盈圖

營業中

休息中

有間叫做盈圖嘅餐廳，位於大角咀，啲菜好食又超值🔥特別嗌吸引人嘅乳豬龍躉宴，我地一家人聽完後決定試下。打電話book位，一入到餐廳，環境正！乾淨又舒服啱晒大家族聚會。1️⃣鴻運乳豬全體🐷乳豬皮身燒得超脆，肉嫩滑有肉汁，又唔會過於油膩， 豬肉嘅味道好香，而且好腍好好食2️⃣遠年陳皮一字骨🍲用左陳皮佢個味道 有豬肉嘅香味，又有陳皮又香又甘，每一口都感受到滿滿嘅豬肉香味， 唔錯唔錯！3️⃣️龍蛟皇螺鮑片扣鵝掌🐚 炆得爛熟嘅鵝掌，加埋芡汁一齊食真係好夾，而且呢一度嘅鮑片亦都份量十足4️⃣清蒸大沙巴龍躉🐠魚肉肥美，清蒸起來更能保持住魚肉嘅鮮嫩，為飯局錦上添花。總括嚟講，食到咁嘅質素嘅中華菜式，絕對係超值👍🏻！

今日同班同事一齊試咗一間裝修優雅且有中華特色嘅餐廳，就係大角咀嘅盈圖，餐牌清晰，食物種類好多，真係好吸引啊！😍👍🌸 首先就要提個「原隻鮮蝦腸」，真係流晒口水，由蝦仁做成嘅腸，份量好足，蝦味豐富，食落去Q彈又滑口，簡直係極品！🍤💯🌸 同時，我哋又試咗「真功夫潮州粉果」，粉果煮得剛剛好，喺口中慢慢咁溶化，係我食過最好食嘅粉果。🌸 餐後甜品唔可或缺嘅就係個「黑金流沙包」。第一口已經被那甜滋滋、滑溜溜嘅流沙迷倒，食落真係覺得滿心歡喜。🌸「黑毛豬叉燒包」精緻嘅叉燒包，黑毛豬肉粒叉燒好香烈，每一粒都充滿豬肉嘅原汁原味。🌸 最後就係「健康紅米魚茸脆竹腸」，秘製紅米粉糰，又鬆又彈牙，令人欲罷不能，一試愛上！🐟🍚💖總結嚟講，呢間位於大角咀嘅盈圖，餐廳環境舒適，食物小巧稱心，絕對符合我對餐廳嘅所有期望。

好耐都無嚟呢間盈圖嘅，今次終於有機會book咗位帶埋一班鬼馬朋友嚟到呢度食晚餐啦！🔔🤝🤝🤝超值乳豬龍躉宴🤝🤝🤝一直聽講佢哋超值乳豬龍躉宴幾抵食，而家終於有機會試到啦‼️‼️哈哈🐠😽😽😽 鴻運乳豬全體 😽😽😽鴻運乳豬全體嘅味道係真係好正！皮脆得剛剛好，食落口先有口感，之後就全部乳豬嘅油脂味道熔咗入口裏面，真係太好食啦！😺😸🤣🤣🤣上湯焗皇帝蝦球伊麵🤣🤣🤣跟住黎個上湯焗皇帝蝦球伊麵，正！有皇帝蝦，有伊麵，一個字，爽！蝦肉非常彈牙！👐👐👐遠年陳皮一字骨👐👐👐遠年陳皮一字骨絕對係呢度嘅必食美食！食得出陳皮嘅香味，配合埋呢個一字骨嘅豬肉香味，真係一試難忘😜✨✨✨龍蛟皇螺鮑片扣鵝掌✨✨✨龍蛟皇螺鮑片扣鵝掌超好食，鵝掌燜得好腍仲有螺片鮑魚一齊加埋，真係一次過食晒三種味道！👏🏼👏🏼味道極佳，越食越有驚喜！🤠🤠🤠清蒸大沙巴龍躉🤠🤠🤠呢個清蒸大沙巴龍躉我個人都好鍾意，本身龍躉嘅肉質就係好滑好有口感，而且鮮味十足！今次喺盈圖品嚐到嘅美食，都真係物超所值!

終於有機會帶埋男朋友嚟試吓喺大角咀盈圖酒樓嘅飯菜，聽講啲食物超讚👌黃金脆脆蝦丸：流口水指數💧💧💧💧💧蝦丸超級新鮮，油炸得完美！淨係睇到個名都知已經一流，男朋友話比一家咁多年食過嘅酒樓都要頂住⭐味道深入人心，新鮮唔泡，韻味完美👏😋。蒜香鮮蝦脆春卷：流口水指數💧💧💧💧💧春卷香噴噴撲鼻而來，同大部分春卷唔同，呢款由鮮蝦同蒜香味香氣組成，真係好入味😍💯味道好濃郁，香口同有淡淡嘅蒜味，有一種真正意義上新概念嘅春卷👍。鮮蝦菜苗餃：流口水指數💧💧💧💧💧佢嘅餃子感覺無得頂，壓住菜苗嘅氣香同新鮮蝦既味道好搭喎🤤餃子皮薄而有韌性，菜苗餡料味道突出，再同新鮮嘅蝦混合，真係食完都好開心💖。XO醬炒蘿蔔糕: 流口水指數💧💧💧💧💧蘿蔔糕落鍋炒得恰到好處，仲用上XO醬，炒得香味四溢，又有口感👌 。食落真係美味無比💗。養生五豆糕：流口水指數💧💧💧💧💧養生五豆糕，五豆足料分别有各自獨特嘅風味，一啖咬落，糕底香滑，豆顆粒飽滿，綠豆、紅豆、黑豆共同形成一個味覺饗宴，感覺整個人都被滋潤。食完今次晚餐，真係覺得好滿足，男朋友都不停讚好，啲菜式好精緻，上菜速度，服務態度都好正，總結就係值得推介，下次一定會再嚟架喇👍🏻。

同家中老人飲早茶，盈圖乃平靚正之選，值得推介！開咗鐵觀音，並非茶包貨色，而係非常濃味嘅真正靚茶葉，茶香撲鼻，入口濃郁，兩老非常滿意！叫咗三個早晨孖寶，每份$36.8，只牛肉腸粉稍為遜色，其他五個點心好好味，鳳爪排骨飯係濃濃嘅蒜香，飯粒分明，香煎蘿蔔糕有一條條嘅蘿蔔絲，潮州粉果包皮同埋筍粒花生餡嘅比例適中，比奧海城嗰兩間貴價茶樓傑出，味道亦比添好運優勝，不過入座後要等咗一陣先有夥計埋位招呼，呢個就要扣返少少分，部份點心忘記影相，大家有興趣不妨試吓，我真係覺得相當之唔錯。

喺盈圖嚟咗場味覺嘅顛覆之旅，嗱，聽日就係我個Blog必須分享嘅料理戰利品喇！首先，啲茶位真係好正宗，啖啖香滑嘅鐵觀音，飲過之後感覺喉嚨好舒服，正啦！跟住啲花生，唔一般嘅開胃前菜，香脆得嚟又唔油膩，唔小心就吞晒成碟嘞！再嚟講講嗰碟黃金鮑魚，真係叫我眼前一亮！四大隻、新鮮肉厚，啖啖肉嘅感覺真係嘆為觀止。加埋咗香菇嘅茸香，啲汁淋咗喺白飯上面，簡直太匙唔郁，食得我心滿意足！至於嗰煲燒汁茄子肥牛，講真，食落係正！肥牛嘅肉質雪滑得黎不失彈牙，夾埋茄子嘅軟滑，一啲都唔過份油膩，滋味一流！最後，提唔提得到，多謝你，西蘭花炒帶子，炒得出面焦焦入面嫩，好有料，每一啖都食得出對料理嘅尊重同心思。餐廳氣氛又舒服，侍應服務又貼心，我話你知，我一定會再嚟㗎！🍽️🥢👌

盈圖📍大角咀海庭道2號海富商場1樓106號舖親戚住喺個頭，約我哋食飯，食厭咗附近啲連鎖酒樓，決定試吓新野，呢間喺屋邨樓下，我估都係做屋邨生意，即管試下！🤣🧡食物一入座，就會俾一小碟花生我哋，一路食一路等嘢食嚟，都幾過癮🐟 老壇酸菜魚 $158用料意外地幾豐富，除咗魚片外，有豆卜、薯粉、芫茜、木耳、芽菜等，成個面盆咁大🫨我哋都幾慶幸冇落到白飯🤣魚片好嫩滑，冇骨，豆卜勁入味😝酸辣中酸嘅比例大啲，湯汁可以好順咁飲到，幾正🤩我諗多啲人嘅話，一人一碗白飯攞嚟撈湯汁食一定都好正～🦆 片皮鴨半隻 $58半隻片皮鴨先$58一定要嗌嚟試吓啦🤪份量唔係好多，兩個人啱啱好，皮光肉滑，鴨油勁香😚皮仲keep到香脆狀態😇餅皮之間有嘢隔住，唔會癡埋一舊係幾貼心嘅，整體好抵唔錯，但係可惜睇唔到片皮過程🫠🍰 椰汁糕 $15幾有新意嘅搭配，椰汁糕入面有啲啫喱，幾開胃～酸酸甜甜咁～顏色都幾好睇

今日搵friend去到大角咀，好耐冇飲茶食點心。見到而家好多特色點心，點都要試吓😅午市茶位@$12🔶原隻鮑魚燒賣（兩件） / 精～原隻迷你鮑魚，煙煙韌韌。🟡金湯小籠包 / 特～爆湯小籠包，一定要趁熱食。🔴🥟紅菜頭帶子餃 / 特～帶子味道鮮甜。入面嘅鮮蝦餡料，好重芫荽味。🟠🟢一口鹹水角 / 中～鹹水角內餡重五香味。🟣🍠紫薯流心球 / 大～好大嚿，外面脆卜卜又甜甜地，入面係熱辣辣嘅流心奶黃。🟨宮廷拉花糕 / 中～唔會好甜。🌶️XO醬炒蘿蔔糕 $58～ 唔會好辣，色香味俱全。🌟就黎做冬，大家唔想煮、出街食，最好去酒樓叫返一圍酒席，平日只係$1988 😬😬

上次用點心紙，我通常order會在白圈寫1然後圈住佢以証明order左1蝶，但係唔知邊個位當然係吾係白圈附近好似比人圈左，甘佢屈我哋要，經過幾次反覆投訴後，最終取消左，今次最離譜，又係比吾知邊個圈左，個經理仲寸嘴到話個個學我甘圈曬仲得了，態度奇差，當然我亦有X +丫回敬佢，酒樓D野食一般，我吾常來，今次陪老人家，酒樓單點乳鴿要$68，你地話以屋邨黎講價平定貴，我吾會再去幫襯，希望有人見到小心！加小心。

放假與家人飲茶，進去見到座位寛闊，而且生意很好，全場爆滿鮑魚燒賣（2隻） 放假吃好一點，選了鮑魚燒賣，燒賣大大隻肉質很鬆脆，好吃三文魚芝士脆蝦筒很濃三文魚味和芝士味，意想不到的足料，蝦筒炸得香脆，新式的點心盈圖蝦餃皇一籠4隻漲卜卜，皮很薄，裡面有幾隻蝦，每次飲茶必點姬松茸灌湯餃超大隻灌湯餃，湯汁鮮甜，餃肉帶淡淡松茸菇味，冬天暖胃之選藥膳雞腳超足料的藥膳，一上台已聞到很香藥材味道，雞腳炆得很冧，一入口便骨肉分離櫻花蝦豉油皇炒腸粉很大碟，豉油皇炒得很有鑊氣很香，櫻花蝦毫不吝嗇，整碟吃光總括來說食物大碟足料，新式點心熱辣辣上台，味道很好，推介

去左奧海城行下，攰攰地搵個地方飲下午茶，見商場裏都係熟口熟面嘅茶樓，上網搵下有咩揀，見近近地嘅海富商場有間盈圖，試下先。不斷有茶客進出，貌似好受街坊歡迎喎，就飲呢間啦。下午茶時段有特價點心紙，正價都唔貴喎🤤🥢家鄉煎茄子大大件炸茄子，熱辣辣正。🥢椒鹽魷魚鬚炸得香脆，多蒜正喎，夠哂味🤤🥢臘味糯米包越來越少見嘅糯米包，呢度蒸得軟軟糯糯夠香口😋🥢香芋燒腩卷冬天先出現嘅燒腩卷，芋頭軟綿綿，夾住已調味嘅五花腩，油脂甘香🤤🥢紅菜頭帶子餃賣相夠特別，帶子鮮甜，入面仲有唔少鮮蝦，不過紅菜頭味就唔太突出。🥢羊肚菌牛肉球加咗羊肚菌嘅牛肉球帶來一陣菌香，入面芫茜同馬蹄都落得多，幾正😆🥢蟲草花綿花雞雞件好多，調味都唔錯，不過略微油咗少少。🥢健康薑汁糕最後梗係要食返個甜品，質感做得幾好，煙韌又彈牙，薑汁香口，仲有啲紅棗味添😋兩個人食咗八個點心，埋單三百蚊左右，抵飲啦👍

今日去旺角買野之前同屋企人飲茶，搵到呢間係大角嘴叫盈圖既酒樓，性價比好高。我地叫左佢既二人餐，再加一碟點心同$2.8既金湯小籠包，都係$300埋單。酒樓坐滿全場咁制，啲點心其實都好新穎，$2.8金湯小籠包，個皮勁薄，又多湯汁，又有流沙豬仔包、蘿蔔絲鹹水角呢啲好吸引既點心。另外，佢仲有點心大拼盤，呢啲都同平時普通酒樓既點心都吾同，所以下次同朋友或同事都可以過黎食。奧運站行過黎都好近，十分鐘都唔洗，十分方便。

呢晚又約咗大角咀朋友👧🏻食飯，佢👧🏻問我想唔想食北京填鴨，我話似乎有一段時間冇食過，想食，於是朋友👧🏻又帶咗我嚟呢度開餐🤣$138「冰鎮咕嚕肉」：一個好大嘅盆裏邊放滿冰粒，跟住加咗咕嚕肉，賣相真係幾吸睛🤩，咕嚕肉外邊嗰層薄薄嘅糖衣被冰粒冰凍一吓，就變到有少少脆，又令到口感幾有趣🤣$148「京式片皮鴨」：片皮鴨外皮燒到脆脆哋，兼且 唔止有皮仲黐住好多鴨肉👍，配埋京蔥絲同埋青瓜條，用麵餅包住再沾甜醬，好味😋，唔用麵餅包住就咁食亦都好美味🤣；$148 真係超抵食🤩$108「紫薯淮山浸菜苗」：菜苗係白菜苗，夠新鮮，加埋 紫紫哋色軟軟哋嘅紫薯同埋白白哋色滑脫脫嘅新鮮淮山一齊用上湯煮，呢個組合幾新穎，兼幾好食🤣食完酒樓仲送咗個甜品，係「七彩椰汁啫喱」，唔係好甜，食得好開心🤣

媽媽介紹我去呢間位於大角咀嘅酒樓「盈圖」，主打新派粵菜，話款式口味岩我呢啲後生食🤣一於試下佢！🌟 茶位 $16@1位今次簡咗鐵觀音，好清香，好岩食完小菜解油膩👍🏻不錯！🌟 花生 $15餐前小食有花生，炸得好香脆，未上菜時食住傾下計，過下口癮都唔錯👍🏻🌟 黃金鮑魚雞煲 $128酒樓做緊一啲晚市優惠，呢道菜就係其中一款優惠，$100幾蚊就食到鮑魚，超級抵，仲要有四大隻，好足料！而雞煲都唔差，份量都多，而且件件都好大嚿，雞肉嫩滑，新鮮👍🏻用香蔥、薑爆香再炒，仲加左香菇，無論雞肉定鮑魚都好入味，好食又滋味👍🏻！重點個汁用嚟送飯啱晒😋！🌟 燒汁茄子肥牛煲 $108肥牛大大塊，食落好新鮮，而且唔會成舊都係肥肉，加埋燒汁同茄子一齊煮，茄子炆得好腍，好入味，整體食落又係好滋味，唔錯👍🏻！🌟 絲苗白飯 $16食小菜必配白飯😋👍🏻一碗超足料，兩個人食一碗就岩岩

最近同屋企人去大角嘴食飯，隨心咁入咗呢間酒樓食晚餐，估唔到又唔錯😳黃金鮑魚雞煲 $148鮑魚爽口彈牙，索晒個汁既味👍🏾雞肉嫩滑，加上索埋個汁，用嚟送飯真係一流🍚一品燒雞 - 半隻 $78雞肉好滑，仲好入味！真係做到皮脆肉嫩，唔使點醬都好有味😯呢個真心推薦👍🏾錦江海皇豆腐煲 $108呢個好有鑊氣🔥一嚟到仲會炸炸聲✨豆腐外皮帶微微脆，入面就好滑。要提提！個煲材料好豐富！仲有魷魚、蝦仁、北寄貝等等既海鮮，真係好滿足✨又係送飯之選😎