真台客

營業中

休息中

幾年前有段時間長駐元朗工作，日日走遍大街小巷食好西，其中一樣印象深刻嘅，就係真台客嘅深坑臭豆腐。早排入元朗行山，當然趁機再去幫襯。當日天氣炎熱，唔係好想食臭豆腐，於是叫咗佢哋另一樣名物 -- 起司蛋餅，一試之下，果然名不虛傳，煎得香香嘅蛋皮包住滿滿嘅芝士，配搭非常得宜，建議一定要趁熱食，否則芝士凍咗嘅話，好味程度就會大減。至於另一個夜市小吃炸芋丸則屬正常水準，外皮雖然炸得有啲硬，但係就幾香口，入面嘅芋泥甜甜哋，好飽滿（ 幅相其中一粒明顯細咗，係因為食咗一半先記得要影相，特此聲明😆😆😆）。最後仲叫咗個鹽酥雞便當，雞嘅份量非常多，調味亦算得宜，雖然睇落好似炸得好犀利，但係食落又唔會覺得好油膩，唔錯，況且大大碗先至係四十八蚊，好抵啊！食完咁多熱氣嘢，好彩店入面有任飲嘅冬瓜茶提供，又好飲又解渴，幾杯落肚，咩火都降哂啦😂...

諗住支持黃色經濟圈，所以揀選了這間價錢相宜的小店！等位時已被門外櫥窗上的畫作吸引著，就座後望著圍滿店舖的告示貼更是暖在心頭！本以為只得一頁的價目表沒有甚麼可以選擇，但其實如要嘗試每一道菜， 幾個人起碼要多來一趟呢！便當份量很足夠，無論是鹽酥雞、大雞排或香腸加魯肉都落足料，吃完整個便當其實都已經飽了！😝蛋餅很有驚喜，今次試了玉米加肉鬆，下次要一試起司加鮪魚呢！蚵仔煎也不覺油膩，我們一定會再來光顧啊！😋😋😋

好掛住台灣呀我由於太掛住台灣所以嚟食台灣野台灣野唔可以唔食肉燥飯，台灣腸同蛋餅我真係勁中意食蛋餅係台灣日日都要做早餐香港無咩地方有得食蛋餅而竟然近我晚地方有唔洗去台灣都有得食啦另外再叫多個鹽酥雞飯佢份量好多，而且味道唔差香腸肉燥飯幾好食最好食緊係蛋餅我入面揀咗芝士同肉鬆真係好滿足

太少食物和飲品選擇 比以前少了太多 以前有本大menu 現在只改成一張小menu 飲品大部分都消失了 只保留珍珠奶茶類 極不推薦的一間食店 同區應有其他更好的選擇 因為自己是黃店而減少食物選擇的店舖

#中意嘅請分享請點讚🍻----------💛 #黃店12/6 表態支持抗爭運動+參與「黃親國斥」計劃，定期捐款至傳媒或支援反送中運動組織----------🍵任飲麥香紅茶麥香紅茶有凍/熱，聞落好香麥茶味，冬天飲番杯熱茶暖下胃都唔錯。-😋鹽酥雞麵 $48鹽酥雞份量勁多，每粒都好大舊，炸粉唔會太厚，雞肉嫩滑，加埋椒鹽淨係食雞都飽。所有便當都可以揀飯/麵，台灣麵就比較淡，如果湯底可以加湯料更濃味就更正。-😋台式烤雞腿便當 $48雞腿大細適中，面頭加左醬汁，雞腿正正常常，不過個飯就比較乾身，如果可以加d魯肉汁就更好。-😋肉鬆蛋餅 $36蛋餅可以揀加芝士/肉鬆/粟米/吞拿魚，今次就揀左肉鬆，肉鬆同蛋糕係絕配，下次會加埋芝士🧀，如果肉鬆多d就更正。----------🔎真台客🚩元朗仁樂坊5號利發大廈地下G及F號舖

🔹鹽酥雞便當 ($48) 〔 可轉麵 任飲冬瓜茶 〕🔹鹽酥大雞排便當($52) 〔 可轉麵 任飲冬瓜茶 〕..鹽酥雞飯大碗到傻咗，成碗嘢上面舖滿鹽酥雞粒，起碼有一包細繼光香香雞份量，每粒都好大粒，咬落勁脆！炸粉唔過厚，入面嘅肉不乾柴，椒鹽味超重，好香口！淨係食雞都飽🤣 仲有椰菜、滷蛋同百頁豆腐，豆腐軟嫩又入味！不過略嫌個飯就咁食就乾咗啲，如果可以有魯肉汁係上面撈下就好😬.大雞排成塊面咁大，切開件上，每一塊厚度適中，個味同鹽酥雞係一樣🤪睇下你想用咩方法食雞🤘🏻.🤡: 見到仲有蛋餅，但太飽無嗌到，下次試！

元朗真係好多好嘢食，真台客就係其中一間喇叫咗嗰紅燒牛肉麵食，嗰麵質感好好，雖然望落去有啲少但其實都幾飽肚。啲牛肉正正常常冇咩特別。嗰湯底都幾濃味，幾好食嘅。至於嗰肉鬆蛋餅，幾好食嘅，又唔油淋淋。唔錯唔錯

閒日午餐都要等位，米豬連威力強勁🐷入座後用紅筆畫寫餐點，場內年輕的店員非常忙碌，點餐後的等待期間，可以去自助水吧拿取飲料，是清甜的凍冬瓜茶不死甜，清涼解渴。店內不少地方也有連儂牆，也有學生邊等待餐點邊畫寫新的memo點了台式烤雞腿便當（轉麵）$48r湯底清,不是味精湯底，麵條是一般的台灣麵。好明顯主角顯然是烤雞腿🍗醬烤雞腿深啡的外皮彷如每口都沾滿醬汁，雞肉嫩滑飽滿，$48 可以食到雞髀麵都算好底。

最近鐘意睇住“地圖”幫襯良心小店~今次揀咗真台客~~ 但當晚人手不足，晚市只有set lunch供應~台式烤雞腿便當配冬瓜茶 $45轉咗麵，配醬燒雞脾一隻，女仔食量就啱啱好~雞脾皮脆肉嫩，好味~冬瓜茶甜甜哋，夠凍夠解渴~台式炸排骨便當配冬瓜茶 $45排骨炸到好香，不過薄咗啲，都係雞脾正啲~店內仲keep住播歌，free埋精神食糧比食客添~~

我一直很喜歡台式美食， 成日會飛到台灣去， 今日忽然發現咗「真台客」這小店。 其實「真台客」這個店鋪的位置， 前身都是賣台灣菜， 但完全唔好食， 當時幫襯咗一次就冇回頭。 講番「真台客」先， 很有家的感覺， 有驚喜， 選擇很多，午市是特定的飯食麵食， 以及小食， 午市沒有套餐。 另外， 還有可以自助添飲的凍冬瓜茶， 好清甜， 感覺很消暑， 老闆同員工都係「真。台灣人」， 講國語的， 很友善， 招呼很好， 我覺得「真台客」是元朗人必食小店！

在元朗想找間值得支持的小店不容易，這天想避開大型連鎖餐廳，來支持一下地方小店。店外牆壁十分美麗，完全打卡好去處，讓你馬上置身於台北大街。貢丸湯，台灣地道小食，一個地方擁有自己特色才是重要，這就是大家一直喜愛台灣原因之一。特大號冬瓜茶，夏天消暑解渴透心涼佳選。支持餐廳環保概念，習慣走飲管，愛惜地球。炸排骨飯，不小心吃了才拍照。充滿台灣風味，醃製過的豬扒，炸得十分甘香，配上台灣大碗飯，令我想起坐台鐵必叫的台鐵便當。

呢一間餐廳，我會給全5分，還未吃完，我已經想再光顧❤️原本我是想光顧另一間台式餐廳，但因為太多人，無意中發現這一間比另一間好十倍的真台客。一入內，發現位置都挺空曠的，而且還有一些椅子是木頭，很特別牆上寫上鼓勵的字句還有很多台灣食物和環境的照片還有一塊寫上「真台客」的布料冬瓜茶，大大杯，附餐送的這天非常熱，冬瓜茶一送上，我和丈夫便咕嚕咕嚕喝了一半，非常解暑正宗的貢丸湯必定有芹菜，這一碗充滿芹菜的味道，味道也不咸，沒有味精，也沒有油，令人很放心這個麻醬拌麵，喜愛黑芝麻必選，這個麻醬的黑芝麻味超級濃郁，細看還有黑芝麻一點點的，每一口都像在吃芝麻糊，有少許黑芝麻的燶味，很厚身，配上青瓜絲，有一點小清新，吃完這個拌麵，基本上就飽了三格小菜台灣腸是必吃小菜，卤蛋有一隻，還有滿滿的冬菜魯肉飯，有肥肉，瘦肉，半肥瘦的就是最好吃的！魯肉很淋，基本上都不用咬，一口就能連飯吞下去，白飯不是隔夜飯，魯肉飯真的是平民救品😍原本是叫皮蛋肉鬆豆腐，但當晚賣光了，變了百頁豆腐，吃百頁豆腐好像在吃白魚蛋，我都不覺得是豆腐滿心歡喜的拼盤來了，有鹽酥雞，青豆，花枝，菇，大滿貫就最適合我這種有選擇困難症的人烏梅冰沙，我給10分

一條友食晚餐，今晚只點了一碗牛肉麵我覺得一間台灣店有無水準，就睇佢個牛肉麵煮得好唔好食食後感：牛肉好稔，肥瘦適中蘿蔔都煮得好透以上兩樣食物都睇得出落過心機時間去煮麵係正宗台灣麵條，好食，唔識講，煙煙un un, 我覺得好食過元朗另一間出名既台灣麵既麵條，幾驚喜再加埋酸菜點綴基本上碗麵都值85-90 分唯一挑剔，湯底略甜，無乜平時食牛肉麵果隻藥材湯味，味道可能再多少少層次會更好其他食物無試，有d期望，下次會再來食其他

食物一般 點左b2 有杯黑糖珍珠奶茶跟其一，個waiter漏單，白等左半個鐘。最後食完野，再等多15分鐘 ，我再追佢杯飲品，佢先同我講杯野賣曬 。 佢叫我叫第二樣，因為原本杯飲品係成個menu最貴，佢一開始重想唔減番個差價比我最大問題如果杯飲品賣曬，係咪唔識得同個客講番，等個客咪坐足成晚？

去開元朗 經過俾呢間鋪頭外在裝修吸引到 入去諗住天氣熱食個涼麵 點知中哂伏，個麵$34 得幾條青瓜絲 d麵煮到漲哂 個賣相勁差， 一擺入口 糊口的 勉強吞下後 無再食第二口 起身走人 ！諗住涼快下 點知仲興過未入鋪頭前。 7-11 賣個d 外賣台式涼麵都好食過佢 未試過食個麵食到咁嬲 堅垃圾呢間野。各位千祈唔好去幫襯 咪俾呢d得個裝修完全無落心機係食物度既鋪頭 做落去根本就係欺騙消費者 掛羊頭賣狗肉！😤😤😤😤😤😤😤😤😤😤