石牆道韓國餐廳

營業中

休息中

四大差評原因1. 被命令式點餐2. 用餐次序不理客人意願3.被多次要求加購食物4. 被催促結帳詳解1. 原來四位客人不可能選二人套餐再加購其他食物@@ 咩道理！！ 被要求必須揀四人套餐 或 全部散叫 ！！ 小心呀~ 仲要話四位必須要叫四款食物 ， 但每款食物係二人份呀，好搞笑好反智呀！2. 燒烤嘅生肉一到台，專人即刻倒晒落個爐，不用理會客人意願，想食牛先定豬先，一下子落去燒熟晒俾大家食，仲分配好每人幾多塊係隻私家碟到，食咩食幾多都要被管。原因好簡單，唔想客人磨時間，嘆慢板3. 不下3-4次，要唔要食醬油蟹，要唔要加食物，你哋要加多一款食物，四個人要四款....到最後已經唔想應佢，問佢菜單有冇最低消費又答唔出，同佢叫講食唔晒會浪費佢又無回應。4. 無啦啦拎部卡機黎話，多謝晒~~~~~~ 俾張單你結帳。 但地下全場吉枱。牛無牛味 豬無豬味 泡菜無泡菜味，無人手唔該唔好開門做生意，疑似請了幾位外藉南亞裔員工頂住檔，體驗好差，不推薦，別來。

上星期有朋友约我去試韓國菜：餐廳名：石牆道韓國餐廳地點：尖沙咀金巴利道今次我地試左幾個菜，包括：天婦羅鲜人參---炸得好脆，咬落鲜人參又帶貼甘，加D蜜蜂中和番，確實幾好食。燒肉---有牛肋骨，牛五花，份量足，厚切，味道幾好。醬油蟹----醃得好入味，膏多，橘红色，不過好似徧鹹左少少，可能係我唔鍾意食鹹。南瓜炆牛肋骨-----南瓜.夠稔，入味，牛肋骨炆得啱啱好，落唔會有渣。整體唔錯，可以一试

宜家Viu TV播緊偶像劇“財閥家的小兒子”有我偶像宋仲基，真係靚仔到無朋友所以早兩晚约左幾個friend食飯，然後返去睇劇食咩菜？就梗係韓菜啦有我最鍾意嘅醬油蟹，膏多肉鮮，超跟住仲有燒肉，牛五花；五花腩，燒上黎肉香四溢，入口即溶，停唔到口

上星期打風所以取消左個試菜,所以噚日再補番，我地試左個醬油蟹x3隻，味道唔錯，夠鲜味且膏多燒肉份量足，厚切韓式燒鳗魚，香氣撲鼻，女侍應幫我地剪到一塊塊，方便入口，加醬食，超好味有好多海鲜專人代燒，服務唔錯

小朋友攞左新書，距離9月1號都係2,3星期時間，所以星期日就同左D细佬去左嘆韓燒我地係Openrice search到石牆道韓國餐廳所以我地就去試试全家都係食肉獸，所以燒肉唔少得，有牛肋骨，牛五花，真係全牛宴燒上黎肉香四溢，厚切，好重牛味仲有我最愛既醬油蟹，我一個人就食3,4隻，膏超多，非常鲜甜小朋友都食得好開心，不斷加燒肉，食到停唔到口，仲話開學前再Encore，黎多兩個round，佢地仲想叫埋D同學一齊黎添

我朋友個friend開韓國餐廳，噚日叫我去試下菜俾D意見，咁我當然唔會拒絕啦我試菜餐廳叫:石牆道韓國餐廳古色古香，味道唔錯韓式粉絲，味道唔錯，唔會太鹹，份量夠大，我地四個人啱啱好韓式海鮮煲，D蝦幾大隻，食落D肉唔霉，雪蝦算係咁，份量都好足醬油蟹，味道唔錯，膏又多，隻隻橘红色，睇番餐牌價錢唔貴，可以一試试菜評分

兩口子周圍尖沙咀搵韓燒食，呢間暫時係香港最好！最愛韓燒一定係佢既前菜！好正，好正宗，任添任食，泡菜都有兩款！服務都好到位，幫你燒埋，教你點食，雖然係咁sell我地食海鮮😂😂。我地叫左豬腩肉同埋章魚，兩碟其實好夠食，兩個人食夠晒飽，唔夠飽叫佢俾多啲前菜你😂我哋仲叫咗一杯嘢飲😁成餐飯成間餐廳就嚟我哋包場咁，可能因為我的午餐去，仲要兩點，所以得兩台客，唔使排隊非常好😁👍🏻埋單大約$350一個人，呢個質素同埋呢個服務，我覺得都算係咁

科學園最近攪個Happy Hong Kong,所以我同左D小朋友去玩下，之後朋友约左我去尖沙咀試菜，其實我最想试下佢地個醬油蟹，因為聽講幾出名前菜十幾碟，味道唔錯，到左戲肉醬油蟹，膏多，橘紅色，非常新鮮配埋個紫桑飯係蟹蓋食

今日中午同同事食韓國菜，烤牛肉是必點，但這裏的海鮮也不錯。可惜今次冇人同我一齊食醬油蟹，唯有下次再去。今次叫了燒鰻魚 值得推介😛😛 我鍾意呢間的牛肉，牛肋骨油花滿佈，輕輕一煎，牛香脂香爆發。肉燒好後咩醬都不要沾，先吃一塊，先試最原始的肉味；第二塊就加附上的洋葱包菜吃；第三塊以芝麻葉，夾一粒蒜頭青椒，蘸一點醬再一口大件塞進嘴，味道層次十足另外四人套餐會有炸人蔘，店員說很適合夏天進吃，將新鮮人蔘沾上粉漿，像天婦羅般炸至酥脆，不過食完一條就已經飽了🤣細食的女孩不建議吃

夏天日日成三十幾度，真係熱到跳舞但我又鍾意食韓燒，所以咪揾間韓國餐廳嘆番下韓牛超好味，真係牛味十足，有牛肋骨，五花，牛肩脊牛肋骨幾大條我至愛五花腩，比例1/3;2/3成晚大家食得好開心，嘆左成兩個鍾

入到去直接上二樓我地一行兩人被帶到4張4人枱嘅其中一張由於夫君隻腳比較長 所以查問呀豬媽可唔可以坐向比較鬆動啲嘅一張 點知……呀豬媽頓然呆滯之後話，你地兩個人喎，ok 我話唔緊要，其實呀豬媽好nice 不過由於廣東話一般般再加上呀豬媽式肢體語言 另到有部份人會覺得佢冇禮貌🥹 坐左差唔多一個鐘都見到佢有好多熟客😉至於食物……😅我地叫左特級金獎五花腩(韓豬) $260/1pcs G5 原味牛排 (美國）$290 /2pcs 韓牛生拌牛肉 $280/份T6 牛腸鍋 $380/鍋加左生菜，芝麻葉同蔥小碟都好有驚喜 除咗有一般嘅涼拌菠菜芽菜 之外 仲有啲未見過又未食過嘅！ Sorry 呀豬媽 ，燒嘅肉認真麻麻skip 🤣生拌韓牛 好juicy 混入切絲嘅雪梨 同蒜絲 帶點甜口 柔軟嘅韓牛絲 口感十足 好味👍牛腸鍋係夫君最愛 ♨️我地叫左辣嘅，辛辣唔油解酒一流 ，㗳㗳下仲有陣牛油香，一啲都唔漏，讚！ 我同夫君致力食勻全香港🇭🇰🇹🇭Next……….補多句先，我一路食一路打食評，佢都無趕我走🤣

噚日係openrice search有間石牆道韓國餐廳，見D食評唔錯，噚日就去试下入到去好有傳統古韓國風情，打開menu超多野食，有醬油蟹，牛脷，仲有我至愛嘅梨絲絆生牛肉，佢地醃得好好，唔覺腥，仲好有牛味，配埋梨絲有一種fresh嘅感覺，超正另外，醬油蟹超多膏，食到唔停得口，唔怪得之咁多人話係必食嘅韓菜韓燒更加唔使講，雖然熱氣D，但-次半次都無問題，燒海鲜我至爱，有大大粒帶子加埋中蝦，確實惹味，回味無窮

好耐無同一大班friend飯聚下，早兩日约左佢地嘆下韓菜，因為小數服從多數出面成三十幾度，先食個冰涼水冷麵，真係透心涼，喬麥麵好滑，不過真係凍到牙鉸都軟埋韓式前菜十幾碟，有kimchi,芽菜，菠菜，味道唔錯，餐前食特別開胃燒韓牛真係人人期待，有牛肩脊，西冷，肉質軟腍，加埋海盬食超級惹味五花腩，肥瘦恰宜，入口即溶用芝麻葉包住食就更，加埋wasabi,別有一番風味聚會全程2個鐘，大家食得超级開心，邊傾邊食，越食越唔覺飽

韓國飲食界名厨白種元為韓國飲食界的巨頭，一直以來都享有很高的信譽.早前巨分享了幾部飲食片，我都有睇而家夏天is coming, 日日三十幾度,但我又鍾意食燒肉,所以就去左間韓國餐廳燒燒佢有西冷，牛肩脊，真係未食先興奮，燒起黎炸炸聲，肉質軟腍，超仲有韓鰻，好鲜甜金黃色好入味聽講鳗魚尾俾男性食好有益

好友係英國返黎，接完機先帶佢食番餐，佢至愛韓劇同韓菜，所以韓菜必然首選韓燒話食得多，今次主力食醬油蟹，前菜有十幾碟，Kimchi,薯仔,仲有我至愛嘅螄蛤另外仲有黑bean,菠菜,真係前菜可以當主菜食主菜黎啦，我地order左3隻，膏多又橘红色，未食先吸引，我地鍾意將D膏，蟹肉撈埋食，真係超，口感一流食左3個鐘，聊天說地，傾下佢英國嘅生活，真係好耐無試過咁開心