真‧章魚無雙

營業中

休息中

每次經過觀塘，都一定會買番幾盒章魚小丸子。而上次9月尾去觀塘，咁啱撞正佢裝修，心心念念，今日再去一次！！WoW ！！觀塘呢間開番啦！快快趣Take Order4盒，分別係：蟹子章魚小丸子 （6粒裝）蛋沙律章魚小丸子 （6粒裝）激蔥章魚小丸子（6粒裝）蜜糖芥末章魚小丸子 （6粒裝）外賣拎到番屋企都9個字後，章魚小丸子微温下，雖然外皮沒有脆脆的，但仍然好好味！特別係激蔥，一打開成盒都係脆綠的青蔥，又新鮮又靚。真係令人好開心。蟹子、蛋沙律反而有少少差咗，用料無裝修前咁Full。雖然同第一印象有些少落差，但都好好味，無咗以前飽到上心口的感覺了。蜜糖芥末係第一次試。個人比較鐘意黃芥末重啲就好了，感覺會無咁甜膩。雖然每次去都要等15-30Mins，而且每次味道都有唔同。但鐘意食章魚丸小丸子嘅我，只要真章魚燒一日Keep 住每粒小丸子都有大大粒彈牙的章丸係入面，我諗我都好難會割捨唔食章魚小丸子的

住係觀塘附近嘅朋友仔，口痕想食🐙燒果陣唔洗去旺中，葵廣啦‼️ 近近地就係裕民坊一樓🔎除左有得食章魚燒，仲有得食冷海鮮稻庭烏冬(普通和特盛)😍啱曬夏天啊😋Order左烏冬可以優惠價加配🐙燒，Menu 係最後一頁📌🪧冷海鮮稻庭烏冬烏冬有特盛同普通size，而且有三種醬汁(胡麻醬/辣汁/冷面汁)，今日order左胡麻醬烏冬同你辣汁烏冬。千奇無睇個外賣盒細細個，其實入面嘅份量真系驚人。配有青瓜絲，螺肉，蟹柳同兩塊魷魚刺身。我最鍾意芝麻醬了，啲烏冬唔會癡埋一舊舊，而已條條都可以輕輕鬆鬆掛汁🤗烏冬都唔係果啲劣質嘅烏冬！同啲配料都超級夾！而辣汁嘅烏冬，淨係BB辣，完全唔輸麻醬烏冬。就係辣汁有🤏🤏難了撈勻，需要多啲力。下次會試埋冷麵汁🤤🪧🐙章魚燒(+💰16明太子和+💰14大阪燒)需等候15分鐘先可以攞餐，證明啲🐙燒唔係提前整好擺果度👍👍章魚燒嘅木魚花同醬汁都好多完全遮蓋曬章魚燒。一大啖落去好滿足🫶最鍾意明太子，啲蟹子好似係嘴入面跳舞💃。而且章魚燒真系有🐙🐙架，好大一粒，唔洗一啖落去全部係粉‼️趁熱辣辣食，完全係進入人間天堂😇但係呢尼兩款章魚燒嘅醬汁有少少咸，配埋七喜一齊食應該幾正下😆千奇無太自信叫特盛冷烏

好出名的章魚燒店去旺角同葵芳都會買返份得知觀塘開咗新分咁咁近 就衝去買返屋企食落單後等候時間為15分鐘等候期間覺得對比附近店舖舖頭油煙味很重 很突出😂也是唯一有人排隊的店看起來是有2個職員1個收銀 1個整章魚燒遺憾的點整章魚燒的那個人全程都沒有配戴口罩可能真的太熱了外賣關係已經不期望會有脆皮的可能點知返屋企一咬～嘩個皮咁厚嘅食哂全部都係一樣咁厚粉入面嘅章魚大細不一非常希望觀塘分店亦能維持跟其他分店一樣的水準

電話長期唔通，諗住打完電話再落去攞，咁冇辦法唯有直接落去買，問佢電話號碼係咪依個點解唔通，究竟係咪呢個電話號碼，佢叫我自己去睇吓塊板嗰個電話號碼之後我叫六粒小丸子，佢就俾8粒，都仲要唔知價錢有冇收多，我都冇睇希望跟進一下

一知真·章魚無雙開左係官塘，咁梗係要支持下幫襯下啦幾老實，寫明運輸問題，所以唔係原隻章魚🐙係旺角同葵芳都食過，閒閒地等都要25分鐘以上…但真係好好味依家開正係官塘咁近我，一定要幫襯下啦雖然唔覺眼有指示牌，但一見到有一堆人就知一定係佢啦放工時間人流唔算多，得2-3個人排隊, 落單時妹妹都話要等15分鐘，雖然最最我等左25分鐘左右先有，但真係熱辣辣好好味妹妹仲好好禮貌話，”唔好意思, 要你等咁耐” 唔緊要明白既

食過旺角同葵芳本店，都好好食。但呢間真係好失望，咬落去得粉（無任何菜）同一舊章魚，唔香，唔juicy ，食落同急凍貨無分別，只係用醬…shake shake 薯條咁。無下次。

今日途經裕民坊，"真·章魚無雙‘’分店新開張，人流唔算多唔洗排隊，章魚燒款式有好多，有不同口味，真係花多眼亂。價錢分別以6粒 / 8粒計算，亦可以雙併 (+$2)，即叫即整熱辣辣。今次試了大板原味，蜜糖芥末味及黑松露味。小丸子粒粒都好大粒又好飽滿，重點係入面有"一整隻"章魚， 非常爽口彈牙，唔會太多麵粉或者椰菜碎，面頭亦舖滿了好多木魚同紫菜碎。 3款味道都好食，大板原味就正常味道，蜜糖芥末味就普通，味道唔太特出。而最特別係黑松露味， 一打開盒就見到每粒小丸子都有濃厚既黑松露醬包住，唔單止聞到，仲可以食到，口感非常豐富。*員工有禮貌及好好人，真係比左好多木魚

今日經過觀塘裕民坊，還未吃中午飯，便上網搜尋一下這兒有什麼吃。發現商場一樓有很多小食店，有$10 10粒燒賣、章魚燒、豆漿店等......章魚燒店是新開，門外還有新店開張的恭賀牌。明太子章魚燒 $33/6粒等了大概兩分鐘便完成，十分快手。章魚燒10分熱，一整粒放入口十分燙口。章魚燒上鋪滿了大量的明太子醬及木魚，每一粒章魚燒都沾上了大量醬汁，明太子味道濃郁，帶些少微辣，10分野味。每粒章魚燒內都有一隻小章魚，用料十足。

下午茶時間覺得有啲肚餓走去樓下睇吓有乜嘢食經過見到呢間喺觀塘裕民坊商場新開嘅章魚無雙上網有聽過人哋話呢間嘢幾出名，同埋都幾好食所以就諗住去試吓，結果非常令人失望由落單到攞得份章魚燒，講緊都淨係得一兩分鐘我當時都心知不妙，心諗啲章魚燒應該係整定㗎啦好老實講啲醬汁還可以，不過粒章魚燒仲硬過石頭，仲超級痴牙，最慘嘅係入面粒章魚好韌，好難咬得開…..應該以後都唔會再去了唔明點解啲人會話好食，十分伏我會俾足十分，我直頭懷疑啲章魚燒唔係即整，係急凍貨

成日睇報導話呢間好好食，好似正咁，今次開到嚟觀塘終於可以一試今次叫咗黑松露同蟹膏章魚燒，其實我唔係特別鍾意食章魚燒，不過見咁多好評，都好想試吓係咪真係咁正2款章魚燒賣相都幾吸引，個人比較喜歡黑松露款式。雖然外賣返到屋企已經唔係熱辣辣，但味道仍然不錯，當然賣相就冇咁靚仔。如果疫情過去，可以真掃街，買完行埋一邊即刻食，一定會好食好多好多。總括而言，值得一食，鍾意食辛魚燒嘅更加唔可以錯過有咁多款唔同口味，如果可以每樣2粒就正啦

聽人講開左間真。章魚無雙係觀塘裕民坊，古且去試一試，去到人流唔算多.買左份黑松露拼蜜糖芥末，好快就有得攞一攞上手熱辣辣出住煙，小丸子食落去外脆內軟，章魚大大粒好有咬口 會繼續幫襯

好鍾意食旺中果開點知開正係屋企樓下原本好開心但係試過2次都係同旺中果間有啲距離🥲蒜香牛油粟米太鹹明太子唔夠香最好食既蛋沙律章魚燒都唔夠旺中果間好食唔知係咪同一間黎架呢🥲🥲🥲