盈彩海鮮火鍋酒家 (已結業)

所有野上到台都係凍 腸粉好難食 一pat面粉咁樣 陳村粉同煎薄餐更甚 全部都係面粉！揚洲炒飯有舊鹽係入面 叫左碗雲吞 入面又叔又臭！！！食完仲肚柯 食到好嬲 都唔知係咪人食 唔怪得知星期日都唔洗等位！！！

呢間茶樓係一個街坊商場入面食客主要都係邨入面既街坊附近有幾間學校 一到lunch time就間間餐廳都坐滿人 而你想坐得舒服啲慢慢食 揀茶樓就最好呢間茶樓有兩邊 一邊係傳統茶樓 會開茶收茶錢另一邊係茶餐廳格局 可以食西式野炒野或者車仔麵由於一個人食飯 通常都會去茶餐廳格局 貪佢唔收茶錢 又可以點心配奶茶 慢慢坐 （點心孖寶會奉送一杯飲料）但有時亦想嘆下茶坐耐啲最抵食係早晨孖寶 20幾蚊 有迷你飯有腸粉 女仔黎講其實都夠食鳳爪排骨飯 - 飯都算乾身 唔會太爛 排骨有4-5粒叉燒腸 - 包得都算靚 腸粉夠滑 叉燒足料一個人悠悠閒閒食個早午茶 又飽肚又抵食如果想食下點心 呢間都係好選擇

我成日覺得呢間酒樓獨市應該幾好搵，點解換咁多手都做唔掂，一定係有污糟野，今日中午12點行過！！果然，大大個門口，人都無多隻。收銀小姐好似撞邪咁，我行到佢面前佢都視而不見，我真係唔介意冇禮貌既員工，總比冇反應既好吧……有怪莫怪細佬仔唔識世界，我終於感受到有錢唔係大哂果種無助。我鼓起勇氣問佢可唔可以賣個排骨飯比我，收銀：無喇，然後佢繼續頭向下，當我唔存在1樣…我好唔好意思咁再問佢可以賣叉燒包比我嗎? lol 我勾起左佢在陽間既記憶喇，佢有一刻遲疑咁答我：好似無喇……然後又唔再理我。上集完（真人真事親身睇驗）

媽媽節不想家族任何一個女人辛苦，出街食飯是最好的選擇，早早就訂了這間的全包飯局$2899母親節算是平吧！乳豬~肥瘦適中，熱熱的皮脆肉嫩西蘭花枝帶子~帶子爽甜，花枝一般，沒特別金菇扒小棠菜，脆玉瓜蝦仁~呢2個都不是太好，醬杰得滯，兩樣都好油蒸石斑反而出乎想像的好食，魚蒸得剛好，魚肉軟軟的翅~一般炸雞~太咸，有雪味炒飯，炒麵~大分量，正常味壽包，紅豆糕，橙甘既價錢，甘既質數，我覺得算唔錯，此終係街坊酒樓

街坊酒樓，永遠唔洗等位，但係啲送就等耐啲京都一字排 $58甜甜地既焗豬骨，幾香口，好送飯金銀蒜蒸勝瓜 $48用蒸扇貝既方法蒜蓉蒸，清清地，唔油利飯後送紅豆沙，煲得太爛