皇庭匯 (已結業)

又是周六的溫馨日，入麗城薈飲茶，只新開張兩三天的皇庭匯人頭湧湧，我們排了一陣子便可入內，地方不錯，枱與枱之間有足夠空間，但注意他們可以搭枱的，今天午餐結帳亦只收現金。我們點了一個菜遠斑球炒河 $98，這個炒河幾好，斑球彈牙爽口，質素不錯而且唔會太鹹，河粉的味道也不錯，不會太肥膩，菜遠青綠夠熟，最怕有些蔬菜不夠熟以至不能進食。時菜鯪魚球 很實無魚味，我覺得很腥即使加了胡椒粉都不行。薑汁雞包仔 皮很厚 饀料還算好味。值得一讚是他們新開張人手足夠，服務員有禮，尢其是上菜的姐姐很有笑容及禮貌。新舖要時間磨合，希望大家能有一個飲早茶的聚腳點。

今日星期日一早表姐打嚟話記得媽係今個月生日兼且就嚟中秋節，所以就約我們一齊去佢屋企附近荃灣麗城薈商場睇吓去邊間店飲下午茶！去到之後我們諗緊究竟食台灣菜定係西餐嘅時候，我們見到有間酒樓新開張，堆滿好多花籃，行近啲睇原來係「皇庭匯」喺呢度開新分店，所以我們就叫表姐一家話喺呢度食，因我們之前喺「皇庭匯」其他分店食過，一直都覺得他們嘅出品相當唔錯，所以我們就決定入去食下午茶！因當時都幾多人等位，所以我們都等咗超過半個鐘以上先有位飲茶，坐低後我們問店員是否今日新開張，店員話：「唔係呀！星期四嗰日已開咗喇！」我們叫咗皇庭匯蝦餃皇係他們嘅招牌必點嘅點心，超晶瑩薄身嘅餃皮，包著非常爽甜彈牙嘅蝦肉，真係好正兼保持到一貫嘅水準！蔥花豬手嘅豬手係有預先汆過水，再有冰水浸泡過，所以唔會好油膩，而且肉質非常爽滑煙韌，再配上秘製嘅醬汁，令到味道極之惹味！蜜椒鷄中翼炸得好香口酥脆，淋上香甜微辣嘅蜜糖黑椒汁一齊食，真係超級惹味呀！由於喺飲茶期間，店員一直向我們推介話，晚市嘅小菜好抵食，所以表姐就話好啦，晚飯都喺呢度食啦！之後我們喺度等食晚飯嘅時候，諗著喺周圍附近行吓，點知未行出舖面已經有重大發現，原來他們除咗酒家呢邊