皇府 (已結業)

約晚上七點多到了又一城，大部分的餐廳也排長龍，見皇府只等5張枱，小朋友可邊欣賞別人溜冰邊等位，等了約半小時終於可入坐。我們2大2小點了一個二人套餐，另點多一客叉燒伊麵。二人套餐包括一碟菜（我們選了芥蘭）、一碟小食（我們選了鴨舌）及自選小菜2款。我們選了燒鴨，外皮香脆，肥瘦適中，但肉質不是太嫩滑。另一款小菜是燒乳豬，味道不錯，但略嫌沒有肉，只有皮及帶少少肉的骨，未能滿足我的口味。芥蘭是白勺，細心地另上蠔油，但芥蘭有渣，而且較硬，不是太適合小朋友食。鴨舌配海蜇，很香麻油味，是全晚最欣賞的食品。叉燒伊麵的叉燒很大舊，而且是瘦叉燒，肉質也算稔，味道普通。伊麵味道不錯，不是太鹹。

今日黎到又一城, 全部都係西餐，想搵啲中菜食下，揀左呢間試下，試左招牌菜食神叉燒飯同鹵水豬腳仔，叉燒飯賣相好靚，仲熱辣辣，味道不錯，但稍為甜了些少，另外個豬腳仔都好香好入味，正啊👍👍👍，最後忍唔住再食多碟，因為份量真係太少，不過好好味，可惜忘記影相，下次會再來！！！！此店會收取茶位同加一服務費，埋單都要成2舊水，都幾貴下😂😂😂😂

今日下午我們喺觀塘做完嘢之後，我們去咗已經有好一段時間無去嘅九龍塘又一城行街，之後我們去咗「皇府」食晚飯！喺諗緊叫咩食嗰陣，我們問店員有咩招牌食物推介？店員就推介咗鮮蝦帶子雲吞麵同食神叉燒飯！鮮蝦帶子雲吞麵嘅麵質好爽口彈牙，而且都幾幼身，雲吞嘅皮好薄身嫩滑，蝦肉亦幾鮮味彈牙！而食神叉燒飯就係我們最期待嘅，叉燒嘅肉質非常鬆化軟滑，唔會有好硬實嘅感覺，蜜汁嘅味道亦好香甜，而鷄蛋就喺落單嗰陣店員會問我們想要太陽蛋或熟蛋？我們就揀咗太陽蛋，煎出嚟嘅效果好似熟咗啲啲，但就好香口！另外我們再單點咗老火例湯：木瓜花生豬骨湯煲得好夠火候，湯底嘅味道相當香甜濃郁！豉椒鷄絲炒河嘅河粉質感都幾煙煙韌韌，鷄絲嘅肉質好軟滑！去骨海南鷄飯嘅肉質好嫩滑，而油飯就有一股「油益味」，我們同店員講話有啲「油益味」，店員亦好有禮咁換咗一碗白飯畀我們，值得一讚！鮮鯇魚腩粥嘅粥底煲得好綿，味道好香甜，鯇魚腩嘅肉質相當鮮甜嫩滑！

服務態度勁差，尤其門囗個recept. 有位都要人等。問她有冇位，佢都費事答你。兩個人叫了兩個食神叉燒飯，飯凍叉燒硬。員工又個個面黑。在又一城是獨市生意，沒有同類選擇。但下次一定不再來。

叉燒控🍳

又一次失望！一次堂食，碗粥食到一半發現小強。兩次外賣，上一次叉燒飯，D叉燒又瘦又乾，心諗算吧，都冇得投訴。今次乳豬飯，收人$70一盒，全部係皮連肥層，冇肉，博人外賣睇唔到，超差！決定寫食評讓大家都知！

I visited this restaurant twice in the last week, I had char siu (cantonese roast pork) rice both times, it was not nicethe char siu was tough. On the last visit I also had wonton, the skin was too thick. This restaurant is not cheap but the quality is not good enough. Also, why is the tea always luke warm and not hot! 

今晚去九龍塘上堂，突然好想食叉燒，第一時間諗起皇府嘅食神叉燒飯，見唔洗等位就走去食。好耐冇來，原來裝修了，但menu溶溶爛爛咁，有d dirty叫了食神叉燒飯，等了幾分鐘就來了。賣相都ok, 但叉燒唔夠熱，太瘦，沒有肥肉，味道一般。煎蛋同個飯就冇乜特別。唔值$68一個飯對比之前食，食神叉燒飯失色了，好像退步了..

今天到又一城睇戲，順便食埋個lunch, 最後揀左呢間中式餐飲，叫左佢個招牌食神叉燒飯同埋鹵水豬仔腳，叉燒飯賣相都不錯，只碟仲印埋自己logo , 都幾有心思，講番個飯，D叉燒仲係熱辣辣，都幾夠味，不過應該稍甜，但女士們應該喜歡，再黎個豬腳仔，應該用左麻油來做，細細舊，好好味啊，食完都吾夠喉，津津有味！ 想叫多一個。總括來說間野D食物同環境不錯，但價錢較貴，要加服務費，不過下次還會試試其他！

每次去都失望而回，之前跑馬地店時被他的廚神义燒飯所吸引，當時义燒很淋，太陽蛋剛好，筷子一督蛋黃流出。白飯也剛好。現在又一城店，每次去都很失望，因义燒又硬又乾，飯硬過石頭，而且蛋已不是人手煎了，就像麥記用蛋帽煎，當然蛋黃也熟了。以為佢偶有失手，下次去又試多次，結果一樣。因為我是义燒迷，故一而再比機會。今次真的下定決心不再去皇府。

水準越來越差 食物質素 不穩定 什麼 叫做 米芝蓮， 叉燒硬過石頭， 碗飯大過你個頭， 落單 燒鵝瀨粉， 上菜是變左多毛 多骨嘅燒鴨瀨粉， 同佢講佢話係咁架啦， 要定唔要，唔要叉燒， Bad Qualities , bad service . i dont come and pay for your rent and salary . rubbish food ever eat.

黎都又一城踩冰，唔想食food court, 但又唔想咁貴，經過呢度見到幾企理，價錢又可以接受，就入去試一試！Menu睇見都想整碗雲吞麵。食神叉燒飯齋睇個名都好吸引，不過天氣咁熱唔想食飯。見到個燒鵝腸粉好特別，唔係度度都有，就試一碟。個粉較厚，不過皮滑，而且涵都多，個豉油甜甜地都幾好味，估唔到濃味嘅燒鵝配上腸粉都幾特別，有別於平時成日食嘅叉燒腸蝦腸牛腸。另外雲吞麵都爽口彈牙，冇鹼水味。雲呑大大粒，有幾粒蝦響入邊，撈埋小小半肥瘦豬肉都好香，雲吞皮好薄。湯底亦都好清甜。乾炒牛河就最好食！好食過一啲五星級酒店！河粉厚度適中，煙煙韌韌，入口香滑。牛肉冇用梳打粉醃，小小淋又保留牛肉嘅鮮味。加少少韮黃同芽菜落去炒增加口感。非常好食！原本都係諗住求其食，點知食落幾樣都唔錯！真係有啲驚喜！下次天氣凍返啲就會黎試食神叉燒飯。不過呢度雖然茶餐廳格局，但坐落好似茶樓咁，會先修＄8一位茶錢。

去咗九龍塘又一城行街，行到肚仔餓當然去搵嘢食啦。經過見到皇府嘅燒味掛住係櫥窗令我衝動地入咗去食返餐勁嘅。揀咗至愛嘅乳豬飯，大大的碟，乳豬皮，脆扑扑，一啲都唔帶肥，仲要啖啖肉。配上乳豬汁，回味無窮。

係又一城唔知穩咩食嘅時候，見到皇府，決定就呢間，因為之前上網睇食評嘅時候話呢度嘅燒臘都可以，特別係嗰個食神叉燒飯，唔係節假日而家都要排隊，不過人仲未好多，商場入邊D茶皮餐廳環境比出面嘅要好，要加收服務費。既然以燒臘出名，唔少得要點燒味，鼓油雞套餐，不過鼓油雞肉質唔系甘好，味道唔夠濃，有少少失望，叉燒飯套餐睇落唔錯，叉燒半肥瘦，肥瘦比例短路，唔系燒得硬邦邦嗰種口感，有少少軟，口感有少少甜，味道唔錯。雙拼叉燒都係甘好，但燒肉切得大舊左D，燒肉皮仲算燒得脆，但燒肉味道唔夠叉燒好，幾樣菜中都係覺得叉燒最好食。

位於又一城的皇府，有如IFC的正斗。裝潢高貴，整潔企理，店員打扮得官仔骨骨，價錢當然亦不遑多讓。未打開餐牌，已決定了。食神叉燒飯，多麼酷的名字，一股強大的氣勢。嚴選最優質、最嫩滑、肥瘦參半的進口純潔豬梅肉，不含抗生素、生長激素和常見豬隻病毒。新鮮優康蛋同樣不含抗生素、生長激素和腸道沙門氏菌。對食材如此講究，還用上一整頁的去介紹，突顯其鎮店之寶的地位。店員送上叉燒蛋飯。菜心爽口又有汁。煎得半熟的蛋，蛋白滑溜溜，入口一遍濕潤，且帶清香的蛋味。弄穿蛋黃，金黃的蛋液徐徐流出，蛋香濃郁，撈飯一流。正當我沉醉在一遍滋味之中，咬了第一口的叉燒，秒速從夢中驚醒。叉燒毫無蜜味，硬得誇張，嚡得過份。每一啖叉燒，起碼要咀嚼20下，硬得都不想再咬，唯有說服自己當練牙力。乾得可怕，與又濕又腍的白飯完全相反。跟公司飯堂＄20的叉燒飯，港大飯堂當年$17的單併燒味飯相比，這簡直是不值一提，不屑一吃。沒想過食神叉燒飯，竟是令人如此失望。唯一值得一讚的是，舒適的環境和有禮的服務。為了美味的叉燒，心甘情願奉上數百元在酒店中菜吃西班牙黑豚肉叉燒，也覺得一試無妨。可是，這$62是我的追求叉燒之旅中，花得最不值的$62。