磊犇 (已結業)

今日男朋友話想試吓食好出名嘅熱石燒牛肉，於是佢一手捉左我公里旺角呢一邊番號見到呢一邊環境真係比較平靜，我真係好驚有啲示威者就出嚟， 然後班警察就出嚟搞事！講開又講呢一間普通都幾休息吓㗎，外面嘅店員亦都比較好招呼，入到去我就見到有一個好大個mon俾我去選擇唔同嘅餐牌，對於我呢啲白癡來講我真係咩都唔識㗎，我男友就幫我叫咗個牛肩利息，個價錢亦都唔算特別貴，只不過係100多少少，我真係心諗不如過去西餐食都好過啦個西冷大概5分鐘左右就到，塊肉只係得一成熟，對我呢個好怕生嘅人來講我， 真係麻麻哋，全程都係以男友幫我處理！個牛汁都算唔錯

你識唔識讀磊犇呢兩個字？我真係一頭霧水😂不過呢度係一間好抵既石燒牛呀～～～～門口用販賣機自助點餐，付款後獲發一個響嗚器，就可以入座了，餐廳面積不大，有點canteen感覺。可以自由去拎配菜和飲品，配菜有沙律、泡菜、餣蘿蔔，都算豐富；亦有珍珠米飯、麵豉湯；飲品有凍綠茶、洛神花山楂茶及菊花茶，仲有綠茶粉可以沖熱綠茶，都未拎完埋位，塊扒都出餐了，好快呢。-石板夠哂熱，塊扒火喉控制得好唔好，就要靠你個人經驗與功力了！店員提醒我們，磊牛扒都是有根的，所以我們選了西冷和肩肉，200g都唔少啊！肩肉超厚的！吃完很飽啊。牆上還有3款醬汁比你點牛扒食，牛扒質素對得住呢個價錢，想平平地食石光牛扒，呢間絕對諗得過！！佢地仲有石頭窩飯，一樣配菜任食、飲品任飲，好抵呀！

同事上次食完話好食要再食，牛肩冇得輸，真係比磊手香有𡁻口，貴少少都值。近排真係食肉大增試過幾次呢啲stone grill，覺得呢間最抵食，講價錢佢真係抵 300g真係夠哂一個人食，而且塊熱石夠大 ，可以切好哂咁大舊牛，放好喺熱石上面燒熟燒香每舊牛，我最鍾意切到好似正方形咁，呢間嘅熱石又夠大又夠熱，熱得夠耐，燒香哂四面，入面依然juicy彈牙有𡁻口，出面仲有珍珠米，一啖肉一啖飯，平衡下油膩感都好享受！最鐘部佢飲品，沙律bar，湯，飯都係自助。好Causal 又好食一餐，決定左一個月要食一次！

今日同好朋友出嚟旺角買聖誕禮物🎄🎁, 買野前當然要醫肚仔先, 我地見有少少肚餓於是就去食熱石牛扒因為可以任添飯同湯🍚🥣😆 今次我地就揀左係旺角站附近嘅磊犇! 一入到去已經充滿住牛扒嘅香味🥩, 我地先用點餐機點餐再比錢, 之後就可以入去食野啦🤗 E到有3款前菜包括酸蘿蔔🥕, 辣泡菜同沙律菜🥗比你選擇, 全部都係任添的, 岩哂d`餓底'朋友仔!😆野飲方面都有3款凍1款熱, 有菊花茶, 山楂洛神花茶而綠茶🍵就有熱有凍!白飯🍚同味噌湯🥣都係任裝嘅☺️枱面仲有黑椒汁, 玫瑰鹽🧂, 照燒汁同黑胡椒比你幫自己塊牛扒調味!磊牛扒（300g）🐂店員會將牛扒燒至1成熟, 之後由客人自己決定要幾熟, E塊牛扒肉汁多, 肉質軟腍無筋, 味道唔錯!牛肩肉🐂（200g）e塊牛扒同樣juicy而且牛肉味濃郁d, 但就有少少筋, 較有嚼勁! 小妹同朋友都認為磊牛扒好味d😊總結: 食物質素ok, 價錢唔貴, 岩哂d大食嘅朋友仔, 餐廳亦有餐巾提供, 唔怕整污糟件衫!

行行吓旺角，突然心血來潮想食牛扒。於是去左依石板燒牛扒餐廳。餐廳裏面基本上係自助式嘅，一入到去就可以喺部機上面點單，咁我就叫左200g嘅西冷牛扒。然後又坐定定等部機響，等嘅同時就去咗夾沙律、麵豉湯同埋白飯。沙律菜都幾新鮮嘅同埋洗得幾乾淨，麵豉湯就略為鹹咗少少。講返個主菜牛扒，一上到黎我諗係得一成熟，咁你就可以隨你嘅喜好，等個石板慢慢煎到塊牛扒去到你想要嘅熟嘅程度。咁如果你鍾意食生啲嘅呢，你就要好快咁切左塊牛扒，然後將佢擺喺隻碟度，如果唔係佢就會變到太熟。我自己就鍾意食生少少嘅，所以我就好快咁切完就拎開咗塊牛扒。西冷牛扒肉質都幾好，牛味幾重，連埋啲沙律菜一齊食感覺冇咁油膩。成個餐$128，如果你唔想自己煎牛扒嘅話，黎呢度食都係一個唔錯嘅選擇。

近年香港也有不少石燒牛肉餐廳，於旺角留意到這家店，覺得店名有點特別，而且價錢合理便進店一試。 點餐是用點餐機自助點餐的，然後再以現金付款，店員會給你一部提示取餐的圓盤。 醬料，白飯，飲品，沙律菜，味噌湯都是自助和無限refill的。像快餐店一樣，是自己取餐的，油在石板上一直彈，所以出餐的時候，會有一塊紙巾蓋著。而牛肉還是很生，需要待一會兒讓石板上的熱力將牛肉煮熟。我和友人吃的是西冷牛扒和牛肩肉。份量充足，不用調味也有充足的牛味。配上白飯吃是一絕。

試過日式爐燒牛🐮，但沒試過石燒，於是相約朋友來旺角嘆燒🐮。來到餐廳，用自助點餐機落單，我地點了下300g西冷扒和和牛肩肉200g.等候時間，自助去取沙律和面市湯。這裡的飯，沙律和湯任吃的。一會兒，兩份牛到了。石燒牛高溫，會噴油，建議大家穿圍裙。另建議大家快切掉所🈶牛，讓石頭溫度可以短時間燒牛肉後，然後把牛肉放在另外的碗以保持肉嫩汁鮮的口感。這裡的湯味道好喝，比一般餐廳好喝。飲品方面有三樣選擇。至於主角牛肉，我地覺得西冷牛扒肉比較牛肩香，冬天時間邊燒邊食的感覺挺好的。整體來說，石燒牛肉🈶特色，味道不錯。另外要讚賞黑椒汁味道香辣，滋味。餐廳增值點評：燈光可以暗點，這樣可以提升檔次，同樣門前的招牌也可以更美化，配合和風設計。

想据扒唔一定要去高級扒房或者西餐廳🍴。近年香港開左好多間鐵板牛扒，今晚就試左呢間位於旺角嘅日式鐵板牛。餐廳係採用自助式點餐，牛扒嘅款式同份量都一目了然自由選擇，操作簡單清晰。點餐後去取餐處自取，留意鐵板嘅溫度非常高，要小心拎唔好辣親手。自助區有白飯、麵豉湯、沙律、泡菜同凍飲任食任飲。等左冇幾耐牛扒終於準備好喇！300g牛肩肉嘅表面熟左，一切開內面仲係生生地。然後慢慢一塊一塊切落黎再燒熟每一邊，生熟度完全自己掌握。而且牛扒夠厚，即使一直放係一塊燒紅左嘅高溫鐵板上，都唔會太快熟透。每一啖食落去，塊牛肉都燒得剛剛好，肉質非常嫩！另外300g西冷牛扒，由於西冷切得比牛肩肉薄，要注意唔好將塊牛扒一直放係鐵板上，否則塊牛扒食到一半時就會熟透，變左overcooked ！想食到高質牛扒又唔想比咁貴嘅價錢，呢度絕對係高性價比之選！

為網評而來 果然！牛魔不能錯過不嬲都鍾意食牛 （自豪承認係食肉獸）見到”開飯”上面呢一間磊犇 見到個名就已經覺得好得意！即刻諗：係咪即係等於喺三舊石上面燒三舊牛呢？越來越多餐廳開始玩self service 其實幾好 個人覺得成間餐廳嘅效率會快好多！坐低之前喺螢幕上面點餐比錢 牛扒ready就去取餐處度拎快靚正嘅Service推介磊牛扒牛肩肉200G份量 岩曬女仔食量想食多啲 仲有300g同400g既選擇牛肩肉帶脂肪 肥而不膩 每一啖食落去 佢仲有淡淡油香！食完都會係個咀入邊香一陣～除左主食牛扒 side dish沙律、kimchi、白飯、麵豉湯、綠茶、洛神花茶任食任拎！呢個價錢食到牛扒 仲食到咁飽～CP值真心不低呀！

鐵板牛近年係香港就愈黎愈流行，除左深水埗果間出名d之外，依家就愈出愈多，愈出質素就愈有進步，始於有競爭先有進步嫁嗎。所以呢間新開既鐵板牛都幾出色，唔錯試左佢個400g牛，比得十分足磅下，唔會偷工減料先喇，睇足就係真真正正既牛肉黎，完全無落過咩鬆肉粉呀，染色劑之類呢d真係一食就食得出，唔似d快餐店牛咁，落勁多鬆肉粉，食落係肉質好散，無乜牛味咁，所以呢個價錢黎講呢塊牛都算性價比幾高。另外提一提，400g牛一塊板就一定唔夠燒，所以要預左要換板，同埋牛本身無落過任何調味，所以佢都提供左大量料味，海鹽，燒汁，麻醬之類，等你可以食岩味。另外，配菜方面，就白飯沙律任食，佢個沙菜就唔係只有椰菜絲咁hea你，仲有青瓜，同另一款紫色菜。

本身真係因為佢個點名特別要揀佢，讀都唔識讀，去到仲問咗佔員點讀添，哈哈，好有趣，實記得。入到去, 有部機可以自己點野食, 跟住囉圍裙, 入去睇下有乜野食先前菜有沙律同埋泡菜, 有麵豉湯, 白飯;  野飲方面有山渣茶, 菊花茶同埋綠茶, 全部都係任你囉任你食你睇下我點既肩肉扒? 將牛扒醃好，以最簡單的鹽、胡椒來調味，將肉扒燒1成熟，再放在火山石板上，繼續燒。上枱時，油會四圍彈，可穿起圈裙，就不怕弄髒衣服。到上檯後, 要幾成就燒幾成熟，全由你自己安排，好玩到不得了。而且都好易整得好好食，唔好見佢咁厚以為好難handle, 你睇我哋整得几Juicy? 一啲都唔dry, 煎完仲好嫩，真係好得! 我唔係大廚黎㗎!環境確唔錯，坐得舒適; 店員友善，細心地介紹燒肉方法; 會價錢都值，因各方面都好值得讚!

今日去左花園街行街，行到攰之後，朋友帶我黎据扒🤤一入到去就見到人個圍裙比我地只係冬天過黎有Ｄ麻煩😂呢個設計幾好,下次可以一個人黎enjoy下😋😋因為冇地方掛外套建議大家黎既話帶定Ｄ香水食完出黎噴衫🌟🌟一入門口就要先點餐再入坐牛肉都好快就上菜既所以坐低最好即刻去拎野飲飯同湯飲品是任飲的,洛神花茶菊花茶綠茶還有沙律,白飯麵豉湯任裝今次我地一人點左一份牛肉🌟300G牛肩肉 $1️⃣1️⃣0️⃣牛肩肉同磊牛扒唔一樣既地方係牛肩肉會啖啖肉D成舊都係肉，而且唔係會韌😂仲有d醬料人大家share用有日式燒汁黑椒汁芝麻醬我就會選擇就咁落d鹽就ok~🌟磊牛扒200G $7️⃣8️⃣都係啖啖肉🤤我細食d所以200g加白飯已經肚子飽飽幸福滿滿磊牛扒會比牛肩肉多左d根位所以有d位會咬唔太開😳P.S. 老闆好熱情，係咁問佢野都唔嫌我煩😂佢話啲石板都成250-270度，小心唔好掂到😳

石板牛真的會令人上癮!!份量大，夠便宜，再配上任吃的湯、飯、小配菜。CP值超強，令人非常滿足。今次來了這間，重點推薦是有麵豉湯!超讚~而且湯內有很多昆布，好喝。這家跟好多石板牛店一樣，進店就會見到一部點菜機，唯一不同是這部機沒有收錢功能，所以點餐後就要取單到旁邊的收銀機付錢給店員。之後店員會給一個提示機，可以找位置坐下等待你的肉~這家的裝修正正常常，快餐店感覺。桌子一行直放，沒有情侶喜愛的2人座之類，即使一個人來吃應該都不會有甚麼寂寞(?)感~XD每個位置前面都放有調味料，頗方便的。任吃配菜狼泡蘿蔔、泡菜、沙律。這個蘿蔔很好吃~推薦。另外有白飯無限供應~不用擔心不夠吃。最特別應該是飲品都是任喝的。有洛神花山楂茶、菊花茶、綠茶，喝起來涼涼的，不太夠冰，綠茶比較甜。如果不想喝凍飲，可以選擇自助即泡熱綠茶。留意提示機，要自己去取餐哦~~!今次和老公兩個人來食，他點了牛肩肉。我要的是磊牛扒。兩份都非常有厚度~!牛肩肉質感不錯，牛味都比較濃。磊牛扒肉質比較散一點，加上我這塊剛好有肉筋位置，比較難切開。感覺上這家的石板沒有很熱，但都足夠吃完整頓飯的。總結，配菜和麵豉湯都很好吃~而且這家有這類餐廳比

呢排真係好興石燒牛，而好多石燒牛都只有不同牛肉的選擇，而呢度會有埋石鍋飯，多啲選擇。佢哋都係用好似日式嘅點餐系統，係個大屏幕度揀好咗要啲乜嘢菜式，在喺隔離俾錢，基本上係全自助形式，自己出去攞食物、飲品、前菜及湯等等。磊石扒唔知係牛嘅邊個部份，但同樣係200 克睇落大個牛肩扒好多，肉質比較結實，牛味都算濃。牛肩扒相對肉質比較淋，牛味比磊石扒重，我個人比較鍾意食牛肩扒。一口牛石鍋拌飯味道偏辣，啲黑椒汁好濃，餸飯唔錯。飲品佢哋有三款，我比較鍾意綠茶；前菜亦有兩款，泡蘿蔔好好味，我哋前後食咗四碗。晚市最平$78包白飯、飲品、前菜任食，性價比幾高。

旺角其實有好多間鐵板燒牛排，今日第一次同朋友來到磊犇試下。首先入到餐廳，係用自動點餐服務，宜家好多都可以做到自動點餐，方便快捷，唔識的話職員會在旁邊指引。我們兩人點了兩份牛排，一份係300g 的牛肩肉，一份係400g的磊牛排。牛肩肉就比較多汁有嚼勁，而牛排就鮮嫩滑身，兩份都超級香，一邊食一邊煎可以拌到好幾碗飯。呢度都係湯水，白飯，沙拉，泡菜任裝，白飯是日本米，好好味，即使吃完牛排，朋友都特登裝多碗飯食，而泡菜做得十分正宗我超鍾意，我都裝多左慢慢品嚐，這家鐵板燒牛排確實不錯。