祥榮餐廳

營業中

休息中

一行四人於黃埔尋找餐廳吃晚飯,礙於金$ 所限, 便選了此間餐廳進食.選擇:$40 左右的價錢有扒,送餐包,湯(紅及白揀),及選配飯或意粉等,汁都算有多款揀, 有燒汁, 黑椒汁, 洋蔥汁, 蒜蓉汁等仲有自選什扒餐, $52 , 幾有創意.份量:而d 扒的份量真係幾多,有兩塊, 加埋d 飯, 餐包, 湯, 真係幾飽.味道:味道是一般的大家樂(活) 的質素.環境:餐廳裏有一陣油煙味.結論:係那個區域, 這個質價比已經算係幾高的了,不足的是餐具好像沒抹乾淨水,服務員態度較差, 叫了多次, 等了一段時間才有人過來招呼~不過既然是茶餐廳的經營式, 差不多是這樣的了.

小肥:今晚諗住近近地O係附近食, 就O黎O左呢間祥榮啦. 外面睇呢間o野都OK, 落地玻璃, 都算光猛又有大電視睇, 但內裏就一般典型茶餐廳lo.. 卡位地下通常好多垃圾, 重有可能多人食鐡板餐, 所以好大油煙呀, 一坐低已經打o左幾個乞chi tim!我地叫o左個星洲炒米同西炒飯share食, 個餐跟埋湯同o野飲, 35蚊都算低la! 而且份量都唔細呀. 個星洲炒米好淡, 唔好食, 個西炒飯就好D, 個味幾好, 茄汁幾好味, 但就徧濕, 總括O黎講普普通通啦.至於服務同衞生就比個喊面佢啦! 首先我地叫佢比2隻碗仔, 我見隻婉仔邊有D污漕, 咪用tissue抺抺佢, 一抺就冇, 可想而知洗碗o個個幾咁求其, 跟住重比我地見到個碗邊重污漕! 所以我地都唔敢用啦. 到送西炒飯時, 我見個waiter將第二張枱碟o野個邊叠上我地碟飯度, 係掂到個飯冇一半都有三分一o既area!! 佢碟飯炒得幾熟都好, 我估隻碟底都唔乾淨得去邊o卦. 至於服務都唔見得好好, 我舉手舉好耐都冇人應, 跟住有個女待應行過話等等, 轉個頭佢竟然唔記得番轉頭lo. 由於我lunch時食o左個triple o's o既

在這裡吃晚飯,點了一個海南雞飯和一個沙嗲公仔麵常餐配豬柳奄列,前者所配的雞油飯麻麻地,飯型不是預期的一粒粒,而是比較淋身!反而沙嗲公仔麵常餐配豬柳奄列,那塊豬柳味道好好,不會太咸,而且牛肉嫩口! 配上的飲品都沖得可以,員工服務態度過得去!

food is ok ~but i think quite 污糟..cos 天花有老鼠~i will not go there anymore~

好味道，不過咸得滯。不過配飯好好味~加碟白飯不用錢~連餐湯、餐包…好抵啊！滿足的一餐~我食T骨扒，好像好嫩滑的樣子，說是「好像」，是因為沒理由以這個價錢吃到嫩滑的牛扒吧？不過又唔係話落o左鬆肉粉咁林，究竟點解呢？算了…好食就得！正~

下午茶好抵,,個蒜蓉雞扒飯同焗雞扒飯都好好食不過d杯好污糟

這是一間港式的餐廳，高級過茶餐廳，既經濟又實惠。我幫襯過很多次，我通常會叫小菜套餐，包括：一個餸、一碗飯、一碗例湯及一杯餐茶。味道都不錯，但就多油左少少，以茶餐廳的一般水準而言，份量幾足，其實真的不錯。兩個人去叫兩個餐就食到飽，都係大概$40一個人，好過去大家樂、美心啦。如果唔鍾意叫餸食飯，還可以選擇扒餐、日式湯麵餐，但日式湯麵就麻麻地，扒餐就幾好。另外，不足的地方係，例水都有幾重味精，不過可以選擇飲西湯。其次是地板好有溜冰feel，及間中會踩中些熟食。我覺得如果係紅磡人少少唔知食乜，又想叫餸食飯，這店是經濟實惠的選擇。

經常與同事們去食ｔｅａ*下午茶餐真係好抵～。我最經常叫的就係蒜茸雞扒飯～上菜速度不單只快～而且個醬汁真係都幾好味*雞扒又大大件。絕對無呃你＄但係有時雞扒就唔多熟…都略嫌有點驚*服務態度唔算差…亦不能話好…地方雖然大…但係ｄ位就好密又多人吸煙喎* 通風系統又唔係好…呼吸都OK 辛苦_ 個地下成日都好似有好多水咁...唔知想點咁。但係價錢真係好公道*＄２０* 包熱飲…凍飲+＄２。利賓納要加＄５。

其實都唔想講, 不過本人與朋友已第二次發現天花有老鼠, 昨天見的肥大老鼠應是廚房鼠, 唉, 朋友已話唔來這一間, 點知連續兩次都見鼠, 隔離枱的妹妹嚇得半死了, 如老鼠掉下來點算, 真係嚇死人>.< 。

午飯時間跟同事試食呢間餐廳。點菜叫左個咖喱牛腩飯。上菜速度好快，一分鐘都唔駛。例湯係花生雞腳，set lunch黎講，個湯叫落足料(好多花生同雞腳湯渣)。咖喱牛腩飯就差少少。d牛腩好，要用刀先可以切得開。狂咬之下，牙變得有d累。最後放棄唔食。整體服務ok,價錢都好大眾化, 揀第二d set lunch的話,comment可能會更正面。

尋晚來呢度食晚飯,一入去個阿姐好有禮貌地帶位.我同老公分別食:海南雞飯:幾好食,個中湯係雪耳湯,好飲;西冷牛扒餐:係"本週推介",$30,塊扒大大塊,加埋d黑椒汁好惹味,個羅宋湯都好飲.我地食左$68,抵食又好味,唔怪得呢度經常都坐滿啦!

佢每日晚餐都會輪流有唔同鐵板扒餐供應：連包、餐湯、飯/意/沙律同茶啡都係$45（唔洗加一）；如果唔鍾意晚餐個扒，可以俾多少少（$60 有找）食其他款式，包括夏天都有供應既羊。值得一讚既係佢個沙律：少薯仔、多生果（尤其是蘋果）、多雜菜、少雜果、仲有椰果...仲要serve 都成個碟頭飯咁滿。如果鍾意食「金鳳」類既扒同大沙律既朋友可以考慮。

上個星期,我去左呢間茶餐廳食晚飯,叫左咖喱雞飯同米線,湯底有味精,但唔算口渴, 雖然唔係新鮮那種,不過都算夠大碗,算係咁.咖喱雞飯麻麻地.即刻埋單走人,真無癮!

琴日我同呀媽去左呢度食...呢度環境真係唔係咁好,好多人食煙,d抽風系統抽唔到風咁,焗到我地兩個暈陀陀...食物方面...我地都係叫下午茶,$20果隻,凍飲加$2...我叫左菠蘿海鮮抄飯,加凍檸水,呀媽叫左味菜牛柳絲意粉...個菠蘿海鮮抄飯,同楊州抄飯差唔多,只不係加左幾舊菠蘿落去,味道都算好...但味菜牛柳絲意粉,d牛柳絲柴皮咁,碟野仲好水,麻麻...奶茶,聽呀媽講話夠香滑,好飲服務方面...都算好,但總係唔會將d食物放到桌上,而係佢o係遠處度'第'比我地...總結早知如此,我地去椰林閣好過

食品水準過得去，下午茶的價錢又夠晒便宜。