相馬日式火鍋 觀塘 (已結業)

今日收工約咗班同事一齊食晚飯， 一大班人梗係打邊爐啦！！但係正值流感高峰期大家都怕怕， 於是我哋就上網搵到呢間相馬日式火鍋餐廳， 佢哋除咗有一大煲ga鴛鴦火鍋， 仲有一人一鍋㖭， 咁大家就食得安心又放心啦！我地叫咗個美國特選牛肉套餐，而湯底就係中華辣湯， 呢個湯底望落去好似好辣咁其實一啲都唔係太辣， 本身唔係好食得辣嘅我都應付到， 我最鍾意嘅就係佢嗰陣淡淡嘅辣香， 聞一聞真係令人食慾大增。呢間餐廳最出名嘅就係啲牛肉， 當然要第一時間試下啦啲肉質嫩口之餘，啲脂肪又唔會太多 口感啱啱好加上個辣湯中和左牛肉嘅騷味 ，大愛！！！平時鍾意食煎炸嘢嘅我， 嚟到呢度當然樣樣炸物都要叫啲啦以火鍋放題嚟都講， 佢哋炸物嘅種類都算多。 有炸牛丸，墨魚丸， 貢丸， 香菇，茄子， 仲有天婦羅， 炸豬軟骨 同雞翼等等。我最鍾意食嘅就係佢哋嘅炸牛丸， 肉質彈牙之餘仲有一股黑椒後勁， 口感層次好豐富！！雞軟骨炸物都唔錯， 鬆脆之餘又唔會太過肥膩， 的確好食。除咗牛肉同炸物，其他打邊爐嘅料都有好多！！有豆卜響鈴香菇， 西蘭花， 豆腐，  金針菇 ，牛丸，貢丸，墨魚丸， 日式芝士丸，韓式年糕仲有各類型嘅麵食等等。真系完

朋友仔就生日，為左滿足鍾意打邊爐既佢，我上網搵左一間位於觀塘地鐵站附近日式火鍋放題餐廳我地入到去見到四周環境都好整齊乾淨店員立即安排入坐同時亦同我地詳細咁解釋唔同套餐， 真系慳返唔少時間我地嗌咗美國頂級牛小扒90分鐘晚餐放題set餐， 有頂級牛小排雞肉， 豚肉， 仲送埋海鮮放題另外仲有各種蔬菜類，丸類，面食類 ，炸物同添， 真係一次過滿足你幾個願望而佢哋嘅炸物係即叫即炸完全可以保持食物嘅酥脆感，值得一讚打邊爐最重要嘅就係湯底， 佢哋有好多種湯底可以畀你選擇， 包括清湯，甜豉油，中華辣湯 ，蕃茄，豬骨 而我就加多$48選擇咗店長推介嘅龍蝦湯底， 個龍蝦湯底味道好濃郁， 而且仲有濃濃嘅芝士味，整個口腔都充滿住龍蝦嘅味道， 配海鮮食一流，果然真材實料店裏面嘅牛肉每一碟色澤都好均勻，脂肪嘅比例亦都啱啱好食落去唔會話太過肥膩龍蝦湯mix埋啲牛肉度真係一流， 因為龍蝦湯底嘅鮮甜， 間接帶出咗牛肉嘅質感呢度啲海鮮非常新鮮， 佢哋個size亦都好誇張， 例如鮮蝦，蠔，帶子樣樣都有我半隻手咁大， 淡淡食落去都係肉好滿足呀跟住唔少得係甜品環節~~除左雪糕之外，呢款紅豆冰條都值得一試！！食落去唔會太硬同太甜

天寒地凍，吃飯只有一個option- 打邊爐，日式火煱也不錯。可以揀鴛鴦鍋或一人一鍋。我們挑了美國特選牛肉$238/星期一至四 + 醬汁費$10/位，飲品+ 雪糕放題90mins。湯底有香菜鍋，很特別。自助蔬菜吧龍蝦湯底 (+$48/小鍋)，Hokkaido fresh milk (+$18/鴛鴦鍋)，龍蝦湯底也蠻鮮甜的，牛乳鍋可以有美顏作用。愛吃牛肉的我們加點了很多次。第一次吃牛乳鍋，奶味不會太重，容易入口，感覺很健康，跟火煱料也蠻配的。雞肉嫩滑。豚肉都幾有質素。炸物放題用order紙落單，即點即炸，品種也有不少，有雞軟骨、吉列蝦、雞翼、蓮藕、蘆荀等，蔬菜是用天婦羅炸，不會很油膩，不錯。

本身見有75折打算去試下未入門口已經比店員喝入到座坐低 頭果兩碟肉食完打算再嗌 點知嗌極都無人理其實食物質素算好不過d店員態度真係好差我都已經唔該前唔該後真係食一次算 無下次

同朋友兩個人打算去食火鍋，知道呢間質素唔錯而且價錢優惠，所以就決定過去試下，環境都坐得好舒服服，唔會好迫揀咗蕃茄湯底同豬骨湯，都係比較大路嘅選擇！另外仲見到有泡菜湯鍋都幾特別上枱時間都幾快手，好快就有得食牛肉紋路清晰，鮮紅色肉質，望落去都好新鮮，唔似擺咗好耐咁唔需要淥好耐都已經可以食得！牛肉味香而且食起上黎有嚼勁，又唔會好硬身牛肉cp值勁高！雞肉係用咗雞髀肉，所以肉質比較嫩口豚肉簿片，所以淥嘅時間亦都唔需要好長！而且肥瘦適中，因此食落亦吾會太過瘦而乾硬特別之處，呢間火鍋店仲有炸物！即叫即炸，熱辣辣，款式選擇亦都幾多特別推薦雞翼，雞軟骨，吉列蝦！炸皮唔會好厚，雞翼juicy嫩口，雞軟骨可口而且灑上椒鹽，更香口其餘蔬果，丸類就可以自己出去自由拎，包保食得飽一飽，而且見到佢哋亦有定期更新餸料最後唔少得嘅當然係甜品雪糕，雪條亦有提供！小編推薦抹茶雪糕俾大家😬茶味都唔錯而且略帶回甘！價錢質素都非常可取，非常推薦比大家！

天氣轉涼，最適合就是打邊爐喇。今次搵到觀塘附近一間日式火鍋，餐廳地方雖然唔大，但係感覺溫馨，適合人少少打邊爐撐吓枱腳。點了美國特選牛肉90分鐘火鍋放題$268湯底分別點了牛乳湯底及甜豉油湯底。牛乳湯底是用北海道牛乳製成，難怪味道這麼香醇呢。店員細心解說，指牛乳鍋用上鮮牛乳，煮出泡是正常的。甜豉油湯底雖然簡單，卻是日式火鍋的最佳配搭！牛肉份量十足，脂肪較少但唔會韌，肉味濃。薄切豚肉入口鮮甜肥美。用牛乳湯底煮雞柳，口感更加幼滑，味道更濃。配料選擇甚多，有丸類、菜蔬。蔬菜選擇多，有油麥菜、生菜、冬瓜、白蘿蔔、金菇等，全部都非常新鮮！侍應更換配料更換得非常頻密，令食客也更有信心。令我更意外的是餐廳的飲料選擇也有差不多上十款，而且款式獨特，當中台灣的特濃可可是我最喜歡的！味道香甜幼滑。甜品有日本Milk top雪糕！ 芝麻雪糕可以吃到粒粒芝麻，味道濃郁！令人好滿足！為晚餐劃上完美句號！成餐飯，店員好勤殷勤咁幫我地加湯，又會細心講解，整體覺得服務都唔錯。

天氣凍最岩就係打邊爐，今晚約左好友去相馬日式火鍋，90分鐘放題有好多配料選擇，而且仲有MILKTOP雪糕添~晚市店舖接近坐滿，生意不錯喔～有唔同級數既牛肉選擇，今次揀左中價位既美國特選牛肉，包埋豚肉同雞肉，仲有炸物放題！湯底都有好多選擇，想食得清D，最後揀左蕃茄同豚骨～各種肉類既質素都唔錯，牛肉肥紋均勻，肉質軟嫩，豚肉肉質鬆軟富嚼勁、雞肉細嫩。配料有多款丸類、蔬菜、菇、豆腐、烏冬、麵條等等。MILKTOP雪糕有三款口味，包括綠茶、雲呢拿、芝麻味，味道香濃細滑，口感綿蜜，而且另有兩款雪條，好多選擇啊！炸物係即叫即炸，熱辣辣上枱！飲品有汽水、無糖茶、果汁等選擇。

去觀塘搵食，又想打邊邊上網剛剛見到有優惠所以就食呢間，準時黎到只有一、二枱客人飲品同食物都係任飲任食既，而且仲有少量炸物可以點紙叫，炸物就即叫即炸所以係要d時間去等，但就非常熱辣辣咁上枱飲品種類都有4-5樣去選擇算係咁啦有韓國飲品同啤酒🍻、仲有雀巢雪糕當晚有2種口味（朱古力、芒果）而佢既自助bar 枱有最基本食品，不同既菜、丸、豆腐、麵；豬、牛肉質本人覺得還可以唔算差既，牛唔係多肥少肉個種都靚仔有牛肉味又唔會好鞋，豬都唔錯既，但可能佢既食物種類真係唔多，打黎打去都係個幾樣會有d悶，選擇有返多d會更好

觀塘區好嘢食多籮籮，相馬日式火鍋真係去咗好多次每次都有驚喜。近排同朋友去食，可能因為天氣凍嘅關係，鋪頭非常熱鬧又多人。好彩每次都有訂位，今次等左15分鐘就可以入去，其實侍應都好快手安排座位俾我哋。原本以為太多人需要攞抽，但佢話已經分配好只需要在門外等候就OK。入到去之後我哋就嗱嗱聲落單見到有新出手工啤酒，鍾意佢哋嘅名稱而命名：相馬啤同埋特色嘅咸檸啤。鍾意食呢間嘅原因係上菜好快re-order牛都出得好快，而且碟碟牛嘅質素都好好。

我哋點最Basic嗰款放題餐，放上枱嘅有牛肉（1底）、豚肉（2底）同雞肉（1底），放題肉類任點。據朋友說牛肉正常，反而我哋兩個都覺得豚肉出奇地好香，encore咗，大推👍 至愛中華麻辣湯底，辣度譚仔10少辣都無，但麻味十分出色，帶到豚肉鮮味，番茄湯底就較清得滯。放題區唔大，但最key既野都有，仲有薯粉同淮山麵（應該係），好襯個中華麻辣湯底。用埋訂位85折優惠都係每人$11x，呢個價錢本來都無乜要求，啲肉唔止唔係大x樂嗰類，仲有驚喜既~ 係個場門口可以吸引啲，入面可能播下音樂氣氛輕鬆啲，會食得再開心啲~

服務態度差，安排入座方面很有問題。對客人沒有禮貌，食物非常一般。可以的話會選擇其他餐廳火鍋湯底一般，肉類頭輪之後有非常大的落差。不會再幫襯，受氣多個享受。。。。

Book左2030 佢等到0850都無位 好 啦咁 出面有一大班book左 2030 的人等緊 都唔緊要。 仲要安排極差 問佢有位未 佢就話等多一陣。但淨係叫出面等 邊個入去先都唔知。 之後得幾個位出左黎。叫出面十幾個想入就入先。管理極差同佢講幾句就話 就話比人入先 咩態度呀 派籌或叫人排隊都唔識 毫無服務可言。咁的態度真的不合時宜。之前好食都唔再食 一肚氣都飽一向都唔劣評 不過咁樣比人服務法 唔寫都唔得。一定要blacklist 幾平都唔推介

用開飯訂位有八五折點左個牛小排套餐蠔 帶子都任食牛肉好食 有牛味 脂肪分布平均店員十分友善配料正常野值得一讚既係天婦羅全部即叫即整選擇又多改善位：如果用膳時間可以更長會更好空間比較細很迫 拿配料都要同人迫

有時Happy Friday ， 又想食好點，今次就食盡去，午餐都食牛肉火鍋放題揀左個一款美國特色牛放題（$138 + 10%charge)牛肉偏瘦，不過肉質都唔錯， 軟熟唔硬身，唔會好多筋，不過切得比較薄，所以今次放題都大戰再好幾回湯底有四款，揀左餸牛肉特別夾既壽起燒甜豉油湯底，重有好多款配菜可以揀， 突別推介佢既芝士丸食放題都有樣野好緊要，就系任飲飲品，有幾款韓國既果汁，其中有款粒粒橙飲品，好好飲下午一大班人來絕對唔錯，不過等我比個tips 你用open rice 預訂隨時有折頭，甘就更加抵食啦

食物同環境都合格，算係對得起價位....平日lunch或者收工去都唔錯，除左牛之外，最近有手工啤（很順，易入口）同炸物....如果狂食肉都唔飽，建議試下夾佢個拉麵返去食，拉麵本身有調味，煮完仲正過公仔麵。唯獨唔多好ge係餐廳唔再開音樂或者電視，靜得有點不好意思。