秘 (偉晴街) (已搬遷) 新店位置

賣相十分吸引的吉列牛餐廳，一人一爐，火候可以隨心控制，自己掌握。最有名的應該是黑松露吉列牛了。首先會給你一件牛脂肪去塗抹火爐，防止之後把牛肉過份烤熟。之前到日本有吃過吉列牛，但的確沒有吃過黑松露口味，所以比較特別新奇。吉烈牛有一層吉烈脆衣在外，所以進食時有香脆口感。不過略略覺得黑松露味不算太濃。店家只提供一種醬料，帶少少甜味。不過如果再配上芥未、岩鹽、沙律醬或七味粉或會更佳。定食的白飯會配上紫菜及半熟蛋，伴牛肉一流。食物的份量比較多，十分抵食。

平日六點鐘黎到一入就有位了！但6:10 就已經座滿晒人好誇張啊叫左黑松露吉烈牛 $148 都幾香既黑松露.......幾好食仲要份量都唔少！！正正！安格斯牛 $108 , 好平牛味好濃郁......好食個爐面有舊油脂，比你塗下個爐面黎燒另外可加套餐！個飯素好正......但金魚湯勁難飲.......！建議大家唔好加湯飲！另外金魚係蝦餃黎....軟殼蟹就唔太好味啦....不過呢間野真係唔貴，又好味！！一定會再來不過最好早D黎，實在太多人排隊！！

🙆🏻‍♀️有日同個fd黎個飯聚~一齊去嘆左個高質石燒牛🥩.📍秘.🥩板燒吉列牛定食($146)-脆卜卜嘅外皮包住美國安格斯牛肉放上燒熱左嘅板上燒一燒🤤油脂出哂黎~肉質嫩滑好juicy👍配上楓糖流心蛋、櫻花昆布湯同勁好食嘅秘之飯素🤣成碗飯都清哂🥩板燒安格斯牛定食($146)-朋友叫左呢一個set~牛肉色澤同油脂都分佈均勻🤩燒完嘅肉都好juicy好嫩滑!!分別只係無左脆脆外皮整體份量都幾多😌夠哂飽又滿足!性價比好高

行過幾次都無位，今日剛巧在附近辦事，所以試下走轉過黎，2時半過黎碰運氣睇下有冇位啦，果然有位即入（因為多好評，所以去試下）如果就咁食燒肉，有啲普通，另唔想比黑松露 掩蓋咗牛扒嘅味道，所以選擇咗普通嘅吉列牛扒。薄薄一片片切開左嘅吉列牛扒，正常做法是每邊煎佢數秒，便可進食，生熟程度剛好。但......放入口時仍感覺肉質是有少許冰凍，可能是解凍未夠就拎去炸嘅關係（如果這諗法唔啱忽插， 純個人感覺），所以如果我要食沒有冰凍口感嘅牛扒，是要2邊煎到熟晒先可。致於秘製醬汁方面，是甜的，可能我本人不喜吃甜。整體 食物略見普通，但店員服務態度不錯。

之前聽朋友講呢度要排好耐隊，所以今日專登6點令鐘黎，一黎到就有枱。我地點左3款牛: 板燒吉列牛 ($108)，燒黑松露吉列牛 ($148)同板燒安格斯牛 ($108)。每個餐都可以再加配定食($38) - 秘之飯素，楓糖流心蛋同櫻花昆布湯，又或者再加$20有櫻花金魚湯，不過今日賣唒無得試。3款入面我最欣賞黑松露吉列牛，因為好多黑松露，未燒都巳經好香，燒左嘅吉列黑松露邊好脆好濃黑松露味，比普通吉列正好多。至於安格斯牛，食得出牛嘅質素係比較好。另外，個飯好好食，佢加左鹽木魚芝麻同紫菜，加埋醬汁真係一流。不過個湯就無咩味。順帶一題，始終係鐵板煩，好彈油同埋食完之後都成身油溢味。同埋呢度只收現金。

好多好評👍🏻想試😋本身想食晚餐，但驚排長龍所以都係Lunch去啦😆12:30pm到店，店入面已經有一半人，見外面都有2-3組人等緊因要齊人先入得，入到去坐低唔夠15分鐘已經坐滿人喇！我地叫左2個set、2個小食😙望落去d肉都好靚，厚薄適中既，有黑松露味，可能黑松露蓋過左d牛味所以牛味無乜😌但整體好食既又敢既價錢👍🏻我覺得比起黑松露果隻佢薄左小小，同埋佢要點醬汁會好食d熱辣辣，沙律醬太多可以小番啲沙律醬就好啦無特別正正常常，只係想食下菜叫下😅😅如果食吉列牛既CP值高而家敢熱既天氣唔洗排隊就更加好啦！想一試可考慮食Lunch😊

今日有事要過海，即刻睇下有咩可以懲罰！之前係Instagram已經見到呢間餐廳啲嘢食好吸引，又因為疫情關係無得飛，好掛住日本嘅嘢食，種種因素就決定食呢間吉列牛！6點幾嚟到已經見到人龍，餐廳係分上下場(1200-1500, 1800-2200)有興趣嘅朋友務必早啲嚟攞飛！等咗大概20分鐘左右，終於見到曙光，店員會為我哋落單量體溫，等其他客人食完就可以入去啦！作為黑松露嘅忠粉,見到黑松露吉列牛就二話不說叫咗嚟試有冇人都覺得佢好似Elmo😂呢個真係不得了撲鼻而來嘅松露味再加上肥瘦均勻嘅牛肉有如置身世外桃源，食到停唔到🤪現場所見，多數人都係嗌吉列牛我就決定試吓呢個板燒安格斯牛見到啲肉紋都知佢正燒左之後仲驚艷！係近乎入口即溶！係香港真係少之又少唔好以為呢間野淨係得牛好食，個味素飯都非常之出色香得嚟唔會太鹹，平時唔食飯嘅我都爬咗幾啖🤣送牛一流🤩一句講晒 排幾耐都等

之前經過佐敦見到好多人排隊所以咁耐以黎都無排隊食諗住疫情無乜人 膽粗粗去試下點知都有好多人排隊就入得去果時 已經要落定單入到去坐低一陣都有得食啦叫左個吉列牛set,黑松露吉牛set 同埋芝士吉豬黎到個賣相已經好吸引反而個芝士吉豬 個芝士汁出奇地好食同埋d豬排好食的 唔會好乾有肉汁而吉列牛set 同 黑吉牛set 都幾好味唔怪知得 長期有人排隊食 值得回頭再食另外環境方面抽風可以做好少少因為佢石板燒 本身抽風又麻麻地所以食完個身一定會有油煙味 但係都係牛油味

📍#秘📍Secret Chef #SecretChef.🇭🇰香港佐敦偉晴街11號地下🇭🇰G/F, 11 Wai Ching Street, Jordan, HK.🌐📌佐敦 📌荃灣.人均消費: HKD128.味道: 👅👅👅👅賣相: 👀👀👀👀價格: 💰💰💰環境: 🌹🌹服務: 👨🏻👨🏻性價比: ⭐️⭐️⭐️⭐️回頭率: 🔆🔆🔆.一直想試的吉列牛✨門面真心不起眼！木系帶工業風裝潢，不知是天氣太熱還是冷氣不夠，食完都覺得好熱😅.⭐️板燒吉列牛🐮HKD128午餐原是HKD108，我加了HKD20追如飯素和溏心蛋吉列牛一共有16件，整個餐份量比我想像中多！外層吉列做得很好，香脆可口牛肉肉香不錯，但口感不算太嫩，不過燒得時間太長都不會韌飯素是用海苔，芝麻，鰹魚磨成粉末下飯，十分好味道！溏心蛋就正常，蛋黃黏黏的好香，不過對我有點太熟.整體不算十分超水準，但價錢的確抵食，性價比頗高，值得一試！.

朋友介紹我去試下呢間日式燒肉，所以就放工去食晚飯🥣試下新野。成日店舖好似日式既居酒屋🏮地方細細地，又唔算好窄😛 呢間店舖主要係以set餐出售，有好多款唔同既肉類（每set都包含了前菜 半熟蛋、味增湯、紫菜飯⋯）1️⃣黑松露牛肉 （黑松露味道好出、但有小小掩蓋左牛肉本身既味道，但整體來說都係好味）😢但我食唔曬，因為食得多就有小小厭的感覺😅Cp值都高既，價錢不太貴，約每人160左右（當然要視乎你揀嘅餐）

近年興起食板燒吉列牛肉,以評價同價錢而言,位處佐敦嘅”秘”應該都甚為有名,仲要黃店加持,今日就出發去食板燒吉列牛!。。🔘 秘•燒黑松露吉列牛 | $148評分: 🌕🌕🌕🌕🌕評語: 話晒係招牌菜,我諗每枱嘅顧客都至少有一人點呢一個套餐或者板燒吉列牛😂呢份吉列牛相當大份,男仔可能食得晒,女仔我建議搵人share一份。牛肉有一陣黑松露香,外層已經炸至鬆脆,內層牛肉油脂分佈平均,亦都食唔到牛筋,食落好淋,肉嘅質素好高。而大家可按照自己嘅接受程度而選擇煎煮時間長短,小編偏好食medium,建議每邊8-10秒就夠。。。🔘 櫻花金魚湯定食 (櫻花金魚湯,流心蛋,素飯) | +$58評分: 🌕🌕🌕🌑🌑評語: 本人認為所有櫻花味嘅食物都喺伏嘅😂金魚湯當打卡影相就好了。不過如果齋食吉列牛可能會有d油膩,都建議大家跟碗飯食。飯表面有紫菜芝麻日式topping,加埋流心蛋食/吉列牛食就啱啱好喇!。。🔻長期都好多人食,記得預時間等位🔻比較近柯士甸站,夏天行太遠會熱死🔻日式格局🔻黃店👍🏼推介指數:⭐️⭐️⭐️⭐️

不是「秘」密的吉列牛▷板燒吉列牛套餐 $108▶板燒安格斯牛套餐 $108▷秘之飯素 楓糖流心蛋 午市套餐+$20超多人推薦嘅黃店之一，荃灣同佐敦都有分店，午市去到都係排晒隊，等咗十零分鐘就有位，一入去就聞到超大陣燒肉味，未食都覺得返到屋企要全身清洗😂嗌咗人人都食嘅招牌吉列牛同另一款安格斯牛同朋友share，肉多到兩個人都嗌飽，碗飯都食完但仲未食晒啲肉，啱晒食肉獸🌝吉列牛油脂重啲，肉質比較有彈性，連埋層吉列脆皮一齊食好香口，連平時頭尾個兩舊唔食嘅都食埋！安格斯牛肉味濃啲，肉質滑啲，鐘意肉味應該揀呢款好啲🤪個醬汁係精粹黎～點完塊肉即刻昇華咗，加埋粒完美溏心蛋，又飽又滿足🥳雖然唔係食過好多間吉列牛(又唔係特別喜歡)，但呢間係食過最好食嘅吉列牛，唔怪之得咁多人推😋ps 佐敦店限定 有個超抵嘅$58原條鰻魚午市套餐 我地食完先見到！不過第一次黎又冇理由唔試吉列牛嘅～～﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣秘佐敦偉晴街11號地下荃灣享成街22號地舖

排左一個鐘終於有位，但真係值得性價比高到爆燈，叫左個燒黑松露吉列牛套餐，埋單兩百，香港真係無其他地方食到，最緊要係食到日本嘅感覺，機票錢都慳返員工手腳快又好禮貌，個爐無左火唔洗叫，就已經主動加火

想食燒肉又想幫襯黃店就醒起呢間近期喺ig曝光率好高嘅小店，由於間舖都幾細，18:30去到拎飛，等左45分鐘先入得，就到你嗰陣會落定單先，一坐低就有得食。呢度一人一爐，牛嘅生熟度可以按個人喜好控制。抹完油記得拎走塊肥膏，唔係好容易彈油。注意店家只收現金。.板燒安格斯牛(加配定食）:份量好多，肉味唔算好濃，勝在油脂分布平均，牛肉薄切，質地好淋。定食有飯素、楓糖流心蛋同櫻花昆布湯。流心蛋煮嘅時間控制得啱啱好，全枱都無失敗之作，個湯就有啲櫻花碎浮面，鹹鹹地唔知咩味有啲怪，另外可加$20揀金魚湯，個湯底就一樣嘅，但多左粒金魚形嘅蝦餃，朋友之前食過話味道唔錯。秘•燒黑松露吉列牛(加配定食）:牛肉外面裹上黑松露加日本麵包糠嘅炸漿，黑松露味比想像中濃郁，配牛肉原來又幾夾。燒熱後外殼酥脆，肉質比安格斯牛有咬口，不過呢款比較熱氣同重口味，同人share會無咁膩。趣脆蝦波蝦波彈牙，外面裹上粟米片炸，配埋少少辣嘅醬汁，好食。P.S. 朋友去過荃灣分店，覺得佐敦店通風較差，而且我地啱啱食完就畀人催埋單，雖然我地樂見黃店生意興隆，店員都有禮貌，但個用餐經驗真係麻麻地，建議大家揀非繁忙時段去，不過食物質素唔錯亦算抵

想食迷你鐵板燒 見openrice介紹呢間好top好多人排隊 係咪人群效應呢🈶️一次去荃灣食 7點前去令位都要等2個鐘今次係油麻地6點鐘就到啦 終於食到叫左最平既牛牛當然少不了黑松露牛牛黑松露就麻嘛地 松露掩蓋了牛既味價錢都幾貴 但勝在好食 服務好D牛入口即溶 5成熟可以食到距原味😘set餐要150up 香港地係咁貴架啦haha會keep住幫你換火 pour水 幾滿意留心蛋 好好食 好🈶️味道 應該係日本🥚飯都還可以既 不過整個set餐食完都係肚餓一次夠啦 要排好耐隊 咁既價錢都可以接受😝