禾川壽司專門店 (已結業)

望落真係一啲都唔吸引買幾舊壽司可能冇咁嬲佢真係算係開得夜嘅日本料理但係食物質素只可以講 將就佢附近仲有兩間差唔多價位嘅日本料理(爭鮮唔計三間都試過 如果以當丼飯計 覺得最冇誠意但以鋪頭門面來講 佢係最當眼嘅 位置係最方便但係質素算係強差人意 其實都唔止第一次食上次試過唔知咩角切三文魚 賣相差過今次我以為係人哋食淨拎嚟 今次見OpenRice其他人po過呢一個飯 再比次機會😂點知都係…重申真心佢真係開得夜 呢一點係最吸引嘅都係果句啦 將就佢嘅三文魚壽司算係最抵食 賣相都正常 可能偏細舊 但係價錢合理 個人覺得買10件三文魚壽司 會食得開心過買丼飯🙂三文魚刺身都OK嘅其他刺身壽司嗰啲都買過 都係買三文魚啦 或者熟嘅壽司都OK嘅以上為個人見解

真心覺得屯門禾川呢間良心小店，抵食又好味。食過好幾次，水準都KEEP到。所以今次都分享一下體驗。今次點咗盤壽司自己食。一一講下先！呢盤十六件壽司，買咗百幾蚊。都唔錯架。當中有腐皮壽司、日本希靈魚壽司、吞拿魚壽司、三文腩邊壽長、油甘魚腩壽司、鹽燒帶子、大甜蝦及醬燒左口魚邊。大甜蝦比一般甜蝦壽司大，而且鮮甜好味。吞拿魚壽司色澤唔錯，同埋食落唔會有雪味。油甘魚腩係限量，唔係成有日，今次老闆推薦，試咗果然好值得。大家都不妨要試一試。而鹽燒帶子，及醬燒左口魚邊都係心水之一。特別係個左口魚邊，唔會太油，而且甘香可口。其他壽司水準都唔錯。可以一試哦~

食鰻魚飯又唔係下下都要百幾二百蚊先得既。平民食堂都可以有抵食既鰻魚飯。一百有找，仲要八吋咁長！今次平民食堂係禾川，之前都食過幾次。但次次都係食壽司刺身。今次就黎試下啲熱食既鰻魚飯先~今次既鰻魚飯，96蚊仲有個湯。個麵豉湯係自家煲既三文魚麵豉湯，熱辣辣飲真係好好味。唔知老闆有無得單點呢個湯呢？買丼就會送架啦~~呢個八吋長鰻魚飯，足料喎！大大份，差唔多舖滿晒係飯上面。真係大滿足！俾個橫向睇睇，都幾厚切既鰻魚。而鰻魚醬汁都好足，啱晒鰻魚控既你！

香港人對壽司要求特別高，階因好愛食壽司。我都唔例外！一星期都要食上兩三次，一定唔少得！今次去禾川，點上自選壽司，水準唔錯，性價比高！點上肥美的三文魚壽司，厚切令人回味。肥美又食到新鮮。另一最愛係赤貝，鮮甜，真係食唔夠。佢哋既蝦壽司，都係好味。勁大隻之餘，又唔會黐口。愛食花之戀壽司的朋友，唔好錯過呢度。因為佢既花之戀，係有特別既！佢有好幾款，今次揀咗呢個吞拿魚蓉花之戀壽司。係原有花之戀基礎上，加上了吞拿魚蓉，兩款夾埋，另有風味。還有特別既蟹膏帶子壽司。又係出面未見過，很特別。清甜既帶子，加上特別既蟹膏，咸香會多啲回甘。值得一試！

屯門💜禾川壽司專門店位於屯門新墟美食雲集，心心帶大家品嚐日本料理。第一次試依間，一入去見到法國生蠔，即點半打，食落非常鮮甜，配搭特製茄汁和新鮮檸檬汁，好好味，大推。壽司方面，點左24件，第一件試吞拿魚腩蝦炸蝦卷，超好味，白飯包住脆卜卜炸蝦，上面軟綿綿吞拿魚腩，口感層次非常豐富，仲有4件好滿足。花之卷，三文魚包住飯，上面鋪滿心心最中意既蟹子，讚！蝦壽司的蝦十分鮮甜，生鮮度值滿分。沙律壽司不錯，上面還有一點點黃色蟹子。鯛魚壽司超好食，食左兩件，鯛魚鮮味好足。 心心最愛。北寄貝壽司，比得好大方，係平時食到既兩倍，超完整一大片，快要遮蓋壽司飯。帶子壽司，完全係心心期待既厚度同鮮甜度，都食左兩件。三文魚壽司偏薄身，如果厚度同帶子一樣，口感會更好。最後，點左兩支白檸味波子汽水，一邊飲一邊嘆壽司，太爽！ 好滿足的一餐，下次再食。📌 禾川壽司專門店☎️ 6841 1332 （whatsapp)📍屯門鄉事會路131號巴黎倫敦紐約購物中心地下28A號舖#food #foodie #手機食先 #相機食先 #美食 #好味 #吃貨 #cook #delicious #tasty #oichiii #iger #y

而家無乜事都係唔敢出街亂食嘢。買返屋企最穩陣。如果唔係大食，又唔想諗，一人前壽司都係唔錯既選擇。當中都係大陸既壽司款式。個人比較喜歡的是玉子壽司，不會像出面的一咬落去好水。這裡的玉子做得不錯。帆立貝壽司也是新鮮之選。其他還有三文魚壽司、蟹子壽司、劍魚壽司、北寄貝壽司等等。另外還點了一個三點刺身。除了有肥美的三文魚厚切之外，還有新鮮的蝦刺身。特別的，是這個帶子刺身，兩片中間會夾住蟹膏！感覺上像是賺多一份刺身款式般。突然覺得抵咗！而呢個刺身出面好少有。咁既配答又幾得意，值得一試。

無住家飯嘅人，有時諗晚餐真係頭都大。仲要而家無得堂食，咁變相更多買外賣自取返屋企食嘅。晚餐想食日本嘢，屯門呢間都唔錯。丼類，或客定食，有自家餐廳煲嘅麵豉湯。今次叫咗鰻魚飯，唔想食凍嘢，呢個又真係唔錯。鰻魚量都唔少，夠香，大件好味😋吉列炸蝦手卷，呢度嘅都唔錯，炸得夠香口，拎返去食都唔會點淋。同埋佢係紫菜隔開嘅包裝，唔會驚整淋咗個紫菜。軟殼蟹反卷，都係值得一試。份量足，啱晒大胃王。而且拎到返屋企仲微暖，明顯新鮮即叫即整。外加支波子汽水，有反啲童年回憶。場內仲有好多抵買凍肉。三文魚頭等，次次見到都好快俾人買

食咗幾次禾川，今次先記得影相寫返個食評。幾次試咗唔同嘢，都覺得水準之上，所以值得一寫。今次叫咗呢個大切魚生丼。平時叫呢啲丼，總是覺得大切的魚生種類唔夠多。或者未係自己心水既魚生。但估唔到禾川呢間既大切，又意外地好。眼見有三文魚，玉子、吞拿魚之外。還有劍魚、蟹籽。想不到連蟹肉碎、蝦也有在內。種類多到，眼看也有七八款之多吧？份量很足，誠意之作。此外，還點了一小盤的壽司。當中有如下：腐皮壽司、油甘魚壽司、香蔥三文魚蓉軍艦等。這的壽司，魚生部份都比一般的壽司店厚切，這是值得一讚的地方。而這裡還有一些特別的壽司。例如個香蔥三文魚蓉軍艦咁，出面就好少見。

作為（無飯家庭）既我哋，放工返到屯門街市都已經關門，想煮都無得煮，呢排仲要停晚市晚晚食外賣都食到周圍餐廳食到悶，朋友介紹呢間小店收1點，又多選擇，夜晚食壽司🍣刺身感覺上無咁肥 🤣🤣🤣材料新鮮，價錢合理👍🏻每餐必須要有蔬菜，呢度有軟殼蟹沙律，估唔到唔係青瓜同生菜底，係有羽衣甘藍加唔同沙律菜😋主食叫下大切魚生丼（另有麵豉湯），香蔥吞拿魚蓉蝦卷，芝士吉列蝦反卷，2個人食呢個分量剛剛好，材料魚生夠新鮮，每一啖食落口都好回味😋

酷愛食和食，相信係香港人既通病！而家咁既時勢，想要係餐廳坐低好好食一餐都唔容易。所以外賣自取店既生意越黎越好。而質素都唔差架！呢一間就係近排好鐘意買返去食既和食店啦。今次叫咗二人份，有我最愛既芝士炙燒大蝦壽司。佢啲芝士香濃真係一般店比唔到。而之前食過佢既鰻魚飯，真係大件夾抵食。所以呢次壽司，都再叫返鰻魚壽司食。真係好好味。希靈魚壽司，我的最愛！當然要叫啦！親子花之戀，出面比較少有。我覺得比一般三文魚花之戀更好食。因為多了魚子的油香。但價錢一樣，好抵食！

而家又要開始夜晚唔俾堂食既日子。認真苦過DEEDEE。想令自己開心，唯有揀啲好既美食，食好啲、開心啲。呢間禾川，係屯門既小店首選！呢日，我就買咗一人份 （係大份咗啲）返屋企慢慢嘆！禾川燒盛盒 （16件）HK＄138貪佢一盒多元化。芝士控唔可以錯過！唔使諗，食勻美食！個芝士蟹柳，少有地大條厚肉。加埋芝士燒過，更有特色。醬燒左口魚邊，經過油香之後，更為美味。鰻魚，絕對係禾川必食一項！再點咗客三文魚刺身。極為肥美，而且厚切。大大份一盒，滿足晒三文魚控既要求。

鐘意食壽司嘅我，平時都會買外賣返屋企慢慢食！早幾日去開屯門做嘢，見到呢間禾川壽司專門店，好似幾唔錯，就買左個壽司拼盤返屋企做晚餐！今次我就揀左24件嘅壽司拼盤 *竹分別有三文魚、北海道帶子、日本潮鯛、原隻北寄貝、海赤蝦、海鮮沙律軍艦、三文魚花之戀、香蔥吞拿魚蓉蝦卷款色都唔少，望落都好靚好新鮮！24件作一人前嘅分量都剛好！香蔥吞拿魚蓉蝦卷 好特別，係出面好少見咁嘅配搭，估唔到又幾夾！另外仲點左油甘魚，好肥美！北海道帶子好大隻，又鮮甜！睇得出非常新鮮，下次要再點多啲先得！

而家逢星期三,我大部份都唔煮飯因為小朋友去左上興趣班，來來回回都煮唔切又趕頭趕命所以大部份都係出街食，但係要知道出街食，小朋友又做唔切功課，所以最近都係揀買外賣好最近我見到新墟又有一間小店新開，加上Gogo好愛吃壽司，所以就打算試下呢間既定食同兒童餐咁我就分別點左三款主食，首先有呢個大切魚生飯 （連湯品） 平時你覺得個d 魚生飯咪又係個ｄ 切片之後碎濕濕既尾或者係唔要既魚生碎?但係今次呢個大切，真係份份都大大件仲幾厚身tim我老公仲話呢個吞羅好入口即溶呀另外我就點呢個一人前壽司 (十件壽司)我就同左老公一齊share 呢個壽司整體d 魚生都好鮮,唔似個d連鎖店個隻 特別推介，有小朋友既一定要點下唔係小朋友都可以點下XDD呢個兒童餐超抵食!!首先有個大飯團，兩件炸蝦，兩件吞拿魚壽司小卷物及玉子，仲有一個粟米沙津同埋波子汽水重點都係$52 咋!!!你要知道啦，出街食一個兒童餐都冇可能平過$60呀所以真心推仲呢個兒童餐

呢排因為做嘢，經過屯門幾次。見好多人都黎呢間禾川買外賣。我又走去試下。店面細細，都有啲凍肉刺身賣。價錢都好抵添！仲有一個立食區，啱晒繁忙既都巿人。今次有點店主推介既「香蔥三文魚蓉軍艦」。出面比較少見有呢款。所以我都點黎試下。想不到呢個軍艦既三文魚蓉肥美有油脂，但配上香蔥，增添口感，風味一絕。而家油脂分佈均勻，加上香蔥既風味真係吊出咗個三卜大魚蓉另一食法。之外，更點上了香港人最愛之一既三文魚花之戀，大件夾抵食！三文魚仲要厚切添赤貝壽司，是我最愛之一，必點！比出面既赤貝更鮮味。最後也有點到壽司拼盤松，一盤16件！抵食之選。當中有希靈魚壽司、三文魚壽司、熟蝦壽司、帆立貝壽司、赤貝壽司、玉子壽司、八爪魚軍艦及吞拿魚蓉軍艦。款式多，都係大熱款。叫咗咁多嘢，埋單先HK$204咋，真係好抵食。打工仔啱晒啦

間唔中我都會去屯門搵下朋友，見到朋友仔介紹呢間日本料理「禾川」，即刻買啲壽司刺身上朋友屋企食先！叫野食一定要照顧好小朋友，佢哋個兒童拼盤就啱哂！呢個兒童拼盤好啱小朋友食丫！有玉子、蟹柳卷、炸蝦、飯團、粟米沙律，仲有支波子汽水，都只係$52，幾抵食！真係幫到家長少一樣煩惱！而且就算唔係小朋友，比大人食一樣啱食！我自己就食壽司啦梗係，全部都係即叫即整，夠新鮮，壽司飯唔會太硬！必點呢個蟹膏帶子刺身，係出面比較少見呢個配搭！香濃嘅蟹膏同鮮甜嘅帶子估唔到個味道又幾夾，值得一試！