影片
小妹從來都未試過係openrice留言, 但為左呢間咁既野, 專登開個account唻"讚揚"佢7:30同一個朋友坐低就點野食.....例牌野: 蝦滑, 生根, 肥牛, 四寶丸, 炸魚皮, 粟米, 芋絲, 魚皮餃, 芝士腸...一路等, 一路等, 等到7:50先有野食, 仲要唻唔齊, 得4, 5樣野....落單既時候已寫明係得2個人食, 我都唔明, 點解會俾成4吋厚既肥牛我地, 一盆芝士腸, 一盆生根....邊食得晒呀, 個阿姐就二話不說, 好快地用佢唔知乾唔乾淨既雙手拎走左一半肥牛走....我呆左.....好啦...第一輪既野唻唔齊, 我咪再即時落紙再點囉, 再點蝦滑, 炸魚皮, 四寶丸.....等等等....等到成盆生根都食晒, 第二輸既野都未唻....好啦, 8:20p.m. 追個樓面阿叔啦, 佢又唔理喎, 視我而不見...... 叫佢加茶, 又唔埋.....我已經成肚火.....我朋友最抵死仲話要嗱嗱臨點包出前一丁食, 因為驚咩都無得食, 填唔飽個肚喎, 吹脹......8:30....叫既野全部都未唻, 我又再入第三輪紙, 等到8:50, 又再追阿叔....阿叔竟然唔打算幫我去check check, 直接叫我再寫紙再點過, 我嬲嬲地咪話我已經入左三次喇, 再入就第四次喇, 究竟係咪無蝦滑同魚皮餃, 阿叔竟然大大聲話: 入左三次都唔唻, 咪即係無囉, 你仲點唻做咩呀?!.................我激到噴火......我想反枱.....身旁既朋友仲抵死到話好彩叫左包出前一丁咋係我發緊火既時候...聽到啲侍應EE哦哦, 原來隔離有一枱未埋單就走鬼左喇, 咁又係既, 等咁耐, 又無野食, 又無人服務, 想俾錢都唔得啦...咪唯有走數囉.....呢間咁既野, 無服務, 無質素, 無野食......芝士腸無芝士, 肥牛又低質素, 用68蚊淨係食生根!!!!永世都唔會再去呀!!
繼續閱讀
呢間酒樓雖然食宵夜好平.但係真係貼錢買難受!因為你想點菜d侍應都係直行直過..叫左幾次都係叫你等等!之後就叫左企係隔離枱個唔知經理定老細叫佢落單..因為menu有特價小菜果d..問佢有無蒸魚佢話無.之後佢唔理我睇緊就拎開張特價牌..擺左一張點菜紙叫我自己畫就行返去隔離枱..我地無筆叫佢借佢行過黎好大聲+悔氣咁話:"自己睇啦!咪睇no.落囉!"我再問佢張紙d小菜係咪特價menu果d黎..佢指住張特價menu話:"你咪自己睇囉!呢度咪18!呢度咪$28囉!"我同媽咪都好嬲想拎袋走人.之後有個男侍應見唔對路先即刻行埋黎話幫我地落單..但係真係食到一肚火..無諗過叫人落單都俾人用咁差既語氣對待..就算佢唔係負責落單..佢都可以叫其他侍應幫手姐..洗唔洗咁既態度?!我又無得罪佢!嬲到我要特登開個ac黎俾負評真係第一次!
繼續閱讀
火龍果梅子骨個汁酸酸甜甜好開胃, d骨係略略炸過再燴返個汁, 食落唔會乾, d骨都幾多肉下, 其實好似京都骨, 不過有d火龍果撈埋一齊又幾fresh, 健康d海折拼燒腩仔海折份量少, 好爽口, 撈埋 d麻油芝麻好香, 燒腩仔個皮好脆ar!但唔會好肥, 瘦肉同肥肉相間, 好正~冬瓜盎入面有瑤柱, 蝦, 雞, 金華火腿, 蓮子, 豬肉片, 個湯幾清甜, d冬瓜軟綿綿畢極都有, 好抵食蒸白鱔好彈口ar, 肉質一d都唔梅, 豉汁蒸好惹味, 不過肥左d, 份量都幾多下
繼續閱讀
大小公子考試完畢, 明知道結果是個滿堂紅, 都要帶他們出來慰勞一番, 最辛苦莫過於婆婆吧, 一家大小就來嘆番個午茶. 沙田區食肆確實不少, 但要揀間較有水準飲茶的倒也不易, 平時偶有見到這裏也頗多街坊在排隊輪候下午茶市, 想必水準不俗. 坐定後, 方知這裏還有熟門報紙供應, 倒也招乎週到. 叫了一大堆點心, 還有燒腩仔和沙田乳鴿…等, 相當豐富! 推介燒腩仔, 一層肥一層肉, 皮都好脆, 只是唔夠熱, 但已在水準之內! 臘腸卷及墨西哥义燒包, 包很軟身, 予人一咬就知是新鮮貨式! 其餘的蝦餃, 炸雲吞, 蝦腸都弄得很好, 夠水準! 只是那乳鴿則還未夠火喉... 皮不夠脆, 肉有點鞋.寫食評時才知多數食家都是寫晚市火鍋, 其賣這裏的點心真的不錯! 唯一和晚市一樣的就是服務水平, 真係唔多掂!
繼續閱讀
第二次光顧任食火鍋$68人頭,加一加茶錢6人,坐半圓形卡位第一次交左紙之後,d配料未黎既時候,我地再畫第二張紙,點知有個呀姐叫我地唔好畫住,佢話等第一輪出左之後先好畫第二張,個男部長係個呀姐後面啤啤槓,唔知佢地有咩用意啦,但話明任食,咁我地畫幾多都得啦,點解唔俾我地畫呢?第一輪食完之後,就交第二張紙,所有魚類的配料都欠奉=漏單我地就追單,點知個女部長d服務就真係好差劣,一句話【唔知wo】就行左去咁我地唯有再畫過啦,點知都係漏鮮魷中途我地不斷要求加水,豉油,醬料之類d侍應只會直行直過,無論我地揮手,大叫,佢地都視而不見,旁若無人,只會做自己的工作我地個火鍋最後煲燶底睇返成間酒樓,面積唔大,有好多員工,但點解佢地d工作效率會咁差?反觀食物方面,蝦滑,鮮牛肉,魚....大部份都算合格,份量適中而價錢尚算抵食,除左火鍋,重可以叫餸食飯最後一提,記得幾個月之前,大約12人去食火鍋,接受訂位,但今次6個人訂位,唔知係咪生意額低既關係,遭拒絕我覺得呢樣唔合理畢竟,沙田區可以任食火鍋,就只有這間酒樓了如果你想食廉價火鍋,就不妨試下呢間酒樓,但不要期望有甚麼服務質素汽水$12/3罐,只有新奇士品牌,別無它選茶錢$9/一位結帳每人約$90,火鍋兩小時三十分鐘
繼續閱讀