17
13
5
港鐵東涌站 A 出口, 步行約1分鐘 繼續閱讀
所有分店 (2)
電話號碼
28810081
開飯介紹
裝修雅緻,環境寬敞,主打京川滬三地的菜式,其中以原隻酸菜魚最受歡迎,選用加洲鱸魚,肉質細緻。 繼續閱讀
營業時間
今日營業
11:30 - 21:30
星期一至日
11:30 - 21:30
公眾假期
11:30 - 21:30
公眾假期前夕
11:30 - 21:30
付款方式
Visa Master AlipayHK 支付寶 現金 銀聯 Apple Pay OpenRice Pay
其他資料
網上訂座
餐廳運作模式 - C類
賞訂座積分
加一服務費
當面支付
有關獎賞計劃
食評 (42)
等級8 2021-10-10
961 瀏覽
趁老婆生日,嚟到東涌「富諾特酒店」Staycation,兩公婆開開心勻玩咗兩日一夜,行程豐富,依一刻都接近尾聲,晌東薈城買埋戰利品,打算晌東涌食埋晚飯先走,順便當埋生日飯。晌噚日嚟到東薈城二期嘅「Wheatfield X 羅宋湯專門店」食完晚飯後,落幾層見到這一家「稻成京川滬」,就決定「最後晚餐」晌呢度食,因為兩、三年前幫襯過佢哋嘅葵芳店,印象幾好。有時搵食之道,就喺翻兜食過嘅好店,穩穩陣陣!一來是日喺閒日,二來嚟得早,入座時都喺六點多啲,客人未喺好多,就方方便便坐近門口嘅卡位,故無入到最深嘅位置,未知裡面大堂喺點,但望上去餐廳環境都幾雅緻,而地方闊落,啲卡位亦好寬敞,感覺讓人坐得頗為舒適。雖然晌門口已經棟咗出嚟,佢哋嘅稻成酸菜鮮鱸魚喺招牌,不過,我咃就無試到,因為我咃得兩個,都驚食唔晒,或喺食得呢樣,就食唔到嗰樣,再者,老婆佢就想食得輕怡少少,唔想食得太多、太飽! 至於其他食物,一張點菜紙,底面兩版就睇晒,有齊埋水煮菜式、冷盤小碟、滋味海鮮、肉類小菜、豆腐蔬菜、湯羹、手工點心、飽肚主食、飯後甜品及飲品……等等。順帶一提,茗茶每位收$8,而前菜一小碟收$15。 竹蔗茅根 $18今日行咗成日,一坐低,第一時間就叫咗兩杯竹蔗茅根,因為今日天口熱,真喺要潤一潤。杯竹蔗茅根又幾清爽,竹蔗味都幾濃,甜得嚟自然,卻唔會太甜。羊肚菌螺頭燉雞湯 $68老婆一向都好鍾意飲湯,所以,專登點個燉湯俾佢嘆。雖然,個湯睇落「黑鼆鼆」,但就極之足料,而且,飲落就知好夠火喉,味道好醇和,濃香而不混濁,貨真價實,真喺好好飲。青城山素腐方 $52 老婆一向食嘢都偏素,所以,前菜冷盤就睇中呢一道素腐方。咪睇佢好似簡簡單單嘅一堆腐皮咁,入口涼涼哋,好清爽,仲好有豆香,口感軟綿卻有帶少少煙韌感,差唔多大部份都喺佢食晒。川揚鮮肉煎窩貼 $48 小弟就想食煎窩貼,因為,都好似好耐未食過,一客4隻,隻隻都包得飽滿。一咬落去,個餃底又脆又香口,而啲豬肉打得好鬆化,又富肉汁,沾上少少醋汁,就更加好食。稻成小籠包 $42上次到訪「稻成」都有試其小籠包,確喺做得有水準嘅,今次當然又翻兜。小籠包摺紋平均,外皮搓得夠晒薄,咬開就見,肉饀鬆化唔在講,裡面仲有好多湯汁,最啱老婆就喺無話溝咗好多肥豬肉嘛。蟲草花炒翡翠苗 $88最後,來一道炒清菜作結,翡翠苗本身口感就喺好爽口,而味道又好清新,伴以蟲草花,就唔單只健康,仲好有益。個人就覺得最討好就喺唔會好油膩,感覺清新。今餐唔喺食好多嘢,只喺少少點心,一些素菜,但幾道菜式都好合我咃嘅口味,尤其老婆,佢真喺寧願清淡少少,都唔想太油膩,所以,食嘢平貴都其次,最緊要喺啱心水。 繼續閱讀
(以上食評乃用戶個人意見 , 並不代表OpenRice之觀點。)
成日入迪士尼都唔知食d 咩好黎緊會同大家介紹下迪士尼附近🎉青衣 同埋東涌 有d 咩好嘢食推介同埋幫大家試下伏😉🌟午市二人餐 $358招牌稻成酸菜魚大家都知👧🏻平時唔食辣呢間酸菜魚可以叫唔辣 呢個幾好因為好多時話唔辣 最後黎到都仲有辣味😝魚片好滑 但件數唔太多 味道都差少少 酸菜湯唔算濃味 😩如果更多d配料會好d🌟奶油津白呢個好多奶油 好足料 好creamy 推薦👍🌟糖醋排骨呢款普普通通 唔太特別🤫🌟桂花糕呢個甜品有四件 普通正常水準🤣🌟稻城小籠包 $48呢個小籠包我見無人介紹過但都幾好食 皮薄餡靚 都係唔錯嘅選擇😚總括黎講 唔知去完迪士尼食咩好 呢間可以一試但係對於酸菜魚嘅味道唔好抱太大期望反而試試其他野都幾驚喜😂📌稻成京川滬 (東薈城)東涌達東路20號東薈城4樓402號舖🚇港鐵東涌站 A 出口, 步行約1分鐘 📌稻成京川滬 (新都會廣場) 葵芳興芳路223號新都會廣場4樓413-416號舖🚇港鐵葵芳站 D 出口, 港鐵葵芳站 E 出口等候時間🕰 0 mins📍#東涌 繼續閱讀
(以上食評乃用戶個人意見 , 並不代表OpenRice之觀點。)
2人餐一份,包主菜-酸菜魚、🥬-奶油津白、涼菜-糖醋排骨同甜品-桂花糕,可以半價加嘢飲,如果吾加就會收返茶錢,整體嚟講相當抵食😋✨招牌稻成酸菜魚推薦指數:⭐️⭐️⭐️⭐️️️⭐不得不讚魚肉好滑+份量充足👍🏻湯底又唔會話太酸😽睇到張相你可能諗點解依兜酸菜魚望落去唔辣嘅?因為我地怕小辣都好辣,於是乎叫左走辣😹但唔食得辣嘅朋友要留意‼️就算叫左走辣個湯底都會有少少辣🤧✨稻成小籠包推薦指數:⭐️⭐️⭐️⭐️小籠包皮唔易穿,好夠汁😋✨奶油津白推薦指數:⭐️⭐️⭐️⭐️好驚喜嘅一道菜🥰係咁多年嚟去咁多餐廳之中最好食嘅菜😚食落驚豔,成道菜都好甜,平時唔多鍾意食菜嘅屋企人居然掃晒🤣 繼續閱讀
(以上食評乃用戶個人意見 , 並不代表OpenRice之觀點。)
星期日,似打風但又冇打風,天氣異常悶熱,35度嘅高溫加上濕濕立立,難頂,都係搵啲商場行下嘆下冷氣算,所以特登山長水又遠由將軍澳搭車去東薈城行下。東薈城裝修左之後真係大左好多,想食乜有乜,今日我同McmugMa, Mudull 就入左稻成試下佢嘅酸菜魚係咪真係「好食不止酸菜魚」我地叫左一個午市二人餐$358/2位,再加多碟恭親王京燒羊腩$158酸菜魚 - ☹️當自己心中嗰把尺係太二酸菜魚,我諗好多地方嘅酸菜魚都可以👋我地叫左中辣(正常辣?!),但唔辣;條魚嘅魚片好滑,但我總係覺得怪怪地味,McmugMa話:泥味丫嘛。食完之後,我真係好懷念太二酸菜魚🥲口水雞 - 🙁係出面食雞,真係唔可以有咩要求,通常都係用啲濃味嘅汁醬掩蓋啲冇乜味/雪味嘅雞。雞嘅肉質肉味就算罷啦,嗰雞嘅汁都幾重味下,微辣嘅雞比中辣嘅魚仲辣😂依種辣度先算正常,算係譚仔小辣,汁幾好味乾煸四季豆 - 🙂當我哋三隻🐽坐喺度猶豫緊叫咩青菜食,McmugMa就話「炒四季豆啦,喺屋企好難炒到好食㗎,點都係差啲唔知咩味」;好啦,咁我叫菜落單嗰時又多口問吓個媽媽級嘅侍應咩菜好,佢竟然同McmugMa講嘅一模一樣,「炒四季豆啦,喺屋企好難炒到好食㗎」,痴線㗎原來媽媽嘅思維都係咁😂食落呢碟四季豆又幾好食,爽、脆、味道岩岩好,響屋企究竟有幾難炒到咁嘅樣,係差啲咩嘢,究竟係差咗啲味精丫定係落得唔夠油?🙈恭親王京燒羊腩 - 🤤呢碟羊腩好好食,炸得黎啲粉好薄,表面落左都幾多孜然粉,羊肉味都幾濃,羊腩啲肥肉一咬落去,嘩,啲羊腩嘅油必晒出嚟,成口充滿羊油嘅味道,好似同隻羊咩咩嘴嘴咁,感覺非常好😗桂花糕 - Mudull話OK,我無意見綜合評分:6/10,碟羊腩好好食,酸菜魚就算罷啦,整體都唔錯,又坐得幾舒服,會考慮下翻兜好食?不。止於酸菜魚 繼續閱讀
(以上食評乃用戶個人意見 , 並不代表OpenRice之觀點。)
🐟呢間酸菜魚都食左幾次 係葵芳都有分店 但我主要因為番工所以係東涌食 🐟招牌稻成酸菜魚 $238賣相好特別 好似成條魚咁 魚頭同魚尾都仲係到稻成嘅酸菜魚係用鱸魚中嘅貴族 加州鱸 同埋用市面試激罕 重1斤4兩以上嘅大魚特式係完全無骨 真係啖啖肉 而且肉質好嫩滑酸菜湯唔算濃味 但好處係一d都唔油膩 酸菜咸酸得宜不過除左魚之外就冇咩配料 如果多d配料就更加開心🥬奶油律白 $78好耐冇食過正宗奶油津白 何為正宗? 我試過好多次d奶油好似溝左水咁 每次中伏都會好嬲 咁我屋企淥條菜都得啦但今次呢個 真係滿滿奶油 望個色都知好足料 好creamy 超鍾意🍞炸銀絲卷 $46😋個銀絲卷皮炸得好脆 點埋練奶真係無得彈銀絲卷入面係一條條面包絲 每條都好分明 呢個就係同饅頭嘅分別 外脆內軟 我都好耐冇食真銀絲卷 有時會係饅頭扮🤷🏻‍♀️🫖另外有茶位每位$16同花生一碟$15 整體雖然唔算性價比高 但每樣菜式都唔錯 繼續閱讀
(以上食評乃用戶個人意見 , 並不代表OpenRice之觀點。)