盈苑

食物已經好差，侍應態度仲差，我哋食緊野仲要洗我哋隔離部冷氣，我老公話等我地走先洗啦！仲比佢話返轉頭（離咁開……）！小姐我後面1尺炸🤬🤬🤬🤬🤬。好少寫食評，食物差我都唔寫，態度咁真係…………！不會有下次，除非我想爆血管啦👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻…查看更多

私自取消訂位，不給客人電話通知，將責任歸給客人，不懂處理問題，極度不負責任，令人好失望的酒樓，其實一早已知當日訂位已滿座，但網上還給人訂位，沒有即時轉為不能訂位。處理手法非常失當。…查看更多

食物品質還可以，但員工態度服務惡劣，而且沒有掛名牌，所以不知員工姓名，所以投訴無門。詢問部長員工態度惡劣員工姓名，部長會包庇不會講給顧客聽的，叫顧客自己問回員工。…查看更多

假日去工廠區的酒樓為的就是不用排隊但是呢明明沒什麼人 全場一半滿但等點心的時間都要30分鐘而且人手比較緊張很多時候需要自己去加茶 去收銀台加單 要醬料的話 自己去廚房百花釀魚肚魚肚鮮甜嘅味道配埋百花清新嘅口感d蝦係好彈牙，一啖落去好鮮甜但是呢 份量很小 有點離譜而且汁水已乾 變相魚肚好乾壽桃包裡邊有蓮蓉同蛋黃，甜而唔膩但蓮蓉的量太少而且＄16一個壽桃包 比一個正常的叉燒包還小就過份了原蝦燒賣燒賣皮薄餡足面上放了一隻大蝦每一粒燒賣入面都包住滿滿嘅肉餡但是散開的完全不緊實招牌黑金流沙包入面係熱辣辣流心嘅流沙包但只有很少的流心 餡很少 說招牌有點失望牛柏葉發的時間應該不夠 很有咬口陳皮牛肉球正常的水準性價比：如果早茶是可以的 夠便宜但中午茶 量小價貴 沒服務 完全不值得服務：都沒有人手 那來的服務…查看更多

上次嚟過觀塘嘅盈苑，今次再嚟都仲係咁有驚喜！呢間餐廳環境寬敞，座位舒適，特別適合同朋友嚟慢慢享受一頓下午茶。點咗幾款經典嘅點心，每款都係盈苑嘅招牌，真係值得推薦。首先係晶瑩鮮蝦餃，皮薄得嚟唔會爛，蝦肉彈牙新鮮，口感特別好，令每一啖都充滿海洋嘅鮮味。跟住試咗鮑魚鳳眼餃，外觀精致，鮑魚同餡料搭配得啱啱好，啲口感好嫩滑，好有層次。仲有鮮肉小籠包，皮薄肉汁多，每一啖都溢出肉汁，食得特別滿足，呢個小籠包真係值得一試。最後嘅原個懷舊馬拉糕，就係完美收尾，口感鬆軟，唔會過甜，食落充滿懷舊風味，好似帶你回到童年時光。成個用餐氣氛輕鬆舒服，服務員好有禮貌同細心。盈苑絕對係朋友聚會嘅好選擇，食物高質、環境舒適，值得再嚟。…查看更多

前幾日同朋友去盈苑食午餐，聽講呢間酒樓好受歡迎，果然一到埋已經好多人，好似觀塘嘅人氣地標咁！排咗一陣終於入到去，坐低就開始睇下啲推介嘅菜式。當日點咗幾款經典，食物整體好滿足👍🏻▶️北京片皮鴨鴨皮煎得香脆，油脂香氣出嚟啱啱好，夾住薄薄嘅餅皮，口感多層次，食一啖唔會膩，好滋味。▶️手拍青瓜海蜇爽脆嘅青瓜拍得啱啱好，酸甜開胃，搭埋彈牙嘅海蜇，簡單又唔失風味，真係好啱做前菜。▶️原個懷舊馬拉糕馬拉糕鬆軟而唔油，甜度適中，好似食到細個屋企人做嘅味道，食落去真係有種舒服嘅家鄉味道。▶️砂鍋鮑魚雞粒蛋白炒飯一端上枱就聞到砂鍋嘅香氣，飯炒得粒粒分明，蛋白好滑，加上鮑魚同雞粒更添香濃層次，真係一碗唔夠食。呢次午餐食得滿足又開心，盈苑嘅出品果然唔負觀塘人氣之選，值得再嚟試吓其他菜式！✨…查看更多

今日lunch同事同我講話要帶我去試下新野，平時食開個幾間都無咩特別就一下應承做去試下先，呢度係一間酒樓好多人食，即刻就知一定好好食，食完真係覺得好唔錯，試左幾樣比較出色既菜式，真係好掂🌟百花釀魚肚魚肚鮮甜嘅味道配埋百花清新嘅口感🦐d蝦係好彈牙，一啖落去好鮮甜🌟壽桃包呢個由細到大都好中意食既🥯入邊放咗蓮蓉同蛋黃，甜而唔膩，好綿密又話好滑🌟鮑魚餃入面既餡係好新鮮彈牙🥟上面仲有隻鮑魚，呢個餃子皮同平時食開有d唔同，係比較有嚼勁比較彈牙，超香🌟蛋白炒飯呢個炒飯炒到好有鍋氣，入面有蛋白、雞粒同鮑魚🍲食落去啖啖都係料，d飯又炒到粒粒分明，食落去好香口，超推薦…查看更多

最鍾意就係同屋企人食點心啦！呢間係我哋一家成日嚟嘅點心酒樓之一，味道同服務都喺水準之上😋 我哋每次嚟都必點呢幾樣，推介俾大家～✅手拍青瓜海蜇必點鮮香酸爽嘅餐前涼菜～海蜇食落去口感爽脆，同青瓜一齊夾住食好有咬口，好開胃😋✅原蝦燒賣燒賣皮薄餡足，上面仲擺咗一隻大蝦！每一粒燒賣入面都包住滿滿嘅肉餡🤤 口感豐富但係唔會油膩，食落去好鮮味👍🏼 一啖一個真係好滿足～✅銀湖百花釀魚肚吸滿湯汁嘅魚肚食落去口感脆彈，幾大嚿嘅魚肚上面仲有滿滿嘅蝦滑😋 鮮味甜味好好味～✅懷舊馬拉糕睇落去就非常鬆軟嘅糕體😋 食落去好似雲噉軟綿，仲帶住少少Q彈同微微甜嘅口感😍 新鮮出爐熱辣辣嘅超級好食！✅香煎芋絲夾鍾意芋頭嘅朋友必點！煎得焦香嘅外皮夾住厚厚嘅芋絲，香脆嘅外皮同入面綿軟嘅芋絲相得益彰，正👍🏼✅鮮蝦餃晶瑩剔透嘅外皮包住大大隻蝦仁喺入面，半透明狀嘅外皮食落去就好彈牙😻 入面嘅蝦肉味道超級鮮美，同有嚼勁嘅外皮完美融合😇…查看更多

觀塘嘅隱世美味點心之前已經嚟過，好耐冇食點心，今日就特登搭車出嚟盈苑幫襯，去到嘅時候好彩唔使等位，即係有得坐低☺️見到張餐牌真係好多嘢都想食，因為樣樣都好食，上菜速度都算正常，唔會一下子就上哂/食完一碟等好耐都未有其他嘢食，啱哂鍾意食點心嘆杯茶嘅我啊！首先上嘅係手拍青瓜海蜇，個個醬汁真係未食過嘅味道，好香同食物味道好夾，每一啖都要點小小汁食，對於唔食青瓜類嘅我次次都因為個汁忍唔住要食埋個青瓜，果然醬汁對食物嚟講真係好重要😆之後就到蝦餃，正宗嘅一盅四件啊！size都夠大，個餡料好多，夠juicy，整體上都叫做唔錯啦！跟住就到砂鍋鮑魚雞粒蛋白炒飯，入面配搭鮑魚雞粒真係好足料。啖啖放入口都係滿滿嘅雞香味，成件事好滿足。重點係個鮑魚唔會好韌，食落口好滑，食個陣仲好香口！成個飯出嚟嘅效果都好好，加豉油撈落飯到真係好開胃，個飯都幾大個，食完就好飽啦！呢個飯真係一次過滿足哂你三個願望！香煎芋絲夾係我最鐘意食嘅點心，本身佢個色就比較焦香，香芋我都擔心會唔會過甜，食落又唔會，同埋唔會好油👍🏻呢個真心推薦👍🏻最後我哋係蛋黃蓮蓉壽桃同馬拉糕兩者之間做抉擇，同行朋友都鍾意食馬拉糕，最後簡咗馬拉糕,！咬開好鬆軟，唔會太甜，食完都唔會好飽滯…查看更多

呢次同老媽嚟觀塘嘅盈苑食午餐，點咗幾道之前未試過嘅點心。首先上嚟嘅係 銀湖百花釀魚肚，魚肚內釀住豐富嘅百花餡料，嫩滑得嚟口感好出色，層次感極豐富，老媽子食得特別滿意。 然後係 山竹流心球，輕輕一咬，流心嘅內餡好香甜綿密，外皮微微香脆，呢個真係絕對嘅驚喜，滿足感爆棚。 再嚟就係 蛋黃蓮蓉壽桃，外形精緻，蛋黃同蓮蓉餡甜而不膩，好有傳統嘅風味，老媽話呢個食得好有心思，真係一個經典。 最後就係 香煎芋絲夾，外層煎得金黃酥脆，芋絲嘅香氣瀰漫，每一啖都充滿濃郁嘅芋頭味，口感豐富，係整頓餐嘅完美收尾。 盈苑嘅服務一如既往咁好，職員熱情周到，整個用餐體驗非常舒服。如果你想搵間適合同家人一齊嘆美食嘅地方，盈苑係一個非常唔錯嘅選擇！…查看更多

老媽子最近成日話想食粵菜，叫我帶佢去常去嘅盈苑食午餐。啱啱好我今日唔使返工，就同老媽子一齊去食。我哋點嘅燒乳鴿一睇就好好食，外皮燒得非常香，鴿肉軟嫩香甜，每一口都充滿咗驚喜，我哋非常中意！而且仲有兩只，一人食一隻啱啱好！仲有會流心嘅山竹球，食落去非常清新，外皮脆脆地，同山竹嘅口感完全唔同，一口咬落去，帶有微微嘅甜味，簡直係太好食啦！我老媽子每次嚟都必點嘅蝦餃，入口即化，蝦仔非常鮮甜，餃子皮又唔會太厚，入面嘅蝦又好大隻，食落去非常彈牙，令整體嘅口感都非常好👍老媽子食到停唔落嚟！我哋仲試咗米粉湯配半隻貴妃雞。米粉煮得非常軟，湯汁又好香濃，每一口都係精華！加上香嫩嘅雞肉一齊食，簡直係絕配！仲有蔥花作為調味，食落去更加香甜！我同老媽子享用咗非常正嘅午餐，下次帶埋老豆一齊嚟！…查看更多

女友最近成日話想食點心，所以我打算等陣帶佢去觀塘嘅[盈苑]食午餐。我哋兩個人點咗幾款菜，味道都非常唔錯。呢度嘅叉燒包系蜜汁嘅，咬落去非常鮮甜，而且叉燒都好軟，每一啖都好香！呢度嘅叉燒包最吸引我嘅地方就系唔會太甜，所以食到都唔會覺得膩。仲有晶瑩剔透外皮嘅蝦餃，入邊系大大隻嘅蝦仔，鮮甜多汁，一啖咬落去，簡直就系幸福嘅味道！而且分量好足，每一啖都系享受！呢款山竹球外皮酥脆，內餡就系香甜嘅山竹，口感非常豐富。餡料仲系流心嘅，簡直系完美配搭，令人食到停唔落嚟！女友贊唔絕口嘅炒牛河令人非常開胃。牛肉非常鮮美，完全冇牛腥味，而且仲好軟，搭配河粉獨有嘅味道，整體食落去非常乾爽，唔會油膩！女友食到非常開心，仲話要多啲嚟發掘更多美食！…查看更多

老豆特別鐘意食盈苑嘅粵菜，啱啱老媽冇空，我就帶咗佢去嗰度食午餐。呢度除咗粵菜，仲有賣點心。今次我哋點咗百花釀魚肚、煎芋絲夾、鮑魚餃同埋蓮蓉壽桃。每一樣都好啱我哋嘅胃口。呢度嘅釀魚肚非常鮮美，百花有住非常獨特嘅口感，配埋滑溜溜嘅魚肚，口感非常豐富！而且食落去原汁原味，完全系點心嘅經典之作！芋絲夾煎得非常香，外皮酥脆，入邊仲夾住滿滿嘅芋絲，非常香甜，令人食到停唔落嚟！而且仲好大份，我哋都食到非常滿足。老豆最鐘意嘅就系呢度嘅鮑魚餃子，鮑魚非常大隻，咬落去好多汁，配埋餃子薄軟嘅外皮，整體嘅口感同味道都非常正！而我就比較鐘意蓮蓉壽桃，入邊系有蛋黃嘅，食落去非常香甜，又唔會膩，仲帶出淡淡嘅蓮蓉香，簡直系人間美味！我同老豆都食到好爽，聽日仲想再嚟食！…查看更多

上個周末，我同屋企人去咗觀塘嘅盈苑食午餐，聽講呢間酒樓用料講究，於是就去試下😳😗香燒乳鴿第一道係香燒乳鴿，香味十足，皮脆肉嫩，真係一啖接一啖，停唔到手！👍🏻😁晶瑩鮮蝦餃接住係鮮蝦餃，皮薄透亮，蝦肉鮮甜彈牙，完全冇腥味，真係必食！😏蜜汁叉燒包叉燒包鬆軟微甜，蜜汁香濃但唔過甜，咬落去仲有蜜汁流出，非常好味！👍🏻👍🏻砂鍋鮑魚雞粒蛋白炒飯最後係砂鍋炒飯，底部有焦香味，鮑魚同雞粒搭得好，蛋白滑溜，吸引得不得了，份量仲要好多添👏🏻總括來講，盈苑嘅點心真係唔錯，屋企人都好滿意，CP值高，下次一定再試其他菜式！👍🫶🏻🫶🏻下次如果週末唔多人都再試吓…查看更多

難得有空，就約好朋友一齊嚟呢度食午餐。之前讀書嗰陣，我哋成日一齊食點心，所以就決定嚟呢度食。第一樣就叫咗小籠包，係我哋最鍾意嘅點心之一。小籠包非常香，咬落去，入面好多汁，好鮮甜，入面嘅肉質都好鮮嫩，好可口。之後嚟咗一道鮑魚餃子。嫩嫩嘅外皮，加上鮮嫩多汁嘅肉質，有好豐富嘅口感。重點係上面嘅鮑魚，非常有咬勁，一口落去，口感好正，味道都唔錯。我哋仲叫咗另外一個最鍾意嘅點心，就係蝦餃。口感有啲似上一道嘅鮑魚餃子，入面嘅蝦肉放得滿滿，粒粒都好大顆，又好鮮甜。咬落去，非常有滿足感。我哋仲點咗一道青瓜配海蜇，呢度嘅青瓜好酥脆，海蜇都好有口感。呢道菜配埋佢哋特製嘅醬料，簡直一流！最後我哋點咗兩隻乳鴿，呢個乳鴿燒得好香脆，一上菜就聞到香味。外酥內嫩，我哋都覺得好好食。…查看更多