影片
喺附近行完山 落山梗係第一時間搵野食啦行經街市 見到樓下個易拉架烤魚既相 真係相當吸引就決定食呢間啦樓上環境同平時既熟食中心都冇咩大分別不過夜晚應該就得2間食肆開門喇點左麻辣魚、蒜泥白肉及擔擔麵鮮香麻辣魚 - 冇咩骨 啖啖肉 麻同辣配合得啱啱好蒜泥白肉 - 葱蒜香味十足 豬肉肥瘦適中 非常惹味成都擔擔麵 - 食物質素唔錯 有機會都會再黎試下其他菜式先得
繼續閱讀
之前慕名去咗隔離間藍帶，今次試下佢嘅鄰居上到去，兩間舖分工都幾好哈哈！因為會話：小菜呢邊、海鮮果邊本來想食碟頭飯，但見到小菜又吸引，就揀咗羊腩煲加一個生炒骨等食時見到個餐牌原來呢間係主打辣嘅菜噢噢，我地揀錯曬😧🙆不過！羊腩煲好味又炆得淋食完又無口乾半份嘅份量都唔少，每人起碼有三四件肉落單姨姨話送碟菜俾我地，仲問生菜啱唔啱，好好招呼，啲菜又新鮮生炒骨都好大份又好多菠蘿
繼續閱讀
我自問超愛食辣，食過很多麻辣店，今次見有新食店，好奇心之下去試一試，我一直搵緊令到我感到辣而麻的辣醬，今次，我真的搵到了！老闆好熱情！沒有老細款，可能他太熱情，令我有種已被望記那種熱情款待的感覺！我叫了三個小菜，毛血旺，雞絲粉皮，蒜蓉豆角，全部都好足料！好大窩毛血旺！應該係我食川菜而來最多料的！價格係超級成正比！好抵食！麻得來辣，辣得來沒有味精的味道！材料十足，今時今日你比2百幾食咁多嘢，仲要加支啤酒，我覺得好難搵！食在人情加上食在味道！我支持有心做飲食的人！一定會再光顧！😋😋😋
繼續閱讀
已是第二次來光顧這裡，今次順便食生日飯同試埋上次沒有吃的東西可惜兩個人也試不了很多，只叫了五碟餸（涼拌苘笋絲、手拍青瓜、魚香茄子、紅燒豬蹄、韭菜鮮肉餃）今次仲見到好多地方都冇既“陽協成”呀，即刻d童年回憶湧晒上黎呀即刻叫返個馬蹄爽啦笋絲，我看到是即叫即整的，入口超爽，我朋友好快就KO左好多手拍青瓜，賣飛彿，當然叫啦，酸度同辣度都啱晒我，一粒不留，讚！！到我朋友既至愛，豬蹄，既入味，又美顏呢碟係侍應推介我同朋友已經傾左一陣計先食，但入口時仍然係熱既，勁的確如店員所講，茄子好香口，好入味，而且淋身得黎亦都冇爛既感覺，如果帶阿媽黎，佢一定好鍾意。最後一道餃子，內涵豐富，皮唔會太厚，有醋點亦都開胃，味道清得黎亦都唔會太寡😋今次上菜速度比上次快了很多，值得一讚，而且飲品選擇也比之前多了，可見是會不斷求進的店舖💪。期待下次來試埋其他沒吃到的小菜
繼續閱讀
放工晌香港島想搵辣野食，誤打誤撞Search到公司附近呢間新開野，不過見唔到有評分，都有少少驚驚地，但晌香港食辣野選擇真係唔多，費事食黎食去都係嗰三兩間辣野，就膽粗粗都試下啦。上到去8:30pm，聽日紅假唔駛返工咖喎，但成個場無人既喂? 算啦....到左又無理由走，又餓，就坐低叫左幾個餸，如下：1. 蒜泥白肉：去親邊度食辣野都一定叫既前菜。一食有驚喜喎~! D source 比起其他主打巴蜀、川菜既餐廳更合我好味：豬肉質感唔會「鞋」、無醋味、唔會淨係得蒜名或辣油味。又有片薄薄青瓜包住晒塊豬肉，食落爽口又隔左少少油；青瓜薄片易入口，易放入口，唔似其他餐廳既蒜泥白肉係豬肉包住一條青瓜，好似要塞D野入個口咁；又或者係伴青瓜絲，幼到食左落口都Feel唔到，同埋D絲 fing 到D辣油周圍都係。可惜唔知係咪少人流所以放得太耐，D 豬皮有少少乾左...不過比起其他蒜泥白肉，真係好味到我臨走想叫多個外賣。2. 水煮安格斯牛：一聽「安格斯牛」即刻覺得係噱頭順勢收貴D，但再望望價錢只係$148，比起其他水煮牛又唔係特別貴，而且D牛食落真係好淋同有牛味。其他水煮牛好多都係又韌又有渣，呢D牛就唔會喎! 不過辣味就夠喇，麻味好似爭D，食唔到太麻辣既叫少辣應該頂得順，要食好辣既就要叫加麻加辣了。3. 辣炒水晶寬粉：寬粉加埋D肉碎炒，食落味道似螞蟻上樹，但肉碎味道感覺好似唔係幾夾寬粉，都係似夾返粉絲多D喎。鍾意螞蟻上樹可以試呢個，唔係特別鍾意就叫其他野好D了。4. 家常炒椰菜：炒得好有風味，有D似我當年晌四川食既味道。不過佢比起四川更優勝既係佢炒得唔多油，抵讚~! 而且夾一大堆菜連埋D水煮牛肉食更加係有兩種味道夾雜，更好味道喎~!!總括來講：味道比起霸王山莊有過之而無不及，而且仲平好多好多。對比起詠藜園就各有千秋，可能食得太多詠藜園，個人就覺得呢間仲有新鮮感。服務態度都好好，因為新開丫嘛~! 5月頭先開檔，希望一直Keep 到啦~! 而環境就... ... 街市熟食中心可以有咩Expectation? 有冷氣乾乾淨淨無臭味無油煙味算係咁啦。
繼續閱讀