福丼米線 (已結業)

嚟到屯門公園行街街，通街都餐廳，心大心細，唔知食乜嘢好。就求其入呢間「 福丼米線 」食，結果就係失望同沮喪。蕃茄湯底米線，話就話係濃香蕃茄湯底， 但係湯底嘅番茄味係好淺薄，嚴格來說只比番茄醬溝水較有鮮味嗰種，感覺上係完全冇用心去煲好個蕃茄湯底，誠意欠奉，完全唔合格。餸料嘅配搭都多，但係都係好一般嘅行貨，魚蛋完全冇魚味，食落去好似用麵粉搓成咁樣，魚肉成份應該好少。唯一可取嘅就係有好多米線，米線份量係好多，一定夠飽肚。唔算中伏，但就係唔好味。…查看更多

上次外賣完哩個雞脾餐，覺得大大份好抵食，食過番尋味，雖然外賣盒度有幾個窿疏風，令到啲水蒸氣唔會倒流，焗淋隻雞脾，但始終唔及新鮮嘅好食，所以今次特登嚟福丼食番個茶餐🤤生炸雞脾餐 $28哩個餐跟一杯熱飲同大量嘅薯條，隻生炸雞脾大大隻，個皮脆卜卜得嚟又唔會太厚，咬落口又唔會好油膩，夠晒肥仔同飽肚！而且$28咁大份，真係已經好少地方有😔 不過見到門口寫住月底結業，唔知以後屯門仲有邊度有抵食嘅炸雞脾餐😭 推薦指數：🐱🐱🐱🐱🐱…查看更多

當日下午想到旁邊經常光顧的餐廳吃午飯，可惜要排隊，那就來這間福丼試試吧。要了個BB辣的涼拌米線($28)，加豬耳($7)和豬軟骨($8)。竟然米線專門店的米線相比其他餐廳的遜色，麵質很散，整體味道就是來至辣辣醬，普通得很。還有小辣的麻辣米線($26)，加墨魚丸($8)和腩肉($8)，整體極之普通。沒有特色，沒誠意的一間餐廳。食物上枱極快，在下單後數分鐘已上枱，所以所有食材和配餸都不入味，像是白焯後混在碗裡就完成了⋯完全沒有機會會有下一次。菜單：…查看更多

呢間米線餐廳剛剛開嘅時候，其實我哋已經有去幫襯。當然起佢試業嘅階段店裏面係咩都冇， 係非常簡單幾張枱幾張凳就做生意。當時嘅印象唔係好深刻，但係記得係唔難食嘅！所以今次再嚟幫襯， 所有營業已經成熟咗好多。 飲食產品方面 亦都多咗好多選擇 所以今次我哋都嗌咗好多首先嚟半隻口水雞，佢哋嘅醬料都係自家製嘅， 唔係好辣但係好有四川麻辣，做得唔錯！自己鍾意食豬肚同牛柏葉，叫咗個雙拼。佢加咗個酸酸哋嘅醬料 ，都好唔錯今次嗌咗蕃茄湯底配酸辣粉， 蕃茄湯底真係好濃 所有配料都做得好好，起碼豬紅唔會一夾就散！希望呢家小鋪繼續做得住，唔好捱貴租！…查看更多

夜晚睇完戲，近近地試下呢間米線環境夠大而且服務員都比較友善。自己比較中意蕃茄所以叫左碗蕃茄湯底試下，另外加左豬紅同腐皮卷。蕃茄湯底都吾錯，不過我估應該係落左茄膏之類所以先夠濃米線真係好多啊食到好飽但因為好食都清哂豬紅意外地無腥味其實真係吾係間間都可以做到無腥味架:(估吾到腐皮卷係炸架仲要另上加沙律醬另個餸係加8蚊既，咁樣炸左另上再比沙律醬又幾扺食wor另外加左28蚊細既蒜泥白肉真係一般般 靜係食到醋味:(真係吾扺食啊吾會再嗌這款…查看更多