真台客

營業中

休息中

咁多日未試過真台客嘅柯仔煎同牛肉麵，今日終於嚟到呢間位於元朗嘅台式餐廳。一踏入餐廳就聞到台灣煎炸嘅香氣，令人食指大動。唔出奇地，我就嘗試咗餐廳出名嘅柯仔煎同牛肉麵。柯仔煎脆香有層次，啖啖都係肉汁，真係好味！牛肉麵嘅湯底好濃郁，牛肉都煮得好腍身，配埋彈牙麵條，真係一級棒！唔止咁，餐廳仲有好多啱飲嘅飲品，例如冬瓜茶，係免費嘅可以任飲，非常解渴。餐廳環境整潔舒適，服務員亦好友善，令人感到好舒服。總括而言，真台客嘅柯仔煎同牛肉麵係絕對值得一試嘅，我一定會再嚟！

近2.3年應該食咗20次都有因為好食又抵食不過收工外賣返屋企食比較多滷肉飯有菜蒲同蛋做配菜滷肉肥得嚟好淋亦都好夠味睇落細碗但正常食量女仔食一定夠飽台灣腸滷肉便當 另加一份滷肉因為我哋主要係鐘意食滷肉當然加多份🤣🤣整體份量差不多滷肉飯雙倍最後有食剩飯( ･᷄ὢ･᷅ )最後加多份炸物拼盤貪佢咩都有不過最近無咗炸芋圓會隨機轉其他野臭豆腐 皮蛋豆腐 牛肉麵拌麵大部份都試過暫時未食過有一樣難食🤣🤣最多都係普通外賣自取有折 收工會路過可考慮做晚餐Ps:有時員工態度的確唔太好

女店員西口西面，見到佢完全唔開胃，淨係識同廚房嗰條友傾計，咁嘅面口唔好做服務性行業啦！另一個講普通話嘅店員態度好好多！野食一般，中規中矩，黑糖珍珠奶茶就唔好味，台灣野有更好選擇

app叫外賣要打去叫佢接單先會接好幾次都係咁然後嗌2個飯可以成個飯漏左單到左嗰份叫佢走配菜又冇走到打過去話下次補返比我但見佢味道唔差就照繼續嗌啦但最近10樣野6樣都話冇諗住叫個滷肉飯啦落完order5分鐘話連滷肉都冇問我轉做雞絲得唔得咁我轉啦一放入口嗰下 嘩….又鞋又乾又冇味連老公嗌個烤雞腿都可以鞋本身做野已經hea到爆勁多甩漏突然間連d食物質素插水式下降可能生意好佢唔憂做啦我唔會再幫襯🫠🫠🫠🫠🫠

斷斷續續食過幾次真台客不過次次都係外賣番屋企食但食左咁多次，最愛都係大雞扒便當（加魯肉）雞扒酥脆又夠味，份量好大，塊雞扒可以鋪滿成個飯盒，對女仔黎講份量都幾多，我自己通常都食唔哂。便當入面仲有菜甫同半粒蛋相對黎講 佢地小食就遜色D，食過一次蚵仔煎，但當時質素一般，從此冇叫過小食🤣但整體黎講都OK的～～

真台客元朗店少數元朗的台式食店位置有dd難揾外賣等的時間都唔駛太內今日叫左個雞排湯面加底雞排d 皮炸得好脆口，好好咪個湯面中規中矩，今次肚餓所以加左底，加底個麵份量都多

✨真台客紅燒牛肉麵✨ $60 🥩牛肉多到嚇親🙈雖然3舊之中有一舊有咬口d不過都算入味呢個價錢無野可挑剔🫣湯底比想像中香濃😍又唔會是味精咸個湯偏油但我很可以🫢麵條亦有煙韌感☺️好滿意$60值得再去食🫴🏻✨肉鬆起司蛋餅✨ $41 🍳Size都是比一般大🤭食完一舊已飽左一半😂肉鬆比得好大方芝士就相對少d無拉絲效果不過整體都是好味👍🏻😋✨雞絲溏心蛋涼麵✨ $48 🐤好大碗真係食唔晒🤣隻溏心蛋超好食🥰有微微酒香涼麵加上青瓜絲好清新不過d醬就比較少食到中段就開始無乜味🤫

今晚嚟到元朗，諗住買外賣返屋企食就嚟咗呢間真台客，大約五點鐘去到原來有落場時間要六點先再開始營業，等到六點我就入去叫外賣包括台式烤雞腿便當，蔥油雞拌麵，香腸滷肉拌麵同埋肉鬆蛋餅加起司。等咗大約20分鐘我就拿到外賣，好快就返到屋企準備開餐，先試呢個台式烤雞腿便當我覺得醬汁比較少烤雞腿覺得比較乾身，鹵水蛋也一般般但重點就落在菜脯身上，有了這些菜譜才能把飯吃光。拌麵就比較好一些香腸就次一般台式香腸一樣，整個餐重點都是落在菜脯身上。最後肉鬆蛋餅加起司我覺得一般，最後嗰句都係口味因人而異，我的食評只作個人參考。

荃灣嘅海壩街一帶，超多不同嘅餐廳，當中就有呢間台式餐廳 真台客！呢度有二人或四人套餐，價錢都幾抵食，人均百幾已經包埋飲品，甜品～另外亦可以單點食物，食物嘅份量超大份，呢碗紅燒牛肉麵有成3大舊牛肉，湯底亦都10分濃郁！另外都嗌咗D 台灣道地嘅小食，台灣香腸（配埋香蒜食真係好正）、芝士蛋餅、鹽酥雞（略為唔太夠鹽酥味）整體野食嘅味道都不錯！

真台客無論裝修以至食物都充滿台式風格，價格親民食物份量亦豪不吝嗇，真正「大件夾抵食」。🍢百頁豆腐$26口感Q彈之餘滷得入味，份量十足，但一個人食晒會有啲飽滯同膩，建議搵人share食。🍗夜市雞肉卷$28雞卷以炸嘅形式處理，比起烤焗少咗一份juicy感覺，但都算炸得香脆勉強可以過過口癮。🍜真台客紅燒牛肉麵$60湯底走健康路線，加入大量蔬果熬製令湯底十分清甜，飲晒都唔會膩，牛肋條燜又腍又入味，粗麵條口感十足，必食之選。

喺外賣平台叫咗個總匯蛋餅，同埋香腸滷肉便當。明明寫咗粟米，魷魚，芝士同埋肉鬆。嚟到嘅時候變咗粟米，芝士加一大堆罐頭吞拿魚。完全貨不對辦。個香腸滷肉便當超級hea. 完全俾之前嘅食評欺騙了😓

最近愛上台灣美食，碰巧好友邀約晚飯，於是又上來查找一番，尋得這間「真台客」。離遠已被門口這幅壁畫所吸引，不過「真台客」元朗店位置有點僻，若非有元朗地膽好友帶路，筆者應該要花一段時間搵路。拌麵帶煙韌質感，食前先把炸醬和麵拌勻，個人覺得炸醬帶有少許微辣感，幾香口。必須一讚是份量非常多，堆成一小座鹽酥雞山。炸漿層不會很厚，外皮酥脆，入口充滿鹹香味。雞肉juicy嫩滑，推薦加辣會更加惹味。不過就稍嫌沒有了九層塔的香氣。本身已很喜歡台灣香腸紮實的口感，香腸偏甜味，還帶著濃郁豚香。配以碟邊的蒜片一起吃，可以體驗一下台式地道食法。份量又是超大份！他們的蛋餅皮是偏淋身，裡面包了滿滿的肉鬆，再配以起司，這個可是不敗的組合來的。另外還一人點了一杯飲品。

=====================👅 鹽酥雞便當 🌟+滷肉🌟呢排唔知點解好想食滷肉飯( •́ .̫ •̀ )呢個食完冇失望！滷肉唔會話撈埋啲肉燥 仲有啲肥肥地 夾埋啲汁撈飯食真係會唔經唔覺食曬成碗(/ω＼)鹽酥雞份量都多 有6,7舊 不過覺得可以再重味啲～👅 炸排骨便當大大塊豬扒不得了 好大份好抵食( ´▽｀)=====================總結 想係附近食台灣野可以考慮呢間～味道幾正宗 份量多 仲有好多台式小食 蛋餅之類揀～▫️味道：3/5服務：3.5/5環境：3/5回頭率：2.5/5人均：$50-100

炎炎夏日食涼麵就最好不過啦，再加配流心蛋真係一流👍🏻好似第一次食蛋餅🤔原來幾好味，但略嫌芝士唔夠多。佢隻碟係台灣地圖個形嚟，好有特色！椒鹽雞粒好味，份量亦足夠，配飯都好食！

黎到元朗一定會食黃店系列😎真台客一直係我個元朗想試嘅list入面😊肉鬆蛋餅呢度嘅蛋餅係煎到偏脆身嘅😇蛋味都好香💕肉鬆都比得好重手😆最開心係佢無好似其他台式台咁～落左啲辣醬係碟邊🤪正！肉鬆皮蛋豆腐又係肉鬆🤣今餐同肉鬆有仇😉一大舊百福豆腐🤤四大舊糖心皮蛋🤤最緊要佢個甜醬好好味🤩夏天食到呢個真係好透心涼💓鹽酥雞份量超級多！多到食唔晒！鹽酥好夠味😋炸得唔太乾～CP值好高😜清湯麵個麵煮得軟硬度適中☺️配埋鹽酥雞食無咁滯😝水蜜桃紅茶味道正正常常😁唔係藥水味嘅🤣天氣咁氣飲到杯咁冰凍嘅手搖真係好爽😜食左咁多野都係$170埋單🤩真係平靚正呀🤓真台客 (元朗)元朗仁樂坊5號利發大廈地下G及F號舖