砵砵車仔麵

家附近新開的車仔麵，環境外觀都衛生乾淨，是夜便隻身過去試試。車仔麵配料要三款起，但款式很多，而且比同類型麵檔更多特別餸菜，例如話梅豬手、豉油皇粉腸、白榨餃（白菜榨菜餃）和鮑汁鳳爪等等，很豐富！初來嘗試的我最終選擇有推介的甜酸正齋、辣汁豬肺和芹菜木耳餃，都是我未曾配搭車仔麵食的！再點杯菊花蜜，清潤香甜，味道不錯。我點了腩汁，先嘗一口，腩汁很香，但不算濃。但我最喜歡湯頭很清，不會油膩，值得一讚！甜酸正齋很好味，份量亦多，原來配湯河食，吸收湯汁也很美味。另一款餃子是店家手作，用料足，充滿芹菜香，同時有木耳爽脆，菜肉的比例很好。看來下次可以試試另一款白榨餃。而辣汁豬肺則是一大驚喜，豬肺有4-5件，大大件，像海棉的質感又能吸收湯底鮮甜，加上辣汁夠辣夠刺激，愈食愈滋味！我也點了款小食，阿里山茄子，涼拌茄子酸甜開胃，加上不會煮太焾，保持咬口，和醬汁很配合。整體來說，車仔麵款式多元化，而且看得出不多味精，感覺更健康。原來這裡有whatsapp先下單，看來平時家中無飯時，又有一方便選擇。…查看更多

好耐冇食車仔麵啊，香港人有一陣子被米線淪陷咗，朋友仔約我去食車仔麵，我啦啦聲答應啦。砵砵車仔麵: 元朗鳳琴街15號鴻運中心地下59號地舖最少選擇三餸嘅車仔麵，最低消費30蚊。我選擇咗，油菜，五香牛腩，鮮韭菜餃，滷水翼尖，沙爹汁，粗麵。最推介係有兩個手指公嘅韭菜餃，韭菜餃韭菜味好濃，豬肉餡好腍滑，味道好好食啊。好健康咁叫咗個油菜，今次系菜心。菜心煮熟後加入蠔油，有咗蠔油，真係乜菜都食得落。吃完就去行逛街街吧…查看更多

位於元朗的砵砵車仔麵，距離元朗西鐵站不遠。今天放假，相約朋友仔去附近吃碗車仔麵才逛街街吧。超久沒吃車仔面，我快要忘記什麼是車仔麵啦。太肚餓的情況下，我選擇五餸車仔麵。五香牛腩，五香牛根，魚皮餃，臺灣貢丸，話梅豬手，腩汁粗麵。滿滿的一碗車仔面，比隔離台位男生吃得更豐富呢。牛腩滷得入味，肉質軟腍，牛根爽滑，充滿骨膠原，是少女補品阿。豬手肥美大隻，肉質腍香，好好吃阿....................砵砵車仔麵 元朗鳳琴街15號鴻運中心地下59號地舖…查看更多

天寒地凍，任誰人都想吃熱湯類東西，我們全家也不例外，今晚齊齊吃車仔麵，碗仔翅及湯餃子暖暖身子。砵砵車仔麵的花膠碗仔翅應該是最受歡迎食物之一? 因為不論外賣還是堂食，點擊率已超過十多碗，媽媽有見及此也試試看。如果經常吃花膠也知道花膠其實是魚肚，所以花膠碗仔翅即是魚肚碗仔翅。雪白的魚肚蠻大片的，處理得很好，沒有魚腥味，雖然不及花膠膠質豐富，卻勝在口感滑溜，配搭鮮雞湯熬煮的碗仔翅湯頭，滋潤非常，平民冬季好補品。我家很喜歡在冬天吃湯餃子，我們看了有好幾種口味餃子，想品嚐多些，便問店員可否雙併，她說沒問題，我們挑了原創白菜餃與芹菜木耳餃。咬開白菜餃裡面餡料挺多的，看到白菜的主體，也看見豬肉碎，白菜口味十分鮮味，豬肉調味剛好，內裡充滿肉汁。飽滿的芹菜木耳餃芹菜味道比較重，木耳脆脆的，清新感不絕。這餃子同樣湯汁盈盈，當我們輕咬一口，鮮甜的湯汁都在嘴裡大爆發。炸得外皮香脆的柚子雞翼甚得我們歡心，雞翼灑上酸甜的柚子蜜，就成了一道百吃不膩的柚子雞翼。雞肉滑溜無比，噴香誘人，欲罷不能的吃著。凍柚子蜜金黃色澤，芳香氣味，讓乾癢的喉嚨立即潤澤起來，亦嚐得到柚子扎實果肉，舌上綻放又香又甜的滋味。凍洛神花蜜讓緊繃的情緒獲得舒緩，甜美可口，同時輕盈的洛神花香，在啜飲時讓人心曠神怡，我咕嚕咕嚕就喝光一整杯了。男生的食量果然不可忽視，例如我弟弟，他一口氣點了六款配料，其實在他角度不多，他曾經試過吃十個配料。麻辣肚絲軟嫩略有咬勁，入口後辛辣感襲捲而來，其麻辣感讓弟弟忍不住一口接一口的吃。滷水大腸不錯的說，處理得很乾淨，沒有腥味，滷水滷得透澈，入味鹹香。五香牛肉口感紮實，軟腍可口，牛肉吸附五香滋味，風味提升，筋位部份還有膠質呢。不過鮑汁鳳爪雖然燜煮得軟綿，可是鮑汁味不太重，這方面微微失色。飽滿的台灣貢丸非常彈牙，豬肉和香菇用料實在，口口都是美味。香茅豬扒酥脆不油膩，肉質還不錯，但香茅味較淡薄，多點香茅調味會更好。…查看更多

剛剛在鳳琴街體育館打完波，同波友系附近找嘢食。見到呢間叫砵砵車仔麵，夠我地擺放隨身物品，就試下啦。我哋二人食人餐剛剛好，叫多個油菜。花膠碗仔翅，翅應該是素翅，花膠又成個碗長，果然足料。可能因為少咗冬菇，所以碗仔翅色澤,口感同味道都差咗少少。加上浙醋同胡椒粉係必加嘅,不過食完無好重味精嘅感覺。四餸車仔麵,14蚊餸,點了話梅豬手,十蚊餸,點了南乳腩肉,八蚊餸,點了鮑汁蘿蔔,原創白榨餃, 點了油麵和雲南酸辣醬,再加了一碟15蚊油菜。第一個吃的餸是南乳腩肉,呢個又驚喜,南乳好入味，五花腩好冧,唔會好多肥膏。話梅豬手，話梅味入曬豬皮,炆到好正好甜, 連佢啲骨髓都要食埋,食完啲膠原蛋白都補返曬,要再打多幾個鐘波先得啦。鮑汁蘿蔔有啲渣,可以試其他,原創白榨餃,餡料有椰菜同埋榨菜夾埋一齊幾好食。配上雲南酸辣醬幾好,因為雲南酸辣醬,有酸又有辣再加埋其他餸菜嘅汁,油麵吸收曬佢地精華,十分配合。阿里山茄子,用鎮江黑醋做醬汁,第一次食茄子係用醋醃製,冷盤幾有新意。想香一點,可以加埋麻油。香茅豬扒。豬扒大大塊切咗起碼六小塊,兩個人分啱啱好。豬扒厚度有半寸,肉質一般,香茅味都有,但係要襯熱食。清潤特飲兩杯,菊花蜜同金桔蜜,冬天時潤喉一番,完美作結。滿分為10分(1分最低，10分最高)食物：8.5環境：8衛生：8服務：8價錢：8.5舒適度：8總分：8…查看更多

行完山好肚餓 ，落山之後最近嘅地方就係元朗，又想快啲有得食，嚟到砵砵車仔麵，貪佢一定夠快， 好想快啲食嘢補充體力。見到門面寫著「懷舊創新，製作認真」，所以吸引咗我哋入去，入面地方寬敞，都幾光鮮潔淨。佢有二人套餐$118， 包括有足料花膠碗仔翅一碗，香茅豬扒一份，阿里山茄子一份，兩杯清潤特飲，同埋精選四餸車仔麵，我哋兩個人，直接就點呢個，餸菜揀咗話梅豬手、南乳腩肉、鮑汁蘿蔔、原創白榨餃，雲南酸辣汁湯底，配油麵。另加郊外油菜$15碟，哈哈，真係好肚餓。足料花膠碗仔翅單點要$30/碗，跟餐有一碗都算抵食，大大個湯碗，成條花膠煮畀你睇，配料的雞絲好新鮮，冇渣，木耳絲好爽口，仲有粉絲， 用料十足，碗仔翅的湯底很鮮甜，唔會煮到好稀，加埋麻油、醋、胡椒粉一齊食，好有滿足感！如果可以落多d粉絲令口感再豐富d仲好!郊外油菜$15，灼得好翠綠，啲菜心好新鮮，見到菜心莖唔老， 淋上蠔油增添鮮味，啲菜更覺鮮甜， 似在茶餐廳食呢！香茅豬扒都幾大塊，一上桌聞到好香，表面煎得夠乾身，裏面食落仲有肉汁，好爽口，喜歡香茅香味，又唔會太鹹，跟餐都有咁大塊，要趁熱食先好，因為消耗完體力，啖啖肉食落真係好過癮！阿里山茄子都係跟餐的菜式，好香鎮江醋味，茄子外面煎過，一口一粒，堆成一個小山丘，賣相靚，裏面仲有好多水分，好喜歡茄子外脆內軟的質感，俾埋蔴油你自己落，增加麻油香，我覺得落唔落都可以，食佢原本嘅味道，鎮江醋加醬油已經好夠。其實支蔴油係用來加在花膠碗仔翅的，哈哈！主角出場，精選車仔麵，四餸，大大碗，兩人share 食，男仔的話可能唔夠，但女仔就一定夠食，因為仲有剛才的餸。南乳腩肉，炆得好林好入味，啲豬肉唔會硬，咬開肉質很鬆化，南乳味香濃，連車仔麵的湯汁都食到南乳味！好多人怕食腩肉，但其實腩肉食落口感不肥膩，反而是滑滑的，遇上鬆化的豬肉，吃著覺得很幸福，必試！鮑汁蘿蔔，已經炆到好林，喜歡蘿蔔夠新鮮，食到蘿蔔香， 一咬滿口蘿蔔汁和鮑汁香味，喜歡吃蘿蔔，就是要夠淋，夠多汁，呢度都做到， 果然係用心製作。原創白榨餃，呢個要特別介紹下，因為有多重口感，水餃皮滑，肥豬肉香，白炸菜爽，再加埋椰菜絲，爽上加爽，椰菜絲也可增加甜味，不需要點任何醬料，齋食呢個白炸餃都好好味，係砵砵車仔麵嘅原創產品，所以印象深刻。話梅豬手又係用心之作，因為炆嘢好考功夫同時間掌握，話梅豬手炆得林唔使講，用話梅浸豬手都要一段時間，先可以入味，食一啖已經食到酸酸甜甜的話梅汁，豬手皮都好滑，連啲筋都炆到林曬，真係補充骨膠原，食到 lam lam脷！ 車仔麵唔少得就係麵，朋友喜歡吃油麵，我就一般，好怕麵鹼水味，但試完呢度的油麵，大讚！我們點了的雲南酸辣汁湯底，以酸酸甜甜、微辣的味道，蓋過了麵條的鹼水味，麵質仍然很彈牙，有韌性，第一次覺得油麵好味！其實大家有冇留意，呢度廚師炆嘢食的功夫很出色！ 除了餸的味道，重點在湯底，所有炆過的嘢有濃濃的湯汁，灑在車仔麵上，集各樣味道之大成，成碗車仔麵，就是贏在湯底！果然有認真製作，在懷舊的車仔麵菜式之中創新意！埋單$133,食個二人餐都好夠飽了，晚餐都唔洗食，喜歡呢度車仔麵的餸炆得出色，下次做完運動都要再來食話梅豬手，補充骨膠原！…查看更多

自從我哥搬左去鳳琴街之後，我間中都往他家跑久不久就逛他家附近有什麼好食的車仔麵，可算是香港人的心頭好.....經過這間小店，就想來一碗久違的懷舊車仔麵裝潢簡潔卻帶一點點老式風味，望著那個掛在牆上的餐牌，也不自然的會心微笑餐牌一睇就知自己愛什麼就食什麼食貨的就打著如意算盤的想吃多幾款不妨吧~~~剔下剔就劃上五款材料心想應該份量不多，應該吃得到的心態等著有特色的飲品，但見涼意甚重，還是喝熱的比較舒服洛神花的味道香濃，我大愛那種的甜甜的味道.....一絲絲暖意也傳入心中不久，就送上一碗份量十足的車仔麵.....真的不能少看，因為佢單單是河粉的份量就是我平時在外食的兩倍之多好吧~~~本著食材料的心態，河粉就擺埋最底最深處先碗面就是鋪得滿滿的，一絲空隙也沒有麻辣肚絲夠辣又不油膩，重點是啖啖都是肉的爽脆感味道從口腔散發，吃著吃著由原來能接受的辣變成要喝著飲料才能解下的辣南乳腩肉是必點的鎮店之寶吧~~~先看到粉嫩紅色的南乳醬深深包滿整個肉層就知味道不賴吧!!!然後，再見到佢一層豬皮、一層脂肪、一層半肥瘦、一層肉的先不要想著它多邪惡、多肥.....因為一口吃下去就像溶化一樣，只剩下那最底一層肉要慢慢咀嚼真的太可惡了....成為左我既CHECKLIST之一，下次黎食一定要點返豬腸清潔得乾乾淨淨，裡面的肥膏帶一點點，吃著就是爽口豬血清甜不帶過份的血腥，像食豆腐一樣，滷水味還是吃出來滿滿的又長又多的咖哩魷魚.....想著今次還真的貪心得吃了不同味道的，變左成碗樣樣味道都有而已份量多得很，學我爸說的吃餸都吃飽…查看更多

<好好味既元朗砵砵車仔麵>😄元朗甘多好野食 d 食店冇 番甘上下 真係做唔掂 尤其係粉麵車仔麵 🍲 呢間喺鳳琴街體育館 後面既 砵砵車仔麵 除左有大碗又好味既車仔麵外 仲有特色小食好似碗仔翅 🍲茄子🍆等等 好味<二人車仔麵套餐 118 蚊 >1.足料花膠碗仔翅一碗 🍲超大碗碗仔翅 口感好綿 入面既木耳 菇絲落足料 帶有d煙靭豬肉🐷 粉絲夠爽滑 上面大大件足料花脹 夠哂軟林 好食😍2. 阿里山茄子一份 🍆茄子切成一片片排得好靚 上面配以酸甜醬汁😍 凍食， 加上茄子juicy新鮮 夠哂清甜開胃😄🍆3.香茅豬扒一份 🐷煎得好薄脆既豬扒 外面香脆 入面鎖住肉汁 豬肉味香濃同夠哂juicy 😄 好味 4.精選四餸麵一碗 <好味車仔麵> 48 蚊河粉 8 蚊 麻辣肚絲 14 蚊滷水大腸 10 蚊原創白榨餃 8 蚊芹菜木耳餃 8 蚊雲南酸辣汁河粉比較粗身 夠哂爽滑入味 湯底酸酸辣辣 質感好厚 鍾意食酸辣汁必試🌶 麻辣豬肚切成絲 爽口彈牙🐷 芹菜木耳餃🌿 好新鮮爽口 餃皮夠薄 而haha榨餃 入面充滿椰菜夠哂清新😍 而滷水大腸極邪惡勁入味彈牙入面帶有肥膏 推介🤣5.加清潤特飲兩杯 ☕熱菊花蜜🐝 菊花味香濃🌻 夠哂香甜 凍洛神花蜜🐝 洛神花味酸甜 加上甜花蜜 味道唔錯 😄😈勁邪惡麻甩車仔麵😈<巴打車仔麵> 68 蚊包6 樣餸加個麵底 🍜辣汁豬肺🐷 話梅豬手 豉油皇粉腸 鮑汁蘿蔔🥕 南乳腩肉 🐷秘制冬菇 粗麵🍜 用左豬骨湯底帶有d辣同蘿蔔香 好味 粗麵好夠爽滑 😍 每一樣車仔麵餸家好味 冬菇肥厚juicy ,腩肉 南乳汁好酸甜 入味😍 蘿蔔 鮑汁味香甜入味🥕 辣汁豬肺大大件夠厚肉 🐷 食得出好新鮮 . 豉油皇粉腸大大件 外面脆入面充滿肥膏同豉油王香味 😍 話梅豬手更正 有原粒話梅調味 酸甜開胃 加上豬手彈牙充滿骨膠原 成碗麵無得輸！😄😍<好味車仔麵> 56 蚊😍幼麵 8 蚊 五香牛腩🐮 10 蚊 咖喱魷魚 10 蚊 🦑鮑汁鳳爪 10 蚊🐤 五香牛筋 10 蚊 豬紅 8 蚊 要辣汁湯底既辣味香濃 🌶辣得黎唔嗆喉 帶有少少豬骨湯味😄 豬紅好彈牙 鮑汁鳳爪 大大隻 雞腳皮爽滑 🐥 牛筋雖然啖色但十分入味🐮 咖喱魷魚🦑 係勁大條彈牙新鮮 大大碗好抵食！😄Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~Address地址#砵砵車仔麵元朗鳳琴街15 號鴻運中心地下59 號鋪…查看更多

有個外國同事來香港工幹， 佢想知道香港有乜特色食物， 我就諗起車仔麵。 「車仔麵」係香港好地道嘅麵食，就等如日本嘅拉麵一樣。小時候， 車仔麵係用手推車流動經營嘅， 佢嘅特色係自由配搭， 可以選擇麵、湯汁和配料。今日心血來潮想起「車仔麵」， 就去食吧！枱上已經放上order紙：第一碗車仔麵， 選了話梅豬手、 咖哩魷魚、原創白榨餃、五香牛筋和鮑汁蘿蔔， 而湯底就係清湯。 酸酸甜甜嘅話梅豬手， 好味。 食落唔覺肥膩， 含有豐富嘅膠質，唔知係咪可以養顏呢！用多種香料泡製而成嘅五香牛筋， 大大條，又軟但唔爛， 口感十足， 味道當然美味啦。 鲍汁蘿蔔味道甘香清甜，入口爽脆 ，最重要係無渣，有揀過，哈哈。《柚子蜂蜜 $12》，不含香精、人造糖及色素，味道香甜， 真係飲得安心又放心。 第二碗車仔麵，有腩肉、韭菜餃、蘿白、豆卜和大腸， 而湯底就係雲南酸辣汁， 湯底十分特別， 食落特別開胃， 真係唔錯。 腩肉用咗南乳炆， 炆得入味，半肥瘦啱啱好。 鹵水大腸製作復雜，好花心機， 但風味獨特， 用多種香料炮製而成嘅鹵水汁， 大腸鹵得惹味，囗感爽囗彈牙。 韭菜餃用料新鮮，皮薄餡靚， 鮮味十足。份量都算足料大份， 雖然韭菜餃同白榨餃得兩件，但做晚餐都夠飽啊 ！ 最近有點熱氣，所以叫咗杯《熱菊花茶 $10》淸吓熱氣先， 菊花茶有濃郁嘅菊花香味，而且味道清甜，飲完之後感覺好舒服。 …查看更多

其實依間大胃D之前已經食過一次 佢個南乳腩肉同豬腸真係幾好食😚今晚同朋友收工再過黎食見到有花膠碗仔翅 上次黎食都無 今次試埋先花膠碗仔翅 一大條過 如果剪開幾塊會更好食落似魚肚 但處理得幾好 咬落幾腍無腥味而且份量都好多 肉絲唔鞋👍🏻飲落幾甜 建議唔落胡椒粉 醋 食佢原味仲好 麻油落幾滴就更香.我地叫左勁多share黎食 必食既有：豬肺 厚切 好腍、蘿蔔 好甜無渣、牛腩 炆到剛好 唔鞋 南乳五花腩 鐘意食肥嘢一定鐘意食依個豬腸 用左小腸 又係我鐘意既😊乾淨無異味👍🏻話梅豬手 勁好食 一口溶左 但甜左少少 應該用左甜話梅😆.仲有兩款餃 不過麻麻 個人偏向木耳餃多d 榨菜餃偏咸 同埋鞋口 而且size較細粒 牛根炆得夠腍 但唔夠入味 小食叫左香茅豬扒 薄得黎幾鬆化 但香茅味重d會好食d 阿里山茄子 個汁酸酸甜甜咁 食落幾開胃既😊.我叫左辣汁 覺得幾辣 下次試沙嗲汁先 朋友叫腩汁 都正常既 不過濃郁d更好✌🏻=========================三個90後吃貨會不斷開心share美食💓💡Facebook:三個90後吃貨 3bad_foodies🚩Instagram: 3bad_foodies📍OpenRice: 3bad_foodies📬Ublog:三個90後吃貨 3bad_foodies 歡迎在不同的平台 繼續留意我們的推介🙆🏼🙇🏼‍♀️大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies#三個90後吃貨_元朗美食推介========================砵砵車仔麵 (元朗)元朗鳳琴街15號鴻運中心地下59號地舖…查看更多

不煮飯的晚上來到家附近的砵砵車仔麵食碗麵，好耐無食車仔麵，又見元朗食谷讚過呢間砵砵，就試試吧。車仔麵最少揀三款餸，價錢$8，$10，$14一款，明碼實價，而且選擇甚多，大大話話有三十款，湯底都有六款。第一次黎食好多野都想試，唔覺唔覺揀左五個餸，同行的母親大人則揀了四款，哈哈，好豐富了凍奶茶（+$6）＆熱檸茶（+$4）跟麵加飲品有優惠，自己要了熱檸茶，個杯好大呀茶濃檸香好飲，但杯口太大凍得好快，下次都係食到咁上下先叫熱飲。母親大人要了凍奶茶，茶奶比例恰當，十分香滑，佢話係暫時喺元朗飲過最好飲的，哈哈，好誇張，不過試左幾啖又真係幾好飲。油菜（$15）有生菜同菜心揀，要了菜心，幾嫩幾甜，少少蠔油調味剛好。粉腸+大腸+鳳爪+豬紅+河粉+雲南酸辣汁（$50）母親的四餸河，賣相雖然麻麻，但個湯汁幾正喎，酸酸辣辣但又唔係重慶酸辣粉味，奇怪但好味，好茅盾添齋+大腸+豬紅+魚蛋+白榨餃+米粉+咖哩汁（$52）我呢碗紅紅黃黃咁係咪靚啲呢紅色係甜酸正齋，見係推介就試下佢，車仔麵有齋點？哈哈，又幾好味，本身酸酸地，再吸了咖哩湯汁辣辣地，正。豬紅軟滑唔散，大腸入味有咬口，魚蛋要了咖哩魚蛋來的，微辣彈牙，白榨餃個皮煙韌，都幾好。米粉略散，碎碎的，可能賣到尾？要用匙羹食，好難夾。咖哩汁香口，唔太辣，我就剛剛好嘞，想食超辣咖哩會失望。PS 碗粉好大碗，好多粉所以吸湯好快，食到一半已經無哂湯了。PPS 是晚都幾多人食，食材去得快啲野食好熱喎，食物味道亦很濃，無其他食評講咁差吖。…查看更多

因為某人的關係，被連累呢期要常常入元朗，上次去過這間車仔麵，感覺不錯，今回特意encore ，發現多了許多新送有辣汁豬肺同南乳腩肉，而且只係賣$14我不嬲鍾意食豬肺，但次次想食都要去太興飲佢嘅杏汁豬肺湯，但其實我向來麻麻地杏汁，而且$48一碗得嗰幾嚿，都幾貴，而呢度都係每碟得幾嚿，但$14咋喎，重點係炆得非常淋同入味，但又唔會淋到無晒咬口，總括來說，真係又抵又好味另外個南乳腩肉，真係做到入口即溶，惹味得來唔會太過咸，令人食得好罪疚雖然多咗好多新送，但我依然encore 豬腸，事關呢度用嘅係碎腸，好入味，而且無上次咁淋，好有咬感如果呢檔嘢開喺我樓下就好了…查看更多

第一次去呢間車仔麵 味道屬中下 叫左六個餸一共$60 而平餸如丸類嗰D 一律同貴餸如牛腩同價 每加一餸加$8 而廚房員工可能忙 又更可能係大頭蝦 響唔多客既情況下經常漏單 我及另外一枱客都各自漏上一款餸 要客人已食曬碗麵至上到份豬扒 要改善下跟足D客人既order另外 車仔餸不太入味 如雞翼 魚旦 味很淡浸左湯後更淡 而炸豬扒及店家主打韭菜餃則幾好 豬扒鮮炸鬆趣 韭菜餃足料 但非常失望就係油麵過曬火位 已經成淋到極點 比我感覺係師父好失暈 又漏單又唔睇火留意麵質 需要改善下另外 辣汁偏辣而唔夠香味同惹味 本人覺得車仔麵既辣汁係靈魂所在 所以店方既辣汁未能打動我 所以可能要再過一段時間先再來試過…查看更多

食神話過 煮食之道一字記之曰：心 一碗簡簡單單既車仔麵麵唔係咁易煮介紹返d餸先：蘿蔔煮得夠淋又夠入味雞翼個鹵水汁夠香夠濃大腸爽口又有油香湯底又無味精簡單黎講 就好似楊師父講既 好好味啊！！！！！…查看更多

《不負責任食評—砵砵車仔麵》係食在元朗個gp見啲人講佢新鮮包韭菜餃 評語又唔錯一於去試下 然後我食到人生中最難食既車仔麵👹————————<三餸車仔麵> $36叫左豬腸 甜酸齋 鳳爪全部都係推介既先唔講味道 佢啲餸係凍既我未食過車仔麵啲餸係凍既你凍已經夠離譜 啲湯又少到想浸熱佢都唔得啲米粉淋過毛巾 好似浸左十年咁 好難食味道方面 豬腸係臭既鳳爪係淋 但有種酸味 好似壞左咁然後甜酸齋係齋個種麵根既味味係正常 但我唔明自己點解會叫因為係完全唔夾車仔麵另外我以為啲咖哩係比較深色好似咖哩魚蛋個款咁呢隻咖哩係完完全全唔岩擺落車仔麵囉！其他我已經比唔到comment因為我已經無再食落去講真 又凍又難食又貴佢呢個價錢真係求其去食碗米線我都唔咁嬲真係睇番相都諗起個種酸縮味...我半分都唔會比👺…查看更多