盛記

營業中

休息中

和豬豬女友7點倒來到.行到街尾, 剛巧哥哥在擺檯, o岩晒啦, 一開檯就坐下了.店舖又掛了個牌, 原來此店又係蔡瀾經常光顧的餐廳之一, 問你怕未! 看完menu, 豬豬女友話想食大排檔野, 最後叫了:椒鹽鮮魷拼豆腐, 生炒骨, 蒜蓉炒白菜炒白菜先上, 味道一般, 菜都幾新鮮.炒得幾油, 預左.生炒骨方面, 40蚊黎講, 又真係太細碟了!可能係個翠華碟太大, 型式錯覺?味道都係一般, 豬肉略肥.椒鹽鮮魷拼豆腐等了幾耐, 飯都食晒才上.d鮮魷冇落咩粉才炸的; 食落感覺似係炒多過炸的, 唔太韌, 鮮味, 很好.豆腐切到好似筷子咁薄才炸的, 但又不太咸.反而, 碟底的油和椒鹽聚晒响度, 食到下面的豆腐就勁咸...d椒鹽分佈非常唔平均呢.服務方面, 人客太多, 阿姐又唔係成日行過黎, 要揾佢都要等.除此之外, ok 啦.2人食了100蚊, 幾經濟.但味道一般.見好多人都係食個例湯+個飯便算了, 個湯看落又倒幾正, 再來的話要一試呢.

環境好有懷舊 feel, 但上菜極慢, 食完一個餸等另一個, 好無癮, 最重要是食物質素唔得, 試了:生炒骨: 不好吃, 有很多肥肉, 味道也不是我那杯茶蕃茄魚湯: ok, 只是油了些椒鹽鮮魷: 好一般, 是濕炒的, 不是乾身炸過的那一種啫啫雞煲: 好一般, 沒有雞味咸魚雞粒炒飯: 好油好咸, 又有鑊"lone" 味, 啲飯好濕又有好多黑點不會有下次了!

外地都努力把珍貴的傳統與歷史保留下來，香港似乎是個例外。台北的士林夜市，拆卸前先覓地重建；香港的大牌檔，檔主去世後卻被收回牌照，後人想繼續經營也吃閉門羹（荷里活道的民園麵家便是一例，只有搬進地舖）。於是這香港人的集體回憶，只會慢慢地在這都市中煙消雲散。港島區，大牌檔也不少，有勝香園、蘭芳園（門口的檔口就是標準大牌檔）與炳記等；最近來到盛記，才後悔為何不早早就來試一試！在橫街內的盛記，桌椅放滿在街上，用著發黃光的鎢絲燈，油煙瀰漫在巷子之中。這就是一點不修飾、活脫脫的「正式」大牌檔！一看餐牌，大驚：如此的價錢，仍能維生嗎？是的，就是這種實惠，一直以來讓薪水微薄的打工仔吃得飽足。白飯四元一碗，用的是雞公仔碗，分一分，足以填滿兩個飯碗有餘！但我和同伴還是叫了第二碗，只因餸菜好味！涼瓜炒豬什（$32），大牌檔炒的當然有鑊氣；豬肚、粉腸、豬膶、豬腰、豬橫脷都到齊了！這菜的難度是食材的烹調需時不一，最重要是該熟的都剛熟，挾起一塊豬膶檢驗一下，果然軟稔好吃。啫啫雞煲（$40），顏色較淺（相信是因為不加醬油調色），看來不及他店惹味；放進咀裡，才知自己大錯特錯！雞肉肥美，肉多骨少，而且都醃透了，同伴聲聲讚

晚上九點幾在中環揾食，遠處見到有大排檔... 反正很久都未食過街邊大排檔，此店又有蔡生推薦，便坐下一試。食得街邊大排檔，就預咗衞生麻麻，碗筷都有D油膩。兩個人叫了兩味小菜，兩個白飯。白飯$4一個，大大碗，抵食。至於小菜，第一味是蝦仁炒蛋，賣相頗為嚇人，點解D蛋係灰色嘅？！當然碟底D油都係灰黑色！！我們唯有叫自己唔好咁「苛求」，試吓啦！幸好味道尚算正常，D蝦都算大隻。第二味是豆腐斑腩煲，煲底雖夠熱，但賣相依然係一般。豆腐不是炸豆腐，是普通豆腐，比較「碎」；斑腩則唔知係乜嚟，無魚味，送骨送魚鱗。心想，這店真是蔡生至愛之一？！

第一次幫襯, 因為見多人, 又有食家推薦, 結果...............豉椒炒蜆 $ 38 (ok, 幾夠火喉)蝦醬通菜 $ 19 (勁咸)椒鹽鮮魷 $ 40 (勁咸, 鮮魷少)生炒骨 $40 (咸+勁酸....真係未試過食生炒骨會比d 酸味攪到即時咳左出黎) 白飯 $4 需然價錢平, 但係真係好咸, 所以唔會再幫襯啦.

又再次跟多年老死去大排檔覓食，幾乎每一次如是，因老友記最喜愛大排檔小炒了....原本又是要去深水埗的，這已是指定動作。但是日因交通安排緣故，轉戰至士丹利街。早已想試這裏了，記得上次下午來，花了十多分鐘才到個位坐，接着等了半個鐘也沒有人理會，不耐煩，轉身便走了。今日可不同了，閒日非繁忙時間，很快便有位...這裏的賣點是很老老實實的家常小菜，而且價錢於中環地段來說真的很便宜。故此跟老友也不需要客氣，大叫特叫可也....記得很久沒有吃過蕃茄紅衫魚了，從前媽媽偶然都會煑一下。是日看見有得吃，馬上叫。味道真的很家常，師傅下得不多，魚略經走油後皮亦脆卜卜；蕃茄份量頗多而且切得大大件。用來送飯，一流...平常响街邊煎釀三寶就吃得多，排檔及飯館就反而少吃。之前知道這裏的做得不錯，又見每枱都有一碟，不叫怎行 ? 同樣份量十足，魚肉打得不甚彈牙，是為美中不足，而且獻汁不多，不可用來撈飯吃，也是遺憾...老友最愛啫雞煲，來一煲當然好極。端來時真的啫啫聲作響，新鮮滾熱辣。豬肝有一點老，帶苦味；雞件雖是雪藏貨，但質感很滑，連雞胸也不例外，算是扯個平手了。但相比之下，總覺不及耀東街強記的出品....不夠喉，再來豉

其實這個係我係openrice第三個食評,但點解前兩個都冇被登呢?OK..廢話小講,話說今日老婆要去銅鑼灣覆診,所以我便從屯門家出發陪她去,當然我要想好下午至晚上RUNDOWN啦!!當我想起晚飯去邊度....我就想起它..<盛記>,原因好簡單,我睇過佢又話好食,openrice兄弟又話"正",我當然就帶埋老婆去試菜啦我因為怕SAT人多,我地6:00pm前已到達,好在坐位...多的是我一坐低就有個瘦瘦伯伯問我地食咩,我當然就不用想啦,點了大家推介....先個蕃茄豆腐魚頭湯(細)GOOD,魚頭新鮮,湯味夠濃 chopstick:滑旦仁,普通啦..雖然味道還可以,但旦炒得太老啦,咁何來滑旦呢 涼瓜牛肉,味道最搶...因為好多味精 白飯一大碗$4..點解碗飯凍 開找數多謝$98 (兩一湯一飯一汽水)價錢當然高分啦..抵食我會再架,希望下次比番信心我啦

今次4人黎食，坐左係則邊斜路位，講真唔係太鐘意坐個邊...因為感覺好坐唔穩咁..叫左..1. 蒜蓉炒菜心 - 原全無蒜蓉同蒜蓉ge味，覺得似油浸煮出黎咁，普通...2. 紅燒豆腐 - 有d肉絲，唔錯!3. 生炒骨 - 少肉，味好淡4. 椒鹽鮮魷 - 上次都食過，覺得今次份量好似少左，但味道仲好好仲叫左3碗白飯($4碗) + 2罐汽水不過今次覺得全部都好淡味...

八月七日(星期四)嘩!老公仔寫既食評又在U Magazine刊登la,三次投稿都被刊登…勁呀!!!我們就快可以免費食千両!!!今晚繼續加班,因為公司係IFC Palace包左場睇夜場Mummy III,所以我們與同事先吃晚餐…最後選了這裡!我地一行八位西裝友來到,好似同個環境唔多夾…無錯,我地就是想來感受一下大排擋的風味…有同事提起Openrice,原來他們都會看我們的食評,我們真的有忠實fans…要繼續努力,同事還着我們影多d相擺上來..既然來到大排擋,當然預了環境不太乾淨,但”伙計”的服務已經超出我們的期望,我們一行叫了十碟菜:1+2蝦仁炒蛋喜出望外,用石爐炒的蛋,火候十足,來到時還是熱騰騰的,而且蝦仁都幾大粒,掂呀!同澳牛的炒蛋相比,可謂一剛一柔.一碟賽在太少,我們還encore了一碟!3豉椒鵝腸呢碟係老闆推介,果然好新鮮,鵝腸夠大條,夠爽,夠彈牙4豉椒炒蜆來大排擋一定要試,因為係屋企炒唔出咁有火候,咁惹味…而且d蜆都尚算大隻,蜆肉咬落有口感,好入味…正!5蕃茄湯個湯好大煲,夠我們八人每人兩大碗,不過應該落了不少味精,飲完反而有點口渴6魚香茄子煲d茄子好惹味,而且軟硬度好適中,伴

同個朋友突登黎食大排檔，其實已經想黎好耐，上星期睇電視仲見到蔡瀾介紹〝盛記〞tim!叫左...1. 椒鹽鮮魷 $3X-$40 - 正，同出邊個d椒鹽味好唔同，幾特別!2. 豆腐班腩煲 $4X - d班腩麻麻地3. 涼瓜炒牛肉 $3X-$40 - 正呀，好有窩氣!4. 炒蜆 ($32) - 幾入味! Good!!!叫左兩碗白飯，$4碗，點知黎到先知原來都幾大碗飯，不過我地最好都清曬所有野。其實可能係個椒鹽鮮魷同埋炒蜆其實唔係好多，所以先食得曬!仲叫左一大枝藍妹飲 $10 only!!!

又要開夜，不想再捱飯盒，閃了出來吃個湯飯。夜涼如水﹝梗係唔係講緊今日，食評已經係幾個月前的事了﹞，這裡的人客大都是在吃火窩，不然的話，也會吃羊腩煲的，我一個人來，吃個湯飯就最好。去檔前一看，食材紛陳，感覺就如進了法蘭西餐廳，也是會將最新鮮的食材放在店子給客人去選的。本想吃魚湯，但師傅說豬雜新鮮，加上西洋菜，就來個西洋菜豬雜湯吧！坐在半露天廚房的後面，看著師傅在控制著兩個爐頭去煎去炒去炆去煮，感覺如坐chef table無疑。湯是made to order的，不停冒煙又滾燙的，在凍冰冰的夜晚，喝起來無比受用，尤其對於我這些喜歡及習慣喝熱湯的人而言。湯底清鮮，有西洋菜的甜味，說沒有下味精是假的，不過情況絕對是可以接受的。豬雜有豬心、豬肚、肉片、粉腸等等，煮得夠腍，幾豐富的。邊喝湯邊吃飯，吃罷混身暖透，無得頂。埋單28蚊，又便宜又美味，又回去搏殺過。

中區大排檔,第二次幫襯,因為方便班fan食煙,論環境,無謂講,八點半後粥檔收左佢地至可以擺多d!帶左餐酒去飲,叫左菜遠白灼豬什,d豬潤好得,剛剛熟,同果d所謂豬潤麵簡直贏成條街!不過幾怪,無豬腰喎!再encore豬潤,女人最好,可以補下鐵質!又叫了椒鹽鯇魚件,好味!椒鹽粉腸同鵝腸,不過我無吼!生炒骨都唔錯,煎釀三寶d魚肉有少少問題,差左,啤酒skol十蚊特價,飯碗仲用紅雞碗,d遊客經過實影下相,愈夜愈多人,想試下大排檔feel,好值得去!

今日, 2點先食lunch, 肚餓, 同同事2人試下呢間大排檔, 史丹利街只有呢檔未嚐.主要提供小炒, 一個滑蛋蝦仁, 一個豉椒牛肉, 牛肉好入味, 蝦仁蛋亦好夠鑊氣. 再來白飯兩個, 中午叫餸食飯, 不錯. 價錢比起同街大排檔貴, 但好食搭夠. 但看見吊住一串串腸或什麼內臟, 有點兒不慣.

活復節同男朋友第一次去，好耐之前經過見好有風味，中環竟然有呢檔口，所以都好想一試。睇下餐牌，都係三四十蚊一個，唔算貴，由於鑊氣夠，味道整體算不錯，最好食的是時菜炒鮮魷，好有蝦醬味，yummy yummy…仲有4蚊一碗白飯，十萬個"抵"，仲要係湯碗咁大，兩個女仔share都可以。其實呢街邊小檔，唔預好企理，只不過估唔到我讚不絕口又係第一次幫襯時，竟然見到隻手掌咁大的老鼠，唔係講笑，隻老鼠唔驚人，出望一陣至匿番入隔離已收檔的檔口暗角處。衰在我醒唔起拎相機影佢，唔係，呢個檔口繼元氣夀司後做梗蘋果A1。自問唔怕污糟又唔怕老鼠橫行，其實真係值得一試。

今日路過中環,想起士丹利街有幾間出名大排檔,一早想去試吓,宜家有個機會,決定行多幾步去正式試吓一行三人叫咗啫啫雞煲,椒鹽鮮魷,配三碗白飯同汽水啫啫雞煲幾好食, 但份量太少椒鹽鮮魷好似咸咗d由於坐正個爐對面,所以非常感受到鍋氣埋單$103, 但有d唔夠飽,下次會叫多一個餸