神戶屋日韓放題

營業中

休息中

好耐無食放題 突然好想食 就搵下旺角有咩新餐廳/我地未食過既餐廳見到神戶餐廳既放題選擇好多咁就一於try try好唔好食啦🤪一坐低冇耐就會上一大盆刺身等你邊食邊慢慢嗌其他嘢食 第一盤刺身入邊會有生蠔同海膽生蠔算大隻同肥美😍如果之後都想繼續食就要升級加錢刺身全部都好肥美 種類繁多🤩隻蝦同隻手掌咁大隻㗎壽司方面係即叫即整等啲紫菜唔會淋晒 食咗幾件軍艦都覺得好好食炸物方面 榴槤波波 同 芝士年糕係我最愛🥰好小可會有炸鮮奶外層仲加咗煉奶 好正另外仲有炸雞 炸蠔 多春魚 嗰種類型嘅天婦羅熟食方面都仲有好多麻辣炒帶子 好惹味仲有唔同類型嘅串燒仲有打邊爐呀 打邊爐嘅配料都齊全你話點樣可以唔飽呀甜品方面就自己喺出邊拎食咗一杯就飽晒啦

約咗好友聚舊當然唔少得一餐豐富晚餐，朋友介紹呢間任飲任食神戶屋日韓放題，位於旺角區， 鄰近港鐵站， 步行只需幾分鐘，十分方便!時間尚早人唔算太多，環境以綠色為主，座位都好密集但靠牆卡座位比較寬敞舒適，店員服務很好。呢度用QR Code落單…仲有火鍋供應嫁，食物款式有好多選擇，今次我點咗刺身，壽司，串燒及炸物…我先點咗刺身:有三文魚，北寄貝，希靈魚，海膽，生蠔，原隻赤蝦，美式凍蝦，赤貝，馬刀貝，八爪魚，珍寶帶子，泰式生蝦，厚燒玉子，北海道角螺及鮑片。全部十分新鮮。赤貝及馬刀貝質感爽口!生蠔肉厚夠大隻!珍寶帶子壽司，海膽赤蝦壽司，黑松露玻璃蝦壽司…帶子肉厚鮮甜，海膽味濃赤蝦夠爽，而黑松露味道十分特出，特別係菇菌味超濃。榴槤炸彈…外脆內軟榴槤味濃， 榴槤粉絲必食!吉列廣島蠔…金黃色外脆內暖，有海水味道!芝麻雞翼…熱辣辣, 香噴噴 ,卜卜脆, 冇雪味。蒜蓉粉絲元貝 …粉絲夠多元貝彈牙蒜蓉味香濃。鹽燒活海蝦…蝦肉新鮮爽口。呢度嘅汽水任飲，雪條任食嫁，款式都唔少!

慶祝周年記念好耐無食放題見到兆萬樓下有派優惠單張就上去試下先第一次食日式放題會有埋火鍋的入座後就會比張紙你選擇（3選1）我地揀左和牛壽喜燒其他火鍋配料可以自己用QR code入去追加其他落單都係用QR code下單除左環保之外～ 重可以睇番自己Order左d咩唔怕唔記得左而嗌重覆左追加配料有牛肉 雞肉 丸類 菇類等等因為太多野食⋯我地只encore左一次牛肉櫻花蝦溫泉蛋配芝麻醬非常出色～重可以用黎點牛肉身為牛魔王既我一口牛同燒牛舌都係令我不停encore的牛舌厚切口感一流佢地既炸物選擇都算多喜歡吃榴連的必吃炸榴連！榴連味很重重有炸鮮奶⋯日常比較少吃到有驚喜炸雞皮都超香口～點沙律醬更夾刺身有大大隻有頭甜蝦⋯重會提供埋手套很貼心雪糕甜品都係自助的款式超級多後悔沒有留肚

大個之後好耐都冇食放題，今日心血來潮就同朋友一齊搵左旺角兆萬中心樓上既神戶屋日韓放題場內氣氛都好熱鬧，一直播住KPOP~隔黎台個妹妹直情一路食一路跳 勁投入咁HAHAHA店員服務態度都好好，一來到就主動說明會送一個鍋，我地就揀左和牛壽喜燒啦，朋友話唔想一黎就食得咁生冷，有個鍋熱辣辣就正好可以暖下個胃先，牛肉質素唔錯，入口JUICY唔會老。店員隨後就送上左一大盤魚生，有三文魚﹑帶子﹑八爪魚﹑蟹棒等大路受歡迎既食材，驚喜既係佢仲送左海膽同埋生蠔。魚生新鮮冇雪味，亦冇食到任何未急凍既部分，解凍方面亦做得唔錯。冇咁鐘意食魚生既朋友亦有唔少熟食選擇，例如牛柳粒﹑黃金蝦﹑焗蠔﹑芝麻雞翼﹑炸鮮奶等等。難得既係炸物即叫即製，絕對冇淋左或者凍左既情況，加分!壽司既等候時間反而比較耐，壽司飯既大細剛好，試左幾款壽司(帶子﹑炙燒三文魚﹑炙燒蝦)，食材新鮮，重點係大舊過舊飯!!XD 唔會塞飽你飲品同甜品方面一樣係任食餐廳仲另外每人送多一個MOVENPICK雪糕，大食之人真係超易回本呀

行過旺角悶悶地又想食下嘢打發下時間放題咩都可以食下，又可以坐耐小小係一個唔錯嘅選擇見到呢間3小時 $179咁就上去食下佢👀入面環境乾淨，都算闊落除左有手落order紙之外，亦都好環保有得用手機落order👍坐低就有職員上前菜，幾細心order左個期間限定嘅日本和牛壽喜燒好足料味道控制岩岩好，唔會太甜有菜係底，牛肉熟唔熟好易睇到唔會潛左落去仲有當然係去放題必叫嘅刺身喇！呢間刺身款式算多例如有牡丹蝦（唔係間間有，大多時是細隻小甜蝦）仲有泰式生蝦刺身算新鮮，牡丹蝦頭啲蝦膏食落無問題好鮮味仲叫左黑松露壽司、灸燒、手卷等等樣樣都幾好當然仲有呢嘅芝士焗嘅邪惡嘢仲有蒜蓉粉絲扇貝仲有order炸物炸物啲皮唔會超厚飲品款式算多，非常好整體來講呢一間餐廳食物同飲品嘅款式非常多啲邪惡嘢食又整得好食刺身方面有牡丹蝦，新鮮呢間可以再encore

今日早收工黎左食放題，一入店發現已經有唔少客人，竟然星期一7點都甘旺場。雖然叫日韓放題，但呢度唔日韓甘簡單，真係有好多唔同菜式！放題必食一定係刺身，勁推介呢間既蠔同海膽！蠔夠鮮甜，而且肥美，加少少檸檬汁更加提鮮到第二個層次。海膽色澤靚，食落甜而creamy，正！小龍蝦（真係估唔到放題都食到小龍蝦）每只蝦都肥美鮮嫩，濃郁的醬汁夠入味，咬下去能感受到蝦肉的鮮美和彈牙的口感。小龍蝦size都唔細，而且仲好乾淨。豬髀肉每一口肉都鮮嫩多汁，口感極佳。每一隻髀都好大，可以食到啖啖肉。仲有唔少熟食呢度仲有小邊爐，湯底揀了帶甜味的壽喜燒湯底，最適合滾燙牛肉、疏菜等食材。仲可以叫好多唔同配料，放題之餘仲可以打邊爐，滿足2個願望。最後，仲有雪糕或雪條任簡，每人選一樣，太多外面沒有的品種，很難挑選，樣樣都好似好好味。不過最終我選擇了movenpick 朱古力雪糕作為完滿的結束，飽到差啲行唔喐。

💖 神戶屋日韓放題 (旺角)✨旺角西洋菜街1號兆萬中心8樓〰️〰️〰️〰️〰️〰️〰️〰️〰️〰️〰️〰️〰️〰️〰️七夕節🎋我同我男朋友都冇特別慶祝，我反而係兩個人簡簡單單食左一餐放題😆估唔到咁多年過咗之後呢都仍然冇乜點變。除咗裝修一樣之外，都係咁有人情味🫶🏻而家已經轉咗用QR code落單📱，呢度嘅職員久唔久都會行埋你問吓我哋有冇嘢食漏咗未上菜👍🏻，食完嘢，佢哋都好快幫我哋清理好💪🏻今日除咗一如既往食刺身之外，仲有壽司、天婦羅、煮物同燒物等等😝我自己覺得最正嘅就係有得食海膽🧡好鮮好甜好Creamy。生蠔肥美又大隻🦪超高質。呢度除咗有刺身之外仲有火鍋，入到嚟佢哋就送咗一個火鍋湯底俾我哋！我自己就叫咗壽喜燒牛肉湯🍲，入邊已經有一隻生雞蛋🥚仲有超級建議大家試吓呢一度嘅人蔘雞湯，超好味好濃郁😚除此之外呢度仲係有甜品同埋汽水可以自取🍹，款式都幾多樣化😏最鍾意就係佢哋之間整嘅蛋糕仔😚想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩

兆萬中心出名多野食😙今日想食放題，就嚟到呢間神戶屋日韓放題餐廳🙈🙈呢間餐廳將日本同韓國嘅傳統料理相結合，令人可以一次過品嚐到呢兩個國家嘅美食😌😌享受住美食嘅交融👻而家做緊優惠$199就可以任食3時間晚市放題啦😙😙餐廳提供各式各樣嘅日式同韓式料理加火鍋，任歎超過200款美食😽😽包括16款新鮮空運刺身同多達40款壽司款式、韓式食品有人參雞湯、芥末炸雞、韓國泡菜等😻壽司每一口都帶來了鮮美的滋味同柔軟的口感😼此外，自助區仲有可以任飲各式日韓汽水、啤酒🍻同埋十多款甜品等等，埋完單走人個陣仲可以係門口拎每人一枝嘅雪糕/雪條😻😻

❤️朋友今日帶我去神戶屋日韓食放題，環境不錯。飲品同甜品都係自由選擇👍🏻🌟🌟用手機點餐，非常方便，食物款式不少！我哋梗係要食刺身同埋壽喜燒😋🌟🌟刺身好新鮮，賣相亦不錯，有赤蝦、生蠔、三文魚、珍寶帶子、蟹柳、玉子蛋、螺肉、魷魚、希靈魚等等。🌟🌟壽喜燒真係令我眼前一亮，🐲造型的器皿很有氣勢，配料十足，有牛肉、菇和蔬菜，除此之外，仲可以自由配搭不同食材，原來平日打邊爐嘅食材，跟壽喜燒都好match，真係又食得又睇得。🌟🌟炸物同串燒的質素亦不錯，我試咗芝士蝦春卷、天婦羅蝦、雞肉串燒，而我推介的係日本香芋丸同埋榴連炸彈，炸得外脆內軟，內裏煙韌Q彈。🌟🌟最後梗係要食Movenpick 雪糕同埋雪條啦！實在太多食物選擇，今次未試曬所有野，下次要再嚟先得。

好耐沒來旺角兆萬了，行列門口見列好多不同選擇，朋友揀左食放題。呢列提供了多樣的美食選擇，用手機掃二維碼就可以點到，種類包括刺身、壽司、炸物、火鍋、小食、燒物、中式熱食等，還有很多飲料可以選擇。第一樣要講，一定是刺身，叫了好幾款，侍應送上一隻大冰船放滿刺身，何其壯觀，我們叫了鮑魚片、三文魚、海膽、帶子、赤蝦、油甘魚、劍魚、牡丹蝦等等，刺身十分身鮮而甜，貝類又爽口，配上wasabi醬油ichiban呢。跟住是炸物有各種經典的日式炸物，每一口都讓人愛不釋口。天婦羅、烤鮮奶、榴槤波波、都炸得外酥內軟，金黃酥脆，保持了食材的鮮味和口感，完全不會太油膩，口感很正。壽司和卷物都很正宗，飯量少配料大，大小剛好一口一件，很好味。壽司飯的口感恰到好處，彈牙有嚼勁，質量非常高，鮮甜美味。

🍴刺身拼盤好驚喜！叫左好多刺身，黎到個擺盤好靚，可以打卡😍 估吾到放題刺身既質素咁高，全部都好新鮮，連海膽都好食！係高級日本居酒屋既標準🥹 最推薦三文魚、海膽、玉子、帆立貝🤟🏻🍴炸物炸物熱辣辣岩岩出爐，正！芝士年糕必叫，但最最最推薦既係榴連炸彈🤤🤤 食榴連既朋友一定要食！滿滿流心榴連蓉，我願意為左佢黎多十次🥹 榴連炸彈🍴壽司壽司全部好高質，個人最愛係灸燒系列👍👍🍴燒物又係熱辣辣🔥調味岩岩好，牛舌，雞肉串、鯖魚、芝士蝦全部都好食，encore左🤤 燒菠蘿係最正，好甜好新鮮，兩個人食左8塊🤣🤣仲可以叫火鍋🍲 不過我地食太飽放棄左🤣🤣 下次試下

神戶屋日韓放題📍旺角西洋菜街1號兆萬中心8樓疫情後好似都好耐冇食過放題，今日同朋友專登黎到兆萬中心食放題，兆萬出名多放題，係咁多間餐廳度簡朋友話想食日韓放題，見到神戶屋齊曬大家想食嘅嘢😍就決定要試下啦😆😆😆餐廳係用qr code落單，飲品同甜品就係自助拎，開始食放題一定要叫一盤刺身黎開下胃啦，我哋叫左唔同種類嘅刺身，有海膽、帶子、蟹柳、三文魚、甜蝦、玉子、生蠔、🦐等等…… 海鮮全部都好新鮮，值得一提嘅係海膽好鮮甜，一d都唔腥，三文魚好厚身，食落有魚油甘香👍👍我地重叫左個豬骨濃湯味火鍋，職員一放低係枱面，就見到有一排牛肉，牛肉排得好靚🐮，睇落都覺得正，入面重加左好多配菜，例如金菇、冬菇、娃娃菜、豆卜等等，如果唔夠食嘅話個app重有好多配菜可以再order架😆😆😆另外，我地重Order左好多食物：炸物（多春魚、芝士年糕、炸蠔、炸豆腐、🦐、南瓜天婦羅）、燒牛舌、火炙壽司、軟殼蟹手卷、蟹粥、清酒煮蜆、燒豬仔脾，連麻辣小龍蝦都有添呀🤣🤣，樣樣食物都係即叫即整，好味道😋食到最尾就去拎甜品食啦😆雪糕雪條每人只限一條，咁岩見到有一款鐵觀音奶蓋珍珠雪條，好香茶味，好特別呀～👍總括嚟講，餐廳地方十分方便，

聽日放假，同男朋友出咗旺角諗住搵間放題盡情食，去到兆萬中心樓下見到好多人派宣傳單張，真係花多眼亂😂😂，最後去左神戶屋，200本嘢食酒水飲飲可以食三個鐘我哋六點上到嚟都未有咁多人，我轉頭唔使半個鐘都坐滿曬喇出面好熱呀攞咗罐嘢飲先解下口渴刺身嚟啦，超正呀，已經好肚餓，急不及待😂😂個蠔好肥美呀，海膽都一流，重點係成盤刺身都好新鮮😋跟咗個壽喜燒，可以做火鍋放題，我見隔離枱都點咗好多火鍋配料去食😂😂不過我一心諗住上嚟食刺身所以我就冇點到啦除咗刺身火鍋，仲有d海鮮熱食，可以點嚟食這個牛肋肉我都覺得好推介，佢唔係好淋嗰隻口感。佢係爽口彈牙嗰款其實menu上面真係有好多嘢食選擇㗎。不過雖然嚟食放題咁都要因應自己嘅食量點，唔可以亂咁講費食物😂😂😂😂我真係太高估自己嘅食量啦😂😂😂講到來盡情食，到最後淨係食檯面嗰啲嘢已經超飽了，最後最多食多隻雪條就算了🤣🤣🤣🤣另外值得一讚嘅就係呢度啲服務員好有禮貌，你會食得好開心

難得假期約埋朋友一齊到旺角依間神戶屋日韓放題，真係要大讚佢嘅服務態度！員工好友善，落單後食物好快就送到👍👍👍而佢嘅食物質素好高，刺身/壽司款式真係好多元化，而且最重要係刺身真係好新鮮，三文魚刺身切得好厚，食落去超正😍，帶子刺身咬落去好鮮甜，有好多款刺身蝦，仲有海膽同生蠔都好豐富同肥美❤️❤️❤️，真係好耐無食過咁豐富既刺身。最令我驚喜既係仲有佢嘅肥牛火鍋，肥牛片肉質嫩滑，一放入湯底就即刻煮熟，食落好滋味，完全係高質素既肥牛。炸物方面，佢嘅炸天婦羅蝦、多春魚同蟹棒，炸得香脆好食😋😋😋除咗食物，佢嘅飲品同甜品都好豐富，仲有雪條同雪糕，選擇都好多❤️❤️❤️總括而言，真係好開心可以食到咁豐富既日韓放題，下次必定會再約朋友一起黎食❤️❤️❤️

好耐一段時間無去食放題，今次朋友仔揀左係旺角非常方便既神戶屋。 第一印象係好熱鬧，座位其實都幾密，但位與位空間感都大。 食物選擇好多，仲有火鍋，除左可以揀鐘意既刺身、壽司、手卷之外，其實仲有好多打邊爐配料、熱食，選擇多到樣樣都想點下 。刺身併盤，有我最鐘意既蝦、北寄貝、生蠔、海膽。 生蠔🦪好鮮甜厚肉又夠份量（大隻）火鍋其實有3款，我地都係好牛之人，揀左個和牛壽喜燒，好juicy，好好味。 另外點左幾件壽司，忍唔住想食下米😂，細細件唔會太飽肚。鍾意黑松露既一定要點帶有黑松露既壽司，個陣味好強勁，小小已經好不得了！ 蒜蓉扇貝～粉絲量十足，扇貝雖然唔算好大粒，但就非常入味。一口牛有被驚艷到，賣相唔係我諗既樣，食落有點似蘿蔔炆牛腩，但真係極腍極入味，我覺得必點。 小食仲點左燒三文魚：好惹味、炸雞軟骨：卜卜脆好香口、燒菠蘿：清甜開胃⋯煮蜆：不過不失、炸蠔：蠔味都濃郁⋯⋯仲有榴連波波。 榴槤波波真係太好食，口感軟糯，中間嘅榴槤味道好出眾，我食左好幾粒。 最後當然要食埋甜品，佢有七八款唔同嘅甜品，有雪條雪糕糯米糍，我揀咗朱古力小批，食埋就好滿足。食足2個半鐘。不得不說，餐廳待應非常好客，服務唔錯，食