禾牛薈火煱館 (金馬倫道)

營業中

休息中

禾牛薈曾經係我哋一班老友記聚會好地方，每一次我哋都會包一間房，大聲說大聲笑，不過依家個個都有家庭要約一班人食飯實在太難啦，今次我同小寶仔兩個人黎，感覺好唔同。安排左一個卡位坐，估唔到咁正，有私家電視睇仲要質素清楚，冇雪花。瑤柱火腿冬瓜雞腳湯嗰幾條菜係皇帝菜，我哋掛住飲，完全唔記得影，直到落咗菜先醒起。湯底鮮甜，真材實料，有好多元貝，火腿，所以味道好足夠。老友鬼鬼可以做小食又可以放落湯底，我就鍾意當小食，夠哂脆口特級手切肥牛我哋只係叫咗個例牌，份量唔多，不過個牛紋路好靚，牛尾唔算好重，入口估唔到都幾嫩。自家製餃子（帶子雲吞蝦）好大粒，整粒元貝，同成隻蝦，好爽口，以前黎親都必叫。珊瑚蚌相對其他黎講唔算特別，但唔差嘅

係呢頭返工，成日嚟食中午飯，已經寫過一篇大贊呢度抵食，同埋個卡電視真係神來之筆，令你有種個空間係你嘅，你想坐幾耐就幾耐的感覺今次嚟到呢度食晚飯，我感到係有質素嘅飛躍，當然價錢就唔同啦，但打邊爐本來就係睇佢d料夠唔夠多同埋夠唔夠新鮮好味，只能夠說一分錢一分貨。蔬菜全部都好新鮮，尤其係竹笙配上呢個麻辣湯底，作為食辣之人，感覺好滿足呢碟肥牛一睇就係上乘之選，煮完都唔會摺埋一舊， 薄厚適中，口感真心不錯最鍾意佢個響鈴，非常鬆脆，就咁食都好好味，雖然我都係鍾意淥一淥先大大嚿豬骨做湯底，驚曬咗仲要特登舀出嚟俾你食，絕對唔會浪費好料。差d漏左個侍應哥哥，介紹幾種食法，服務好好，會主動問你需要咩，真係見少賣少。最後個甜品，兩款都好好食，我自己鍾意椰絲糕點多d，好清新好啱打完邊爐食，其他地方好少食到。

呢間火鍋店每個卡坐都有部電視，一家人可以邊打火鍋邊看電視，令人有家的感覺一坐下店員會奉上一籃調味料，可以自行調製啱自己口味的混醬個人最喜歡瑤柱XO醬，配埋食材很惹味，好少火鍋店會提供咸菜胡椒豬肚湯/鮮茄坑腩薯仔濃湯另一個俾我有家的感覺就是呢度的湯底，呢兩款湯底都似自家會煲的住家湯，而且湯底足料又火喉夠；豬肚肉質爽滑無異味，坑腩夠腍又肥瘦相間，入口溶化台灣鴨紅鴨血口感軟滑略帶煙韌，而且無腥味白鱔片比較少見的火鍋配料，有驚喜，肉質彈牙鮮甜又無骨牛拼盤有牛胸爽，口感爽脆帶脂香；特級雪花牛柳粒，油花均勻，肉質軟腍，入口融化；牛脷扣，薄切上枱，稍微淥吓即可，口感腍滑特級手切肥牛(大)牛味濃，油花均勻，手切刀工夠薄，稍稍一灼，入口即化自家製四寶丸四寶丸有鯪魚球，牛丸，蝦丸，黑、白墨魚丸，全部手工打造，爽滑彈牙凍蜂巢豆腐打火鍋點可以無豆腐，呢款豆腐質感軟滑綿稠，可盡吸湯汁豬天梯豬天梯即豬上顎軟骨，口感爽脆有嚼勁皇帝菜皇帝菜新鮮爽脆，又是一道少見的火鍋配料爽口豬頸肉豬頸肉油脂均勻，肉質粉嫩有口

已經去過呢間第3次，食物質素保持水準，可惜份量越來越少，叫左一碟豬肉138，得6片，一碟牛肉2百幾，得8片。。。其他手打丸非常彈牙，值得推介。。另外手包餃子好普通，同普通雲吞冇乜分別。。

禾牛薈先講自制菊花蜜 滿滿嘅菊花香 好順喉食晒全部嘢食之後 唔會好口喝 唔會好想飲汽水環境舒服寬敞 每個卡位私隱度都高而且有獨立電視睇椰子雞湯好甜 好香椰子味 隻雞好滑 不過雞肉嘅數量唔多 蘿蔔好新鮮 個湯帶到入面啲蘿蔔好甜醬汁佢有XO醬可以揀 用料十足試咗佢個招牌鵝肝丸本身以為佢剩係得鵝肝嘅味點知打開入面真係一大塊鵝肝真係好驚喜呀自製餃子 皮好薄料好多 塞滿鮮蝦同帶子牛只係特級手切肥牛 都已經有唔錯嘅水準 牛味好濃 食落去比較有口感 幾彈牙魚皮魚味香嘅 但放耐左小小 所以唔夠脆台灣鴨紅 好好味好滑靚料呢個價錢抵食

最近成日落雨天氣凍番啲又想打邊爐就同朋友喺尖沙咀附近搵左間火鍋館黎試餐廳樓高兩層；座位寬敞仲有私家電視好型醬料選擇幾多個人覺得佢隻XO醬幾好食鮮茄坑腩薯仔濃湯/咸菜胡椒豬肚湯坑腩軟腍加上薯仔入味配搭鮮茄湯底微酸開胃；豬肚洗得乾淨配埋咸菜辟味食落唔羶加上胡椒微辛暖胃特級手切肥牛 (大)手切肥牛夠薄切輕灼就食得；油花分佈均勻而且肉質柔軟肉味香濃牛拼盤餐廳主打牛肉就緊係要叫個拼盤試下；牛脷扣薄切肉質爽嫩；牛胸爽望落好似好油膩但其實口感偏爽帶脂香；特級雪花牛柳粒肉質緊實大小適中爽口豬頸肉豬頸肉色澤粉紅而且肉質爽彈嫩滑豬天梯香港好少見到餐廳供應；豬天梯其實係指豬嘅上顎軟骨食落口感爽脆台灣鴨紅鴨血處理得好冇血腥味；口感滑嫩略帶煙韌自家製四寶丸四寶丸除左手打蝦丸同墨魚丸仲有鯪魚球同牛丸；全部自家製造其中蝦丸口感彈牙尤其出色白鱔片白鱔片薄切魚肉細嫩冇骨而且味道鮮甜凍蜂巢豆腐質感綿密柔軟好似海綿咁吸哂啲湯汁好正皇帝菜之前成日聽但冇乜印象食過但用黎打邊爐又幾好食

火鍋真的是百吃不厭，在尖沙咀覓食，經過這間禾牛薈，火鍋癮又來了，既然沒試過便決定上去試試。火鍋店有電視看沒什麼特別，但在卡位內有電視還真是頭一次。又是時候混一點醬。火鍋湯底和配料的選擇不少。健脾養顏椰子雞湯 $188聞上去陣陣椰香，味道清甜不會太味精，雞的份量不少，而且還有不少粟米、蘿蔔等。特級手切肥牛(例) $208肥牛色澤鮮明，切得厚薄剛好，滾一會便能吃，油花分佈平均，口感軟嫩滑溜。自家製餃子 $88其實是帶子蝦雲吞，每顆大大粒脹卜卜，皮薄餡多，而且內裡包著一整隻蝦仁，蝦肉紮實爽彈，帶子也鮮味爽口。自家製四寶丸 $188包括有手打蝦丸、鯪魚球、牛丸和墨魚丸。這裡的自家製餃子好吃，手打丸也一樣好，蝦丸口感爽彈蝦味濃，鯪魚球鮮味不腥咬下去有彈性，牛丸牛味十足口感夠紮實。墨魚魚有2款，黑色的是真的吃得出墨魚汁的味道，2款都一樣爽彈中帶粒粒咬感。唐蒿 $48吃完火鍋還有甜品，而且一點也不馬虎，北海道3.6牛乳布甸很重奶味，椰肉凍也滿滿椰香且味道清甜。這裡不算便宜，但自家製食物頗吸引，私隱度亦高，可以再去。

今日去左尖沙咀行街，行到咁上下開始肚餓要搵野食，上Openrice搵到呢間好特別既餐廳打邊爐，去到又唔洗等位，試下啦。一開始叫左個湯底先，我見最多人同最特別既係呢個湯，所以叫黎試下啦，個煲已經好型仔，中間仲會有個豬肚包住好多名貴材料，湯底奶白色，感覺好清淡，員工走黎幫忙剪開個豬肚，入面既材料就可以流出黎，令到個奶白色既湯底變得好鮮甜，真係好特別呀。因為個湯底非常好味，所以我即刻就叫左個勁吸湯既響鈴，佢地既響鈴仲要唔係普通盒裝個隻，非常脆，在吸曬Ｄ湯，簡直一流。媽咪就叫左個出面從來未見過既紫菜，佢黎到個時好厚好大片，要整碎分4份放落去煮，放落去煮一煮即刻可以食，快過食牛，紫菜非常香又爽口，叫一份有排食，3大片。呢個就係最吸引我黎既食物，佢個名叫日式他他牛肉，睇一睇枱上面張紙先見到生牛肉，係生牛肉呀！！！最最最想食既野呀，出面冇人會夠擔咁做，因為怕肚屙會告佢，我唔怕，我要食！！！食完真係可以話俾大家知真係一Ｄ都唔洗怕，非常非常新鮮，牛肉其實都有一成熟，因為見到邊邊變左色，生牛肉上面有D生洋蔥，最右邊有個酸酸地既汁，先張生牛肉包住生洋蔥在點一點個汁，真係回味無窮！極力推介！仲有呢個自製既獨特

今日朋友生日! 我們往尖沙咀千牛薈食火鍋,我們選了御膳宮廷海中寶湯底, 湯底好清甜, 裡面有一個大朱肚, 職員待湯底滾後便剪開朱肚, 原來朱肚入面有花膠, 海參、元貝、螺頭、魚唇和冬菇, 朱肚食落彈牙, 花膠和海蔘食落軟腍爽口、元貝和螺頭食落美味、魚唇食落爽口和冬菇吸收湯汁食落惹味, 整個御膳宮廷海中寶材料十足, 口感豐富；火鍋配料我們選了脆炸響鈴卷, 手打黑白墨魚丸、手打牛丸、醬爆芝心丸和午餐肉。脆炸響鈴卷食落爽脆而不感到油膩, 手打黑白墨魚丸食落彈牙, 墨魚肉味道鮮甜；手打牛丸食落有肉味, 肉質鮮甜帶有少許胡椒香味；醬爆芝心丸芝士味香濃,最後午餐肉食落惹味醒胃；餐廳座位舒適闊落, 食物美味足料有特色,而且每一卡位均配有電視, 可以邊食火鍋邊看電視, 我和朋友食了一頓高質火鍋。

我地一家人都好鍾意火鍋第一次來禾牛薈湯底揀咗翅瓜雞湯，好甜好夠味，個湯夠火喉其實根本唔使混醬料配料都好新鮮，大家都好滿意：肥牛、墨魚滑、四寶丸、六寶丸、肉醬餃、韭菜餃... 推介牛肉滑！好滑好正

最近朋友介紹了這家好有特色的火鍋店，母親節快到了，今天跟最愛的母親慶祝一下。位置好寬敞，坐下後店員先給調味料，有9款特色的調味料，我覺得最特別有這個乾瑤柱蝦米醬(我自己覺得是這個味)，好香，還會有花生醬，麻油，乾蒜，濕蒜，蔥花等等，都好多選擇。在來就是選擇湯底，經過店員介紹，選擇了這個御膳海中寶，好有特色的一個湯底，一個好厚的豬肚上面放一點點素翅，店員過來剪開才知道原來裡面有好多材料，包括有：青島貝，螺頭，魚皮絲，魚唇，海參，鮮茹，素翅等等，把整個湯清甜好多倍。店員還會見意我們先喝一兩碗湯才開始食火鍋。材料方面我又選擇了特別的自家製鵝肝蝦丸，上菜時已經好細心有個牌仔寫住小心燙，真的夠特別，外面是兩三隻蝦包住一粒鵝肝，食下去外面有蝦的爽口，裡面是好香鵝肝的油味，超級捧！還有店員介紹的老友鬼鬼，它是用油炸鬼上面加蝦滑，下面油炸鬼超級脆，配上上面的新鮮的蝦滑，真係好配合。這個鮮蝦雲吞餃真的不得了，以為只是一個普通的雲吞，原來每一粒裡面的餡料都包滿滿的，蝦有一整隻，還有豬肉等等，非常好食。最後叫了好綠，好新鮮的生菜跟最有名的稻庭烏冬，完美的結束。

餐廳位置係尖沙咀，行完街後或食完睇戲，好方便。我地食呢一日，兩層，平日七點已全場滿座。卡位夠私人空間，坐得舒服，又有電視。我地湯底叫雙拼，皮蛋芫茜清湯，拼沙嗲湯底。個沙嗲湯底好正，有埋枝竹，豬皮，冬菇，變咗唔洗自己再叫，好抵食，湯底好香好濃郁，枝竹吸完d汁，好正好味！！個鮑魚價錢合理，大隻彈牙，最抵讃佢已清乾淨d唔洗自己撩。肥牛，肥牛雪花紋靚，厚切有咬口，好味。牛柏葉爽口大件。之後仲叫咗d芋絲，木耳，金菇，蘿蔔，新鮮。 總括，非常滿意，值得推介同encore！！

上星期與友人去了位於尖沙咀的禾牛薈火鍋館食晚飯.見到餐牌上有一些特式湯底, 所以就想試下, 我就睇中咗一個叫御膳宮庭海中寶的湯底.原來係豬肚裡放滿了瑤柱, 海參, 花膠, 冬菇等材料.店員先奉上湯底, 好大鍋.賣相相當精緻. 之後, 店員係客人前剪開豬肚, 見到肚裡的材料. 再滾起, 便可以先飲湯和食材料.我第一時間飲個湯, 非常鮮味. 而材料也好好味.其實個鍋也好多材料, 所以不用點太多嘢.我地只點了老友鬼鬼, 黑椒牛筋丸和自家製帶子雲吞蝦餃子. 老友鬼鬼. 這個其實係油炸鬼配蝦滑.只需要滾幾下便食得. 若蝦滑多些就更好. 黑椒牛筋丸. 這個入口有濃濃的黑椒味道, 啱哂我口味. 自家製帶子雲吞蝦餃子. 皮算幾薄身, 而且每隻都幾大隻.饀的材料幾豐富, 夠口感.

堅料湯底@禾牛薈火煱館 地址: 尖沙咀金馬倫道48號中國保險大廈1樓及2樓 電話: 39973369 行low carb keto ,打邊爐就最安全，可以食大量肉菜避開carbohydrate ，同我食開飯架朋友都知我心，盡量搵我能食的東西一起去。VIP 房及獨立電視，唔怕悶海中寶鍋底 (豬肚內有花膠、海參、元貝、螺頭、魚唇、冬茹)$368，入面好足料，以這價錢來論又唔算貴，名貴的乾乾海味，煮湯後好鮮甜。$58 雜菜藍 必備的，可以吸了湯甜,點都要點一碟黑毛豬柳條比朋友食$25 一位茶芥，個人覺得略貴，因我根本不太混醬,喜歡食邊爐料原味一定要豐富大量菜架，肉吃太多，菜中纖維增加胃架移動 呢間勝在多湯底，大大話話一蚊有近2、30款，而湯頭入面已經有肉有料，2個人來齋食湯底再加一兩碟料好足夠了。

老友相聚梗係要打邊邊, 今次唔食量食吓質, 所以選了呢間禾牛薈。環境火煱店分兩層, 每層面積不算十分大, 但空間十足, 每枱保持相當距離, 有十人八人大枱有房, 我地就坐4 人卡位。呢度出名枱枱有電視, 但我地都係傾計多無乜點睇到。食物呢度全部都要分開點逐樣計, highlight 部份火鍋料如下湯底- 御膳宮庭海中寶, 個湯好足料, 有海參瑤柱花膠豬肚等, 就咁飲都好好飲, 打到最尾都不太油老友鬼鬼- 成舊都好脆又唔油益手切肥牛頸脊肉- 手切鮮牛肉係正啲, 黎呢度一定要食~自家製鵝肝蝦丸- 外彈內軟口感好得意, 手打蝦肉同鵝肝味又ok 夾喎白鱔片- 打邊邊好少食鱔, 有驚喜枱枱有電視幾好食的老友鬼鬼, 成舊都好脆御膳宮庭海中寶原本好似平平無奇, 但其實內有乾坤, 師父將一大堆海味讓左入個豬肚度, 有海參瑤柱花膠等, 仲即場開肚比你睇黑毛豬肉手切肥牛頸脊肉鵝肝蝦丸鵝肝讓左入去墨丸裡面白鱔片