皇茶冰室 (已結業)

見到食評講到驚為天人，話幾滑幾好食，味道ok, 入去試試。大家介紹叉燒海鮮滑蛋飯，話個叉燒肥瘦適中，滑蛋滑好味，一食好普通，講真叉燒好硬蜜汁唔夠，滑蛋正常，未話好特別。叫左第二樣，滑蛋奶油豬羅宋湯通粉瑞士汁雞比，先講羅宋湯通，稀既湯正常味道，個瑞士汁雞比同街邊買一隻油雞比一樣味道，無乜特別，個餐唔值咁貴囉，隔離樓上冰室我食完又再食真係好食過哩間皇茶冰室好多，個瑞士雞比入味重口味，個蕃茄通係食過最好食，就算勁飽都要飲哂d湯，人地個d 真係驚為天人。再講個滑蛋豬仔包，滑蛋正常，豬仔包個包好硬唔夠鬆軟，真係唔會再食下次。

荃灣路德圍開了一家皇茶冰室，裝修不錯，招呼也殷勤。KING 餐看著吸引，於是點了厚切豬扒出前一丁。豬扒有一隻手這麼大，厚度還是可以接受的，雖說不上很厚，豬扒夠軟。配送的牛乳炒蛋很滑，奶油豬很脆。送的奶茶夠香滑，46元，掋食。

冰室黎講，呢間算坐得舒服，侍應態度好好。食下午茶要搵特色野食，華田脆爆西多士，睇個名就夠特色啦！脆華田鋪面，西多做得夠juicy, 假如麵包厚多少少，就更加正。朋友食個鰻魚炒飯，炒得好靚，試食左一啖，非常好味，下次要黎幫襯午餐。

星期日lunch梗係落街食今日皇茶冰室 ，呢間裝修環境唔錯由於時間尚早約12:00人唔算太多坐得舒服 唔洗搭枱兩個人分別叫了午餐咖喱雞球焗意粉同茄子斑腩飯咖喱雞球焗意粉 焗得好香雞球好食 唔太大舊 易入口有少少在面焗到有少少燶 好好食雖然係焗 但等侯時間唔耐 都好快約5-10分鐘茄子斑腩飯 唔知點解反而等耐啲約15分鐘茄子同斑腩算係正常唔會有驚喜啲飯有啲凍 呢個要減一減分埋單兩個人$99連飲品正價比 唔錯 值得一黎宜家午餐要$50都正常

我之前某一家茶餐廳吃過叉燒滑蛋飯很好吃的。後來對於叉燒滑蛋飯很有講究。叉燒不要有筋。叉燒必須要有嫩。滑蛋就是需要滑蛋。甜醬油需要很香。就是說：叉燒+滑蛋+甜醬油+白飯的比例剛剛好才好吃。當然我期待在皇室冰室看到叉燒蝦仁飯相片時想試一下。花了58HKD我開始吃了。叉燒有筋。咬不了。口香糖一樣。咬一咬，咬一咬，之後把它吐出來🤮蝦仁沒有味道。不是很新鮮，就是冷凍蝦仁溶化之後味道都出去了的感覺。這兩件事我已難受。花了58HKD吃難吃的東西非常不愉快。就是說滑蛋+甜醬油+白飯就可以接受。叉燒不能容忍。蝦仁不能容忍。皇室冰室應該需要改善叉燒蝦仁的質量。假如不能改善的話，滑蛋，甜醬油，白飯就可以了。能做好吃的餐開始提供給客人。客人期待吃飯時的好心情好感情。吃完了之後，很舒服。很滿足。就是有滿足感。原來叉燒滑蛋飯是非常好吃的。這次叉燒質量和蝦仁質量破壞整個叉燒滑蛋飯的驕傲。沒人說就沒有改善。所以我這次強調說。也許是整個香港的叉燒的質量的問題也有。蝦仁是大部分是冷凍蝦仁。所以蔥花滑蛋飯+特製甜醬油就可以了。這個餐的優勢提高，把缺點減少。再說一遍，叉燒質量很可惡。蝦仁質量很可惡。達不到質量不需要提供客人了

近來又翻起冰室熱潮，愛吃茶記的我跟車爸爸見到荃灣開了間皇茶冰室，那便一於試試吃吧！ 皇茶冰室位於荃灣路德圍，對我們來說很方便，門面都算型仔，但內裡裝潢就很簡單不算大有特色！ 看看檯和牆上只有飯餐，心諗咁大件事我怎可吃一個飯餐啊！ 問侍應姐姐之後才得到單點餐牌和一些King Set，一看已不用問A餐吖唔該！ 先來的是 A餐＄46包括有招牌沙嗲牛肉出前一丁，配北海道3.6牛乳炒蛋和奶油豬，連咖啡或茶都十分豐富！ 北海道3.6牛乳炒蛋色香滑也俱全！但沒有鹹味可以自行加上鹽花和胡椒粉，而奶油豬都算軟熟如果可以脆口些就更加吸引！ 而招牌沙嗲牛肉出前一丁的沙嗲不是不好吃，但極像火爐的沙嗲湯底並非茶記那滋味！ 另外叫了厚切椒鹽豬扒飯＄50，厚切椒鹽豬扒飯看到巳覺過火了，吃下肉質較粗也不打緊！最差是鹹到一個點，我吃了一口後不得不放棄！ 第一次幫襯不知茶底質素！所以我要了凍檸檬茶少甜套餐加＄3，茶味和檸檬都不算香濃，但起碼沒有反茶已可收貨！ 車爸爸的熱奶茶就沖調得十分不俗，茶香算足口感亦順滑絕對有料到！ 回外家途中經過雜貨舖看見一對睡得懶洋洋的

抱着好奇的心叫了一個滑蛋叉燒海鮮飯外賣，打開的瞬間完全：嘩! 了一聲。蛋真的非常非常滑，而且生熟度適中看圖就知道叉燒是完美的半肥瘦分佈!唯一可改進的地方是叉燒，如果焦及蜜汁味突出一點會比較好。這間店真是卧虎藏龍呢下次會試焗豬扒飯。

依家啲茶餐廳都裝修得好靚，今日收工去咗路德圍一間叫餐廳食飯～唔知開咗幾耐呢？但係好新淨裝修對於一間茶餐廳都好靚，起碼座位舒適寬敞朋友帶咗一個叉燒海蝦炒蛋飯（配特製皇茶甜豉油）一嚟到賣相都唔錯最欣賞係佢個炒滑蛋，好厚身分量多好滑嫩飯就煮到一粒粒唔會一pat野仲有蝦仁啦同埋叉燒份量都唔少呢個質素，連買嘢飲$58其實都差唔多～(凍飲當然要加3蚊）然後我就叫咗一個鴛鴦扒飯配蒜蓉汁咁就係豬扒加雞扒普普通通啦都唔會話特別好食又或者特別難食咁佢豬扒同雞扒都厚身嘅，飯量都好多連埋嘢飲$48都ok既如果男人食咗一定夠晒飽女人食就應該食唔晒（太多飯）或者應該一早嗌意粉比較好我叫咗杯熱奶茶，但係個杯就比較細，少左d咁～如果用返圓闊身果隻比較好～總括嚟講呢間野都ok既～坐得舒服嘅我都會選擇呢間

在荃灣都好難搵泊車位，路德圍有比較多錶位，就算搵唔到，亦可以泊係餐廳門口，一路食一路看住架車，今朝同老婆食早餐，香茅豬扒麵，無什麼香茅味，但黑淑味幾特出，麵底無正宗公仔麵，因為見到好多公仔麵紙箱！

話說今日同個朋友係荃灣hea住等人，正值中午時分，我地兩個都未食lunch，就諗住揾間舒服啲嘅餐廳坐下 落左路德圍揾野食。結果去左『皇茶冰室』見入面啲位都多嘅，不過星期日嘅lunch hours就好爆（全個路德圍都好爆🙈）好在咁岩有人埋單，我地唔洗點等位就入到座，不過⋯⋯要搭枱⋯⋯因為夜晚準備食大餐🤤所以我地兩個share一個「星洲炒米」一上枱個賣相都吸引嘅，色水靚，料多，份量都多都有三～四碗份量，我地兩個人食都好夠！但係食左一兩啖覺得好咸好口渴😓😓價錢又唔係話好貴，不過荃灣黎講可以平啲囉～同埋食物質素可以好一點！

關係明明好似有進展, 這幾天又忽然變得冷淡, 女人心真的好難捉摸, 苦榮的心情再一次跌落低谷.  撈麵是餐廳的招牌, 有手指公圖示. 可是賣相完全唔吸引, 以為印尼撈麵會惹味, 結果又唔係, 我自己諗多左, 只有XO醬的小小辣味.   還沒留意, 原來麵餐有跟奶油豬. 明明香甜脆口, 但現時的苦榮卻已接受不了太甜, 可能是心情太苦吧. 小甜的凍檸茶, 就可以喝得下去.   祈求天父做十分鐘好人, 教教苦榮應該點做?

荃灣一向都好多餐廳, 總係食極都食唔完, 今日經過依一間位於地鐵站只係五分鐘路程既冰室, 門口已經見到好乾淨, 裝修都有花少少心機, 今日我同老公兩位分別叫左瑤柱蛋白炒飯+ 鮮茄豬扒焗飯, 唻得冰室又點少得少埋紅豆冰! 先講下瑤柱蛋白炒蛋, 粒粒飯都炒得好乾身, 絕對冇痴住一舊舊, 瑤柱甜甜地, 推介！ 另外個焗豬扒, 未食一上枱已經覺得好靚仔！ 豬扒大大塊, 蕃茄好新鮮, 酸酸地好開胃, 唔覺唔覺可以食哂成盤, 最後試埋奶茶紅豆冰, 香既豆味加奶茶, 估唔到又幾夾啵！依家要搵一間冰室都難搵, 依一間仲要好味！推介！

叉燒海蝦炒蛋飯 Scrambled eggs, Roasted pork & shrimps with rice (HK$58 dinner set with drink) Ranking: 4/5 ⭐️其實茶餐廳最緊要食果種今時今日喺香港已經好難搵到嘅窩心人情味，呢間荃灣嘅茶記次次態度都好好，而且今次個叉燒蝦仁滑蛋飯亦非常出色，好滑，亦有唔多唔少嘅甜鼓油，蝦仁爽脆，好值得一推。Actually it's the friendly service and people which rarely exist nowadays makes a "Cha Chan Tang" (Local Tea Restaurant) great. This Tsuen Wan Cha Chan Tang s staff are always friendly and this time the scrambled eggs rice are magnificent, silky eggs with the right amount of sweet soy sauce in the rice, the p

好鍾意冰室，好有懷舊既感覺，而家既冰室都比較乾淨企理，呢間都幾好，我見人人都叫呢個皇牌，而望落又好吸引所以都叫黎試下先，鮮蝦叉燒炒蛋飯，果然色香味俱全，鮮蝦大大隻，好新鮮爽口，叉燒唔肥，最緊要蛋炒到好滑滑，仍流有蛋汁，整個飯口感賣相一流，令人好回味，再配埋咸檸七，清熱消滯。而朋友就叫左個蝦干蒸排骨配白飯，這個亦好香口美味，我試左蝦干，好大隻好香口亦好有口感，排骨亦醃到好入味，蒸到剛剛好，不會太老好硬，原來咁樣蒸排骨都咁好味，正，下次我要試下呢個先。

<好耐冇食過男人浪漫啦😂>今日喺路德圍做完野 經過荃灣 就諗住食個 tea , 但甘為食既我好多喺附近既野都食過哂 於是就黎到呢間對我黎講算新既 皇茶冰室😂 入面環境乾淨 有幾多卡位同4 人長枱 食物 menu都係冰室茶餐 碟頭飯 薯條漢堡炸脾之類既野食 我就點左 個😈🍴皇茶豆腐火腩飯 (男人既浪漫) 50 蚊 🍚🐷凍飲加3 蚊 (凍啡少甜) ☕飯大慨有1.5 碗飯 正常 size . 但佢 d肉同豆腐好多 落足料 豆腐係類似紅燒豆腐出面爽脆 入面豆腐味濃嗰 d 唔錯 火腩厚切 肥瘦適中 有 d軟骨位 🐷 而佢既汁偏濃同黏稠 就甘撈火腩 唔得 但撈埋飯就剛好 唔錯💪🏻🍴奶油豬 16 蚊🐷奶油豬 大大塊切成兩邊 佢外表焗得好脆 包皮好香 呢個我好欣賞 😃 上面既奶油 都幾香甜 呢個要襯奶茶 或者咖啡之類飲品😃#奶油豬 #豆腐 #火腩 #豆腐火腩飯 #凍啡 Score 平均分 <6.8/10>Taste 味道：👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻