盛八日式燒肉放題店 (已結業)

帶友人黎試下, 之前黎食過幾次, 覺得幾好~仍然推介: 燒汁牛肋骨肉, 盛八特式野菜沙律及石頭生牛肉飯..身上的煙味出左門外半小時後已消失..

食左佢GE 和牛, 麻麻, 反而普通燒牛好味, 因為有肉味！佢D 燒硯OK...但唔知佢用咩浸過....唔知飲唔飲埋D硯汁好。。。。有次食到有沙…驚驚地咁...佢GE 石頭鍋飯堅好味！！夠料有味, 所有野都lo 得好好！個waiter 仲會幫我平均分做兩個細碗！2 個人食可以唔駛爭…haha好味！兩個人食左差唔多$400

１２月２號果日同男朋友上去試下,點知無左中銀優惠就叫左個聖誕set,因為有和牛同蟹腳比較吸引,黎到竟然有飾物勁得意,但還未有佈置氣氛應加點佈置,講返食物,的確不錯..但份量應加多點或有甜品會較為吸引,不過整體上來講的確係一個食野的好地方。

早於一星期已向盛八訂星期六, 兩位. 在訂位時, 訂7點, 話9:30交枱, 我話冇問題. 到上個星期六下午, 打來CONFIRM BOOKING 時, 話要在8:30交枱, 我話明明訂枱時話9:30交枱, 佢話因為今晚都多BOOKING, 咁算啦. 最激氣就係一上到去, 佢竟然帶我地兩個坐BAR 枱, 真係豈有此理丫, 我先生即刻同佢講, 訂位都要坐呢d, 佢話唔好意思, 今晚多booking, 之後我加左句, 話咁你打來confirm 果時又唔會同我講. 咁我地當然冇食到, 就咁走左啦. 我其實未食過呢間野, 諗住去試下, 竟然會咁, 我唔會再去呢間野食架喇, 就算講到幾好食都好....

跟幾位朋友到這裏短聚。點了一口牛、羊扒、香草雞腿、五花腩、田園沙律、泡菜芝士石頭鍋飯。整體都不錯，肉質不錯，燒至若五成熟，不會太乾，還有肉汁，唯獨是香草雞腿有點怪怪的，不是味道怪，它被一層綠綠的粉包著，賣相有點奇怪，都不出原來的樣子，懷疑醃得過份。吃得太多肉，所以點個沙律點綴一下，普通。泡菜芝士石頭鍋飯份量小小的，每人分到一小碗。味道幾有特色。

Came with a few girlfriends, none of us has been before, but we wanted to try something Japanese which wasn't raw... The place was like a market, noisy, crowded, sizzling and smokey. Usually I won't mind too much, but we had a bday party to go afterwards, and I don't want to smell like a roasted pig with melted make up.Food was average, meat was thinly sliced but didn't really taste of anything, in fact i think they all tasted pretty much the same coz the smoke was just overwhelming my other se

前晚返U辦點事,落到去CWB已經8點幾,唔駛等位,因為同學仔未黎過,不如叫中銀信用卡$388優惠餐(已經30%off),有8樣食物,牛舌,燒汁牛肋骨肉,牛胸腹,信洲和牛,虎蝦,芥末雞肉,魷魚圈咁上下,其實,其他我樣樣都試過,係信洲和牛未試過--有4片,幾好味,唔騷;虎蝦--我次次都叫彈牙又鮮味,但今次好似麻麻,無咁鮮味,同細少少牛舌--始終都係咁好味!^^今晚食得太多肉!要遲d先再黎!

男朋友一向鍾意食牛，所以今日就同左佢\去食盛八，第一次去，坐低左唔係好識嗌，d侍應都好熱情教我地點叫，我地有中銀卡..就叫左個半價的和牛拖羅刺身，肉質好新鮮，好鮮味。仲有佢地牌牌的幾款野，有貴族和牛，係無汁o既，個侍應話係因為要保存和牛本身的肉味，油花好密好均勻；橫隔肌好有口感，但有少少根，但侍應話呢個位置係一定有少少根，但只要唔燒咁耐就唔會變得un。涮涮燒係切薄片的牛肉，才量油花，所以唔怕肥，而且燒一陣就食得，哈，肚餓第一時間叫呢個食就最fit la~仲有都係poster上的豚肉大蔥燒，豚肉包住d大蔥黎食，好香。芝士石頭飯，嘩，又香又脆呀d飯焦，而且我最鍾意食芝士‧正。仲左兩杯野飲，好似叫盛八森之凍，用個量杯盛裝，顏色又吸引，幾好味，係有少少白酒架~最後食埋個甜品，奶凍。好好味好滑，唔會太甜。整體上都好滿意侍應介紹O既食物，下次會再揀返盛八食燒肉。

前兩天與友人慶祝生日，點了中銀信用咭的優惠二人套餐，$388，ok喎! 整體來說都算好味，但食到中途就覺得食物好鹹，後來叫了個飯團，這個就好一般了，$18一小個"乾憎憎"的飯團好不值。(本來想叫白飯的，但不知侍應是否誤會了，竟跟我說沒有一般的飯!)至於環境方面就相當不錯，很有氣氛!當晚我們都吃得很開懷呢!

一坐低叫就叫晒poster上面5款野食:牛肋骨肉->超好味呢!!盛八沙律->wasabi味汁,fresh厚牛舌->好爽wor盛八腸->推介和牛->好有牛肉味一向去開和幸,聽朋友講盛八好好食,就同妹妹去試。食完比想像中水準高,舒適度一般,因為地方不大。味道好過和幸好多,有得選擇,我都會去盛八。

廣告看得多加上有口碑相傳就剛有大群朋友一起吃過的說水準不錯在東京已變成跟去銅鑼灣一樣方便的年代在這舊式商廈中的燒肉店竟也有一點像新宿的味道燒當然是主打果味牛胸腹第一時間聯想起小學科學教的昆虫頭胸腹當然沒有關係但此品與果味也沒甚關連頂多是甜一點的醃汁吧分成十二片(不是件)紋理確是分明燒來也挺香但不是太有牛味而已山葵雞翼看起來確是綠綠的可能燒過後山葵已消失殆盡了四隻去骨雞翼也不算大隻68元兩隻的燒大蝦反是較對辦的大大隻的鮮蝦中間打開再夾上牛油烤起來也蠻香的花點心思把牠們烤得剛熟既香口又有鮮味原定的單尾是石鍋泡菜牛肋骨湯面熱騰騰紅彤彤的剎是吸引可惜麵很多牛肉很少而且不大爽口是牛肋骨最忌的四碟過後還未有半飽唯有追加七味黑豚腩肉一般豚肉而己不懂欣賞裝修和抽風也做得很好客人也很安靜不像一般韓燒般地茂不過要350元二人前還不飽呢皆因份量實在太少人多叫滿一檯也未夠還是省著下次真的去新宿好了

聽就聽得多，終於上星期日去試一試。終結一句，以這份量，價錢真的貴得很。點了黑七味雞翼，印象中好似係$68，來到時，發現份量只是得兩隻雞中翼，天啊，勢估唔到兩隻雞中翼要$68。厚切牛腹，$98，有6片，但每片面積約尾指大小，厚切也少於5 mm，若將整碟6片加起來，份量應該少過打邊爐的一塊肥牛。牛肉涮涮燒，promotion價都要$118，4片。香草磨菇，$38，份量約是2粒磨菇。兩啖一定食哂。海鮮薄餅，$58，只有一隻手掌大少相約。豬肋骨，唔記得$78定$88，有6塊大少如酒樓的排骨點心一樣，已算是份量最大的一碟。落單的時候，並不知道份量會少到咁可憐，當D食物上桌時，我們已經唔再加單了，因為都頗肯定，若要食得飽的話，分分鐘要$2000埋單。埋單若$370，但飽肚的感覺猶如只是在街邊食串魚蛋一樣。

我28号同媽咪係盛八慶祝生日,我因為買旦糕所以遲到,又唔知幾号枱,但係帶位既肥哥哥仍然好好人咁幫我收起個旦糕,仲叫我行入去先,好讓佢知道我坐邊張枱,甘既服務態度認真抵讚!!叫咗個中銀咭既優惠餐加個海鮮拼盤,四個人食都夠,其實係好夠至啱,美中不足係海鮮拼盤既蟹太咸,因為晤知點燒,所以問服務員,佢其實都叫咗我地唔好燒咁耐,否則會咸,但係就冇話燒幾耐,所以食不下!和牛真係超正,形容唔到!!到最後我偷偷叫人攞旦糕,但成＋分鐘都未到,可能太忙,勁多人,佢竟然求其將個旦糕放在枱上,咩神祕感都冇晒!!!嬲!!不過,整體都算幾滿意,會再去,下次會order卡位,舒服D!!

我同朋友講開，越來越多日式食店係午市抵食過晚市，呢間係其中既一間。朋友係識途老馬，去左幾次架啦，我地就緊係坐係到食殘廢餐啦～～～我早到左，環境唔錯架，地方小小不過氣氛真係靜靜地幾好。我地三個女仔叫左一個凍豆腐、一個二人餐（七味粉豬頸肉、蜆、牛肉、豚肉、Wasabi雞亦同埋鴨胸，仲有兩碗白飯）、藍莓雞肉海鮮沙律。個凍豆腐up to standard，都係一般野啦。個沙律除左有海鮮同雞肉之外，佢最出色就係加左蘆薈同埋個汁好清新，的確係飯前既一個好開胃既頭盤。個２人餐加埋飯都係幾夠食架，蜆係好鮮嫩而且又無沙，個牛肉係入口即溶不過亦都有牛味；鴨胸係好明顯係就咁買返黎既，無加工所以亦無得加分；豚肉同豬頸肉都好好食；雞亦好細心咁切開左一半，咁燒個陣就易熟好多啦。甜品個個都係食雪糕，我估因為食完燒野啦，兩個叫左開心果味，另一個叫左芒果味。總括來講都係一個甜字啦，可能因為我而家少食甜唔啦，唔多啱我囉想睇多d相, 就麻煩你黎:http://hk.myblog.yahoo.com/alison1803/article?mid=7047&fid=5

有朋友要去澳洲讀書~為佢餞行~4個人黎左呢間~泡菜芝士石碢飯(8.5/10)~好香芝士味呀~WAITER哥哥仲會幫你攪同分埋~泡菜只不過用黎調味~少少酸辣好開胃~芝士份量夠，每啖飯都有芝士香~推介!!!牛肋骨石碢湯面(8/10)~呢個就辣D~湯夠濃~牛肋骨冧得有D’鞋’，不過麵都吸收曬湯GA精華~唔錯唔錯~特上和牛炒飯(7.5/10)~只不過係一碟普通GA炒飯，不過炒得幾香同乾身呀~唔太油~ 和牛變了牛肉碎，唔講都唔知碟飯用和牛炒…燒汁牛肋骨(8.5/10)~細細塊得果10片左右~不過都幾嫰滑，甜甜地芥未一口牛(8/10)~比別府果個質素好些少~我自己就覺得別府抵食D~黑豚肉(7.5/10)~好肥呀~不過加埋D菜卷埋都幾好食~有少少趣口GA感覺一杯巨峰提乳酸~幾好飲呀~好巨峰提味~不過無乳酸味一杯阿部白桃乳酸~唔明白桃+乳酸=黃色…無桃同乳酸味~有少少似芒果味~不過有D冰碎飲落都唔錯~2杯柚子蜜綠茶~我只覺得飲緊柚子蜜~綠茶不見了~服務態度不錯,不斷幫我地refill茶, 仲會成日笑笑口咁..不過上錯左幾次野啦~D野全部都係細細碟~都幾貴~我地咁食都6百五有多呀~