祥香園餐廳

營業中

休息中

昨天第一次試，見網上說好出名，本來想食海南雞飯，可惜昨天沒有，蔥油鷄sold out … 最後叫了午餐牛扒及焗豬扒飯，咖啡（濃）、奶茶（濃）。咖啡先到，一飲完全差過隔離大快活，阿媽都唔算ok ,午餐、奶茶咖啡質素差過大街維港茶餐廳，焗飯ok ,但都沒有理由不再去。隔離位食波羅包，雖然好大，但個皮似好厚實，唔算太吸引，主要奶茶咖啡咁差，唔會再去。本來座位好舒服，但昨天冷氣超暖，食到一身汗。以這個質素，灣仔有很多好地方。

呢間鋪d職員欺負大肚婆! 今日lunch兩個人去食, 坐左最埋邊卡位, 明明隔離前後都有很多空枱, 2個呀嬸staff係都要我哋兩人一邊迫住坐。(留意餐廳係舊式卡位，不是很闊落那種，目測坐到1.5人一邊)。我大肚身體比較闊，覺得好迫又不能合實雙腳坐，同staff好聲好氣講左兩次太迫了想調枱，一一遭拒絕。同時佢哋又叫另一個男食客坐正我對面搭枱，其實佢都覺得迫，所以佢再次問職員係咪真係呢張枱同枱？ 職員話係呀！我老公同我平排坐，佢得返半個屎窟都坐不落。講真，我地上班一族，食個快飯就走。有比錢食野，唔係去咗豬欄。如果兩個300磅嘅人係咪都係照要逼落去食嘢？講咗幾次話迫坐不下想調枱，明明前後都有空枱佢又唔比調，其他卡位嘅客人又可以二人打對坐，咁即係擺明針對我？呢間野冇下次

中環打工人的飯堂😍想不出來吃啥我就會來這家！一周來了三次常餐🍜焗飯🍳 蓮蓉包🥖蛋撻🥚奶茶都好好吃啊很多本地人都在排隊！！！主打好吃不貴！🥖烘培蓮蓉雞尾包和蛋撻必吃！！！每日新鮮出爐的麵包，都好香！麵包鬆軟，蓮蓉雞尾包裡面滿滿全是蓮蓉餡，香甜軟糯，很驚艷！蛋撻我的最愛，皮酥的掉渣渣，餡兒金燦燦奶香奶香的好juicy🍍咸牛肉番茄炒蛋菠蘿包好好吃！沒有之一😍菠蘿包外酥里嫩包裹著滑蛋，咸香多汁🍳芝士焗流心蛋肉醬飯芝士腦袋不能錯過！會拉絲的流心肉醬飯😍我每次來都乾完一大盤，醬香濃郁的牛肉混合了芝士和蛋黃，一口下去的滿足感，誰吃誰知道！🥤港式奶茶招牌港式奶茶，茶香濃郁，一口醇正香濃，不管冰的熱的都很好喝

灣仔高質茶餐廳-祥香園裝修光猛明亮 環境乾淨衛生餐廳上有多款選擇 充滿港式風味亦有新鮮出爐既麵包🍞🥖質素好但價錢亦唔貴 值得一試🙌🏻當日試左茶餐廳必嗌既沙爹牛肉公仔麵配出前一丁沙爹汁濃香而牛肉亦嫩滑配上爽彈既出前一丁麵 好好味另外跟左個火腿奄列 夠哂豐富👍🏻新鮮出爐既麵包試招牌特色蓮蓉餡雞尾包同金黃酥脆既菠蘿包 兩款都好有水準💯最後仲試左是日午餐鴨腿冬瓜湯飯鴨腿炆得嫩滑入口軟淋而冬瓜湯夠消暑😋

偶然間來到這間茶餐廳，看到餐牌上的菠蘿包似乎很吸引，於是我點了它，果然菠蘿包非常美味。這次再來，我點了一個套餐，包括一個菠蘿包（我要求走牛油）、火腿煎蛋奄列以及一碗米粉配牛扒和一杯飲品。其實這些份量真的吃不完，因為份量不小，但唯一吃光的就是菠蘿包😍😍 因為實在太好味了。菠蘿包的外皮脆口，而且香氣四溢。來到這間茶餐廳，我絕對不會選擇其他東西，必定會點菠蘿包。

扎根堅尼地城多年嘅祥香園已經搬咗嚟灣仔道幾年啦。我已經嚟過N咁多次，近排好似又換咗新餐牌，但仍N不過我都係最鍾意食佢嘅出爐麵包 😋全日早餐$65薄切牛扒入口不靭，煎得啱啱好，冇overcooked, 配火腿加炒蛋炒蛋尚算嫩滑；而白雪雪嘅蟹籽薯蓉味道就有小小奇怪、沙律菜碎蛋牛角包，如果個包焗返脆一定更好吃。早餐配樽裝鮮奶$23 感覺真係食緊早餐細細個時已經知道金蓋奶同銀蓋奶的分別、如果大家想知請自行google 。每次必食「招牌蓮蓉餡雞尾包」$11就算經過都會買𠆤做早餐， 因為全香港得佢地有這個種經典麪包，用上黃蓮蓉取代椰絲餡，整體冇咁膩。芝士炒蛋菠蘿包$45配熱奶茶依個組合肯定系絕配，半年溶芝士、滑滑炒蛋加上菠蘿包翻焗過，所以更加好吃，絕對定增肥之選。紅豆冰少冰粒粒紅豆夠多，亦煲得幾稔和花奶比例恰好，甜度適中。

今次叫咗當日餐牌嘅午餐廚師推介無骨海南雞飯,比埋脾骨位同雞翼尖我所以唔係完全無骨囉😅🤣我覺得味道都ok唔點汁都夠入味但啲肉質未係好嫩滑,會痴牙😅反而雞飯幾好味👍另外麻婆豆腐飯同出面食有啲唔同,食到‘’麻辣‘’味咁,但又幾好味喎,送飯一流P.S.原來餐廳入面房的冷氣係涼好多,走果時發現裝修得好靚的出面好熱😆

今日喺灣仔附近經過，特登拜訪呢間由西環搬到灣仔超過50年歷史嘅茶記，好想知道呢間茶記重開變成什麼模樣。現在位於灣仔灣仔道2樓，入面面積頗大，重分咗兩個區域，一邊是充滿現代感的茶記裝修，另一邊是充滿懷舊50年代茶記情懷，牆壁上更掛滿了一幅幅珍藏的50年代香港容貌相片。今日到來時間已過了9:30，大多人都應已上班，但餐廳仍幾乎坐滿顧客，如果星期六日一定更爆喇。今日揀咗沙嗲牛肉公仔麵配司華力腸跟蛋，沙嗲味極濃，而牛肉很嫩滑，公仔麵更能做到軟硬適中，味道唔錯。而司華力腸跟煎蛋都唔夠熱，呢個位有待改進。另外叫了一個出名嘅牛油皮蛋撻，咬落去已聞到好香嘅牛油味，而且蛋撻皮很脆口，撻心的蛋充滿蛋香味，好滑溜，又唔係好甜，絕對值得一贊。

「西環三寶 」之一 - 祥香茶餐廳2022年尾，隨著老闆退休，半世紀老店就此告別時隔數月灣仔再現，唔知係未有心人頂左個名將之延續落去？？？新店由地鋪改為上樓鋪，保留舊有一些亮眼點再配以新派設計，新舊交錯。全場大部份係卡位座，座位闊落，落單亦由人手改為QR code 落單呢度麵餐最吸引我嘅位係包可以配不同嘅自家製餐包，菠蘿包，提子包，雞尾包。。。蛋撻麵包確實唔錯，蛋撻皮薄，有蛋奶香；提子包大大條，多提子粒；菠蘿包外層香脆內裡鬆軟；可惜跟名物雞尾包緣慳一面而沙牛米嘅沙嗲牛肉就表現一般，牛肉鬆散無肉味，沙嗲無特色，無任何特出嘅香味甜味或辣味，令到個湯都變得好普通整體麵包較出色，自家製，有麵包香，綿密實在。相比舊店，環境舒服了，裝修設計好看了，同時亦少左份地道同親切感，時易世易，當一間全新茶記去看可能會好點

得知老字號茶餐廳祥香園餐廳在灣仔重開的消息，我同閨蜜迫不及待地來歎下美食和風鰻魚奄列金黃色的奄列包住焦糖色的鰻魚，色澤鮮豔！奄列的蛋香軟嫩，搭配上鰻魚的鮮美細嫩同和風醬汁的濃郁香醇，口感層次豐富，令人回味無窮。叉燒酥外皮亮麗的金黃色,表面光滑柔軟,鬆軟得似棉花，內餡的叉燒肉肉汁滿溢,恰好達到了甜鹹並濟的絕妙口感，味道絕佳令人意猶未盡！港式蛋撻(曲奇餅底)外層酥脆的曲奇餅底更加有特色,綿密滑順的蛋黃有濃郁的蛋香,入口即化,令人欲罷不能！公司三文治:香軟的多士夾著厚實的蛋，肉，生菜和多汁的番茄,口感層次豐富,咬下去滿滿的幸福感！泰式辣肉碎麵辣味四溢,入口即感受到那麵條的彈牙Q嫩,混合著香菜、泰椒及酸甜調味,令人胃口大開！沙嗲牛肉麵濃郁的沙嗲香氣,牛肉質軟嫩多汁,湯汁香醇濃郁！熱柚子蜜柚子的清香與蜂蜜的甜蜜解渴止口唇生津。熱檸檬利賓立酸甜適中,帶有一絲檸檬的清爽！

睇完某電視台的茶餐廳節目，知道呢一間傳統茶餐廳喺灣仔重開，好開心，星期六早上順道去食早餐，希望可以找回本地傳統茶記的味道。10點去到已經大部份位滿咗，找最後一個卡位座下，再去餅櫃揀吓有乜新鮮出爐包餅：菠蘿包、油皮蛋撻、雞尾包（好大個）… 個個都想試！低炭欽食的我，要犧牲quota 食包了。本來想用菠蘿包配熱奶茶，可惜之後要去buffet留肚，𨍭試凍OT。菠蘿包鬆軟皮脆，雖然不至於熱辣辣，但溫度足夠令成件事有久違了的「用心做的本土情懷」☺️。下次來試埋雞尾包。

雞尾包不錯，麵食就一般般，餐具沒有洗乾淨，勺子上還有髒東西，衛生堪憂。最無語的是東西沒吃完三次被催著到門口用八達通付錢，明明還有二十分鐘店才關門，很影響吃東西心情..............................

最近得知西環三寶祥香園係灣仔重開，迫不及待去試，希望能重温昔日情懷。招牌蓮蓉餡鷄尾包貴為鎮店招牌，必要一試。包點新鲜出爐，熱辣辣仲好盪手，包有一隻手掌大，餡料多，紅豆菠蘿包外皮鬆軟，紅豆多到溢出。相當鬆軟。蛋撻亦保持原有水準，蛋味濃香嫩滑，熱騰騰。沙嗲牛肉麵牛肉淋身爽口，麵底爽口彈牙，奄列更加係相當有特色，竟然有以原條饅魚夾奄列，完全喜出望外，饅魚好香!蕃茄牛坑腩焗飯蕃茄味好突出，飯底沾滿蕃茄精華，牛腩好入味，筋香味佳!

以前喺西環果時,爸爸成日幫襯佢嘅奶茶同麵包,今次終於喺灣仔再見佢,雖然唔係熟悉嘅鋪,都試吓佢啲熱食係點先今次揀佢個男人浪漫,所有野加埋其實真係大份食唔晒揀咗秘製豬扒+腸仔意粉,但食唔出佢秘製在哪裡但正常味道,湯底個人覺得唔算太清,然後火腿奄列+菠蘿油不過我係食唔落菠蘿油之後拎走做茶點的當菠蘿包咁食都ok,牛油就可以大片啲感覺會正啲😆飯腳叫咗秘製叉燒都話冇乜特別🤔，白汁雞皇奄列就麻麻地,我冇食就no comment了🤣

行過西環見到紅紙中遮住招牌，但已開業。麵包準時七點送出，試左豪華極品早餐（公仔麵+菠蘿油+奄列）水準高過一般茶餐廳。服務快捷，態度好，早餐價錢$38-49，考慮埋質素係抵嘅。