神座日本料理 (已結業)

烏冬真係好好味．個湯底又好清．非常對我胃口．薄燒牛肉肉汁豐富．要試下．

練完落西環食飯。間野靚就幾靚，同埋有下人，所以先吸引到我地黎試。個燒雞扒定食係完全唔掂，肉少，肉同汁冇乜味，飯又好似有漂白水味，送o既雪米"磁"同石頭一樣咁硬，我同朋友都話吉野家仲得！

等左大約半個鐘,終於入得去.最好味係帶子,大大隻呀.加拿大海膽.勁好味道!我係出面真係未食過咁大粒,咁鮮味既海膽...不過一點都唔便宜...牡丹下都幾好喇!又有兩食.三文魚子-新鮮,唔腥.牛肉湯烏冬-烏冬幾彈口,個湯底好正.的牛肉好滑走之前個女仔比左張咭片我...仲叫我下次黎最好訂左位先...哩的咪叫做服務囉...唔鍺

見新開張, 六點幾, 又唔多人, 就來試下.2個人叫左:1. 牛肉湯烏冬$35 - 烏冬幾彈口, 牛肉好味唔太肥, 雖然無咩配菜, 簡簡單單, 下次來都會再叫. 唔錯. 抵食.2. 牛油露荀$4x - 好細碟, 我諗個份量係用3-4條露荀切薄片來炒, 無咩牛油味同幾油3. 黑豚肉金姑卷- around$4x-$5x - 以為用黑豚肉咁特別, 會好好味, 食落咪又係普通豬肉, 一d都唔覺好味.4. 三文魚壽司- $22, 都幾厚, OK, 下次可再叫.5. 帶子壽司- $23, OK, 下次可再叫.6. 甜蛋壽司- $12, 一般.下次來我唔會叫燒物, 好唔抵食, 會叫定食+壽司.多口問過waiter新張有咩優惠, 佢\話無, 不過就送左2粒雪米磁.

三文魚壽司($23)-- 好厚切又大塊, 無怪乎要$23, 都鮮味鱆紅魚壽司($15)-- 一向對鱆紅魚麻麻地,但今次d 肉質非常彈牙, 好新鮮, good 刺身定食($78)--佢個飯係另上,仲要係熱既,有12片刺身,包括三文魚,吞拿,鱆紅魚,帶子,甜蝦,八爪魚,可能係定食既關係,無一客客壽司咁厚切,不過$78有12片刺身都算係好抵食,而且刺身都鮮味,good!!燒花絞魚($38)--由於無秋刀魚,waiter recommend左呢個,都幾厚肉,唔錯什錦天婦羅($50)--呢個好有水準,3隻蝦+5-6舊什菜,算幾抵,而且個脆粉好薄,好野!! 海鮮什錦手打烏冬--烏冬都幾彈口,個湯底清清地幾對胃口, 對d "海鮮什錦"本來都唔會有咩期望,但估唔到佢其中include隻熟蝦, 極彈牙呀!!!金姑牛肉卷--算係全晚最唔突出之作, 不過不失呢度裝修都算光猛,服務ok,不過舖仔細細,星期日晚六點九開始已經要等位,下次黎食要早d 啦!!

新開張，咪試下﹗估唔到最好吃都是那個煮稻庭湯烏冬，壽司及刺身都好失望﹗帶子壽司中的帶子，新鮮不過無甜美﹗赤貝刺身一客只有4片肉，裙邊唔見，個服務姐姐同我講，一客有2隻，還問我明唔明，一隻原隻赤貝刺身，只有兩片肉，其他嘢無晒，其實我真係未遇過﹗鰻魚卷的紫菜已經淋晒﹗至於甜蝦壽司及三文魚壽司都是一般﹗服務員雖然有禮貌，但佢寸我明唔明，我已經唔開心，之後當我們吃完那個好醜陋的炸蝦頭後，佢還"陶"手拿起d殼，其實都好嘔心﹗那時我們只是吃到中段﹗