禾牛薈火煱館 (金馬倫道)

營業中

休息中

食物貴唔緊要，新鮮好食但極度差。話就話1X間VIP房，入咗去就好似去咗垃圾房咁，無冷氣又污糟。大人細路出曬汗。6個大人埋單貴過食自助餐囉，真係未見過咁差既仲可以有咁多正評。大家小心

今次為慶祝母親節面訂..禾牛薈之前都食過幾次， 包括九龍城個間兩間服務都一致 好nice次終唔明白既係 感覺好似唔多人食， 但不論食物質素同價錢 其實都十分值得去唯一 如果你係兩個人去 又細食既話可以叫既款就唔多， 雖然佢menu上既都可以雙併比你， 但上一次我兩個人食， 真係食到棒住個肚走。今次我地一家四人就可以食得比較多款。話明禾牛薈， 咁就一定要點牛， 我地簡左中間價錢果個、 最後總共叫左三碟😂成家郁中意食。響玲係唔同出面買個d 必點而最重要最重要既係湯底， d湯底好味到 一定要加水晶粉，其實佢每個湯底我食既都好中意椰子雞最愛

首先想講嘅係 伏已中❌❌餐廳好唔老實❌❌我地經OpenRice 訂位應有八折結帳時店員表示已折但結帳後才發現係收取正價大家如果幫襯記得要check單✨健脾養顏椰子雞湯椰子雞湯 真係清到不得了🙈椰子味好淡 完全唔香 唔講以為係清湯雞有半隻 肉質都算嫩滑 雞味淡唯一可取嘅係粟米好甜✨本地招牌手切肥牛賣相已經好差 好唔新鮮 切得好薄 顔色暗雅 風乾左冇油香 有好淡肉味 口感又乾又柴呢個價錢完全不能接受✨鮮吊桶仔吊桶仔 好新鮮 口感爽脆但冇起透明骨 食要小心啲 ✨手打黑白墨魚丸墨魚丸無論黑色定白色 味道都係一樣 都算鮮味唔算好粉 口感彈牙✨老友鬼鬼即係蝦膠釀油炸鬼 炸到過火左蝦膠 份量略少 都算鮮味油炸鬼 口感又乾又硬 整體好一般✨自家製竹蔗水味道清甜 幾解渴總結：湯底同火鍋配料質素好一般牛肉質素極差 唔明點解可以出咁嘅料比人食但今次到尖沙咀分店 令人好失望服務唔錯但唔老實幾好都冇用價錢略貴 以食物質素計 呢個價錢出面有好多選擇真心完全唔值呢個價

尖沙咀返工，約咗幾個吃貨同事收工去打邊爐，大家本身食量唔多，又想食好啲(唔想再食垃圾任任食火鍋😅)，咁就上OpenRice 睇吓公司附近有咩單點火鍋店喇。揀咗呢間，大家貪佢多湯底選擇😆, 一坐低先order咗個小食椒鹽魚扣同啤酒，魚扣食落有啲爽爽地幾過癮，餸啤酒唔錯。泰式生蝦刺身，肉質好爽、鮮甜，點嗰個醬汁原來畫龍點睛，少少酸酸辣辣咁，好醒胃，好有🇹🇭泰式feel👍🏻。大家都想飲啖雞湯，就揀咗寒天翅瓜滑雞煱🐓，一上枱，侍應會喺我哋面前細心切開個冬瓜環，D鷄件份量都唔少，湯底顏色好似好濃郁咁，侍應溫馨提示我哋，湯滾起咗飲啖靚湯先，一試…..果然好香濃嘅雞湯😍，啲雞件好滑，唔嚡口👍🏻。見D食評話禾牛薈出名食牛🐮， 咁即係唔試唔得啦，🐂 牛味夠濃，一D都唔靭，肉質柔軟，脂肪分布平均，好多其他火鍋店都標榜自己嘅牛點靚點好，試過之後都係不外如是，今次試呢間冇令我哋失望😋，心思思又再encore多一碟牛。侍應推介嘅松葉蟹皇包，賣相好似小籠包，咬開啖啖都係蟹肉🦀✨，蟹肉嘅甜味突出，滿足感提升，同埋食到有蟹膏，D膏嘅甘香喺口腔迴盪，食到心心眼😍，留下深刻印象。韭菜餃🥟大大粒，入口滿滿嘅韭菜香。最後食埋

尖沙咀火鍋店很多，呢間真係屬於高質素叫咗芫荽湯底，湯底應該係用豬骨湯，芫荽勁多，一滾起，已經係每人一碗芫荽，啱晒荽友打邊爐必備嘅肥牛，我哋嗌咗最平嗰個，但係質素都幾高，油脂分布都幾均勻，牛肉味亦都幾濃，性價比都幾高另外我哋仲叫咗幾款蔬菜，全部都係靚料，粟米好甜，萵筍切到薄片咁，烚一陣就可以食得，不過我都係覺得角切好味啲，所以我就好鍾意角切嘅淮山要值得一讚嘅係，呢度嘅服務好好，侍應都盡量配合我哋嘅要求，例如主動加湯，又會幫我哋斟啤酒，坐得亦都幾舒服，整體觀感非常好，一定會encore

一場黎到緊係首選要試下呢度獨有既寒天翅瓜滑雞🐔湯底(一定要先飲湯，上面是素翅及多款名貴材料熬製而成，超級鮮甜美味) 另外最出名既牛，牛頸脊位於牛頸與肩胛之間，屬於運動量比較多的部位。有適量油花，肉質鮮嫩爽滑 店長推介🐂* 又靚又鮮 「邊爪」，牛脂比例豐富，肉味香，有質感，就算over cook 仍然爽爽滑滑，不會靭。十個客人十個回頭🥳 另外如果鍾意食濃味d既朋友仔值得推薦封門柳:「封門柳是成隻牛，肉味最濃😌的一部分。」封門柳如此巴閉💢💢，只因全隻牛只有一條，緊貼着橫膈膜，此肉與內臟較接近，脂肪不多但肉味濃😍， 若果打邊爐放進熱湯內只要快滾6至8秒便可，入口滑溜香甜。 牛胸爽又名胸口膀或牛白肉，好多人見到都誤以為白色一片片既牛胸爽係牛既脂肪，其實是位於牛胸腔肋骨中間的軟骨部位，食落十分爽口，火鍋必試,火鍋必試首選女士們必試，食完皮膚又彈又滑，想再加強口感就可以用一片牛胸爽夾著一片牛肉滾，一齊食口感層次都加倍提升. 每日有時令空運海鮮🦞今日試左個海鮮拼盤(澳洲海膽，泰國虎蝦🦐，日本帶子等.…)超級無敵鮮甜美

琴日為食貓同成大班朋友book左去禾牛薈打邊爐，因為貪佢私穩度高，有自己一大間房可以用我地8個人叫左2個湯底 — 椰子雞湯 + 招牌派牛薈2個湯底都好足料，好夠味道，不過食得出味精味有d重，為食貓返到屋企好口渴🥲我地重叫左好多唔同配料，例如：牛、蝦水餃、烏冬、象拔蚌、鯇魚片等等，全部都唔錯既。不過個牛睇落去好靚，食落去就無咩牛味，質感亦麻麻最後，我地埋單每人都要400幾蚊……有d貴原因係性價比唔算高，食得唔算太飽，而食物質素又未算非常出色不過大家想成班朋友有間大房一齊食野吹水都係一個唔錯既選擇

訂位嗰時可以講想坐入房，如果要搵職員房有個鐘仔㩒下就得，好方便～ 調味料方面佢會成個架擺入房俾你用，完全唔使行出行入✨ 另外座位好闊落，坐得好舒服，不過有啲人就會距離個鍋遠少少 👨🏻‍🍳 邊抓 ❤️‍🔥第一次聽😳 到底牛有幾多個部位可以分😹 邊抓係肋骨位包住牛腩嘅部份，就咁睇個樣都覺得佢多脂肪🤤 都幾重牛肉味，好好食😋啲牛送上枱嘅時候會有個牌仔話你知呢盤係咩部位同埋應該淥幾耐!! 好鍾意佢哋呢個貼心嘅做法✨好多時候去其他地方打邊爐嗌晒啲牛肉上枱之後會唔記得咗邊樣打邊樣😵‍💫，分唔清所以嗌唔番啲特別鍾意食嘅部位🥲 呢度咁做就完全冇呢個問題✨✨👨🏻‍🍳 西班牙漿果黑毛豬肉片 ❤️‍🔥勁嫩嘅豬肉片，唔會太薄食落口啱啱好✨我記得餐飯食得超豐富，埋單人均$350-400🤑 飽到我食唔落對面間芋圓😹 佢嘅肥牛同埋滑類都高質❤️ 湯底夠濃郁!! 個麻辣鍋都幾辣但係好上癮😻😹 整體嚟講好好食，因為隔咗太耐而且冇特別影相，最記得係上面兩款肉所以重點寫|ω•` ) 好適合同一班朋友嚟食，會抵食好多!!可以一班朋友喺房食得舒服啲自在啲✨ 尖沙咀同九龍城都有分店，有返晚市之後就可以再約一大班朋友去了🥺

近來嘅天氣十分反常，每次出街都好似做完steam bath🛁 一樣… 大汗疊細汗😅 所以lunch break嘅時候，我都寧願留喺公司，求其食個 #蘋果、睇吓 #YouTube 就算🤪 加上連續兩晚，不約而同都有朋友仔約 #小秘書 出去 #打邊爐… 你話中午點可以唔節制下吖😆呢晚我哋嚟到 禾牛薈火煱館 為兩位 #壽星 #慶祝生日🤩 本來六個人叫一個 #湯底 就啱啱好，不過餐廳安排比我哋張枱又鬼咁大，唯有坐得鬆動啲、叫兩個 #湯底 試吓唔同嘅口味😉 我哋揀咗一個 #蕃茄坑腩薯仔湯、#沙嗲鍋 做 #湯底。因為我坐得比較遠，個番茄湯底做得好唔好我真係唔知道😅 不過佢哋個沙嗲鍋都唔錯喎，服務員仲介紹佢哋個鍋底加入咗 #自家製 嘅 #大地魚 嚟熬湯，再加入鮮菇、枝竹、豬皮… 做湯料， 沙嗲加上大地魚嘅鮮味，味道有啲喜出望外😉 呢餐我哋除咗碟 #桶蠔，都無叫到其他 #海鮮，只係加咗碟 #手切肥牛肉，同埋啲 #丸、#雲吞、#菜… 之類一般嘅火煱食物， 整體無咩特別😉 不過要提一提佢哋調味架上嘅 #XO醬 真係好足料，辣辣地、擺落口啖啖都係 #瑤柱絲

單點雙拼鍋底椰子雞+台式麻辣椰子雞湯底清幽香氣十足自己好鍾意咬d椰子條越咬越香台式麻辣也很出色但相對一般的台式麻辣會過辣一點點當中的鴨血都好麻麻地必食之選蝦滑鵝肝丸老友鬼鬼同手切牛總體來說價格有d高但很適合一班fd吹水食飯

松葉蟹黃包無論蒸或火鍋都係咁好食; 嘗試過之後覺得十分好食，可以一提， 在職員工希望你哋更努力可以守住這間舖頭，可以令我每逢過時過節或者到我想過嚟食的時候還可以上來食到你們的松葉蟹黃包; 我讀書嘅時候的說話來講(創業難,守業更難)希望你哋可以做得到 ！

其實來過幾次都必叫台式麻辣湯底 ，個味道好正 好濃，又唔係好辣，叫碟豆腐同鴨血擺落湯底度真係好正，牛肉都好靚好滑，牛肉價錢都几貴下，不過物有所值，海鮮刺身都好正，下次可以試下蟹個煲，好似好正woo...    人流都好多。係尖沙咀來講，都好出色噶啦。

火鍋店係朋友推薦，整體高質不錯！湯底揀左花膠湯底，味道濃郁，花膠好大隻食物方面：自家製四寶丸同自家製餃子有咬勁，幾足料同大粒，都幾好味手切牛肉新鮮，花紋靚響鈴係新鮮炸，都5錯場地方面：有兩層都幾大，幾適合三五知己，放工聚會嘅地方會再幫襯

星期六晚上，一入到間火鍋店，有一種好溫暖嘅感覺，加上當日又同屋企人一起吃飯，當天我們叫了一條章紅魚，我的家人都話條魚擺設精美，入口鮮甜，湯底好好味，章紅魚骨椒鹽我的家人讚不絕口，蒜香撲鼻，我們成家在當天都食得很開心，感謝禾牛薈火鍋店的服務。在場經理都說花甲蟹煲好好食，下次光臨時我一定會叫

7月2號同朋友去咗呢間火鍋店打邊爐。我哋先叫咗3個小食，味道正常。之後再叫咗一個芫荽馬蹄皮蛋湯底同埋一D火鍋配料，例如牛肉，丸同埋蔬菜等等。湯底鍋上咗之後，我哋諗住用個火鍋羹攪勻一下個湯底，點知攪兩攪，響D 芫荽下面發現咗一塊墨綠色嘅「百潔布」，好恐佈。我哋同咗職員講，職員即刻攞走咗個百潔布湯底，話會換另一個湯底比我哋。另一個火鍋店職員提議免咗湯底價錢。之後火鍋店經理出嚟講咗對唔住，同埋提議比個全單95折我哋。我哋最後選擇即時離開，因為個百潔布湯底實在好嘔心🤮。我哋冇得到一個合理解釋，亦都唔會再嚟。希望貴火煱店一定要改善下衞生情況。