目黑壽司 (已結業)

幾好,不過抺唔凈啲蟹籽,週圍都係,同埋可能太熱,啲沙律縮臭咗.

同Bryan都係第一次食目黑三文魚- 雖然三文魚唔厚又唔係好好味, 但有三pcs/$12用黎填肚都幾好海膽- 以回轉壽司黎講都叫幾好味和牛- 賣相好似唔係咁好, d紋唔夠靚. 生牛肉軟就幾軟, 但味道我覺得麻麻...好似食medium rare咁既味, 牛肉味係食得出, 但如果依塊唔其他牛, 咁真和牛就更冇味, 咁係咪咁好味呢? 我會想食牛扖多d...珍寶帶子- 真係幾大隻, 入口都幾sticky, 好味腐皮, 池魚- OK熱食有雞軟骨同豚肉鍋! 豚肉鍋幾好味, 豚肉肥肥地, 湯也不錯. 重叫左西柚汁not bad!但大門成日開住, 冇諗過馬路既dust會飛晒入去做壽司個度!作為壽司名應小心一點, 因為大多食物都non-cooked

前日我去到黎個mega box既商場同個fd唸住食個hight tea啦,,,就黎左一間叫{目黑}既迥轉壽司到食啦...個muen都吸引架!我地開頭叫左幾碟壽司味道都可以接受,,但到最後叫左2個軟蚧手卷就好唔得囉...我同我個fd食笫一口同都話凍冰冰既...於是就叫個經理黎睇吓可唔可以換啦...一路等,等左乘20分鐘都唔黎喎咁再吹啦!叫左個經理2次都避開我地重口黑面黑囉...以後都唔會再去囉!!

以為佢多分店，靠得住。以為目黑，所以間店會黑d。見到佢出面個餐牌d sushi好似好靚咁。下午行過就坐低左。入到去，唔開燈，好暗，無咩人，有d霉霉地空氣唔係好流通咁。既然坐低左又好肚餓就試下啦! 唉，魚生細塊又唔新鮮，連d飯都唔好味，佢究竟想點者？？都未飽頂唔順賣單閃人，唯有再去第間餐廳補飛。

昨晚和男友在tw，想食sushi但發覺選擇不多，男友提議來目黑，雖然多年前在kln bay試過覺得不好，但又至於極差，而且見他又轉了可愛的menu，姑且再給多一次機會!我們選了坐order木台，首先先試了兩樣sushi，池魚和三文魚。兩者一點都不新鮮，而且飯都過濕，好難食!之後我們都不敢再order sushi了，只好叫一個鍋燒烏冬。這個也是差!整個鍋只有一隻蝦和兩片明鳴卷，餘下的只有烏冬。味道也只是一般，而且一看就知道烏冬是一包包的包裝烏冬，這個價錢在其他地方已可以食到好好的手打烏冬了!愈食愈失望，為免再浪費金錢，結賬走人。走的時候又發生了意外，因為吊燈太低，男友撞到了頭，設計太差!順帶一提，衛生亦強差人意，因為給我的筷子是沾滿了塵埃，十分倒胃口。機會是給了，但他沒有珍惜!

前幾日放假同朋友行開呢頭..有時都會見到呢間野門口排好多人..今次得閒就黎試下..入到去ｄ侍應都好有禮貌..佢地卡位ｄ燈好低..坐低時不停叫我地小心頭..order左ｄ壽司同埋小食..壽司不過不失啦..三文魚刺身亦很肥美..略嫌小食不夠多..呢間壽司店比其他不同的是迥轉line上沒有加水器..但看到侍應亦有定時加水..埋單兩個人$160..算是不錯吧..有機會會再來..

今日同亞媽去食飯...諗住食咩都冇所謂啦...入到去先知大獲...咩都冇...日本料理係咪真係sushi only...得5個飯同幾個烏冬...麵都冇...d小食又好普通...其實我本身自己都係做日本料理既...做左十幾間...酒店到街檔都做過...都未見過一間咁差既...都唔明目黑有咩強悍...d sushi屎到爆...小食唔掂...服務唔好...連可樂都要mix soda...咩都唔掂...都仲可以開分店=.=....

見門面幾好, 入左去試下, 食物就麻麻, 壽司唔掂, 魚生唔新鮮, 價錢算係一般，唔算太貴又唔算太便，但再黎的機會都好低。

唔掂!真係唔掂!!!百佳果d好食多多聲服務又差真係食到O 哂嘴

(22/3/07)"目黑"剛出道時已想試,適逄今晚有機take away。service很好,由入門口至買完走,侍應都很好語氣招待。火炙帶子壽司─雖沒"峰"的厚度,都ok既。芒果三文魚卷─matching幾好味,亦新鮮。目黑板壓壽司─睇圖片中間是夾一些住啡色野,賣相唔錯。實物係薄過紙的三文魚片放面,之下可以說是一舊齋米飯團!夾著數條小魚乾!整體食之而無味!

平時我都周圍去食日本,日我三個人去食壽司,你估都估唔到三個人食5碟壽司就埋單走人,三文魚又唔新鮮,飯又散,紫菜又淋,茶包又無味超難食最終我三去第二間再食,我已後都唔會再去.......

平時食開日本野..今次食目黑真係俾佢個樣坤左..外面望入去..幾靚..見佢開左甘耐都未試過..去試下喇..我同我個FD都勁後悔...好彩個日冇平時嗌得甘多..3文魚冇口感..唔新鮮..林既..SALAD..難食..軟殼蟹手卷包到唔知似咩..XX8爪魚壽司..散既...\飯都冇飯味..WASABI冇WASABI味..連茶用茶包沖出黎都可以飲緊水甘..佢都可算係威喇...WASTE MY TIME..!!!

一入到黎感覺好Dirty，張檯濕淋淋，附近位置仲有飯粒o係度，明顯清潔得唔夠乾淨。至於食物方面，都係好普通，只能說剛剛合格。員工方面唔夠得體，一名經理同一名員工o係度閒談，仲夾雜住粗口；其實講唔係問題，但係唔好大聲到可以比d客聽到丫~ 會感覺d員工質數好低劣~

壽司好細粒~ 師傅好好刀法，壽司上面既三文魚勁薄冇味。帶子望落大粒但又係冇味~ 炸蠔個皮好厚~有一款卷物話有芝士既...我望左好耐，食埋都唔見有-___-仲差過越做越唔好食既元祿多多聲~ (又唔係平喎!)

超難吃.鼓油唔得, wasabi 又碎又唔wasa又冇味魚生又細又不新鮮, 飯又唔得.仲要不便宜tim.唔好去呀.