稻香超級漁港 (鳳德商場) (已結業)

平時間唔中一個月都有1-2次黎食飯,同屋企人2-3個叫幾個送食飯,見到佢地有好多野搞,又一蚊雞,放題火鍋,一蚊小菜等等,當中佢地有一個叫"自助吧"既位置,係食飯每一個人加$14就可以任飲指定飲品同糖水,平時覺得有D酒樓食完飯會有飯後果,飯後糖水呢D送都幾好,呢間平時食小菜既時候都無呢樣野,只係套餐同火鍋先會送,我今次見到旁邊果台食完有糖水,心諗,咦?依家食小菜都有得送咁好,咁當我地食完準備賣單既時間就問一問D啊姐會唔會係有得送糖水架?見咁凍,食碗熱糖水都好~當我問個姐姐,唔好意思啊 想問係味有糖水送架?(再指住對面台果家人)點知有個啊姐話: 講完就轉身走左我就奇怪 人地好似無出過去拎野飲wo,咁係咪搞錯左呢?(當然我只係問下,唔係想貪咩小便宜)但個啊姐咁樣hea答我,到底係佢見人係熟客就簡人黎俾?定人地真係有加自助吧?咁到我俾錢,我好奇問一問,到底有無食小菜送糖水? 我見人地33號台有有個啊姐chk一chk之後話 下,33號台無加自助吧啊!!!!我指住果位啊姐話:佢答我係咁,咁你地姐係呃人啦? 大細超既 無得送就直接講,講大話咁呃人咁咪仲差,你地一陣真係收返人地自助吧既錢就最好,平時覺

天氣開始轉涼，打邊爐就啱晒。成日行過都見到宵夜放題2.5小時$138（再加一），好似幾吸引，於是就試一次，因為平時好早就已經食晚餐，今日等到咁夜食，有少少唔慣!雖然8:30先開始，但8點已經排晒人拎籌，呀姐會比定點菜紙，啲人已經急不及待地tick梗食物。另外，發現放題紙無左1/3 part🤔大概應該是蔬菜類別的食物，開頭仲以為會無菜食添！原來場來有自助區，可以比人任夾。有菜，菇，海帶，支竹，蕃茄，響鈴......8點半開始叫人入座，啲人一窩峰就拎飲品，我地仲慢慢來原來啲飲品真係要快手拎，因為有些飲品一拎晒就唔會再添加。（我見咁嘅情況，都即刻拎番罐檸檬茶，石榴汁，可樂，雪碧）除此以外，有多款凍飲，果汁/豆漿/夏枯草/紫背天葵。場面都幾墟冚，自助區的人好似狂搶，夾到啲食物跌晒。好多人都拎定烏東，出前一丁，可能怕之後冇吧🤣睇得出依班人好有經驗！回歸正傳，我地tick完餐紙，好耐先有呀姐收，但收左之後都冇咁快上鍋。這時，就去拎定豉油等食吧～因為冇咁快有野食，好多人已經食左雪糕，糖水（紅豆沙/芝麻糊/杏仁茶）先。鍋到了，我地揀了【肉骨茶牛雜湯】，入面有包胡椒湯包，2條牛骨，好多牛肚，都非常有味。

一家人諗唔到食乜。。醒起鳳德邨間稻香有火鍋任食。。所以就帶埋阿爸阿媽去食！每位138加埋一都係百五蚊一個人左右。仲係任食同任飲2個半鐘喎！仲唔抵？雖然係寫宵夜火鍋，但八點半就開始有得食啦！因為我地平時屋企食飯都係咁上下時間架！上到去。人唔算多起碼唔洗等即刻有枱俾我地一行6個人剛好坐正自助區隔離好方便！調味料都好多選擇架！然後轉個彎就會有果汁機(檸檬汁，蘋果汁，提子汁等。。)，仲有夏枯草，洛神花茶同豆漿任斟又有糖水~紅豆沙可以俾大家滋潤下！仲有任飲汔水，種類都算多喎！仲要係可樂唔係百事。。。又有蕃石榴汁飲啱晒我媽咪！湯底都有6款俾你揀，一啲都唔Hea架！我地就揀咗肉骨茶牛雜鍋。任食嘅種類都唔少！可以加錢$38任食安格斯肥牛，但我地冇加錢因為覺得任食柯打紙上嘅牛都有两種揀所以決定唔加！個鍋一上枱都幾香藥材味。再撈下啲料睇下好多金錢肚！又有牛膀同牛肺食。好足料。正！整體用料以呢個價錢食任食火鍋係超值嘅。。本人推介呢個！

稻香超級漁港飲茶，有新款點心紙，當然要食番一下。叫左個雲吞炒麵，煎雲吞配以油炒的香滑嫩熟粗麵，再加上紅蘿蔔及椰菜蔥菜絲配料下，食落都惹味可口無窮。煎鯪魚肉煎茄子，令鯪魚肉香脆。馬拉糕是又香滑又熱，食落軟軟的好正。

食物質素普通叫乜無乜不新鮮啤酒唔凍又無冰環境亂地下污濁成地垃圾四圍蝦殼服務態度非常差員工姐姐發脾氣又發悔氣明白工作忙但不用發客人脾氣😡😡😡😡😡😡😡

質素參差的$150任食火鍋好耐無去稻香打邊爐啦，因為愈黎愈唔好食，份量少，質素又有驚喜，好似好多人都係食晚飯多。但最近見好多廣告賣緊$150任食火鍋，被吸引而再飯返打邊爐。$150任食火鍋，包所有火爐配料，飲品，汽水，雪糕，沙冰都係飲食！8點半開始， 開始之前無乜人， 但一到8點半就好多人排隊， 建議早D去攞位， 咪真係有機會入唔到， 無枱， 入到去等湯鍋都要等成半個鍾， 因為所有人都係一次過入曬黎， 連排豉油都大排長龍。肥牛，  羊肉都有，  但等野食又係要再等好耐，  而且質素參差，  如下面果張圖，  第一碟OK，  到第二碟就多好多肥肉。 蠔煲完之后好細粒，  發水發得好緊要，  但今次黎到飲品汽水就多咗款，  以前淨係得可樂。 

好耐無去尼度食 因為質素好麻麻 愈黎愈唔好食 不過今次係被$150任食火鍋而吸引！所有料、飲品汽水、雪糕、沙冰都係飲食架！肥牛 羊肉 都好好食😳😳😳😳 算新鮮 普通配料 丸都有齊 所以$150真係唔差！

放假，我哋一家人又出去食飯啦屋企人話稻香又做一年一度嘅一蚊雞優惠，所以我哋就一齊去試試。一蚊雞但係份量都幾多，成隻雞味道都偏淡，但係都食到雞嘅味道。雖然係特價，但係都唔會話完全冇雞味雞髀嘅位置好滑，好味。我平時食雞都鍾意食雞胸，雞胸都唔算太鞋，我覺得唔錯但係隻雞有一啲位，好多血，唔敢食。雖然我都明白有時候雞骨一定會有少少血水，但係佢有血的部份真係太多啦。蠔-配料只係得蔥同埋姜。因為好多蔥同姜，而且炸過，所以啲蠔唔會腥。但係如果味道淡啲會比較好。油麥菜-有燒焦的味道，應該係冇洗乾淨隻鑊就煮菜。油麥菜真係成餐飯嘅敗筆，今餐食咁多肉，但係冇菜食

一年一度 一蚊雞盛事又到啦 同屋企人去咗稻香食飯 梗係啲叫一蚊雞 一去到咩都唔諗 就叫咗一蚊雞 之後再慢慢睇menu 諗下食咩 我哋決定主力食雞 不過為食既我 點會俾機會佢哋 食咁少嘢呀 我就話加多個 薑蔥焗 廣島蠔 同蒜蓉炒油麥菜 話咁快落咗單30分鐘 啲餸都上曬嚟啦隻雞都未到 咁就食住啲其他餸先啦 主菜雞一到 大家都忍唔住起筷 其實隻雞都幾滑個雞胸好嫩口 最可惜嘅係個雞髀位置 仲係好生 而家禽流感呀 我都唔敢食太多感生嘅嘢 好彩其他餸夠賣力 薑蔥焗廣島蠔 只好外脆內 軟 咬落去又有口感 食落中充滿蠔嘅鮮甜味 其實明知係急凍嘅 但食落竟然以為係新鮮蠔 好驚喜 至於個蒜蓉炒油麥菜 其實都係普通貨色 酒樓炒油麥菜一向都咁好食 希望下次再食雞 隻雞會熟啲啦

同屋企人飲茶，佢哋就揀咗最近屋企嗰間稻香，只要係稻香集團我諗都唔差嘅。我哋都係嗌左一般嘅茶樓小食。佢最近推出左佛跳牆，三十幾蚊到，咁我地就嗌咗一個試吓，入邊都好足了，雖然係啲平價嘅海味，但都唔錯嘅。不過其實我學覺得好睇廚師嘅，今次嗌左煎薄餐、腸粉但質素都唔太好，有少少偏油。不過同屋企人飲茶冇所謂啦，佢比起之前食過其他嘅茶樓都已經算唔錯。

昨晚同親友飯局，因有老人家所以山长水遠由南区走到去食晚飯。叫咗半圍套餐，單尾係糯米飯，想轉炒飯唔得。冇問題另外叫多個瑤柱旦白炒飯。点知乜都未上就先嚟炒飯都算啦。大佬我知炒飯用冷飯炒好妙。但你都唔使上碟冷飯比我呀？成碟油飯又唔熱都唔知放咗幾耐。仲差过去茶記食，真係比錢我都唔会再去。D蜜豆炒双蚌，又係蜜豆一入口就知唔新鮮。如果再多厘D咁冇心嘅人做飲食香港飲食业夏日係冇得救啦！幾大集團都冇用遲早玩完。

此稻香酒家的下午茶時光的＂油雞米線＂餐，多多都是給豉油雞腿的呀！巨有豉香味，極之入味的！雞肉也是嫩滑的呀！👍👍而且，米線軟硬度也算是恰到好處的呀！👍只售16.80圓的呀！😀😀😀

我落單個陣叫左碗皮蛋瘦肉粥，之後有個姐姐推住部車仔走黎同我sell蛋瘦肉粥$6碗。於是，我同個呀姐講我已經order左皮蛋瘦肉粥，佢都冇問我要唔要佢車上個碗唔知放左幾耐嘅皮蛋瘦肉粥，就已經比左個碗粥我。 由於我坐係出餐位附近，我見到另一位姐姐攞住碗白雪雪嘅粥話比我呢枱，點知sell我個位黑心呀姐同我扣起左我原本order嘅皮蛋瘦肉粥🤐如果我個碗粥係正常我唔會咁反感，但係碗粥真係唔知可唔可以叫做皮蛋瘦肉粥，啲皮蛋冇一片係正常完整嘅，全部係碎。啲瘦肉仲衰，煲到好似湯渣咁😑加上碗粥又要冇味嘅！我食左幾啖都真係忍唔住，放棄左去到埋單，我男朋友見到碗粥收我地正價$15於是就理論。原本佢地唔肯認錯，仲死撐，將個責任推返係我到，話我order左先碗粥先，唔係直接向佢攞特價粥，所以要比正價😑好在我男朋友唔似得我咁好蝦，鬧返佢地轉頭😤佢地先知衰，先唔收我地正價$15其實個幾蚊雞，我地一啲都唔在乎，只係我地好唔滿意佢欺負弱小😌 同埋做埋啲咁下三流嘅事😤真係估唔到簡簡單單飲下茶，都體驗到人善被人欺嘅殘忍道理。我地唔會再去呢間野到飲茶，免得個黑心姐姐報仇加料落得我地啲餸到，真係食死都冇人知

今晚跑完步, 食番D好野獎勵下自己先... 但對於我地呢D窮人, 出面食個雞煲都要3, 4百... 不過依家去稻香真係平到你唔信先黎一個麻辣雞蝦煲, 雞好肥身, 只係蝦略嫌瘦之後係ABC各一:A-滑牛, 快熟快食, 滑滑的好好食B-貢丸, 爽口彈牙, 正C-公仔面, 無咩特別, 要黎頂肚之後有個小姐行行下問我地要唔要$10蜆, 我都貪得意要左份, 點知d沙多到呢...總結今日9:00pm後真係超抵

十月，不少得的節目當然是吃大閘蟹啦。期待已久，在九月已經做足功課，決定跟家人去稻香享受美味的大閘蟹。週末打拳後跟家人相約鳳徳邨的稻香，有價錢合理的特價小菜，更有不同款式的套餐。以下的餐牌，大家也可以稍任作參考。老實說，套餐和款式實在太多了，無論是小菜或是火鍋，有不同的信用卡也有不同的優惠。我們也隨便點了幾個經濟小菜，重點還是落在大閘蟹上。 濃湯竹笙石窩翅有買一送一，$88一窩，試一試吧。先講第一碗，翅的份量相當足料，入面更有雞絲，作配料，另外更以傳熱鍋盛著保存湯的溫度和味道，味道甚有雞味，雖然說不上頂級魚翅，吃這個過過口癮也不錯。不過略為可惜那天其中一碗的配料不足，跟其他相比更是有大細超過的情況，魚翅更是少得離譜，不知道是有意還是鍋中已見底，配料也剩下不多呢？七味豆腐: 豆腐沾上炸粉，放到油中炸，要把豆腐外層的炸粉炸到金黃，不能把容易粉碎的豆腐破，又要維持那種入口既熔的感覺，少點功夫也不行，在家製作實在太難了，也因如此，在稻香點這道菜也試試廚房的手世。外貌滿分，外層帶著金黃色的外層，包著在內層的豆腐依然完整無缺，口感依舊相當嫩滑，但唯一敗筆的就是味道不夠，可能是落七味粉尚少，沾在豆腐表