稻香超級漁港 (已搬遷) 新店位置

上星期二一家人到這裡吃晚飯，因為有老人家，費時要他們等，所以一早訂定位。但那天已早15分鐘去到，但依然要等9個宇才可入坐，大家可想當時有幾多人等位。等也不要緊，因為實在很旺，但難以接受的是我們叫了一席十二位用的晚餐，他竟然一次過想同我0地上晒d菜。我知你間鋪旺，但都無理由咁離譜掛，你叫人點食得切呀。我0地同個部長講，佢仲話我0地唔講廚房見單就出，真係谷鬼氣！後來，一個類似經理0既人見到，就叫個部長攞番d菜入去先，等陣再上。雖然問題最終解決0左，但由頭到尾都無人同我0地講對唔住。今時今日咁0既服務態度真係唔得。不過佢d0野又真係幾抵食，十二位用0既餐只係$1700(包酒水)，仲唔洗加一，d菜0既味道又幾好，特別推介個壽包，真係超好食呀！*各位要去食飯記住訂咗枱都要早d到呀！

和同事七人中午飲茶，好彩有訂位，因實在很多人。點心都幾多款，中上水平，比之前我們去的「好彩」好得多。要了十多個點心、炒麵，再加一人一碗楊枝甘露，都只是每人$50，好抵。唯埋單時不知為何要等超過十分鐘，要改善。

一層有兩間，一邊係稻香，一邊係迎喜。

係迎喜，唔係稻香星期二好開心可以同TC識既好朋友係旺角迎喜(稻香其下食店)食左餐又飽又好食又抵食既飯。今次有成十幾個人黎可算係奇蹟，今次真係多得稻香唔少。講返餐飯，個名好似叫做皇帝宴，差唔多間間稻香或其下酒家有做。原價本來二千六，但係星期一至四就做半價。餐牌一D都唔失禮，蝦(選龍蝦就跟條青班，選海蝦就跟絛柬星),翅，乳豬，帶子，鮑魚，東星斑等等貴價野全部落齊，份量一D都唔少Tim，當然心理上硬係覺得原價份量會多D。味道我想信大家都對稻香都會有dd信心掛，我自己就覺得相當唔錯喇。半價後加一，Nuts…….呀唔係係茶芥全包先arm。十二個每人埋單位位三條一。席間即刻有人話呢個席可以用黎酒就好喇，我心諗到時D禮金收到報紙真係唔好問點解~ ^__^

今日公眾假期，飲三點下午茶都唔需要等太耐就有位。好耐都無o黎稻香飲茶，原來宜家好食o左咁多。雖然只係叫點心，但係好好味，好似奶皇馬拉榚、叉燒餐飽、蘿蔔絲酥餅……等。7個人食o左$230，真係又抵又好食。

9:00 pm 後打邊爐依舊都係$12 一碟, 帶子片勁勁勁正.一乍飲料都係$20 ! 油墨菜反而麻麻!不過等位勁耐, 9:10 pm 到, 9:40 pm 先入得!食到好飽都係位位$70 ...但員工口音不清! 好重鄉音!

編輯注意,地址在今天剛剛搬了。新架步位於旺角雅蘭中心三樓全層,已改名為稻香超級漁港,電話照舊!裝修幾好,但坐位迫,服務麻麻但員工總是好聲好氣;就算做唔足要求都起碼唔會成肚氣個種。兩個人吃了:九品芝麻煲($90):個阿姐好得意,好似一定要你叫咁,話好底食。結果.....真係喎!煲裏有鮑魚、花膠、大鱔、豆腐乾、海蔘、特大冬菇等...好大份喎,材料夠份量,唔係求其....但海蔘、花膠等海味就唔係人人喜歡.西籣花帶子($88):普通的菜式好食極有限,但係好夠鑊氣.......加埋米粉、白飯、西瓜汁和糖水總共$276,對呢?都幾滿意啦....但係侍應迫叫野我就唔係好滿意,企係你面前好似介紹到你要落單為止........

今朝同阿媽去飲茶.因為On Diet的關係.冇乜食點心. 但就茶葉Quality而言.好似水準差左喎.冇以前咁香. 仲有. 擺明係新茶.莫非..此仍偶有失準..還是Cut Cost 的其中一招??

我個friend話之前同屋企人食過話幾好, 咁岩有人生日, 就比?做下queen啦. 個餐係for6-8人. 但係就岩岩夠食, 我地有7個人, 3男, 4女. 我個friend話個menu改左d, 上次係多d野食. 由於未齊人, 叫左2隻bb鴿頂住肚. 真係好細隻, 但肯定唔係bb鴿, d骨都咬唔到. 佢只係2隻瘦0既鴿仔. 不過都好入味!!1) 潮式拼盤: 有掌翼, 鵝肉, 墨魚, 大腸, 滷水肉. overall都唔錯, 幾夠味. 2) 唔記得乜乜百合炒帶子, 好細份, 幾乎唔夠食. 但係我地咁多個人都唔見有百合喎!3) 蠔皇鮑片: 我地7個人, 但係得6片, 好慘. 有人要share. 味道一般, 咸左dd. 反而d生菜好食d.4) 蒸石斑: 最好食係呢個. 5) 蟹肉翅: 都有好多蟹肉, 但係個翅好稀, 翅0既份量得好少. 好似尋寶咁.6) 炸子雞: 炸得幾脆, 幾好食.7) 富豪炒飯: 即瑤柱蛋白炒飯, 幾乾身. 最緊要係唔多蔥.最後有糖水同生果送. 仲有個餐係$666, 包2支啤酒同3支汽水. 抵就唔係好抵, 都唔多夠食. 但係都算係咁啦.

同一班friends gathering, 一定會去呢間稻香, 貪佢夠就腳. 最鍾意都係打邊爐, 因為好多野食揀. 但係就貴左d. 不過我每次去食完之後, 都會肚痾, 真係萬試萬靈. 我以為係打邊爐d野唔夠熟, 但係食小菜都係咁. 好明顯d衛生係有d問題. 我去第二間稻香都唔會咁架...

$28一隻南乳吊燒雞/潮州蒸雞, 我o地得兩個人, 怕食唔晒, 佢o地俾我o地叫半隻, 真係計$14咋~ 不過潮州蒸雞一般~ 我諗南乳吊燒雞好d~<br>$28一斤白灼蝦, 又係俾我o地要半斤, $14, 好鮮甜喎~~~~~~ <br>蟹肉扒菜膽($58), 好多蟹肉, 不欺場~<br>蠔仔湯飯一窩($68), 好多蠔仔同瑤柱, 抵食~ <br>兩個人, 埋單都只係$171, 好抵~

上個月請朋友去呢間酒樓吃晚飯, 都仲有鴿送, 又有特價野食, 點知今晚再去....就咩都無晒....唔只無野送.....無咩特價野....大部份特價菜要等9:30後才有, 唔怪得我7:30pm去...都大把檯啦, 食到完...都只係滿5-6成客, 以前D潮州鹵味都$18起, 但現在又係要9:30後才$18..... 澳洲龍蝦就$192.00一斤, 個侍應仲話好抵啦....來價都過二佰.....唉.......其他小菜都好一般.....叫左個特價海蝦$48一斤囉....個部長係甘hardsell 特級大鮑魚$240一斤........下次記得過左9:30pm後才好來吃...會抵些..... 但服務的確好了很多, 可能無咩客啦...招呼都很好.....但可惜"稻香"...呢個名唔再係食特價野既地方喇.....^^

我朋友去呢度食完野就又肚痛又嘔啦...佢另一個朋友都係咁...睇見就辛苦

有次朋友食到湯底有小強呀!