稻香漁港市集 (雅蘭中心)

營業中

休息中

都唔明白點解稻香集團旺角雅蘭中心的服務員的服務態度差成咁！服務員已經小，沖茶冇人理！apps落了order後，點心姐姐送點心，枱上連飲茶吸印仔點心卡都未有😆😆最差都係收銀嗰個亞姐！惡過你！勁冇禮貌！我以為佢係我上司😤我本身都有心臟病差點比她激到入院！故事：今日同家人飲下午茶☕️，埋單時：點解衣家收銀員唔係跟她電腦出的單或我手機落的單的總單！而係跟點心卡上畫咗幾多個圈圈⭕️啲😮‍💨天呀因為卡上多了一個圈圈⭕️收銀員串到調返張卡俾我叫我去搵伙記除消咗個點心先很收錢😤你話乜嘢酒樓嚟呢？呢到都唔係勁嬲！最嬲開始了問我點解你飲下午茶時段點解張卡是正價卡😤天呀！乜我係到反工嗎？妳係收銀員都唔知🤔！妳問我！我哋話如果妳唔信我們兩點後入座，我們比妳睇“安心出行”幾點入場記錄好嗎？😤她態度勁差、勁冇禮貌、仍不想收錢！最後我話唔收錢咁我走，她先很收錢！我回座位後、先生問我點解埋單咁耐，未話比他聽，我們離開酒樓前行過收銀枱時我話比老公聽是她，我們幾乎打交！😤同我啲朋友訴苦，原來他們講我知，原來現在這間雅蘭稻香是全旺角最差的酒樓！也是全稻香集團旗下最差勁的酒樓👎👎應該冇上過 Training course!

今日星期日約左兩個朋友去飲茶，呢間稻香位於雅蘭中心，非常近地鐵站，位置方便。本身大家約左1點半，但原來兩點鐘就有下午茶時段。反正友人們都遲到，於是我就排下午茶條隊喇好耐無去過稻香，原來依家咁先進，唔單飲茶用qr code落單，沖茶都係自助，唔夠水可以用部機自己加水煲水唔使麻煩d姐姐👍🏻食物方面就無咩特別，一般般，友人就覺得呢到既叉燒酥係必食奶黃包沒有流心的，想食流沙既就會失望喇。飲下茶吹下水好快就過左兩個鐘，坐到呀姐都要催我地埋單走人

今日打風，周圍打電話睇吓邊度餐廳有開，好彩彌敦道雅蘭中心呢一間稻香有開，即刻嚟攞位飲茶，打風都唔阻大家出嚟飲茶嘅心情，未至於要排隊等位，但係都大概有七成滿座。.🍚煎釀彩椒彩椒唔辣，鯪魚肉份量都算多，煎香左之後好惹味，好香口。.🍚鴨腳拼豬皮鴨腳剪到細細舊，好貼心，容易食，豬皮吸滿咗沙嗲汁之後，非常之入味，好食。.🍚鮑魚汁鳳爪鳳爪數量都算多，有好多花生喺入面，鮑魚汁味道調校得啱啱好，唔會話過喊，推介。.🍚鮮蝦燒賣燒賣食落有咬口，有一隻大蝦放喺上面，好足料，爽脆彈牙。.🍚蒜蓉蒸排骨排骨份量多，入邊仲有幾舊芋頭，吸哂蒜蓉同排骨嘅味道，非常入味，而排骨就蒸得啱啱好，唔會話太老，太鞋。.總括然而，大部份食物都可以，考慮到打風都開門，加分。

西蘭花有硬膠，酒杯，餐具全部都係漬。？服務員態度超級差。前台的態度勁差，問小小嘢都唔耐煩。你問經理，我唔知。一間貼錢都唔再食既酒樓。。。。。。。。。。。。。。。。。。。。。。。。。。。。。。，。。。。。。。。。。。。。。。。。。。。。。。。。。。。。。

嘢食唔係特別好食仲要好多人🥵前台嗰姐姐服務態度極差一直嫌棄bb係咩玩法 帶bb車又無阻到你😂專登開acc鬧你真係🤣好普通嘅中菜完全可以食其他 唔使食間服務態度咁差嘅🥵

見佢推出外賣優惠，$168 羊腩煲加$10有糯米飯，埋單連埋外賣$180.5，嘢食分量一般至偏小，羊腩煲就大約半個火鍋咁多，糯米飯就大約半個茶餐廳外賣盒咁多，至於羊腩煲真係非常垃圾，羊腩鞋個鞋底，醬汁就OK嘅，入邊有竹筍、芋絲、腐竹揼配料。見佢嗰個糯米飯原價話$98，同埋佢嗰度比一碟糯米飯嘅圖片，以為係一碟嘅份量，但係而家佢個份量只係大約一個半酒樓咁大碗，如果呢盒嘢就咁樣賣$98我覺得真係會俾人鬧囉，所以如果嗰盒糯米飯大盒啲就好

正常中菜，無乜特別👌朋友生日，五條麻甩佬求其食。叫左兩個抵食孖寶+邊爐（即個餸+打邊爐）成個場超大，人手唔夠，所以無乜服務，每次叫野食同飲品及食完收碟，都要等好耐🙄食物質素：四個中菜唔錯，只係個聖子有少少蒸過龍其他無特別總結：食完四道中菜後都半飽，之後食個花膠雞煲邊爐，只係再叫左三四碟火鍋料！五個人都係食左$1171Ok la

同長輩出旺角，想食小菜，本身想去其他酒樓，但呢到唔洗等位，所以就坐低左好可惜呢個決定係錯既🥲啲餸黎到完全唔熱，又無鑊氣，叫左乳鴿，食落成口油⋯最過份係叫左條蒸魚，18:40落單，到19:35追單，竟然話未蒸，仲話因為太多單，所以未蒸到我地果條一條魚落單後55分鐘都未落鑊，仲要當時酒樓只有一半坐左人⋯p.s. 我哋附近有一檯員工同屋企人幫襯，成晚啲夥計都行埋去傾偈，嘈不特止，佢哋嗰檯欠野，啲夥計會好落力追⋯

我地6個人開開心心來慶祝生日，本身係一件開心嘅事，一開始要求加多兩個位，我地叫左十幾次，都無侍應拿餐具畀我地，最後我地自己去拿餐具，服務態度極差！叫左侍應搬走嗰爐，全程無人理過我地，貴公司係請公主來做侍應咩，個個都話忙，啲菜擺唔落去，侍應完全唔理，真系太差！啲嘢食麻麻地，雞無味道，肉又少總之，唔推介來尼邊食，體驗太差，各位食客唔好來尼到食，尼到嘅侍應態度好似我欠佢地幾百萬咁，最嫐嘅係，我地自己擺位挪動嗰爐整親隻手，快啲關門啦做乜燃嘢生意，撲街

係稻香食過好多次晚飯, 每一次都有唔同既經歷, 時好時壞, 無辦法可以保持水準, 唔通呢 D 係連鎖餐廳既慣例 !呢晚因為係旺角行開街, 唔知食咩好, 就是但走過來雅蘭呢間稻香, 揀左個兩餸餐, 另外再加個炒苦瓜同埋兩個燉湯 ! 落單無耐, 來左一個燉湯, 起初都覺得有 D 怪, 點解唔係兩個一齊來, 等多陣炒苦瓜來左, 再過多 10分鐘左右, 兩餸餐都到埋, 但另一個燉湯好似人間蒸發左咁, 唯有再催下個湯, 感覺應該係落漏左單, 因為 D 野食左大半先來講返 D , 蜜桃梨山骨, 真係好似只係食骨咁, 無咩肉, 就算有肉都會係幾乾下, 花膠魚唇煲就唔多覺有魚唇係入面, 花膠就有幾塊, 但有一兩塊都幾硬下, 薑同䓤都幾多下, 味道一般 ! 反而豉蒜炒苦瓜就最好味

酒樓可以在THE GULU拑飛排隊，到差不多的時間才過來，節省掉等位的時間。櫃檯阿姐態度好差，店內的侍應服務態度也十分一般，有待改善。稻香早排裝修，裝修完每張枱隔離有部裝水機，店員會給包裝茶，自己倒入茶壺🫖加水便可。.櫻花蝦脆網腸粉$28脆網腸粉切得大小不一，看起來賣相一般。腸粉不熱，可能已經出品了一段時間才上枱，淋上了豉油便更加涼掉。「脆網」不脆，中間有少許蝦肉，腸粉皮有櫻花蝦，但味道不甚突出。

幾個月前係稻香飲茶，所有點心一律20蚊好抵呀！但係今日去飲茶d點心全部照返正常價錢啦！😭真係大失望呢。。。 見到有個滿足餐18蚊有一位粟米肉碎粥加一條28厘米油炸鬼至平係佢喇😁所以叫嚟試下啦😋woo碗粥都有幾大碗喎油條好長好大條㗎👍👍 個粥幾好味喎 👍好大碗食咗都飽啦😅油炸鬼擺落啲粥度一齊食真係超級好味呀👍如果就咁食油炸鬼有啲油嘅。。擺埋落個粥到食呢就會好味好多啦😋😋櫻花脆蝦網腸 27蚊都ok嘅，但係冇之前咁好味呀🤔叉燒包 25蚊有三個都幾大個😅馬拉糕 25蚊好大個幾好味添蘿蔔糕拼炒手 27蚊 蘿蔔糕都幾好味油炒手就唔係好辣喎😅祝福你講就覺得冇20蚊之前嗰啲點心咁好味喎。。。。唔知點解呢🤔🤔係咪因為多人食咗呢所以啲功夫差咗呢😂😂#katkatfoodies

喺附近行完街，剛好兩點，跟家人想去飲個茶，醒起雅蘭中心有間稻香。2:00有下午茶，以入座計算。門口安排座位的知客沒什麼禮貌，安排枱比較亂，後來的籌號會先入座🤷🏻‍♂️。現時稻香酒樓都採用了自助斟水系統，部水機會自動加水、煲水，都幾方便。落單也是採用手機落單，價錢一目了然。雞蛋豬腳薑。優點$38豬腳薑份量都算多，有兩隻雞蛋、大約三嚿豬手、幾塊薑。雞蛋完全不入味，像剛剛放進薑醋般🙁。薑味道很辣，豬手有好多毛，超級倒胃口🤮🤮。

今晚我地2個人食晚餐,走上雅蘭睇下有咩食啦好多間都要排隊,可能消費券影響,中價餐廳特別多人食上左樓上酒樓食晚市,坐位多唔洗排醫肚最實際晚市有小菜海鮮燒味先黎一人一碗海皇湯暖下胃 入面有蝦仁肉碎 飲落味道清淡唔會太濃味清炒時菜 荷蘭豆炒木耳同蘿蔔 仲有蝦米肉碎,幾惹味,豆身仍然脆口清甜最後係咸菜鮮蝦煲底下係咸菜湯上面係大蝦6隻,仲有木耳等食材,湯係清雞湯鮮蝦夠大隻夠爽甜,咸菜配搭幾有新意甜品估唔到佢有椰皇布甸 布甸十分之嫩滑入口即溶上層係海燕窩好養顏稻香漁港旺角彌敦道639號雅蘭中心3樓3B號舖平均消費$200評分7/10

Gulu 取票，櫃枱一跳跳十幾張枱，跟著去取枱時話已過5張枱，要從新取票，根本就係留位俾熟客，唔知ICAC會唔會拉佢。冇禮貌的帶位，仲要用咪同客講野，一d都唔專重客人。