祺森冰室

營業中

休息中

今日入去坪洲郊遊, 雖然島仔細細, 但充滿風土人情雖然店舖唔多 但每間都好有特式架!上網做完功課之後,決定一落船第一站就去祺森冰室.食好出名既蝦多士,11點就去到,無人排隊. 好開心.仲坐到last一張台,之後下船既人就要等位了.想食記得落船黎左先啦~我地兩個人叫左:-餐蛋麵 正常大路野-蝦多士 炸得好香口又唔油 好好食 隻蝦係連埋些小薯蓉讓左係入面 好好食!!!-茄蛋治 番茄新鮮量多 蛋亦都好嫩..好大份.好食.

🌎祺森冰室 (坪洲)我第一次坪洲 比起其他離島 佢面積算細既社區 而且比較寧靜 啱曬我 其實唔好睇坪洲細細地 其實好吸引眼球 有牛皮廠秘密花園 文青小店 仲有好多特色餐廳 我行完手指山 好攰想休息下 醫下肚 於是去左一間1970年開既茶餐廳 ▫️蝦多士$45呢間店最出名係蝦多士 一定要試下 佢製作時間長 即叫即炸 所以食落去表面卜卜脆 熱辣辣香噴噴 入面餡有沙律醬 蝦肉 唔會膩胃 味道酸酸甜甜 ▫️Tiramisu 紅豆冰（伏）味食過tiramisu+紅豆 想試下 點知唔啱我口味 😂好奇怪 水汪汪咁 人均消費：$50環境衛生：7/10推介指數：6.9/10📍坪洲坪洲永安街3號地下B舖

去到坪洲點可以唔試下祺森冰室既虾多士。去到見到好長龍所以就叫左外賣，外賣好快等左5分鐘到就整好。之後就去左外面既公園仔到開餐。虾多士40元 有4件，每件都有一只虾，虾都算大只。算係食過既虾多士最好食既一間。兩個人一人食兩件都不會太熱氣。

假期到離島遊覽，選定坪洲，事前已搜索有甚麼必吃美食，選定此處作下午茶小歇的地方，weekday的三點幾也要等上幾分鐘才有位。一坐下便order了一份蝦多士 ($47) 及熱情果梳打 ($27)。滿心期待的食物呈現眼前，金黄色蝦多士買相不俗，熱辣辣、十分香脆大大只鲜蝦作饀，很有咬口，是作下午茶的不錯之選

今日放假同兩個best friend第一次入坪洲hea下, 點知11:00左右中環碼頭上船已經巨之咁多人冇食野就出門口，所以一落船就搵野食，上網睇入坪洲一定要試下蝦多士，點知未行到已經見到勁爆巨多人排隊....想食唯有等啦12:00就已經多人到咁，我地以為已經算太早入來終於等左20分鐘可以入去，第一件事緊係點蝦多士啦，之後就問個幾潮既四眼哥哥介紹有乜推介，最後點左蝦多士、吉列豬扒三文治、西多士、雞翼、蕃茄肉碎通粉、咖喱豬扒飯，呢幾樣野都係哥哥仔話最多人點既飲品就點左奶茶紅豆冰、咖啡紅豆冰同椰汁菠蘿冰，哥哥仔話最好飲係茶走，佢日日都飲，但係實在等位等到太熱，下次凍d天氣再來，sorry啊哥哥仔！點完餐個蝦多士就極速上枱，立即試試佢先，以為咁快就到會唔會係一早整定放喺度，一試仲係好熱、外脆內軟、應該係剛炸好！好味其他野都好味！果然冇介紹錯最值得一讃既除咗野食之外，服務非常之貼心尤其是個吉列豬扒三文治，我哋見隔離枱都係切一半，咁我哋嗰個上枱就已經切咗4份，哥哥仔話見我哋三個人，所以開4份會方便啲食，呢樣真係好窩心，我仲主動俾埋三隻碗仔俾我哋share其他野食，我地都未試過去任何一間茶餐廳唔洗

👉🏻蝦多士（四件）💲47👉🏻番茄蛋治💲27👉🏻奶茶紅豆冰💲27坪洲出晒名好悶 我第一次去唔知有咩食就上網search咗個個推介呢間since 1970嘅懷舊但翻親咗嘅茶餐廳 果然大推嘅都係冇好嘢 講到個蝦多士係名物咁款 但我覺得佢只係一舊好普通嘅炸蝦薯蓉🤡冧patpat唔好食 隻蝦又好細又唔新鮮 茄蛋治塊蛋好鞋 成個三文治冇味咁 係杯奶薈紅豆冰ok 幾多紅豆大大粒又唔會好甜重點係呢間冰室冇常餐 冇set 所有野要分開叫 所有我覺得又唔好食又貴 但呢間大排長龍🤷🏻‍♀️〰️〰️〰️〰️〰️〰️〰️〰️〰️祺森冰室 (坪洲)📍坪洲坪洲永安街3號地下B舖

Hello 大家好🙆🏻‍♀️今次要介紹嘅食物就係位於坪洲！📜”祺森冰室 (坪洲)📌地址: 坪洲坪洲永安街3號地下B舖1️⃣ 蝦多士$37即叫即炸好香脆👍🏻👍🏻切開餡唔算特別多🥺不過外面嘅人都吹捧到好好食🤣呢個價錢有少少唔值😢😢同埋得四夠其實好快食完🤭2️⃣沙嗲牛肉麵 $41 包餐飲🍹普普通通同平時茶餐廳嗰啲一樣😂因為費事入去淨係叫一樣所以帶多咗一個面🌸KS評分 (5個最高)環境:⭐️⭐️⭐️味道:👅👅抵食指數：💰💰💰💰#kskfoodie #美食推介 #離島區 #坪洲美食 #坪洲美食推介 #hkfoodie #美食分享 #hkfood #美食 #吃貨 #hkfoodig #hkfoodlover #食評 #foodieksk #foodieksk坪洲 #hkig #尋找美食 #食 #香港美食 #食好西 #美食好推介 #foodpics #852food #iamfoodie #foodiesofinstagram #hkfoodieshk #foodstagram #foodphotography #hkfoodbloog

這小店於離島，不經不覺間已踏入半個世紀！由於一歷史悠久，所以小店曾經裝修過，裝潢比惜日時尚了不少。此小店最出名的是蝦多士，假日會有不少人特意入來品嚐。有人甚至叫佢為（全港最美味的蝦多士）。說實在這個稱呼就過於誇張，不過這小店的蝦多士真的唔錯！蝦多士是即叫即炸的，外皮包滿了麵包糠，內裡有 1、2 隻海蝦，即場咬一口，外皮十分香脆，蝦蓉亦十分美味。雖然47元只有4件，價錢並不便宜，但算物有所值。另外，炸雞翅出前一丁也煮得唔錯，雞翅外皮香脆，但內裡仍保持有肉汁。而出前一丁的湯底唔錯，麵亦不過煮得過淋。相對之下咖喱吉豬飯就較為失色。咖哩汁的味道一般，吉烈豬排炸得雖然唔錯，但豬排可能用料一般，欠缺肉味。飲品方面，凍奶茶奶味十足，十分香滑，算是意料之外的驚喜。此外，這裡還有榛子咖啡，整體也算不錯。若日後再入來這小島，這間小店值得再去。

咁遠水路黎到坪洲，緊係唔執輸要食下呢度最出名既蝦多士～蝦有蝦味既，個多士仲用左啲薯茸，食落有少少似蝦肉薯餅 多過似多士紅豆奶茶幾特別，飲得出啲茶味呀😁總結：唔難食，不過我唔鍾意排隊，所以我下次唔黎lu😗————-After such a long journey to PingChau, seems stupid if I dont go and try the fried shrimp toast. The taste is just fine. I found it more like a shrimp croquette than fried toast.the red bean with milk tea is quite special.Conclusion:I dont like to queue, so dont count me next time.

見網上寫話呢間餐廳出名，就同幾個朋友去試佢嘅蝦多士，係有咬口嘅，但比我嘅感覺係好普通。而佢嘅西多士都唔太脆，不過價錢就唔算好貴。我地仲叫左碗蕃茄肉碎通粉，個價錢貴，但份量好少。😟😟總括咁講，呢間茶餐廳好普通。

第一次黎坪洲☀️好彩天氣不錯，一踏入坪洲，第一時間搵褀森食蝦多士...餐廳位係一落船既右手邊，行5分鐘就到，都幾易搵。去到要等位，排第二pair ，幾欣賞出面貼左排隊要一米距離既提示。等左差唔多十分鐘，有位啦！由於唔係好肚餓，叫左一個蝦多士餐同一個吉列豬扒麵餐。唔駛五分鐘，蝦多士已到，即刻試，老實講，普普通通。食完一舊，吉列豬扒都到左，一食，嘩...好好味，豬扒比一般餐廳新鮮，炸漿又唔會太厚，亦一d都唔油，我會推薦吉列豬扒👍🏻👍🏻👍🏻有機會再黎，會食多次😋好好的提示蝦多士一般吉列豬扒好好味呀

趁天朗氣清，想去親親大自然呼吸新鮮空氣，決定入離島走一轉。 坪洲雖然唔算大，同長洲相較之下比較少人，但有唔少特色小店，而呢間祺森冰室較為多人推薦👍🏻蝦多士🦐🍞套餐$47(包餐飲，特色飲品加$10)炸到金黃色嘅外皮，香脆惹味，蝦肉大大粒有咬口，多士內滿滿白汁，有別於傳統蝦多士。咖啡紅豆冰苦澀嘅咖啡☕️用紅豆來帶出甜味，個人覺得唔夠甜，如果將紅豆再煮林啲會更好。

放假既早上,趁住十一點幾,就匆匆走去位於坪洲永安街既祺森冰室,早知呢間店起假期會有好多遊客排隊,因為蝦多士好出名,所以今次同呀哥早左去,果然即刻有位！餐廳裝修唔錯,尚算整潔,據我所知佢幾年前翻新過,桌椅都更換過了,廚房亦重新裝修,此外,侍應姐姐亦好有禮貌。我叫左XO醬雞絲炒意粉+凍檸茶,呀哥就叫左香煎豬扒出前一丁+凍奶茶,講下我果碟先,意粉偏細條幼身,炒得都乾身,係有鑊氣既,亦唔太油膩,雞絲份量多,但係有小小韌,本人認為佢d XO醬同埋其他配料炒得唔太均勻,同埋d 青椒紅椒絲落得多左,有d重味,可以改善,至於豬扒一丁,豬扒只係落左鹽簡單煎過下,普普通通啦,冇太大要求。想講下杯凍檸茶,佢整果陣冇溝匀成杯茶,導致糖漿沉底,比d檸檬壓住,未能浮上去,呢點可改善呀總括而言,呢間茶記中規中矩,可以一試既

聽朋友講坪洲有間蝦多士好出名，今日專誠去坪洲行山，坪洲呢個地方好舒服環境好清雅， 坪洲居民都好親切熱情， 我們正在找蝦多士店舖，住在坪洲居民見我們找緊店舖， 就親身帶我們到這店鋪門外，真的好感謝， 入到餐館就聽到其他食客在話奶茶好飲，西多都好食，我們六人就叫咗兩份西多，兩份蝦多士，五杯奶茶，一杯阿華田， 奶茶送到我們很快喝了一口，真係奶茶好香喎，跟住蝦多士上枱聞到香噴噴，忍不住快吃一口香脆好味，還有細細粒蝦好爽口，這個蝦多士真的值得一試，西多士都好食，食飽這美味早餐，我們就出發行山。

嚟坪洲一日遊，網上睇到呢間冰室好出名，就嚟朝聖下🤣知道呢到嘅蝦多士好出名，不過無叫到，叫左個普通常餐加杯特飲，tiramisu紅豆冰，好似好出名😂飲落就係甜版紅豆冰，tiramisu味唔太明顯🙈