神石燒牛扒水產專門店 (新達廣場) (已結業)

試新屎坑，居然讓我試出個殞石級的坑誠如上一個食評所講，一個人均消費$300+的食肆，只收現金，都算了，所幸月頭荷包未乾，還夠二人入場。但售賣機對紙幣的辨識度和找贖功能，真的有待改善。但，相比起坐下之後的體驗，真的只算一條毛。首先，檯面超細，放完石板，餘下的枱面闊度只夠放一隻碗，比金色拱門「牡丹樓」更細，都算是世界奇蹟之一。然後，戲肉來了。我和朋友點的是一份A5加一份A8。A8本來是用來填肚的，本來無甚期望，所以反而一如預期的靭。A5，望落有花，食落也是鞋。唯有安慰自己：可能阿牛好識養生，keep得甚fit。說是和牛，我只能說，我懷疑該和牛的老爸搞婚外情，對象是個Mix。香港人很多都食過和牛的拜託。最大的問題，在於塊石板。第一塊肉放上石板的確滋滋作響，到第三塊開始啟動靜音模式。作為急凍肉，而且是紙般薄的牛肉，放上去兩分鐘仍然見紅，我和朋友慌了。本來人手拿著一碗飯，立即放下直接切入瘋狂「溫肉」模式（對，是「溫肉」，不是「燒肉」。實在無辦法用個燒字），唯恐最後碟上過半生肉需要變刺身硬食伐害身心。放眼左右和後面客人的石板，全部安然入坑：一式一樣一石板的肉，鮮紅的內部。最慘是叫一整塊肉的，又貴，

廢事大家too long didn’t read，俾個 summary大家：1. 冇得碌卡只可以俾cash，但部機好唔sensitive2. 食魚既2分鐘就燶哂，食牛既未食到一半舊石就唔夠熱3. 勁勁勁勁勁大油煙呢間岩岩新開冇耐，即刻就同屋企人黎試下，但真係伏中之大伏。首先排隊入去之前就要係出面部點餐機到買田食先，得一部機唔緊要，但佢冇得碌卡淨係可以俾cash，收cash個位又唔sensitive，前面個人入左十幾張銀紙都彈返出黎，成村人就係後面到慢慢等.....輪到我地，想食池魚又話冇。。終於入到去，好快就上菜。屋企人叫左條魚，黎左兩分鐘已經成條燶哂😅😅😅😅不過其實d魚肉係好嫩滑既，只係外皮燶哂其實我食過其他類似既餐廳係成塊扒上，但呢到竟然好似燒肉店咁一片片上。我自問已經食得勁快，但都係食左一半舊石已經開始唔熱，之後d肉都係用餘溫慢慢整熟。。俾200幾蚊但食快餐咁款，間鋪仲要好似冇抽氣扇咁，成個鋪勁大油煙，每抖一啖氣都勁臭油煙味，出左鋪頭淨係街過都聞到，隔離d鋪頭賣衫賣袋就慘Lu...俾200幾蚊我鋸塊靚d既扒都得，唔洗黎呢到食快餐牛。