秋田冰室

營業中

休息中

趁著紅日，跟巴士迷朋友坐694來調景嶺探老友記，這才知道，原來金X結業，轉了做這家秋田冰室。午餐時段要排隊，很快就有位子了，窗外的景色還不錯呢。跟大部分新式餐廳一樣，客人用QR Code下單。我們三個人都叫了炒嘢，分別是：。頭抽乾炒牛河 $69。咸魚雞粒炒飯 $69。XO醬鐵板豬扒炒一丁 $70幾個餐製作需時，就是新鮮炒的啦。當中炒一丁最令大家滿意——樣靚、料多、大份！豬扒還是切開了的，巴士迷朋友很滿意！飲品選擇很多，巴士迷朋友推介凍檸賓。雖然紅日要加一，但可以跟朋友聚舊也沒所謂啦～最後很想知道，為什麼會叫秋田冰室？是不是有些隱藏日式餐牌呢？？

從來未食過咁恐怖嘅晚餐，我已經將啲菜撥埋一邊，啲油仍然係多到滿晒個碟；份量又唔係多，一個餐加埋飯加埋湯冇嘢飲要成$85；碗湯嚟到嘅時候仲要係一大浸豬臊味攻上嚟，老實講真係劣食

今日爸爸堅持要試下午茶。橫掂有9折卡，佢應該會食多啲🤔是旦啦～屋企樓下得三間嘢食之嘛！爸爸叫咗星洲炒米，因為上次食蝦嘅時候啲蝦“那”過，所以今日走蝦。個味好明顯好味，因為佢好快食晒。媽咪叫燒鵝瀨粉，啲瀨粉係透明瀨👍🏼燒鵝個皮脆～細佬叫牛扒沙律，塊牛扒有筋，正常牛扒～我叫肉醬意粉，西蘭花個面燶咗，初初諗住撈暈佢先食，點知見到好大兜，仲大過lunch嗰個兜，不過個app無得叫多醬，所以啲醬唔夠平均分配全兜，所以我求其撈咗上面食，但係我食咗兩啖，就決定打包😜 返到屋企加工先再食，發現原來佢個底都燶😅🤣 同埋都幾多油。即磨咖啡同普通茶記咖啡嘅分別，就係 creamy啲，濃到差唔多，普通咖啡酸度高啲。今日下午茶4點幾呢啲時候就唔洗等，即刻入。呢到個環境唯一唔好就好似審犯咁比人打大光燈🤣🤣光係好，但如果黃光嘅光會好啲。白光影相靚，睇落光猛乾淨。但其實乾唔乾淨唔係靠個光就做到，所以食嘢，黃光會舒服啲囉～

係調景嶺美食沙漠，見到新冰室開張不到一星期，今日週六就趁下午茶時段去試下新野。門口排左至少十幾個人，我一個人都要等左十幾分鐘先入座，仲要搭枱。 點左板燒西冷牛扒配薯角。等左大約20分鐘先上菜。一見到實物已經滿臉疑惑，即刻舉手查問店員，比佢睇下我張單，然後佢同我講就係呢個西冷牛。得到店員既確認，我唯有開餐試下，半份豬扒包 半份疑似牛的包。一邊食一邊心諗餐牌上從來冇寫過會有包，同我想像中嘅鋸扒好大出入。先講食物，豬扒肉質嚡，而茄汁包裝放在沙律菜上，一拎上手就沾滿沙律上的芝麻醬，擺盤並不友善。 由於手機落單又冇圖，我只好當自己唔好彩，心想餐廳係咪違反商品說明條例。我食到最後依然深深不忿，拎起咗餐牌睇吓有冇圖，對比中英文既說明。咁啱有個店員嚟收嘢，我決定再問多佢一次，同我一開始問嘅係同一個店員。我拎住手機的圖同我張單睇比佢，呢個時候佢先承認呢個並唔係板燒西冷牛，這個餐並不會有包提供，然後承認錯誤，而佢亦都忘記剛剛是她答我這個餐沒有送錯。 我去結帳時，我同店員表達出餐廳送錯餐，希望餐廳收取我正確的價錢。我吃的豬扒包同我的帳單上的記錄有別，而我從餐牌中得知兩者的餐牌相差$1，豬扒包餐的

試過羅宋湯好飲，所以食早餐諗住試下羅宋湯通粉餐，個餐仲要包埋菠蘿油。今日羅宋湯無咗啲辣味但係就酸過嗰日，可能有人反映過辣，所以佢地唔整辣？！～🤔咁其實都無所謂嘅，無辣味可以自己加，因為櫃桶入面辣油辣醬都有。個菠蘿油超正，嗰日媽咪食過菠蘿包，咁加多啲邪惡牛油就梗係好食啦～食呢個早餐，之後仲有全日消脂😜🤣 所以 no problem 👍🏼 最緊要好食！茶走真係有少甜👍🏼好多間都做唔到，佢好叻咁控制到👍🏼牛扒出前一丁同牛扒餐其實都係差唔多嘅嘢，咁塊牛扒都好食喎！不過唔知點解好多時佢叫咩都會最遲出🤣，我地嗰啲都好快，最快係個菠蘿油，1分鐘上枱👍🏼 其他嗰啲10至15分鐘都有，但係爸爸嗰份就要25分鐘，仲要佢嗰份明明叫咗熟蛋變咗流心蛋，流咗落佢塊扒到😅🤣 佢見到就呆咗🤣 咁所以佢無蛋食😜 由於中途催過單，老闆娘比咗9折，所以有9折優惠，兼且佢仲比咗張9折卡，咁價錢同其他茶記相約～今日星期日真心多人，排隊等入座好彩唔係等好耐，食緊嗰陣見到條人龍時長時短。到食完嘢，買完少少嘢返轉頭見到條龍勁長，唔知排到入去仲食唔食到早餐呢？應該趕到尾班車，可以同時叫到早餐同午餐～

做了水魚一條。真係又貴又冇質量。新開張想試試點知就中伏。第一次飲阿華田入邊有公仔麵條…咁算啦，換過杯，但係你個野菌雞扒意粉不如改做蕃茄雞扒意粉算啦。冇味。XO炒一丁麵條又硬又脆

是日午餐四寶飯有燒鵝，燒鵝唔騷皮脆，白切雞係舊式嗰隻，中間啲骨有血嗰隻，叉燒係淋嘅，咸蛋係正常咸蛋。菠蘿包，皮脆，包大，同之前金記一樣。是日午餐雞扒意粉，正常，雞扒無怪味，同正常茶記冰室一樣。例湯：中湯無以前金記咁咸；羅宋湯好飲過以前金記，仲帶有少少辣添，令人好開胃。凍咖啡如果真係可以少冰啲就好嘞～不過入面有位潮童侍應叔叔啲態度就真係麻麻，因為佢一路都擰轉背鬧人，你又唔係澳牛，人地澳牛都無咁樣樣呀～

冬蔭功湯米得個名，但係喺印度舖到買樽冬蔭功自己煮都好味過佢，因為真係無冬蔭功味，佢唔講冬蔭功，見到奶白色會以為魚湯底或者豬骨湯底。不過啲肥牛就真係夠晒分量。不過唔知點解送咗粒好“大粒”嘅叉燒比我。最慘就係用QR code叫走唔到青。仲有個碗好淺。肉醬意粉就同以前金記差唔多。佢個 container 淺咗不過寬咗。是日午餐XO醬楊洲炒飯，啲蝦“那”過，明顯唔新鮮。個炒飯好似炒得好，不過唔好食，可能普通楊洲炒飯會好食啲？不過要走蝦囉～試業初期其實已經安排入座同各樣流程都好好㗎啦～不過係個楊洲炒飯（25分鐘），凍檸檬茶（26分鐘）同凍咖啡（40分鐘），已經有中途追過㗎啦，但真係等咗好耐先出到，佢地又要係隔離一路比壓力叫你走，因為出面好多人。但係你啲嘢都未比我，我又點走呢？

晚上八點幾九點去食晚飯，排咗四個字隊然後入座。個店員走過來話，除咗燒味之外廚房嘅要等30分鐘，咁其實都冇乜所謂啦，咪外燒味囉。我就叫咗個燻蹄油雞飯多色，屋企人就叫咗個腸仔肉醬飯，我個燒味飯嚟到，一滴汁都冇，啲燻蹄乾到爆，仲要得三舊，嗰油雞仲衰，老雞皺皮雞翼尖，我屋企人嗰一個腸仔肉醬飯都唔係好得幾多，一睇就知，趕住出嚟都未焗熟。食咗半已經冇食。返到屋企半夜起身全家肚痾，新開都搞到咁，大家諗吓想唔想入醫院先去食