石籬粉仔

營業中

休息中

其實淨係食粉仔，係細個果陣食既粉仔既味道，食回憶。唔好預期勁好味，淨粉仔個味都夠濃夠"杰"，粉仔本身有豬油泎，可以唔駛另外買。大size 係可以兩個人食都得。細既女仔食都勁飽。我地太貪心，叫多左。 兩溝會溝稀左碗野，左右不是人。完全唔好食。唔建議兩溝。魚肉湯同咖哩魚蛋都太淋。。。我麻麻，唔係好識食魚蛋。。。總之唔岩我口味豬油泎淋左，麻麻。總結，可以一試淨粉仔。裝修幾特別。

望住間鋪開張，終於有時間去試下啦講真，佢隔離有間"緣途有你"都有賣粉仔，我都食過好多年哩間石蘺粉仔真係抵佢唔休做，係有d特別我今日食左個粉仔翅，同飲左杯椰汁佢堂食油渣唔洗加錢，所以我都叫佢加左小小個翅就無咩特別，但個粉仔軟硬適中，唔會太軟而且係分開加上去，個味幾好菜圃可以任落，我最鐘意，而且個菜圃又真係整得幾好食d粉仔令個平凡翅變得更突出，配搭得好完美個椰汁新鮮炸既，雖然太凍，但係幾香不過我覺得哩個價錢飲一杯椰汁唔太值但佢真係好味，我係會再番去食架!!最重要老闆好好人，會得閒出來同你吹下水老闆娘又好笑容，成個氣氛、環境都好warm佢個動新聞先係重點，懷舊得來又會跟得上潮流，超級與時並進

身為港島人嘅我，一直未有機會試狗仔粉或粉仔呢類懷舊小食，之前睇到網上介紹呢間相隔十幾年再開返嘅石籬粉仔，即刻走去試一試~一入門口，簡約得黎又復古裝修，小店黎講都算幾有格調。叫左招牌嘅石籬粉仔，生菜魚肉湯，一包炸豬油渣，另加一杯聽聞係自家磨嘅椰汁。因為未試過粉仔，所以未能同以前嘅味道比較，個人囗味而言，我覺得如果啲粉仔再煙靭啲會好食啲，而個湯底就幾濃味。另外生菜魚肉湯，魚肉份量當然不及荃灣某間小食店多，但勝在夠彈牙。比較失望係嗰杯椰汁，唔夠凍同椰子味不算太濃，如果要同椰汁大王比，實在有段距離，但以十蚊嘅價錢，又真係情有可原。總括黎講，食物質素未算突出，但一份將懷舊經典東西傳承下去的精神，卻又值得一個笑樣嘅！

我一向都唔係好寫食評嘅，但呢次好想幫呢間舖平反吓！因為好同壞嘅評論實在差太遠喇，我食過之後，應為有惡意中傷嘅成份！我同朋友2人點了招牌粉仔，碗仔翅，生菜魚肉湯，辣魚旦，椰汁同豆漿！首先講招牌粉仔，我細個未食過，但我覺得好好味，湯夠濃，冇之前個評論話D粉太淋，加埋辣菜脯簡直一流。碗仔翅唔係最好，但都唔係之前講嘅生粉水囉！生菜魚肉湯D魚肉夠彈牙，一食就知係新鮮靚魚肉。魚旦$10有10粒，仲有人話貴？街邊買都買唔到啦！仲要係我最鍾意食嘅細細粒彈牙魚旦，正！！椰汁冇得輸，真係人手開椰子，見到伯伯咁辛苦，一定要試，好好味！豆漿都好香豆味，聽講都係老闆娘每日自己磨豆煲㗎！一間咁有heart嘅舖，收廿幾蚊一碗真係唔貴，唔通唔使交租俾人工咩？！我會再嚟支持，請繼續努力！！

其實我細個都好鍾意食粉仔，但今次真係冇野講，湯底夠濃但食唔出風味，豬油渣要加錢，不得了⋯魚蛋貴唔緊要，好食咩都得，得個辣味，唔彈牙，整體唔均勻，食個難食既魚蛋加碗一般味道既粉仔我要比40幾蚊？我去食個越南河飲杯奶茶唔好？你叻，開鋪日日賣晒，大家都係想懷緬下，中晒伏，而家仲話加價，我唯有祝你好運～

絕對是以前街邊風味!但質素材料都是街邊級,豪無進化,但收舖頭價錢,絕對不值。我食過一次,不會有下次!粉仔湯味好但粉太諗!魚肉大部份是粉團,碗仔翅最離譜，生粉水黎既!我見好多人食剩!油渣是傳統石籬邨嗰隻,保持到!相比之下,另外一家九仔粉我較喜歡,最起碼覺得人地有心思用貴料,價錢才set貴!

早陣子，跟朋友聊起新計劃。言談間說到粉仔。「有聽過粉仔的起源嗎？」朋友問。「你是說粉仔和狗仔粉的關係？還是說甚麼？」「不是，不是。」隔著電話都感覺到朋友搖頭：「是關於香港第一檔粉仔。」「你是說屯門那一檔？」記得一直粉仔都好像跟屯門有莫名的關係。「好像是在葵涌石籬起家的。」千萬個問號在心中，不理了，立時死跟朋友要去走訪這有可能是香港第一檔粉仔的兩母子，而這檔粉仔，一別十四年，要重開了！所謂粉仔，原是客家人的家中小吃，過時過節，親朋聚會，便不時動手作粉仔以宴親朋。直至六七十年代一些內地移民於香港以小販形式於街頭販賣，粉仔才由家庭美食化成地道小吃。像石籬粉仔的主理人，多年前便於石籬村的金花戲院附近推車仔賣粉仔，先後兩次入鋪，但最終都逃不過大廈清拆的命運。街坊以為這檔享負盛名的粉仔歇一下便重開，怎料，一別，就十多年。終於在街坊和長子的催化下，石籬粉仔於2015年重開以饕街坊朋友。石籬粉仔於2002年結業之時，我還不過黃毛丫頭一名，大學都未畢業，著實未試過當年的美味。而對早陣子掀起一陣風潮的十八座狗仔粉，看賣相又覺不合自己胃口。為了一證這碗時代的美味，重開第一天，一大早便殺到店面。舊日風味也不一

小時候去石籬探親戚,,偶爾會去吃粉仔近日得悉店舖重開,,遂前往一試~~懷念一下昔日的味道!!今次帶老公一試!!點了招牌粉仔一大一細,,細碗仔翅,,一半辣一半不辣的魚蛋,,椰汁及豆漿~~粉仔湯底濃郁,,而且沒半點味精味!!喝到底也不會覺鹹&口渴!!有冬菇又有油渣,,好足料!!好喜歡吃油渣!!想吃脆的則要另外加錢~~~還有菜莆任加!!嗜辣的朋友必定要試辣菜莆!!魚蛋彈牙,,吃辣魚蛋也辣得很過癮~~見到鄰桌的小孩吃了一粒便要立刻order飲品~~別以為跟別的食店的咖喱魚蛋一樣呢~~不可看輕這家店的辣度!!落單時要跟店員說,,才可一半辣一半不辣的呢~~可是碗仔翅略為遜色,,味道較淡~~有待改進!!幸而用料還是很豐富!而且一貫沒味精的~~!!椰汁是用椰子鮮製~~冰冰的,,有點碎椰絲!!正!!豆漿則很香黃豆味~~不會很甜!!喝得出是用新鮮黃豆造~~!!椰汁跟豆漿都很快賣完~~我們到達的時候都快要售罄呢!!幸好能喝到!!另外,,要讚一讚這家店的衛生狀況~~當日坐在廚房隔壁,,見到店員把剛洗好的湯匙再檢查一下大概是將仍較髒的掉進用過的餐具的桶內呢~~整體來說,,食物味道都很好!!會再去光顧的!!