影片
以上資料只供參考, 請與餐廳確認詳情
相關文章
第一次嚟。過海做完嘢，想搵個地方坐低睇書，諗起bookmark咗好耐的睡飽吃吃，上社交平台 check咗佢今日有開，營業時間係1300-1800，咁就嚟排隊喇~1258到達，有3個人喺店外排隊，佢地都係女仔、單拖。西西里島開心果巴斯克：$68/件，唔平，比我最鍾意的Yumo貴$5；由於睇咗食評，心知蛋糕細件，所以冇期望落差，而佢係細既；presentation係唔合格，其一係餐具唔講究，cafe提供餐叉而唔係蛋糕叉，而叉同碟又完全唔合乎比例，用佢拮蛋糕，唔方便之餘，真係2、3啖完食，失去享受甜品的儀式感；其二敗筆係隻碟崩咗一忽，唔優雅其次，整親就唔好啦；味道方面，蛋糕好食，但未到世一（hemma都唔係），蛋糕的堅果味濃郁，但層次較單一，口味的對比嚟自3個部分：蛋糕體、蛋糕面（焗燶的部分）同開心果醬：蛋糕面就住嚟焗，呈金黃色，未到接近燶的狀態，所以喺味道上冇造成好大對比，但對於唔鍾意焗燶的焦苦味的人嚟講，佢烤焗得非常討好，令一般人容易接受；開心果醬有令味道昇華，但食開開心果醬的人都知，就咁𢳂開心果醬出嚟食都一定滿足無比，所以，開心果醬好食係意料之內，冇大驚喜；最讚同最有記憶點係蛋糕體的質感，佢勁滑，食落味道有啲似豆腐，而堅果味亦非常濃郁！蛋糕體唔係流心，而係質感細緻、軟滑，有啲人食流心巴斯克時會驚佢中間唔熟，呢度的巴斯克就會係一個好選擇Latte：$40；睇咗唔知係咪由Foodie寫的食評，話睡飽吃吃難得係蛋糕好食、啡又好飲的cafe...令飲緊Latte的我懷疑人生，杯咖啡真係平平無奇~最近差唔多日日飲Latte ，近期飲過最好的係Parkside@Nina，呢度的Latte係有特別而討好的味道，但果個應該係鮮奶味而唔係咖啡味。整體嚟講，咖啡味唔突出，$40細細杯（~150ml），唔值，不過無辦法，入場必須點1杯飲品餐廳環境唔錯，檯與檯之間有距離，加上食客多數單拖，而cafe喺平日午後營業，嚟得的人都比較chill，所以坐落幾安靜。座椅係實木，唔算舒適。Cafe有2層，上層用餐區有梳化，但應該係俾幾個人一齊坐，位置開揚嚟呢度食嘢有幾點要特別留意：（1）店內冇廁所！唔知係咪嚟得不合時定cafe一向如是，以為cafe一定有廁所，而我亦搵到一道疑似通向洗手間的門，門外寫「staff only」，問店員洗手間位置，佢話：「廁所塞咗，你可以行番去西營盤站隔離XXX的廁所」聽到有被嚇一跳，由港鐵站口行過嚟要3-4分鐘，單拖點咗食物、俾埋錢，想去洗手間就要離開舖頭，來回6-8分鐘，呢點好難接受，如果食食下先人有三急咪好弊？；（2）Cafe只收現金：㩒定錢先好嚟；（3）蛋糕冇得外賣；跨區嚟到，本來想外賣幾件蛋糕俾屋企人試下（當時自己都未有得食），但店員話不設外賣，冇盒、冇紙袋，所以，如果真係想外帶，就要自備食物盒，不過，試食後，覺得冇外賣都唔可惜，雖然蛋糕唔差，但以入口的驚喜度嚟計，Yumo、Mr. Cheesecake甚至Liberty都高分啲。個人而言，睡飽吃吃同hemma的檔次差唔多，算係幾好食，但食一次就夠，而呢一次主要係湊熱鬧。我咁遲先嚟，最終只係刪走wish list的其中一項，試完過但搵唔到一個回訪的理由~
繼續閱讀
2025.03.01自從上個月食過 睡飽吃吃 後一直都念念不忘 今日去開西營盤搵食 決定帶朋友去！因為今日係星期六 排隊就少不免 大約排左半個鐘就坐低今日叫左星野抹茶巴斯克配豆腐忌廉東方美人茶日本草莓忌廉蛋糕星野抹茶巴斯克上次已有食過 蛋糕既流心質感非常適中 唔會太稀亦唔會太實淨今次帶同行朋友去食 朋友食第一啖都讚好味！✌🏿配埋豆腐忌廉配搭得真係非常好 好清新東方美人茶日本草莓忌廉蛋糕第一次食佢地既海綿蛋糕 亦都很滿意蛋糕質地有彈性 東方美人茶超濃但不會苦澀唯一就係草莓唔夠甜亦都偏酸 呢樣令個蛋糕扣左少少分咖啡呢 就同之前一樣 啡味淡 唔香濃 無特別甘菊茶好夠熱 甘菊味亦很重 飲完好舒服 店家仲話飲完可以refill 總括暫時睡飽吃吃依然係我心目中係非常高質！
繼續閱讀
没有固定营业日、一天就开5小时、只收现金、经常排队……乍一看不是一家diner friendly的甜品店，但为了这块全港Top的巴斯克还是要冲一次！·应该是蛋糕工作室改造出来的堂食区，环境一般，离地铁有点远，工作日只排了十几分钟运气还算好，时间充裕的话建议开门前就到。·是日蛋糕只有几款，口味也会随季节不定期更换，份量和质素还是对得起这个价格，招牌的巴斯克是流心质地，丰富到像一场流动的盛宴。·【西西里岛开心果巴斯克】【单品巧克力酒渍樱桃卷蛋】·要说现在面包甜品的顶流，那必须是开心果，它家这款更是做出了开心果碎、开心果酱、开心果芝士的三重奏，开心果脑袋狂喜~·中心介乎于固液态的临界点，被绵密的蛋糕体环住，芝士香和坚果香既浓郁霸道又不互相抢戏，冰凉甜蜜的口感温柔地滑过口腔……吃完把盘子都刮干净了！·蛋糕卷好吃但不如巴斯克惊艳，酒渍樱桃给了不少，非常大人的味道，蛋糕卷湿润柔软、充满回弹，中间的巧克力奶油浓厚扎实到像在吃巧克力本力！·一个睡饱吃吃、无所事事的下午又过去了～
繼續閱讀
唔係第一次嚟食 通常都會揀平日晏啲嘅時候 咁就可以少啲人今次嚟得返開心果巴斯克 另外再叫多個matcha latte Matcha latte超濃郁 冇死甜 一啲都唔澀 推介🤩🤩🤩而佢啲蛋糕不嬲都咁正 下次想試埋其他味💛
繼續閱讀
聽講西營盤出名食巴斯克蛋糕🍰🍰呢間雖然冇同區另一間咁出名🌠不過同樣好高人氣🍾🍾太晏黎啲蛋糕會賣晒架👀建議大家去之前去佢地ig check下開放時間～唔係日日開呀⏰✨星野抹茶巴斯克配豆腐忌廉🍵 (HK$68)第一次食抹茶同豆腐呢個配搭🤍豆腐cream好突出🍨balance翻微苦既流心抹茶 好出色有驚喜～💚✨西西里島開心果巴斯克🧀 (HK$68)開心果醬好濃好濃💚半熟流心既蛋糕好軟滑🍰面頭仲有開心果碎碎🌱蛋糕本體既開心果味就唔算好濃～夾埋個醬一齊食就岩岩好👍🏼✨Ice Americano☕️ (HK$45)好普通的一杯啡 偏淡 唔酸又唔苦🧊✨Ice Latte🥤(HK$45)Latte好飲過americano☕️唔會太重奶味🥛不過同樣冇咩特別～每人最低消費一杯飲品黎講 咖啡呢個質素真係…..性價比低咗少少💳7仔/m記啲咖啡性價比仲高sorry🙇🏻♀️🙇🏻♀️好食就係0卡！💰價錢: 6.5/10👅味道: 7.5/10🌙環境: 8/10🐷肥仔程度: 8/10🐦回頭率: 7/10
繼續閱讀
您可能會有興趣的...