落單，搞得好緊張，但原來是早點落單買單都有6折，可以體諒阿姐一直催促的原因😘😘！！我中意他的蝦餃好鮮甜好大粒有3、4隻蝦，牛肉丸有4粒食到馬蹄加吉汁超好味，燒賣都是4粒，豬肉蒸好配上蝦好爽口，鮑片鮮雞粥飲落好舒服，3人分2碗都夠。這間份量足，又好味！👍👍😋😋點左好多野食，不記得影相總之趁熱食！！最後來個芝麻糊香滑順口，雖然有點小甜，但是好味的！🌟🌟飲茶同師傅手勢有關，我覺得這間稻香味道好好！！台灣朋友都食得好開心好飽…查看更多

呢間酒樓終於裝修完喇比起舊店 依加新潮高級左唔少亦都比以前光猛左好多 連餐具都升級左富有中國色彩我地今日食既係放題原本以為同以前一樣點知依加係冇湯底選擇食物都比以前少左好多食放題的話 就只可以選擇呢個每個人都有一碗湯有雞腳 瘦肉 等等飲得出好濃味肉同雞腳都好林可惜飲完呢個湯等左大半個鐘先有湯底眼見服務員都忙個不停都唔好意思催佢地坐到悶悶地就去左自助區估唔到酒樓會有爆谷食小朋友都食得好開心呢仲有唔同味道既雪糕任食飲品種類都好多有氣水 涼茶等等終於等到湯底同海鮮黎喇由於湯底加海鮮拼盤同安格斯牛都有唔少野食所以點菜紙係唔可以一開始就入單的不過湯底都好濃郁但稍為重味左少少食左第一轉要加多少少水溝淡如果唔識點食可以睇返個牌海鮮都好新鮮無冰鮮味當拼盤都到既時候記得入紙叫其他菜如果唔係又有排等Overall黎講$138一個人有呢d野食都唔錯不過等待既時間實在太耐喇8:30入座 21:00先開始有得食如果改善下出菜方式一定會更好…查看更多

星期一休息，落稻香下午茶，去到冇人帶位，入面啲枱冇一張可以坐，企咗5分鐘叫极啲阿姐冇反應，最終自己搵咗張枱搭，已經焗焗地氣:(根住叫咗兩個點心一個牛雜湯米.點心正常水準，但係個米粉見到就冇曬胃口，只有一大碗米粉，冇湯問個阿姐，阿姐話啲湯粉係咁樣喎，但係明明隔離都叫咗個湯粉，正正常常，唔係咁囉，最終食咗上面兩三塊少得可憐嘅牛雜就算，啲湯真係冇胃口吞落肚:(…查看更多

媽咪最鍾意嘆茶，今日就同佢去稻香飲下午茶，平日茶客唔多，唔洗等位，我地好快就被安排到卡位，坐得好舒服，唔怕逼。油雞湯米線做緊特價，當然要叫一碗試下，但由於太肚餓，好快就俾我地食哂，所以無影相。下午茶時段較抵食，多款點心有優惠。我地叫左3個點心，山竹牛肉球一籠有4粒，做得好滑。紅油抄手的皮很薄和滑，餡料多，而且醬汁十分惹味，令人胃口大增。蝦米腸粉煎得很脆，好香口，口感唔錯。…查看更多

見老豆返咗鄉下，就約老媽子撐枱腳，點知佢又話要食一蚊雞, 最後我哋講得切喺四月尾食多一次一蚊雞。但為咗呢兩隻一蚊雞，我排隊等位足足等左一個鐘頭，真係純粹為咗應酬阿媽覺得好抵食嘅心理，其實我嘅 time cost 仲貴啦不過見佢食得開心就算啦！講真一蚊一隻雞有乜嘢質素可言呢！我總係覺得啲雞肉唔得新鮮，食落去嘅口感唔幼滑，同埋食唔到雞肉嗰種彈性. 未到就夠晒鹹嘅跟住我仲加左飲品自助餐，豆漿真係唔錯，其他就麻麻啦！叫咗條魚都幾靚仔嘅！仲叫咗個雜菜煲！一邊講是非一邊食飯食咗兩個幾鐘…查看更多

一行三人在屋企樓下既稻香飲早茶早上8o多到達，可能係平日啦仲有位但都坐咗大约九成人，攞點心紙睇，嘩……有兩款蒸飯只係每款6·8元自己然先揀番一款啦當然也揀多其他幾款點心！落單幾分鐘已經開始有點心送到，先黎一個炸雲吞配魚豆腐，雲吞有2粒，食落就知係即炸的，而且很有味道，魚豆腐有3件，魚肉加入芝士去煎炸，入口口感同味道都很豐，這款點心十蚊都唔使，之後正價牛肉腸粉到，皮算薄及滑，牛肉都唔少，配合得唔錯繼續有點心送到，6.8元的梅菜豚肉飯，剛剛蒸好好熱而且份量十足6.8元超值人地白飯到賣超過10元一碗啦之後再食叉燒包，又係6·8元，食落質素唔差喎，怪不得見不少食客也有揀，繼續食牛肉球，牛肉腸粉唔差牛肉球自然也有保証啦最後南乳蒸豬手，细细件易入口有成5-6件，好入味三個人六個點心已經食飽，埋單9o元一人3o元，平過去大X活食早餐…查看更多

6-3-2017晚上8:25待家人齊，一心往商埸的連銷快餐點晚飯，路經稻香被門外的廣告吸引住，宵夜由8:30開始有多款特價小菜或火煱供應無睇錯……係宵夜8:30開始於是一人6人決定一試，我們比較喜好小菜，選擇了數款經濟的菜式（乳鴿、炸魷魚鬚、干炒牛河、雜菜煲、生菜鯪魚球，椒鹽豆腐），幫我們落單的女待應推介我們有一條约一斤幾兩的忘記了是咩斑魚，才78元一條，所以無須考慮蒸一條試吓，她還介紹我們每人加12元便可無限次享用自助吧，飲品、糖水、就連雪糕也可無限享用，一轉眼我們已清理了所有食品，味道很滿意，享用埋甜品後埋單，580元6個人平均每人不需100元，家人也覺得超值，一行6人很滿足地離開…查看更多

天氣漸冷，香港人都喜歡打邊爐，官方叫「火鍋」，特色是邊煮邊食，食物永遠是熱騰騰的。進來時已經9點，算宵夜時段，全單有折價錢參考上面三張點菜紙，本人覺得非常抵食。火鍋醬料有9種，整齊排列，容易選擇。另外加＄12/人，有自助吧任飲和任食甜品。總括來講，材料新鮮，份量充足，價錢合理。這樣說好像好官腔，但事實是這樣。推廣期內＄88火鍋送自選紅、黃、綠各一，合共三款配料(宵夜時段價值＄65），加上宵夜時段（晚上9點開始）所有配料都有折扣，除了大商場換季買衣服之外，估吾到火鍋也做雙重優惠，折上折，感覺驚喜和非常抵食。天氣冷想打邊爐又不想在家動手準備食材的話，我還會選擇來這吃，價錢的確很優惠。…查看更多

是日收工遲左，返到屋企附近選擇不多，正好是稻香火鍋宵夜時段，我和老婆兩人就打算食啲算單嘢。怎料餐牌夾雜一張紙，龍蝦雞煲宵夜時段由$168減至$98。我本着人一世物一世既座右銘，再試一次打邊爐時食龍蝦龍蝦和半邊雞徐徐送上。龍蝦足足有一隻碟長，對半切開，竟然見到內臟還在跳動令本以為用雪藏貨的我大跌眼鏡［龍蝦雞煲 $98］龍蝦煮熟後肉身白哲，入口味道不濃，但畢竟是新鮮貨，肉質爽口彈牙，非常鮮味。除了龍蝦肉，食完的龍蝦身亦可以為湯底增添鮮味我再去魚缸，見到兩缸最少近六七十隻波士頓龍蝦，更加肯定我用$98食到的是新鮮龍蝦。連在街市買一隻既價錢都要百多元，這個$98套餐，即使用清水煲都物有所值。［炸魚皮 $20］，脆爽大碟，表面有五味粉吊一吊味，很好。［脆鯇骨腩 $30］近大骨位無細骨，非常有咬口，爽口彈牙。［牛肉片 $30］一般，肉質淋但沒咬口，和茶記食到既沙爹牛質地口感相似。…查看更多

人大了，食唔到咁多野，所以打邊爐喜歡一碟碟計錢咁叫，因為質素好點今天就來青衣城稻香試下叫左椰香芝麻雞，未試過打邊爐食椰香，試下先，雞肉都幾滑，有椰香味，但我未搞得清楚係湯底定係雞是椰香炸魚皮有點失望，因為唔脆，有些淋四寶丸一份有四種丸，好適合兩個人打邊爐食，質素比平常任食的好好多魚肉好厚身，好大舊，食幾舊都飽飽地Wowwwww好大碟牛肉，雪花好美，心心眼每塊都有咁上下厚度其他食物都正正常常啦…查看更多

因為呀媽成日投訴我同細佬返左工之後好少陪佢食飯,所以見今日得閒就同佢去左稻香度食個晚飯啦~今晚叫左細佬鍾意食既芝士焗龍蝦! 衣個龍蝦賣看同香味都相當吸引,但係衣個龍蝦既烏冬一食埋口就知道係平價烏冬,一D口感都冇.....至於個啫啫雞煲就真係色香味俱全, 如果要講唯一唔夠好既真係雞既份量太少了,不過OVERALL黎講衣2味菜都有中上分數既~…查看更多

一班同事食飯，傾訴下心事發洩下壓力，同事話想試下呢排好興嘅椰子雞煲，天氣咁悶熱食清d都好嘅。店員話個湯底用新鮮海南椰子淆成，湯滾咗就放雞落去煲5分鐘就食得。滾完一開蓋啫，開噴噴，成班同事即刻一人一碗爭住飲湯，個湯清甜滋潤，隻芝麻雞，肉質嫩滑又入味，試埋點秘製沙薑醬食，估唔到咁惹味，再配埋海南金桔仔，醒胃之餘更特顯雞肉鮮味！讚！安格斯牛，蜂窩豆腐同餃都係水準之作。出去滾，最怕就係加水時刻。。。加完水個湯淡哂真係好無癮再食，呢個椰子雞煲就唔同，係加湯架，講真真係好少酒樓肯加湯而唔係加水俾你。…查看更多

今天做乖孫，同婆婆去飲茶。2點幾到達青衣稻香，可能因為是閒日吧，完全不需要等位。$9.8 有一碗切雞米線，對味道沒甚要求的話真心好抵食。落單叫了2碗，來的卻是一碗米線一碗瀨粉⋯雖然吃了會敏感但對蝦是完全沒有抵抗力，不過話這個吃了也不覺得自己吃了蝦餃吧？蝦餃皮厚到呢⋯還有點心甚麼的，不過沒有拍下來啦都是普普通通，5個人吃了二百多，這個價錢也不能要求太多吧⋯…查看更多

現在星期日一家人上茶樓或酒樓飲茶，或許都是間中一次，每次飲茶都會用上個多兩個小時，但是為在下年輕一輩上茶樓飲茶，或多或少不會用上個多小時，在一輪急攻下，已經飽肚了，可以坐下來嘆茶。青衣有兩間稻香，一間在青衣城的稻香，另一間是稻香超級漁港，咱們來了超級漁港那一間。星期日的青衣城稻香會較多人等位，反觀在翠怡花園的超級漁港就少人等位。鳳爪排骨飯已經成為咱們的例牌點心，用上了鐵盅上桌，份量剛好一人份，但是卻咱們三人分了。鳳爪較為深色，沒有鮮艷的橙色，排骨是半肥瘦，雖然有豆豉和紅椒絲，但是惹味度一般，淋上甜豉油，味道就對辦，排骨也夠腍和滑。牛肉腸粉皮略為厚了一點，但都算滑而且欠缺米香，牛肉反而較粉皮滑溜得多。牛肉內沒有半點香茜，所以沒有陣陣香茜的香味。叉燒包是飲茶或許不可或缺的一個點心。叉燒包皮也算較薄，可是內裡的蠔油芡汁略為乾身一點，叉燒是全瘦的叉燒粒，但吃起來卻又不錯。潮州粉果皮夠薄，可見內裡材料，有紅蘿蔔乗花生等。吃下的時候口怠都幾豐富，而且皮不靭。奶黃包也許是最好的一道點心，皆因在下一個不覺意，原來是一個流心的奶皇包，咬一口內裡的奶皇立即流出來，在下不為意地已流出口中呢！珍珠雞只有兩條，從前都有三條的。荷葉外層包了一層薄薄的紙，拆開時也較費功夫。珍珠雞與糯米差無異，糯米粒粒分明，也較乾身，吃起來也有點煙靭，不過感覺上有點鬆散吧。鳳爪排骨是用來佐飯吃的，剛才看到的鳳爪排骨飯中的餸籵是不夠三個分，因此點多一碟。同樣地排骨較軟腍入味，鳳爪也是醃得入味。而內裡也有芋頭，芋頭也做得較粉，好味。山竹牛肉也是坐上客，蘸上急汁，味道猶如從前吃過的一樣，有蒽的香味和酸酸微的感覺，牛肉本身也很腍好味。整體味道不過不失，唯獨每一籠點心卻很微暖不太熱，也不見蒸氣上升的模樣，因此印象分和味道上有點缺憾，希望酒樓留意一下。…查看更多

約了家人吃八時半開始的宵夜時段之後見到佢特價的豬軟骨雞煲,就一坐低就落單啦但竟然等到9點10分,所有火煱料到左,但個雞煲都未到,問佢就一到行走,背對住客人話煮緊ga la之後我話:咁arm 隔離檯一齊入單，但人地都食左好耐啦(親眼所見,個經理都見到)我覺得她最過份係沒有講跟進,或一句唔好意思都冇講,佢竟然去CASHIER PRINT 埋我同隔離檯張入菜單過來，指俾我睇話"你張檯遲過佢既5分鐘入單(係8:33同8:38既分別)"，我話"咁就係啦,差5分鐘入單,點解人地就來食完.其他檯要呆等呢?"佢唔出聲走左去 最後9點15分先見到,成車雞煲出來,食到中間(10分鐘後)仲有D雞件未熟TIM.... 當我加左水煮熟D雞之際,另一個樓面過來:"刪"細D個爐啦,燒乾GA LA...我 雞未熟,點樣"刪"細D個爐啦(我夾埋件仲係生的雞件俾佢看時)佢表情詫異,唔出聲走左去 最後埋單時我忍唔住同第一個經理直接講:"你俾番D基本既服務態度得唔得?一句唔好意思都冇講"佢又係唔出聲走左去..... 總結:好多人同我講,間間稻香都係咁.其實我都係咁諗,只求有野食,食飽就算,從來冇期望你有什麼SERVICE.但至少對客時,應該有番D基本對人既尊重,而唔係去死撐話個客屈你在先,或者你就可以行左去.希望這間集團正視這個問題,因為就算食物有幾好食(PS 仲要而家已經唔係好食既時候,豬軟骨雞煲只係正常的味道,但因未熟只有2分),為何要受你氣呢????…查看更多