石記餐廳 (已結業)

昨晚諗住出去食好d,揀咗間石記,入去坐低睇Menu...叫咗個"雜菜海鮮煲"和一個"蝦煲仔飯"...第一樣黎既係"雜菜海鮮煲",我地一望個煲,O 哂嘴>.<... d海鮮呢? 去哂邊?點解得d菜,冇咩海鮮?仲要d菜係菜頭菜尾,細細棵的,好似洗完洗淨d菜仔咁!!之後黎個"蝦煲仔飯"一打開個蓋,又O 哂嘴...我同男友對望,心諗,唔係嘛~~得三隻蝦?個煲仔飯成$68播,點解會得三隻蝦咁少?我唔信呢三隻蝦咁貴,其他煲仔都要$40幾啦~~而家得三隻蝦咁算點先!!!呢間野上年幫襯過都唔係咁的,而家差到不得了!!廚房整D野唔掂,D野食份量極少,服務又求其,差到我同男友以後都唔會再去!!"雜菜海鮮煲"$42+凍飲$2再+蝦煲仔飯$68我去銅鑼灣百幾蚊都食到飽飽啦!!食物貴過人!!仲食唔飽!!可惡!!

我上次都特登走去試個海南雞飯,但係發覺:1.全部都係雞胸肉,仲鞋烚烚冇乜雞味,要雞脾就要加錢. 2.雞皮下面的肥膏好厚又肥. 3.果度的衛生唔得,我見到都有"小強"行來行去!所以結果就係冇下次!

尋晚放工同兩個朋友行經附近，好肚餓就入左去食野，諗住來係咁易食碗麵，但點知一坐低朋友們想食小菜，就唯有跟大隊。叫左涼瓜煎蛋角、節瓜炆排骨同蔥爆牛肉，另外再叫了油菜及白灼鯪魚球。例湯淡淡的，明顯是溝左唔少水，不過附送的期望都不大；幾味小菜都不太及格，涼瓜蛋角的涼瓜相當硬身，跟軟熟的蛋角南轅北轍，如果可以先飛水再煎蛋角會好好多，唔知係廚房偷懶定係特登整成咁，個人而言不太喜歡；我已經食得鹹，但都覺得個節瓜炆排骨好鹹，節瓜唔腍，呢個就應該係炆煮的時間唔夠，不過已經係煮得最耐的一味菜；蔥爆牛肉味道不俗，但蔥少牛肉多，多點蔥段更佳，而碟菜又「浸」在小半碟油中，未食到一半已經塊塊牛肉都油淋淋；菜的質數極差，完全唔掂；白灼鯪魚球竟然跟醬油，叫佢再拿蜆芥來，見廚房搞了一輛至拿來一碗，這個蜆芥是少見的難吃，酒味非常重又鹹，嚐了一口都無再吃，終於知道佢不給蜆芥的原因。如果食鯪魚球主要是吃蜆芥的﹝至少我係﹞，呢度的可以不吃。埋單都要一百七十幾，唔係平又不夠水準，以後來呢度還是吃牛筋撈好了。

前幾日行過見到有卡位坐又有d肚餓入去食個常叫左個叫生才唦爹肥牛公.嘩!肥牛有3片/.\生才失左既?原來下面= =真係塊樹葉都大塊個佢.仲要係黑黑地浸到晒.再食下do......冇牙都食到.煮到過晒火(勁)飲下d湯咸左d.加埋杯凍檸樂48蚊埋單.可能佢地想人食完快d走先至整到咁難食

今日禮拜二唔洗番工放大假但係就因為有d o野要番公司搞..見又係食晏時候..所以特登入去食個午餐..奶茶又唔滑ge..d食物都上快的關係而一點都唔夠熱..但係有d o野想講lor..係咪d o野上得快就要客人食得要快走得要快呢?!..原先個位已經迫爆..d亞姐仲要叫d客坐埋o黎..仲有個老闆娘把聲仲大過喇叭..間o野都唔叫大ga喇..係甘叫人"埋o黎坐"...o係呢個壓迫ge情況之下..我都係決定埋單走人ba..根本就食唔得"安樂"!..

本人昨天與友人到這間茶餐廳, 向一位女侍應(紮馬尾幾肥的女士)落了order, 一心等待美食的來臨, 怎料20分鐘後,此女侍應先過來問我: 你order了什麼東西??? 說了一大遍又不明白的說話後, 她才說漏了落單, 她連一句基本的"不好意思或道歉" 都沒有, 只說再落過單吧!! 過了10分鐘後, 她經過我身邊, 語氣極不忿地對我說: 其他檯都是要等, 但她不明白本身態度不好, 漏了落單還要"聲大夾惡", 這種算是"今時今日的服務態度"嗎? 另外, 我亦看見他們內部處理極為混亂, 一位廚部紋身的靚仔還向一位女員工大罵, 令我覺得這間茶餐廳印象真係好差, 實在大打折扣!! 紅豆冰的冰亦很快溶化, 西多士亦不見得好吃, 請大家下次再光臨這間時, 多多見識一下!

各位食家,如果因為D 野食好味.就算受D 亞姐氣同老闆娘氣都冇所謂,如今,居然比D 垃圾人食,當我地唔係人咁,揾笨之餘當我們似隻流浪狗,食物求其撈埋一堆比你食,D 飯一(pet) 汁,價錢愈來愈貴, ,食物差~~~勁差,色香味都無齊,老闆娘重惡過你亞媽.我食王食左咁多間菜館,最垃圾係呢一間

今天心情原不錯，跟男朋友和男朋友的朋友來這裏吃下午茶。我們叫了三個餐，分別是肉丁、沙o爹牛、和雞絲。老實說，三個麵都是不好食的，好林, 無味, 奶茶不夠熱。不過...男朋友的朋友吃不下她那個麵後，於是我向侍應表示想打包那個麵。我叫了第一次後等了很久都沒有人理，第二次我有禮地向老闆娘問：唔該可唔可以俾個膠袋我打包個麵呀?那老闆娘竟然咀串串的回應：o拿，慢慢打包啦你。我聽了很愕然o里，原來他嫌我們吃得慢...真搞錯啊，我以後也不會再來這店，因為，既然食物難食，為何仍要我俾錢受氣。

Shopping完, 想飲好味奶茶, 就行去試下. 一入內, 嘩! 果然是地盤倉! 不過為了想飲啖奶茶, 忍一忍啦. 此店客人以地盤工人居多, 靚仔靚女少, 爛口爛"炊"更多.老闆粗魯,老闆娘惡,絕配! Order豬頸肉腸仔米粉, 等了十五分鐘! 一來到, 見煎得幾香, 期望提升, 點知一食, 有一舊"叔"左, 馬上吐出來, 冇心機食落去...連帶杯奶茶, 因為環境太污糟, 都唔敢飲了...

昨晚去炮台山。去這間餐廳食飯。那時, 客人很多, 看過之前的評語說老闆娘服務態度差, 我又不覺喎。她都耐心介紹晚餐給我們。當然自己都費事阻人, 隨便試試晚餐水準如何。店員及似老闆娘的都忙於落單。叫了普通套餐-滑蛋蝦仁跟蔥爆豬肉。味道OK 好味。有機會, 會再試。

之前一次食佢地的晚餐，都算過得去，但最近一次食午餐，真係好差，D食物完全唔掂，上菜又慢，又唔好食，重係用微波爐叮，離晒譜，好差好差。

昨日中午第一次幫襯，D 野食真係麻麻，個麵好重鹼水味，個褔建炒飯又幾鹹，真係唔多掂，最難頂係勁多人講粗口，服務態度極差,伙計叫左6 次先應下! 價錢都唔"平" ,以後都咪搞我喇！

某日跟幾位朋友到此相聚,當時叫了柱侯牛腩飯,以為可以享受一碗我喜愛的食物,誰不知卻令我們大失所望,簡直是強差人意!牛腩色澤淺淡,像清湯腩似的毫無牛腩味,真失望.我們於是要求餐廳加少許牛腩汁,但服務員態度極差,我們叫了很久他才施施然走過來,而且告訴我們沒牛腩汁!這合理嗎?炆牛腩沒汁還怎炆出來?我們向他詢問,他竟說要另加錢才給我們汁!我們不是吃其他食物要求加牛腩汁,我們是在吃牛腩河呢!加少許汁竟要加錢?!此外,此餐廳的洗手間更可怕!太髒了,地面滑,而且滿是污積!最後那朋友沒去餐廳的洗手間,而是匆匆吃完牛腩河,到對面的維園公廁找洗手間.

同男朋友0係天后行街行到差不多到晚上10點鐘, 路經就唸住搵d從未食過既茶餐廳試下, 結果入左一間叫做"石記茶餐廳". 一入門口既感覺怪怪, 一間比較陰暗既茶餐廳冇裝修, 但每台都窄狹, 唸住只係普普通通食餐飯既我就唔理咁多, 開始睇menu...點知...個老闆娘行埋唻介紹佢個二人餐老闆娘: 呢個餐好好賣架, 叫呢個啦, 有炸蟹鉗, 燒烤拼盆, 炒菜, 蝦伊麵同兩杯飲品$128, 我: 我唔想食燒烤野喎, 睇下先啦.老闆娘: 如果你唔想食烤野咁比你轉個小菜啦, 不過個拼盆值五十幾蚊架, 小菜40蚊架咋...我地都未confirm叫果個二人餐佢就自己0係度寫單, 仲問我揀咩菜, 要西蘭花定通菜, 我再話未決定食咩喎, 你一陣先落單啦, 佢就話咁即係要炒飯定伊麵呀? 我見佢非要我食呢個餐不可, 咁我就睇下有咩小菜可以叫啦, 之後見到個煲仔菜既牌我就問佢我: 可唔可以轉呢d$42既煲仔呀? 老闆娘: 得, 不過要加8蚊有冇攪錯呀小菜同煲仔相差果2蚊, 但係竟然要我加8蚊, 我梗係唔制啦, 我都仲未能專心睇餐牌, 佢已經自己入左個二人餐既單就行左去, 過左1分鐘左右再行過唻問我揀左個小菜未?

d野食真係好唔掂。兩次都係星期六食午餐。第一次係食雞翼通心粉,通心粉吾多熟,有d硬,雞翼重衰,炸到熟過頭,無晒雞肉味。第二次食蕃茄墨魚丸米粉,d米粉變晒禾蟲甘斷到一節節?!佢地係唔係將尋夜煮剩果d米粉攞比我交貨就算??!!米粉入面d菜都唔知係浸過梳打水定消毒藥水,重之一陣味,食到後尾都食唔到入口。到最後飲果杯免費茶水,竟然見個杯底有飯粒(我係食米線架…呢d飯粒一定吾關我事……)佢地d茶水吾係"循環再用"呀嘛……當初見門口個老闆好落力甘招呼先行入去……總之呢間茶餐廳永遠都無下次啦……