禮三井日本料理

營業中

休息中

早幾日去食個軟殼蟹卷, 握d飯全部握到爛晒咁, 再加上, 上面有條頭髮, 再之前已經食過個軟殼蟹卷, d飯又係握到爛晒, 但只係一舊握到爛晒..咁就算.點知今次又係咁, 咁咪同個侍應講, 佢話我取消張單.咁都算喇..到今日又去食..因為本人鍾意食日本野, 附近冇乜選擇, 呢間又平..落單後, 坐左成20分鐘, d野食都未黎..咁咪叫佢去check下張單囉點知個女侍應態度十分差(著住粉紅色衫)佢話:"我地廚房有好多單呀.. 你都眼見呢到咁多人咖啦.. 你等下啦"跟住我就出聲話已經等左成15分鐘以上佢就好悔氣咁話:"咁我幫你取消張單喇"哇.. 而家咩服務態度啊!!!!!!間餐廳開到咁大, 就即係人手充足..開得間餐廳就預左隨時會爆晒咖啦..今時今日咁0既服務態度邊得咖!!!後尾仲要特登行埋黎, 話我俾說話佢聽..又話我之前投訴d壽司唔好!你間野整d壽司係好0既, 咪唔會俾人投訴囉..打開門做生意, 就預左會俾人投訴咖啦!!最後叫左幾次埋單都扮聽唔到唔會再去食囉!! 即使我鍾意食日本野!!!!!

本人於2008年2月11日中午於油麻地彌敦道458號地下一日本餐廳"禮三井"用膳,總共消費了230元, 我付300元以供找續, 但只找回13元, 由於當時沒有點算清楚便返回公司, 發現後立即折返該餐廳, 本人並沒有責怪誰, 亦相當有禮貌當時我們站在收銀櫃旁, 男職員態度一般地"叫"我們站開一點, 不要阻塞, 過了一會, 負責收銀的女職員"叫"我們過去協助計算, 男職員見狀又"叫"我們站遠一點,然後我跟友人呻兩呻這裡的服務態度很差, 男職員見狀即過來說男職員:小姐, 而家係想解決個問題姐! (幾惡下)我:我覺得你同埋果位職員D態度好差(情緒不滿)我朋友:又係果位職員叫我地過去既, 你又叫我地走, 咁即係企係邊呀(不滿)男職員: 我地而家態度有乜咁差呀?!(好惡) 我: 又係你位職員去我地過去既, 你地做服務性行業,點解D態度可以咁差?!(我都開始惡)男職員: 你話我地態度唔好, 咁唔該你又睇下你自己D態度(好惡大聲咁指住我) 我: 你地點做生意架? 咁樣同客人講野? 我真係要叫D人唔好黎幫襯你, 你地態度咁差! (好嬲) 男職員: 你叫啦! 你咪叫囉!我同友人講: 唔同呢D人嘈啦,

晚上一行六人，三文魚肥美。冬天關係店舖推出了日本火窩，很好。個火窩係一個人一個窩，每人都係50元! 超值=)火窩有三樣選擇，牛肉也是一個很好的選擇加上，現在七點半後有很多食物都半價，質素並沒有下降! 值得一試。加上服務態度非常好! 食具精美，整體非常好!

19:00前結帳半價優惠1.關西拉麵$23 ~ 好彩是我鐘意的麵條2.生薑豚肉飯$24 ~ 預咗佢係肥牛,不過份量似吉野家的size,飯就無佢咁林3.和風卷$23 ~ 卷內有蝦天婦羅,青瓜,芝士.幾好4.火焰牛肉卷$19 ~ 幾特色又唔貴,賣相亦很好5.鱆紅魚壽司$86.香蔥鮭魚壽司$6

以前(未裝飾)都幾鐘意到此吃晚飯，因為可用超值價錢品嚐不錯的食物；但今晚呢餐真係勁失望。價錢就加咗，質素卻差了很多。平時食日本嘢我會邊叫邊吃，今次也不例外；首先試了三文魚手卷；啲三文魚融融爛爛一撻咁；重要濕"立立"，上面加啲芝麻；塊紫菜又厚又難梽 ，都唔知想點，第一道菜已經0分。跟住上咗個燒牛肉飯，原本啲牛肉都ok，弊在淋咗啲唔知セ嘢汁，勁甜中又帶一點咸，食唔到牛肉香味；大佬呀！成六十蚊一碗；吉野家三十蚊碗會好食得多囉。又係0 分。跟住係鹽燒秋刀魚，條魚都算大條，但係無劏到，連埋啲內臟一齊燒，食嘅時候要好小心，要分開啲魚腸魚肝先，但你都會食到有啲苦味；唉！諗起都唔開胃，結果只吃魚尾部份罷了。最後食南瓜蕃薯天婦羅，有一舊我幾乎咬磞牙，點解炸到咁硬，想殺死人咩.......跟住即刻埋單，唔敢再點其他；亦唔會再有下次。

如果不是朋友介紹，筆者大概不會注意到位於彌敦道大馬路旁的《禮三井》，就是看到也只會把它當作一般的日本料理店。可是自從半年前一嚐它的魚生飯和清酒煮蜆後，筆者即時成為它的忠心捧場客。魚生入口鮮甜甘美，配上獨特的調味料，令平日甚少吃飯的筆者也吃了個碗底朝天。清酒煮蜆湯底芳香濃郁，蜆肉新鮮（這非常重要，有些食肆的蜆肉會令人立刻想起一大串病名如甲型肝炎、肝吸蟲、蛔蟲等），也不會嚼到沙粒（以往吃到沙時總是魚與熊掌難以取捨——應該吐出連鮮美的硯肉吐出沙子嗎？）。加上店裏正推廣半價壽司魚生，九時半後一個魚生拼盤（二十塊、五款）只售六十九大元，當時那種「找到了」的喜悅實在非筆墨能形容。好境不常，月前筆者和友人興高采烈的去吃晚飯時，發覺帆立貝、甜蝦、吞拿魚魚生都予人「隔夜宿貨」的感覺，筆者幾乎能想像家母吃到這種貨色會說什麼：「立刻吐出來！小心病從口入哪！」跟店主提出時，他竟露出一副「你們想騙免費晚餐嗎？」的神情，與平日笑呵呵、禮貌周周的樣子簡直是天壤雲泥。筆者隨即下決心把這店子從「吃飯名單」上剔除。幾天前，筆者因為一位朋友盛意拳拳的邀約，於是勉強舊地重遊，卻發現水準和服務均有改善，所以重置此店在「觀望冊」

大約一年前黎過呢道食lunch今日舊地重遊.. 主要係因為行開果頭9點幾餓餓地又想食日本野先黎呢間食.一入到去. 睇落幾pro咁.有壽司bar台. 不過冇人坐o個邊.全部食客(包括我地)都係坐梳化o個邊~唔知d壽司師傅stand by哂o係度係咪做樣架呢?haha我叫左個'海鮮鍋仔四國麵'&'明太子雞翼'友人同我叫既差唔多.. '海鮮鍋仔烏冬'先講個'海鮮鍋仔四國麵'所謂既海鮮.. 勁唔得囉!!!有條好普通既蟹柳、炸到甩哂既天婦羅、完全無味既魚蛋片、好冇鮮味既蠔仔、同埋好騎呢既魚片..哇完全唔知佢想點=_=不過d四國麵就不過不失啦. 冇咩特色.但係擺得落口囉.d湯雖然係味精湯.. 又幾ok喎haha個明太子雞翼呢.. 燒係燒得幾靚既不過入面釀d肉好難食囉!至於服務呢..個姐姐連'定食' 係咩都唔知囉!對間店賣既食物又一竅不通@@ 離譜左d囉又無端端拎埋份大大隻字寫住'半價'既menu黎..問題係o個段時間都唔係佢所謂既'半價時段'咁佢拎o個份menu俾我托咩.......=_=仲有唔知點解..o係我地食緊dinner期間(大約9點幾)分別有兩個細路入黎借toilet~~haha都唔係太

琴日同班伙記收咗鋪想食日本嘢, 行過近近哋, 入去食, 我哋叫咗壽司, 冷麵, 小食, 都ok啦無特別好食, 但食到蝦壽司, 嘩, "梅架", 我哋同個侍應講, 跟住佢叫個女侍應嚟, 佢話佢D蝦今日先到, 好新鮮架, 跟住走咗, 我哋等咗好耐, 都無回應, 咪再問囉, 個侍應走咗無返嚟, 3次呀, 都係咁, 其實佢只係同我講唔好意恩我都ok, 最後到找數都計咗嗰兩件蝦壽司, 我哋再問點, 個老板出嚟話D蝦好新鮮無問題, 我都唔想再講, 我唔係想唔比錢, 一碟蝦最多咪2-30蚊, 我哋夾埋都食成400, 我真係食得好激氣, 如果好食都話, 又唔係真係差差差~ 我自己都係佐敦開鋪, 成日周圍開餐, 間間都會試, 真係最差今次~

我地食過日本菜之中, 呢間算抵食特別噝首推三井沙律, 其醬汁別樹一格, 大碟又超好味, 抵讚!

食過大大話話都5-6次感覺非常良好服務:除左工作台幾位師傅,個場幾位女侍應都係年初四既面容,不過食野都係食野為上,所以都冇乜所謂環境:細, 好易爆場, 所以我次次都係揀bar 台坐既食物: 比較起本人常光顧既板前壽司過之而無不及, 可能同呢間既某位師傅比較熟,所以成日食到佢既必殺技係同區都唔算多日本野食,唔計成日爆場既沖繩呢間都係推薦大家食既相就upload左我最愛既芝士鰻魚板前果d唔好食架, 做法完全唔同~差好多

二人點了以下兩款set lunch:鰻魚飯+麵鼓湯+三文魚壽司2件: 飯不錯、軟硬適中, 而且夠汁, 鰻魚有兩大塊, 份量足; 麵鼓湯就略嫌咸了一點點; 至於壽司, 因為是跟餐送的, 當然不能要求過高, 不過如果以一間日本料理出品之三文魚壽司, 水準似乎不夠哩!叉燒拉麵+三文魚壽司2件: 只吃了一小塊叉燒並沒有試麵及湯底, 不過家姐話不錯喎! 但我嫌叉燒不夠軟滑。什菌魚頭湯: 普普通通, 與一般魚湯米線之湯底有點似相。明太子燒鶏翼: 我不知道原來明太子是有點微辣的; 可惜食的時候鶏翼已放涼了,如果趁熱食應該會好好多。總括而言, 去過一次便夠, 下次還是乖乖地回去附近的橫X排隊好了!值得一提, 因大部份是梳化位, 當然比那間橫X坐得舒適, 而且服務態度都不錯!

此店為三井舊址，相信是轉手了，裝修比以前好，menu似夏雪之流。三人吃過生日蛋糕，並不餓。吉列豬扒咖哩飯：我沒吃，但朋友說豬扒很不錯。豬軟骨拉麵：豬軟骨和拉麵不錯，湯就像公仔麵麻油味粉湯。配料僅芽菜，少量粟米和海帶。清酒煮蜆：有些腥味。燒雞翼：十分不錯，很肥美，但可烤得更焦- 不夠香口。服務是很不錯的。

been there for the third time this week (since i live nearby).The quality of food is good! There's a variety of sushi to choose from. Recommend u to try those special sushi sets (Golden Dragon, Beef-wrapped, Soft crab shell). The appetizers and rice are satisfactory. The only thing is that sometimes the food is not hot enough.For desserts, they serve only ice-cream. Their sesame and greentea ice-cream are delicious.The service is good.

今日約左朋友去食lunch我0地1:30後先去到有8折都幾抵食物款色都幾多不過服務認真麻麻!!因為我0地2個人都唔食washabi就叫waitress幫我地換個2個空鼓油蝶同埋加茶點知個waitress啤左我0地一眼急急腳去拿2個空蝶擺抵就轉身走左茶都沒加到我見到佢部係度同另一個waitress傾計我又叫佢加茶佢先肯加俾我地too BAD!! >~<另外係食物其實以價錢計,味度係可以接受不過唔該D壽司食可唔可以握實少少...一夾起就散哂好核突!!我地2個人都係食左$68價錢是抵的非常飽!

1.特選壽司盛$78~有三文魚壽司一件,吞拿魚,魚子,蟹子,甜蝦,油甘魚及帶子.件件都好食.2.比目魚拉麵$40~麵質OK,湯底味精略嫌重了點.3.油甘魚壽司$28~GOOD4.軟殼蟹手卷$18~Too bad,只得幾段蟹腳