石澳樂園 (裝修中)

昨晚到過「石澳樂園泰國菜」吃飯，豬頸肉，明爐烏頭味道一流，特別是其醬汁，絕對是有誠意及水準之作。不可錯過的是咖哩炒蟹，多膏肉甜，加上咖哩汁一流，配上有牛油香味的薄餅一起吃，正!價錢合理!!<br /><br />大家趁著天氣涼爽，快去一試，仲要飲青檸梳打呀!!

石澳除左原居民同鬼佬，其實都住左一班泰國及南亞裔人士，所以都有幾間不錯的泰菜館。中秋追月之日，風和日麗，就與一班街坊來游水。游到餓，要醫肚，試過中泰同惠康，就同兩個朋友行多兩步來吃這裡。想叫些小炒來吃，點知這裡兩點半後，只得番下午茶可以選擇，唯有只吃湯粉。大家唔係魚蛋，就牛丸，我原本想叫肥牛，但沒有，唯有叫了貢丸湯粉，加杯凍咖啡。湯粉其實無咩特別，不過湯底都有不少乾蔥、蔥花、蒜等，都幾泰式。至少夠份量，吃得飽飽。臨埋單時還一人有兩件椰汁拉糕，看樣子是自家製的，味道雖一般，但都叫好過無。埋單每人31蚊，中等價錢。在石澳吃泰菜，如果中泰多人，都可以試下呢度。題外話：呢度同其他大部份石澳食肆一般，是沒有冷氣的，不過我地泳裝一度，都唔算好熱。但如果專誠來吃，就最好揀夜晚，唔係盞熱到咩胃口都無。

某夜去石澳食泰國菜，好熱好熱的一餐。熱到一路食一路濕晒。影響味道。仲食食下落大雨，好在我坐房內，無冷氣總好過滴水。不過味道真係唔錯，個薄餅仲好香牛油味。

好味