89
33
2
港鐵九龍灣站 B 出口, 步行約9分鐘
繼續閱讀
營業時間
星期一至日
12:00 - 00:00
以上資料只供參考, 請與餐廳確認詳情
食家推介
相關文章
第一次亦係最後一次黎食，跟同事放工時間黎，大概6點左右，唔洗等就直接入。個人最中意炸物同串燒，再叫左個烏冬，份量同朋友share岩岩好，飲品都唔錯。本來打算再去食一次，但後知後覺已經結業，希望團隊之後希機會可以重開！
繼續閱讀
秋月居一向是九龍灣人的最愛，價錢OK，又好食，雖然談不上正宗，但係好啱香港人口味。名物燒玉子，玉子入邊有少少飯，上面有沙律醬，燒到好香，每次都一定要食兩件先滿足。叉燒豬軟骨湯拉麵， 味道OK。七味炸雞軟骨，香脆。三文魚壽司就一般啦，最好食係三文魚茶漬飯，個湯底勁香，清淡之餘又有特色。另外仲叫咗清酒煮蜆，明太子雞翼，燒牛舌，燒豬腩肉，全部都好食，不過太多冇影晒相。總結來講都係勁抵食，不過最差係要等位等好耐，因為入邊啲位好少，有時等唔到都會外賣！
繼續閱讀
經過見到佢個牌寫住「8年老舖 · 租約期滿結業倒數」見佢唔洗排隊即刻諗都唔諗舉高2隻手指「兩位呀✌🏻」而係我地入座後就開始要排隊等位🤭🤭用餐時間為90分鐘裝潢比較樸實既居酒屋小店但能夠經營8年之久一定有佢實力同吸引既地方叫左特製赤蝦龍蝦湯拉麵（$128）4隻大大既赤蝦🦐已經好吸晴湯底好濃龍蝦味但稍稍重手偏咸少少而赤蝦size很大蝦肉彈牙配湯一齊食一流可惜其中一隻有點霉肉不夠新鮮鐵板雜菌帆立貝（$49）用鐵板上菜上枱一刻仲有吱吱聲醬汁用了鰻魚汁咸甜得黎又惹味厚切火炙三文魚腩壽司（$35）童叟無欺真係好厚切火炙三文魚表面🍣油花飽滿·外熟內生既口感超級大滿足係絕對會想encore既一項明太子釀雞翼（$56）平均$18蚊一隻雞翼外皮炸得酥脆可能過左少少火喉無講是雞肉還是明太子部份都略微有點乾鹽燒牛舌（$43）燒牛肋肉（$32）燒翠肉瓜（$22）牛舌厚度夠·爽嫩Q彈但玫瑰鹽稍為重手左牛肋肉燒得香口牛肉帶焦香·有咬口而不會乾柴翠肉瓜雖然薄切但外脆內嫩椰林飄香（$48）好香椰子味飲落如其外形菠蘿味十足Rum酒味亦相當明顯好明顯好足料🍍🥥🍹門外滿滿等位既客人就算係店員表示「唔知幾點先食到」既情況下都唔介意繼續等位完全體現到8年街坊小店既實力無奈地捱過疫情·卻敵不過租約期滿有點小可惜。
繼續閱讀
今日在九龍灣得寶商場叫外賣返屋企食，有間日本居酒屋「秋月居」黃金燒玉子燒玉子裏邊包左啲飯，上面掃咗啲醬汁炙燒，甜甜地三文魚茶漬飯茶漬湯比較鹹，三文魚魚肉都幾多的，配埋茶漬飯味道都不錯香蔥牛肉溫泉蛋蓋飯牛肉比較乾，醬汁唔太多，溫泉蛋好滑
繼續閱讀
世界上每一樣事物都有一個期限⏳，人如是、物亦如是，特別是習慣了在我們身邊的事物。突然要面對失去的事實，有時亦只能無奈接受🥺這幾天，知道一間位於九龍灣的日式居酒屋即將結業的消息🏮，心裡感到非常難過😢畢竟，由這間居酒屋在得寶商場地下營運至今，已陪伴我渡過不少寒暑，留下了不少腳毛🦶🏼因此，我會把握餘下的時間去光顧，回味已逝去的美好時光👀🏞環境餐廳的裝修簡約：如果不是門口的木牌、串燒車和幾盞吊燈，很難相信餐廳會和居酒屋沾上關係🏮座位以梳化和木椅子為主🪑，另外設有酒吧枱corner，用以調製飲品🍹和擺放餐具之用🍴🍝食物餐廳其中一款最有名的食物，是不同款式鐵板飯：特別是它的香蒜牛肉鐵板飯，薄身的牛肉，配上蒜鹽、黑椒、牛油🧈和粟米🌽，非常適合愛蒜之人而且，餐廳另一樣吸引人的地方，就是cocktail 飲品：每一款cocktail都會配上簡短而生動的narration，令人發笑；同時，每杯酒的酒精濃度各有不同，迎合對不同程度有特別愛好的客人🍸因為人數不多，我們只點了以下數款食物和飲品。如果想品嘗更多款式的美食，大約三至四個人就最為適合👍🏼1. 黃金海岸（天婦羅.魷魚）🍤（$48）. 以天婦羅的烹調方法，把魷魚炸熟。不過實物賣相一般，與圖片相比不夠金黃色；但外面炸得香脆，魷魚感覺煙韌爽口🦑2. 火炙三文魚飯🍣（$72）. 三文魚非常肥美，而外邊皮燒得香脆之餘，魚肉有不少油份滲出，用來拌飯一流；飯的分量足，必定夠吃🍚3. 雙色吞拿魚飯🐟（$82）. 內含吞拿魚粒及吞拿魚茸兩款魚肉，肉的色澤鮮紅，但吞拿魚味較淡；飯面灑上芝麻、蔥花，加上溫泉蛋，用來拌飯不錯，但溫泉蛋和吞拿魚的味道不是太夾😮4. 七味雞軟骨🐔（$46）. 雞軟骨灑上辣粉，少少辣，味道香脆爽口；如果擠上檸檬汁及點上沙律醬，就會令雞軟骨有香辣味之餘，有一陣清新的味道🤤🍃5. 朦朧的肚臍🍹（$42）. 餐廳不少人order的cocktail ：它的特色是開始會使用乾冰，令煙霧向四周散發，效果很壯觀🌫💨這款cocktail 包含蜜桃汁🍑、Vodka🥃和橙汁🍊，喝下去會感受到少許Vodka味道，但酒精味不重，反而香桃和橙汁等水果味道較重，有特色之餘亦很解渴🥂💁🏻♀️服務餐廳的座位有限，而且不設用餐時限。所以大家如果walk-in，就要有心理準備要等一段長時間，可以在用餐時先行致電查詢及預約☎️餐廳的職員友善，而且由下單至食物送上的時間只需10分鐘左右⏱非常迅速和體貼😊👀總結相比其他日式居酒屋，這間餐廳的食物款式不算太多，卻別具特色，而且價錢不貴。閒時前來喝一小酌，放鬆一下，簡直一流😎可惜，這機會只成追憶😔餐廳將會營運至十一月九日（星期二），如果想去的朋友就要把握機會了😣😖———————————————————————餐廳評分（5分為最高）美味：🐤🐤🐤🐤環境：🐤🐤🐤服務：🐤🐤🐤衛生：🐤🐤🐤🐤性價比：🐤🐤🐤🐤🐤回頭率：🐤🐤🐤🐤店舖可達度：🐤🐤🐤🐤
繼續閱讀