影片
車迷城, 玩電單車無人不識!約咗個車友落車迷城濕平, 完事后行前少少坐底係神采廚房, 原本打算坐響門口煲支煙飲杯0茶吹吓水, 見到佢門口貼咗張羊腩煲通知.細鍋$125, 大鍋都唔洗兩舊, $188!問友人有無興趣, 仍話無所謂....再問問老板羊腩冧唔冧, 冧!Okay! 點個細鍋試試先, 免中伏!(傻仔! 老板唔通答你羊腩煲韌咩!)首先, 我喜歡雙冬多過支竹, 所以初步已經有好印象.老板亦無講大話! 冧, 羊腩, 冬筍至冬菇, 全部都超冧.每件羊腩唔會切得太大件, 相信係羊腩唔韌主因.雖然望埋去，羊腩煲好似好細煲份量好似好少，但好奇怪，食極都重有.論味道，柴灣泉記無敵，論口感，神采廚房更佳！走去攞柴灣泉記嘅羊腩汁俾神采廚房煮羊腩煲就天下無敵囉....
繼續閱讀